https://www.facebook.com/636119259578681/

LIPA WHITE Mosque - Official, Lipa City (2026)

10/08/2026

TOP 5 PINAKILALA SA PILIPINAS NGAYON BILANG HALAL CERTIFYING BODY NA DAPAT ALAM NATING KAMUSLIMAN

1. ISLAMIC DA’WAH COUNCIL OF THE PHILIPPINES, INC. - IDCP
Pinakamatanda at pinakakilala.
Ito yung madalas maglabas ng advisory at may sariling Halal logo.
NCMF-accredited at recognized locally 8628

2. HALAL DEVELOPMENT INSTITUTE OF THE PHILIPPINES, INC. - HDIP
Isa sa "major halal certifying bodies"
NCMF-accredited din at active sa Luzon, Visayas, Mindanao 86288808

3. HALAL INTERNATIONAL CHAMBER OF COMMERCE AND INDUSTRY OF THE PHILIPPINES - HICCIP
Based sa San Juan, Metro Manila
NCMF-accredited at recognized din sa Malaysia, Singapore, Thailand
Isa rin sa 5 local certifiers na in-extend ng Halal Board e4736179089b

3. MINDANAO HALAL AUTHORITY - MinHA
Based sa General Santos City
Isa sa pinakamalakas sa Mindanao. NCMF-accredited at kasama sa 5 local certifiers e4738808089b

5. PRIME CERTIFICATION AND INSPECTION ASIA PACIFIC, INC. - PRIME
Pinaka-importante sa export.
Sila lang ang unang at tanging Philippine-based halal certifier na recognized ng Saudi Food & Drug Authority - SFDA
Kaya kung mag-eexport ka ng pagkain sa Saudi, dapat sa kanila
DTI-PAB accredited din sila sa ISO/IEC 17065:2021 2aa0d0bb

IMPORTANTENG MALAMAN:

NCMF = National Commission on Muslim Filipinos ang nag-a-accredit sa mga local certifiers
DTI-PAB = Philippine Accreditation Bureau ang national accreditation body
RA 10817 = Philippine Halal Export Development and Promotion Act. DTI ang Chair, NCMF ang Vice Chair df249ebc089b

Paalala: Laging i-check kung valid pa ang accreditation at kung may logo sila na authorized. Tulad ng nangyari sa MF Superior Corned Beef, ginamit yung logo ng IDCP ng walang pahintulot.

- Mohammad Cana Elm Clips

10/08/2026

ANG PABORITO NATING NOODLES MULA PA NOONG PANAHON NG KABATAAN, HALAL CERTIFIED NA!

Ang Lucky Me! Instant Noodles at Pancit Canton na gawa ng Monde Nissin ay Halal Certified na sa Pilipinas.
Ang nag-certify: IDCP - Islamic Dawah Council of the Philippines.

Ang Lucky Me! at Pancit Canton ay dumaan na sa audit ng IDCP.
Ibig sabihin: Walang haram ingredients at Shariah-compliant ang process.
Patuloy tayong maging conscious Muslim consumers.

IMPORTANT REMINDER!:
Hindi lahat ng flavor at hindi lahat ng production batch ay sabay-sabay na-certify. Kaya ugaliin pa rin natin mag-check ng logo sa mismong packaging bago bilhin.

- Mohammad Cana Elm Clips

17/06/2026

❗𝗪𝗔𝗟𝗔𝗡𝗚 𝗣𝗔𝗚-𝗖𝗘𝗟𝗘𝗕𝗥𝗔𝗧𝗘 𝗡𝗚 𝗕𝗔𝗚𝗢𝗡𝗚 𝗧𝗔𝗢𝗡 𝗦𝗔 𝗜𝗦𝗟𝗔𝗠𝗜𝗞𝗢𝗡𝗚 𝗞𝗔𝗟𝗘𝗡𝗗𝗔𝗥𝗬𝗢 "𝗡𝗘𝗪 𝗬𝗘𝗔𝗥 𝗢 𝗔𝗠𝗢𝗡 𝗝𝗔𝗗𝗘𝗘𝗗"❗

NOTE: Ang unang araw ng buwan ng Muharram "1447" ay maaari sa araw ng Martes (June 16) o sa araw ng Miyerkules (June 17, 2026) depende sa resulta ng pagsilip ng buwan❗

👉 𝘼𝙣𝙜 𝙩𝙖𝙣𝙜𝙞𝙣𝙜 𝙞𝙥𝙞𝙣𝙖𝙜𝙙𝙞𝙧𝙞𝙬𝙖𝙣𝙜 𝙡𝙖𝙢𝙖𝙣𝙜 𝙨𝙖 𝙄𝙨𝙡𝙖𝙢 𝙖𝙮 𝙖𝙣𝙜 𝙀𝙞𝙙𝙞𝙡 𝙁𝙞𝙩𝙧 𝙖𝙩 𝙀𝙞𝙙𝙞𝙡 𝘼𝙙𝙝𝙖👍

- Sapat na ang malaman ang pagpasok ng unang araw (new year)❗

👉👉 Nilimbag ang Islamikong Kalendaryo upang malaman ang pagpasok ng taon, buwan, batayan sa mga kasunduan, mga mahahalagang kagananapan sa Islam tulad ng pagsasagawa ng Ibadah sa buwan ng Ramadhan, Hajj etc..

-Ang pagdiriwang at pagbabatian sa pagpasok ng unang taon "new year" ay hindi ginawa ng Mahal na Propeta sampu ng kanyang mga kasamahan (Sahabah), kanyang pamilya gayundin ang mga Salaf (sinaunang mananampalataya).

👉👉 HUWAG TAYONG MALILINLANG SA GAWAIN NG AHLUL BID'AH NA KANILA ITONG IPINAGDIRIWANG❗

👉 Nang tanungin si Shaikh Fawzan hinggil sa pagbabatian sa unang araw ng taon "new year in Hijrah Calendar" ay sinabi:
"Wala tayong alam na basehan hinggil sa bagay na ito "Walang batayan para sa pagbabatian"

-Walang naiulat mula sa Propeta sampu ng mga Sahaba (kanyang mga kasamahan) na sila ay nagbabatian sa tuwing papasok ang unang araw ng Muharram (new year)

-Wala rin naiulat mula sa Propeta na kanyang pinag ayunuhan ang unang araw ng buwan ng Muharram bilang pagdirawang sa pagpasok ng buwan❗❗❗

At ang pag-aayuno sa unang araw ng Muharram ay walang kahigitan sa pangkaraniwang araw.

Kung siya ay mag-aayuno upang ipagdiwang ang unang araw ng Muharram ay mahuhulog ito sa gawaing Bid'ah,
Ngunit, kung siya ay mag-ayuno hindi dahil sa pagdiriwang o pagbibigay halaga sa unang araw nito kundi siya ay nag-aayuno para sa kainaman ng buong buwan ng Muharram, ito ay ipinahintulot at isang mainam na gawain.

👉👉 UNAWAING MAIGI!!

👉Sinabi ng Mahal ng Propeta (sumakaya ang biyaya at kapayapaan): "Ang pinaka mainam na pag-aayuno pagkatapos ng obligadong pag-aayuno ay sa buwan ng Allah na tinatawag na Muharram" Inulat ni Imam Muslim

PINAGKUHANAN SA USAPIN:

-حديث: "أفضل الصيام بعد الفريضة شهر الله الذي تسمونه المحرم" أخرجَه مسلمٌ في صحيحه.
-قال الشيخ صالح الفوزان حيث سئل عن التهنئة بالعام الهجري الجديد فأجاب: ((لا نعرف لهذا أصلاً،"

✍️ 𝑺𝒉𝒂𝒚𝒌𝒉 𝒁𝒖𝒍𝒂𝒎𝒆𝒆𝒏 𝑺𝒂𝒓𝒆𝒏𝒕𝒐 𝑷𝒖𝒕𝒊

17/06/2026

𝐁𝐔𝐖𝐀𝐍 𝐍𝐆 𝐌𝐔𝐇𝐀𝐑𝐑𝐀𝐌,
𝐈𝐋𝐀𝐍𝐆 𝐊𝐀𝐀𝐋𝐀𝐌𝐀𝐍 𝐀𝐓 𝐁𝐀𝐓𝐀𝐒

الحمد لله رب العالمين، وبعد:

Unang isinagawa ang paglalagay ng petsa (Islamic Calendar), sa panahon ng pamumuno ni Omar Ibn Al-khattab (RadiyAllahu Anhu). At kanilang pinagpilian kung saan ito iuumpisa o ano ang magiging unang taon. May nagsabi na umpisahan kung kailan ipinanganak ang Rasulullah (SallAllahu alayhi wa sallam). At may nagsabi na umpisahan kung kailan Siya naging Propeta. At may nagsabi na umpisahan kung kailan Siya lumipat (Hijrah) sa Madinah mula sa Makkah. At may nagsabi na umpisahan kung kailan Siya pumanaw. At ang kanilang napili ay ang paglipat (Hijrah) ng Rasulullah (SallAllahu alayhi wa sallam) sa Madinah, kaya ito tinawag na HIJRIY CALENDAR. At pagkatapos ay kanila na namang pinagpilian kung anong buwan ang magiging umpisa ng taon, at Muharram ang kanilang napili. Ibig sabihin ay ang taong 0001 Hijriy ay noong lumipat (Hijrah) sa Madinah mula sa Makkah ang Rasulullah (SallAllahu alayhi wa sallam).
[Yundhar: Subulol Huda war Rashad fi Seerati khayril Ibad: 12/36-38, Fat-hol Bariy: 7/268]

𝘼𝙣𝙜 𝙗𝙪𝙬𝙖𝙣 𝙣𝙜 𝙈𝙪𝙝𝙖𝙧𝙧𝙖𝙢 𝙖𝙮 𝙠𝙖𝙗𝙞𝙡𝙖𝙣𝙜 𝙨𝙖 𝙖𝙥𝙖𝙩 𝙣𝙖 𝙨𝙖𝙜𝙧𝙖𝙙𝙤𝙣𝙜-𝙗𝙪𝙬𝙖𝙣 𝙣𝙖 𝙗𝙞𝙣𝙖𝙣𝙜𝙜𝙞𝙩 𝙣𝙞 𝘼𝙡𝙡𝙖𝙝 (𝙎𝙪𝙗𝙝𝙖𝙣𝙖𝙝𝙪 𝙬𝙖 𝙏𝙖𝙖𝙡𝙖).

Kanyang sinabi:

﴿إِنَّ عِدَّةَ الشُّهُورِ عِنْدَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ﴾ [التوبة: 36]

“Tunay na ang bilang ng mga buwan kay Allah ay labindalawang buwan, (mula sa) araw na Kanyang nilikha ang mga kalangitan at ang kalupaan. At kabilang sa mga (buwan na) ito ang apat na sagrado (na buwan).”
[At-tawbah: 36]

At ang apat na sagradong-buwan ay tinukoy ng Rasulullah (SallAllahu alayhi wa sallam). Kanyang sinabi:

«السَّنَةُ اثْنَا عَشَرَ شَهْرًا، مِنْهَا أَرْبَعَةٌ حُرُمٌ، ثَلاَثٌ مُتَوَالِيَاتٌ: ذُو القَعْدَةِ، وَذُو الحِجَّةِ، وَالمُحَرَّمُ، وَرَجَبُ.» [البخاري: 4662]

“Ang (isang) taon ay labindalawang buwan. Kabilang sa mga ito ang apat na sagrado (na buwan). Tatlong magkakasunod, Dhul Qa’dah, Dhul Hijjah, at Muharram. At (ang pang-apat ay) Rajab.”
[Bukhariy: 4662]

At ang pagiging sagrado ng mga ito ay dahil sa ang paggawa ng mga kasalanan dito ay may napakatinding parusa, at gayundin na ang paggawa dito ng kabutihan ay may malaking gantimpala kumpara sa ibang buwan. At ang mga buwan na ito ay lubos na dinadakila at iginagalang ng mga arabo; na kung makasalubong daw ng lalake ang kumitil sa kanyang ama ay hahayaan na lamang niya ito, bilang paggalang at pagdakila sa kasalukuyang panahon.
[Yundhar: Allubab fi Ulumil Kitab: 10/85]

At sinabi ng mga Ulama, na ang layunin kung bakit ginawang dakila ni Allah ang ibang buwan, tulad halimbawa ng buwan ng Ramadan, at ng apat na sagradong-buwan, ay upang ang pagiging mainam ng sitwasyon o kalagayan ng muslim sa mga buwan na ito, ay magpatuloy sa ibang buwan.
[Yundhar: Zadol Muyassar fi Elm At-tafseer: 2/257]

𝗜𝗟𝗔𝗡 𝗦𝗔 𝗠𝗚𝗔 𝗕𝗔𝗧𝗔𝗦 𝗦𝗔 𝗕𝗨𝗪𝗔𝗡 𝗡𝗚 𝗠𝗨𝗛𝗔𝗥𝗥𝗔𝗠:

𝙐𝙉𝘼: 𝙋𝘼𝙂𝘿𝙄𝙍𝙄𝙒𝘼𝙉𝙂 𝙎𝘼 𝙐𝙉𝘼𝙉𝙂 𝘼𝙍𝘼𝙒 𝙉𝙂 𝙈𝙐𝙃𝘼𝙍𝙍𝘼𝙈

May dalawang dahilan kung bakit nagdidiriwang ang mga nagdidiriwang sa unang araw ng Muharram:

🔹UNANG DAHILAN: Dahil sa ito daw ang araw na paglipat (Hijrah) ng Rasulullah (SallAllahu alayhi wa sallam) sa Madinah. At iyan ay hindi totoo, dahil naganap ang Hijrah sa buwan ng Rabie’ Al-awwal.

🔹PANGALAWANG DAHILAN: Ang sinasabi nilang New Year’s Celebration, o maaaring sabihin nilang Islamic New Year’s Celebration, o kaya ay “Amon Jadeed”. At ang unang nagsagawa niyan ay isang grupo sa Egypt na tinatawag na “Fatimiyyun”.

Ang mga nabanggit na dahilan ay pawang HINDI MAAARI, dahil ang pagdiriwang nito taun-taon ay MAIHAHALINTULAD sa Eidul Fitr at Eidul Ad-ha na isinasagawa taun-taon. Ibig sabihin ay parang ginawa na ring Eid ang unang araw ng Muharram. At ang Eid ay PANG-RELIHIYON NA GAWAIN, at hindi kaugalian lamang. Sinabi ng Rasulullah (SallAllahu alayhi wa sallam) kay Abu Bakr (RadiyAllahu anhu) sa araw ng Eid:

«يَا أَبَا بَكْرٍ، إِنَّ لِكُلِّ قَوْمٍ عِيدًا وَهَذَا عِيدُنَا.» [البخاري: 952، مسلم: 892]

“O Abu Bakr! Tunay na ang bawat nasyon ay may Eid, at ito ang Eid natin.”

Nang sabihin ng Rasulullah (SallAllahu alayhi wa sallam) na: “Ito ang Eid natin.” ay nangangahulugan na ang Eid ay kabilang sa mga batas ng Islam. At dahil diyan, malinaw na ang Eid ay PANG-RELIHIYON NA GAWAIN.

Kung kaya, KUNG IHAHALINTULAD ang unang araw ng Muharram sa Eid (na nasabi natin na ito ay pang-relihiyon na gawain), ay kailangan ng batayan (o dalil), dahil kung walang batayan ay maituturing itong BID-AH (pambabago), at lahat ng Bid-ah ay kaligawan. Sinabi ng Rasulullah (SallAllahu alayhi wa sallam):

«مَنْ أَحْدَثَ فِي أَمْرِنَا هَذَا مَا لَيْسَ فِيهِ، فَهُوَ رَدٌّ.» [البخاري: 2697، مسلم: 1718]

“Sinuman ang mambago (mag-imbento) sa relihiyon nating ito na hindi kabilang dito, ito ay hindi katanggap-tanggap.”

At sa ibang salaysay:

«مَنْ عَمِلَ عَمَلًا لَيْسَ عَلَيهِ أَمْرُنَا فَهُوَ رَدٌّ.» [مسلم: 1718]

“Sinuman ang gumawa ng gawain na wala dito ang aming patnubay (o kautusan), ito ay hindi katanggap-tanggap.”

At ayon kay Shaykhol Islam Ibn Taymiyyah (Rahimahullah):

«وَلِلنَّبِيِّ صَلَّى اللهُ عَلَيهِ وَسَلَّمَ خُطَبٌ وَعُهُودٌ وَوَقَائِعُ فِي أَيَّامٍ مُتَعَدِّدَةٍ، مِثْلُ: يَومِ بَدْرٍ، وَحُنَينٍ، وَالخَنْدَقِ، وَفَتْحِ مَكَّةَ، وَوَقْتِ هِجْرَتِهِ، وَدُخُولِهِ المدِيْنةِ، وَخُطَبٌ لَهُ مُتَعَدِّدَةٌ يَذْكُرُ فِيهَا قَوَاعِدَ الدِّينِ، ثُمَّ لَمْ يُوجِبُ ذَلِكَ أَنْ يُتَّخَذَ أَمْثَالُ تِلْكَ الأَيَّامِ أَعْيَادًا، وَإِنَّمَا يَفْعَلُ مِثْلَ هَذَا النَّصَارَى الَّذِينَ يَتَّخِذُونَ أَمْثَالَ أَيَّامِ حَوَادِثِ عِيْسَى عَلَيْهِ السَّلَامُ أَعْيَادًا، أَوِ اليَهُودُ، وَإِنَّما العِيْدُ شَرِيْعَةٌ، فَمَا شَرَعَهُ اللهُ اِتُّبِعَ، وَإِلَّا لَمْ يُحْدَثْ فِي الدِّينِ مَا لَيْسَ مِنْهُ.» [اقتضاء الصراط المستقيم لمخالفة أصحاب الجحيم: 2/123]

“Sa Propeta (SallAllahu alayhi wa sallam), ay mga sermon (khutbah), at mga kasunduan, at mga kaganapan sa mga araw na iba’t iba. Tulad ng (digmaan sa) araw ng Badr, at Hunayn, at Khandaq, at ang pagkabawi ng Makkah (mula sa Mushrikeen), at panahon ng paglipat Niya at pagpasok Niya sa Madinah, at mga sermon Niya na iba’t iba na binabanggit Niya dito ang mga alituntunin ng relihiyong Islam. At hindi dahilan iyan na ituring ang tulad ng naturang mga araw na mga Eid. Ngunit ang nagsasagawa ng tulad niyan ay ang mga Kristiyano, na itinuring nila ang mga araw ng mga kaganapan sa buhay ni Eisa (Alayhi Assalam) na mga Eid, o ang mga Hudyo. At tunay na ang Eid ay batas, at kung ano ang isinabatas ni Allah ay siyang sinusundan, at kung hindi (naisabatas), ay hindi maaaring mambago sa relihiyong Islam nang hindi kabilang dito.”

Gayundin, na ang pagdiriwang sa pagpasok ng Muharram, sa kadahilang pumasok ang bagong-taon, ay gawain na panggagaya sa ginagawa ng mga ibang relihiyon, lalo na ang mga Kristiyano, at iyan ay hindi ipinapahintulot sa Islam. Sinabi ng Rasulullah (SallAllahu alayhi wa sallam):

«مَنْ تَشَبَّهَ بِقَوْمٍ فَهُوَ مِنْهُم.» [الإمام أحمد في مسنده: 5114، ابن أبي شيبة في مصنفه: 19401، أبو داود في سننه: 4031، الطبراني في المعجم الأوسط: 8327، البيهقي في شعب الإيمان: 1154، وصححه الألباني في الإرواء: 2384]

“Sinuman ang tumulad sa isang pangkat (o nasyon), ay siya ay kabilang sa kanila.”

𝗣𝗔𝗡𝗚𝗔𝗟𝗔𝗪𝗔: 𝗣𝗔𝗚-𝗔𝗔𝗬𝗨𝗡𝗢 𝗦𝗔 𝗜𝗞𝗔-𝟭𝟬 𝗡𝗚 𝗠𝗨𝗛𝗔𝗥𝗥𝗔𝗠

Sunnah na mag-ayuno sa ika-10 ng buwan ng Muharram.

At ang ika-10 ng Muharram ay tinatawag na ARAW NG ASHURA, na sa araw na ito iniligtas ni Allah (Subhanahu wa Taala) si Musa (Alayhi Assalam) mula kay Fir-awn. Isinalaysay ni Ibn Abbas (RadiyAllahu Anhuma):

أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَدِمَ الْمَدِينَةَ فَوَجَدَ الْيَهُودَ صِيَامًا يَوْمَ عَاشُورَاءَ، فَقَالَ لَهُمْ رَسُولُ اللهِ صَلَّى اللهُ عَلَيْهِ وَسَلَّمَ: «مَا هَذَا الْيَوْمُ الَّذِي تَصُومُونَهُ؟» فَقَالُوا: هَذَا يَوْمٌ عَظِيمٌ؛ أَنْجَى اللهُ فِيهِ مُوسَى وَقَوْمَهُ، وَغَرَّقَ فِرْعَوْنَ وَقَوْمَهُ، فَصَامَهُ مُوسَى شُكْرًا، فَنَحْنُ نَصُومُهُ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «فَنَحْنُ أَحَقُّ وَأَوْلَى بِمُوسَى مِنْكُمْ.» فَصَامَهُ رَسُولُ اللهِ صَلَّى اللهُ عَلَيْهِ وَسَلَّمَ، وَأَمَرَ بِصِيَامِهِ. [مسلم: 1130]

Nang dumating ang Rasulullah (SallAllahu alayhi wa sallam) sa Madinah, natagpuan Niya ang mga Hudyo na nag-aayuno sa araw ng Ashura, at Kanyang sinabi sa kanila: “Ano itong araw na pinag-aayunuhan niyo?” Kanilang sinabi: “Ito ay araw na dakila, iniligtas ni Allah dito si Musa at ang mga tauhan Niya, at nilunod si Fir-awn at ang mga tauhan niya, at pinag-ayunuhan ito ni Musa bilang pasasalamat, at (kaya) pinag-aayunuhan namin ito.” At sinabi ng Rasulullah (SallAllahu alayhi wa sallam): “Kami ang mas may karapatan at mas malapit kay Musa kaysa sa inyo.” At pinag-ayunuhan ito ng Rasulullah (SallAllahu alayhi wa sallam), at ipinag-utos Niya ang pag-aayuno nito.

At ang gantimpala ng pag-aayuno sa araw ng Ashura, ay sinabi ng Rasulullah (SallAllahu alayhi wa sallam) na:

«يُكَفِّرُ السَّنَةَ الْمَاضِيَةَ.» [مسلم: 1162]

“Kapatawaran sa taon na lumipas.”

At may nabanggit na mga antas ng pag-aayuno sa Ashura:

🔹UNANG ANTAS: Pag-aayunuhan lamang ang araw ng Ashura, ibig sabihin ay isang araw lamang, ang ika-10 lamang. At iyan ay batay sa mga naturang Hadeeth.

🔹PANGALAWANG ANTAS: Pag-aayunuhan rin ang araw bago ito, ibig sabihin ay dalawang araw, ang ika-9 at ika-10. At iyan ay batay sa Hadeeth na sinabi ng Rasulullah (SallAllahu alayhi wa sallam) na:

«لَئِنْ بَقِيتُ إِلَى قَابِلٍ لَأَصُومَنَّ التَّاسِعَ.» [مسلم: 1134]

“Kung ako ay mananatili pa hanggang sa susunod (na taon), ay tiyak na aking pag-aayunuhan ang ika-siyam.”

🔹PANGATLONG ANTAS: Pag-aayunuhan ang araw bago ito at pagkatapos nito, ibig sabihin ay tatlong araw, ang ika-9, ika-10, at ika-11. At iyan ay batay sa Hadeeth na sinabi ng Rasulullah (SallAllahu alayhi wa sallam) na:

«صُومُوا يَوْمَ عَاشُورَاءَ وَخَالِفُوا فِيهِ الْيَهُودَ صُومُوا قَبْلَهُ يَوْمًا وَبَعْدَهُ يَوْمًا.» [البزار في مسنده: 5238، البيهقي في السنن الكبرى: 8406]

“Pag-ayunuhan niyo ang araw ng Ashurah, at salungatin niyo dito ang mga Hudyo, mag-ayuno kayo bago ito ng isang araw, at pagkatapos nito ng isang araw.”

At kung ano ang mas mainam sa tatlong antas na nabanggit, ay hindi nagkaisa ang ating mga Ulama.

Si Ibnol Qayyim, Ibn Hajjar, at gayundin si Shaykh Ibn Othaimeen (Rahimahumullah), ay kanilang sinabi na ang pinakamainam ay ang pag-ayunuhan ang tatlong araw, ang ika-9, ika-10, at ika-11. At kabilang sa kanilang batayan ay ang Hadeeth na naturan sa Pangatlong Antas.
[Yundhar: Zadol Ma-ad: 2/72, Fathol Bariy: 4/246, Fatawa liqaol bal al-maftuh lil Ibn Othaimeen: 95/13]

Gayundin, na maaaring sabihin kung bakit mas mainam ang pag-ayunuhan ang tatlong araw (ika-9, ika-10, at ika-11) ay dahil mainam ang magparami ng ayuno sa buwan ng Muharram. Tulad sa Hadeeth na sinabi ng Rasulullah (SallAllahu alayhi wa sallam) na:

«أَفْضَلُ الصِّيَامِ بَعْدَ رَمَضَانَ: شَهْرُ اللهِ الْمُحَرَّمُ.» [مسلم: 1163]

“Ang pinakamainam na ayuno pagkatapos ng Ramadan, ay ang buwan ni Allah na ang Muharram.”

At gayundin, na nasabi ni Shaykh Ibn Othaimeen (Rahimahullah), na kung pag-aayunuhan ang tatlong araw ay makakamit ang kainaman ng pag-aayuno nang tatlong araw bawat buwan.

At may iba pang pananaw hinggil sa kung ano ang mas mainam sa mga naturang antas. Gayunpaman, ito ay hindi na dapat pinagbabangayan pa. Alinman ang piliin sa mga antas na nabanggit, maging ang Ashura lamang, ay maaari rin, tulad ng naturan sa Unang Antas, at iyan ay walang kawalan. Bagkus, ang tunay na kawalan ay ang lumipas ang araw ng Ashura na hindi ito napag-ayunuhan.

والله أعلم، وصلى الله على نبينا محمد، وعلى آله، وصحبه، وسلم.

✍️: 𝙎𝒉𝙖𝒚𝙠𝒉 𝑨𝙢𝒆𝙧 𝙈. 𝑷𝙪𝒏𝙙𝒐𝙜𝒂𝙧

26/05/2026

"Hindi lahat ay Kayang Makarating sa Mecca, ngunit lahat ay Kayang lumapit kay Allah sa Araw ng ‘Arafah.”

- Muhammad T. Khalil

26/05/2026

﷽

𝐄𝐢𝐝'𝐥 𝐀𝐝𝐡𝐚 𝟐𝟎𝟐𝟔

- Jamah

19/05/2026

Muhammad ﷺ: The Most Influential Person in Human History

Si Michael H. Hart, isang kilalang American author, ay sumulat ng aklat na The 100: A Ranking of the Most Influential Persons in History noong 1978. Sa kanyang talaan ng mga pinaka-maimpluwensyang tao sa kasaysayan, inilagay niya sa unang pwesto si Muhammad ﷺ. Kasunod niya sina Isaac Newton, Jesus(peace be upon him), Gautama Buddha, Confucius, at Albert Einstein.

Ayon kay Hart, ang dahilan kung bakit niya inilagay si Prophet Muhammad ﷺ sa unang pwesto ay dahil siya lamang ang nagtagumpay nang lubos sa parehong “religious” at “secular” realms. Sa madaling salita, napag-isa niya ang aspeto ng pananampalataya at pamumuhay sa mundo. Sa pananaw nating mga Muslim, pinagsabay niya ang pang-dunyā at pang-ākhirah.

Bilang mga Muslim, maraming mahahalagang aral ang makukuha rito.

Una: ipinapakita nito na ang Islam ay isang kumprehensibong paraan ng pamumuhay. Hindi lamang ito nakatuon sa pagsamba, kundi sumasaklaw din sa lahat ng aspeto ng buhay; sa 'Aqīdah (paniniwala), ʿIbādah (pagsamba), Mu'āmalah (pakikisalamuha at transaksyon), Akhlāq (ugali), pamilya, lipunan, at pamamahala. Ang Islam ay hindi hiwalay sa realidad ng buhay; bagkus, ito ang gabay sa bawat bahagi nito.

Ikalawa: ang Islam ay isang balanseng relihiyon. Hindi nito itinuturo na pabayaan nang ganap ang dunya para lamang sa ākhirah, ni kalimutan ang ākhirah dahil sa pagkaabala sa dunya. Bagkus, itinuturo ng Islam ang tamang pagbabalanse ng dalawa. Kaya’t ang isang Muslim ay maaaring maging 'ālim, negosyante, g**o, scientist, professional, o lider, habang nananatiling matatag sa kanyang relihiyon.

Ikatlo: hindi dapat magkaroon ng malaking pagkakahati sa pagitan ng mga “ulamā’ ng relihiyon” at mga Muslim na nasa larangan ng agham, propesyon, o iba pang gawain sa mundo. Ang Ummah ay iisa. Ang bawat isa ay may kani-kaniyang tungkulin at kakayahan upang magtulungan para sa ikabubuti ng mga Muslim, basta’t ito ay nakabatay sa tamang 'Aqīdah at Manhaj.

Ikaapat: hindi basehan ng pagiging influential ang dami ng tagasunod o bilang ng mga tao. At higit sa lahat, hindi rin ito sukatan ng katotohanan. Maraming tao ang maaaring sumikat ngunit wala sa katotohanan, at may mga tao namang nasa katotohanan kahit kakaunti lamang ang sumusunod sa kanila.

Ikalima: hindi rin nangangahulugan na dahil kilala ang isang tao o tanyag ang kanyang mukha ay awtomatiko na siyang mapagkakatiwalaan o tama. Ang sukatan sa Islam ay hindi kasikatan o kasikatan ng mukha kundi ang pagsunod sa Qur’an at Sunnah ayon sa pagkaunawa ng mga Salaf al-Sālih.

At ang pinakamahalagang punto rito: si Propeta Muhammad ﷺ ay nagsimula sa pag-aayos ng 'Aqīdah bago ang lahat. Inuna niya ang Tawhīd bago ang politika, ekonomiya, o iba pang usapin ng lipunan. Pinagkaisa niya ang mga Arabo sa tamang paniniwala bago itinayo ang matatag na pamayanan at pamahalaan.

Sapagkat ang tunay na pagbabago ay nagsisimula sa pag-aayos ng paniniwala; sa sarili, sa loob ng tahanan, at sa komunidad. Kapag naitama ang 'Aqīdah, saka magiging matatag ang mas malaking lipunan. Kasabay nito, naglatag din ang Propeta ﷺ ng tamang pamamaraan(Manhaj) upang sundan ng mga susunod na henerasyon ng mga Muslim. Kaya iniwan niya sa atin ang Qur’an at Sunnah bilang gabay at batayan.

Kaya paano natin maisasantabi ang 'Aqīdah, gayong ito ang pundasyon ng tagumpay ng Ummah? Paano natin maipapahintulot ang Bid'ah na nagdadagdag sa relihiyon ng Allāh?

Sinabi ni Imam Mālik(rahimahullāh)
“Hindi maaayos ang huling bahagi ng Ummah na ito maliban sa pamamagitan ng kung ano ring nag-ayos sa unang bahagi nito.”

At ang nag-ayos sa unang henerasyon ay ang dalisay na 'Aqīdah o Tawhīd, pagsunod sa Sunnah, at paglayo sa mga Bid'ah na nagdudulot ng pagkakawatak-watak.

Wallāhu a'lam.

-Jabber Y. Mamoclo
Alumnus, IUM

Kabanata Arábe-Islámiko

18/05/2026

Kahit hindi ka masyadong relihiyoso o hindi pa ganoon ka-practicing, take time to learn about DHUL HIJJAH, because these ten blessed days might become the reason Allāh changes your life for the better.

Sa post na ito, pag-uusapan natin sa simpleng paraan:

-Kung ano ang Dhul Hijjah?
-Bakit napakahalaga ng first ten days nito?
-At alin ang mas mainam: the ten days of Dhul Hijjah or the last ten nights of Ramadhān?

In Islam, we have 12 months in the Hijrī calendar, and the 12th month is called Dhul Hijjah (ذو الحجة). Ito rin ang buwan kung kailan ginaganap ang Hajj sa Makkah.

Dhul Hijjah is not just another ordinary month in Islam. Isa ito sa pinaka-blessed na panahon for 'ibādah, forgiveness, and good deeds.

But what’s beautiful about this month is that the blessings are not only for the people performing Hajj. Kahit nasa bahay ka lang, busy sa school, work, or personal life, you can still gain huge rewards from Allāh through good deeds during these days.

According to authentic hadīths, the good deeds done during the first ten days of Dhul Hijjah are among the most beloved deeds to Allāh. The Prophet Muhammad ﷺ said that there are no days in which righteous deeds are more beloved to Allāh than these ten days.

The Sahābah even asked him, “Not even jihād?” and he replied: not even jihād; except for a man who went out with his life and wealth and never returned. Ganoon ka-special at ka-bigat ang reward ng mga araw na ito.

One important thing people sometimes misunderstand is this: the hadīth mentions all ten days, not just one specific day.

Minsan kasi sa socmed, ang focus lang ng iba ay ang first day ng Dhul hijjah, ang Day of ‘Arafah (9th day). Totoong sobrang special ng mga araw na iyon, pero the entire ten days are blessed and important. The reward mentioned in the hadīth is connected to striving throughout the whole ten days with worship and good deeds.

So during these days, Muslims are encouraged to increase in Salāh (prayer), Fasting, Dhikr (remembrance of Allāh), Qur’an recitation, Sadaqah (charity), Tawbah (repentance), Helping others, And all kinds of righteous deeds.
--------

What makes these ten days so special?

1.Good deeds during these days are greater than jihād

This is one of the strongest virtues mentioned regarding these days.

2.The Day of ‘Arafah is within these ten days

The 9th day of Dhul Hijjah is called Yawm ‘Arafah, and it is considered one of the greatest days of the entire year.

Para naman sa mga hindi nagha-hajj, fasting on this day is highly recommended. According to the hadīth, Allāh forgives the sins of the previous year and the coming year for the one who fasts sincerely.

3.These are the days of Hajj

These days are also known as Ayyām al-Ma‘lūmāt (الأيام المعلومات) mentioned in the Qur’an because they are the well-known days of the Hajj season.

4.‘Eid al-Adha is also within these ten days

------

Which is better:

the ten days of Dhul Hijjah or the last ten nights of Ramadhan?

First opinion: May mga 'Ulamā' na nagsasabi na ang ten days of Dhul Hijjah ay mas mainam kaysa sa ten days ng Ramadhān, habang ang ten nights of Ramadhān naman ay mas mainam kaysa ten nights ng Dhul Hijjah dahil naroon ang Laylat al-Qadr.

Ito ang opinion ni Ibn Taymiyyah at ng ilan sa kanyang mga students tulad nina Ibn al-Qayyim at Ibn Kathir.

Second opinion: May iba namang 'Ulamā' na naniniwala na mas superior ang days and nights ng Dhul Hijjah kaysa sa Ramadhān; except lamang sa Laylat al-Qadr. Ito ang opinion ni Ibn Rajab Al-hanbaliy

Isa sa kanilang evidences ay ang Qur’ānic verse: وَلَيَالٍ عَشْرٍ﴾ [الفجر: 1-2]
“Wa layālin ‘ashr” “By the ten nights.” Ayon sa majority ng mga 'Ulamā' sa Tafsir, ang tinutukoy sa 10 nights na ito ay ang unang mga gabi ng Dhul Hijjah.

Third opinion: May ilan ding 'Ulamā' na nagsasabing equal lamang sila. Ito ang opinion na iniuugnay kay Ibn Hibban.
------

REMINDER:
At the end of the day, a true believer tries to take advantage of every blessed season in Islam. Ramadhān is not the only time to reconnect with Allāh. These ten days of Dhul Hijjah are also a huge opportunity for spiritual growth, forgiveness, and reward.

Hindi natin alam kung maaabutan pa natin ang susunod na Dhul Hijjah. Kaya habang nandito pa ang mga araw na ito, let us try our best, even through small acts of worship. Minsan, isang sincere good deed lang sa mapagpalang panahon ay maaaring maging dahilan ng malaking pagbabago sa buhay ng isang tao.

Wallāhu a'lam

-Jabber Y. Mamoclo
Alumnus,IUM

17/05/2026

𝟖𝟑𝐫𝐝 𝐌𝐨𝐥𝐭𝐚𝐪𝐚𝐚 - 𝐆𝐞𝐧𝐞𝐫𝐚𝐥 𝐀𝐬𝐬𝐞𝐦𝐛𝐥𝐲 𝐟𝐨𝐫 𝐌𝐮𝐬𝐥𝐢𝐦 𝐖𝐨𝐦𝐞𝐧 𝐢𝐧 𝐋𝐮𝐳𝐨𝐧

May 18, 2026 | 8:00am - 4:00pm | Teodoro M. Kalaw Memorial School, Balintawak, Lipa City

Organized by : Mu'assasah Alhedayah Al-Islamiyyah Jama'ah Jaddaty, Lipa Batangas - Lipa Members

08/05/2026

𝐌𝐚𝐲 𝟖, 𝟐𝟎𝟐𝟔 | 𝐅𝐫𝐢𝐝𝐚𝐲

𝐑𝐞𝐩𝐚𝐢𝐧𝐭 𝐨𝐟 𝐨𝐮𝐫 𝐌𝐚𝐬𝐣𝐢𝐝. 🕌🖌️

Nasimulan na po ang pagpipintura ng ating Masjid. Alhamdulillah ✨ Ito ay naging possible dahil sa ating mga donasyon sa masjid at sa pangunguna at pamamalakad ng ating Jamah.

Pakambakaratn rktano oh Allah. (Ameen)

LIPA WHITE Mosque - Official

10/08/2026

10/08/2026

17/06/2026

17/06/2026

26/05/2026

26/05/2026

19/05/2026

18/05/2026

17/05/2026

08/05/2026

Address

Website

Alerts

Shortcuts

Share

Category

Listing takedown request