Redemptorist Lipa Mission Community

Redemptorist Lipa Mission Community A group of religious people and a mission to bring the people closer to God by courageous hope

Ikatlong araw ng Icon Mission sa Lumina Homes—isang araw ng pananampalataya na siksik, liglig, at umaapaw sa biyaya ng D...
23/05/2026

Ikatlong araw ng Icon Mission sa Lumina Homes—isang araw ng pananampalataya na siksik, liglig, at umaapaw sa biyaya ng Diyos para sa buong komunidad. 🙏💙 Sa pakikiisa at tulong ng San Sebastian Cathedral at Redemptorist Lipa Mission Community, naging makabuluhan ang araw na ito ng paglalakbay kasama ang Mahal na Ina ng Laging Saklolo.

Sa mga larawang ito, nasilayan ang taimtim na prusisyon—isang makapangyarihang patotoo ng pananampalataya at pagmamahal ng komunidad sa Mahal na Ina ng Laging Saklolo, habang ang biyaya ng Diyos ay dumaloy nang umaapaw sa bawat pusong nakiisa. Sa araw ding ito, mas malalim na nakilala ng mga mananampalataya ang Banal na Ikono ng Mahal na Ina ng Laging Saklolo—ang kahulugan ng bawat elemento nito at kung paano ito nagiging gabay sa ating pang-araw-araw na buhay, nagpapaalala na sa gitna ng ating mga pagsubok, naroon ang isang Ina na laging umaakay sa atin patungo kay Hesus. ❤️✨

Nagwakas ang araw sa banal na pagdiriwang ng Santa Misa na pinangunahan ni Fr. Jose Dela Cruz, CSsR, kung saan ang Mabuting Balita mula sa Juan 21:20-25 ay muling nagpapaalala sa atin ng paanyaya ni Hesus: “Sumunod ka sa akin.” Isang malinaw na hamon sa bawat isa na huwag tumingin sa landas ng iba, kundi maging tapat sa sariling tawag at misyon kasama ang Mahal na Ina ng Laging Saklolo na patuloy na gumagabay sa atin sa ating paglalakbay ng pananampalataya. 💙🙏

Sa araw na ito ng Icon Mission sa San Lorenzo, nagkatipon ang komunidad upang mas malalim na pagnilayan ang ating pagkat...
22/05/2026

Sa araw na ito ng Icon Mission sa San Lorenzo, nagkatipon ang komunidad upang mas malalim na pagnilayan ang ating pagkatawag bilang Simbahan—isang Simbahang hindi lamang nabubuhay sa panalangin, kundi isang Simbahang may misyon na maglingkod, magmahal, at magdala ng liwanag ni Kristo sa mundo. 🙏💙 Sa pakikiisa at tulong ng San Sebastian Cathedral at Redemptorist Lipa Mission Community, naging makabuluhan ang araw na ito ng pagninilay at pagpapanibago ng ating pananampalataya.

Sa mapagmahal na pagdalaw ng Mahal na Ina ng Laging Saklolo, muli niyang pinaalala sa atin na bilang Simbahan, tayo ay hindi tinawag upang manatili lamang sa ating sariling pananampalataya, kundi upang maging mga misyonero ng pag-ibig ng Diyos—lumalapit sa kapwa, nagdadala ng pag-asa, at nagiging buhay na saksi ni Kristo sa bawat tahanan at komunidad. Tulad ng Mahal na Ina na laging nagtuturo sa atin patungo sa kanyang Anak, tayo rin ay inaanyayahang tumugon sa ating banal na misyon nang may bukas na puso at tapat na paglilingkod. ❤️✨

Tunay na ang Icon Mission sa San Lorenzo ay naging paalala na ang Simbahan ay hindi lamang isang lugar na ating pinupuntahan, kundi isang misyon na ating isinasabuhay araw-araw sa tulong at paggabay ng Mahal na Ina ng Laging Saklolo.

Sa araw na ito ng Icon Mission sa Lumina Homes, nagkatipon ang komunidad upang muling mapanibago at mapalakas ang kanila...
22/05/2026

Sa araw na ito ng Icon Mission sa Lumina Homes, nagkatipon ang komunidad upang muling mapanibago at mapalakas ang kanilang pananampalataya, at sariwain ang tatak ng ating pagiging Katoliko ang pagkilala kung sino tayo bilang Simbahan at kung ano ang tunay nating misyon sa tawag ng Diyos. 🙏💙

Sa pakikiisa at tulong ng San Sebastian Cathedral at Redemptorist Lipa Mission Community, naging isang araw ito ng mas malalim na pagninilay, pagkatuto, at pagpapanibago ng puso.

Sa mapagmahal na pagdalaw ng Mahal na Ina ng Laging Saklolo, muli niyang pinaalala sa atin na bilang mga anak ng Simbahan, tayo ay tinatawag hindi lamang upang manampalataya kundi upang maging buhay na saksi ng pag-ibig, awa, at paglilingkod ni Kristo sa kapwa. Tulad ng isang mapagkalingang Ina, patuloy niya tayong inaakay pabalik sa kanyang Anak, upang ang ating pananampalataya ay muling magningas at ang ating misyon ay maging malinaw sa ating puso. ❤️✨

Tunay na sa piling ng Mahal na Ina ng Laging Saklolo, ang komunidad ng Lumina Homes ay refreshed, renewed, at muling tinawag upang mabuhay bilang isang Simbahan na may pananampalataya at misyon.

Isang mapagpalang unang araw ng Icon Mission sa San Lorenzo! 🙏💙 Sa pangunguna at pakikiisa ng San Sebastian Parish at Re...
22/05/2026

Isang mapagpalang unang araw ng Icon Mission sa San Lorenzo!

🙏💙 Sa pangunguna at pakikiisa ng San Sebastian Parish at Redemptorist Lipa Mission Team, matagumpay na naisagawa ang massive house blessings sa buong komunidad, isang tanda ng pagdalaw ng Diyos sa bawat tahanan at pamilya.

Tunay ngang siksik, liglig, at umaapaw ang pag-ibig, awa, at biyaya ng Diyos na naipamahagi sa bawat pusong nakiisa. Nawa’y patuloy nating maramdaman ang mapagkalingang yakap ng Mahal na Ina ng Laging Saklolo at ang walang hanggang pagmamahal ng Panginoon sa ating komunidad. ❤️✨

Unang araw ng Icon Mission sa Lumina Homes, isang araw na puspos ng biyaya at pagmamahal ng Diyos. ❤️🙏 Sa umaga, pinagpa...
21/05/2026

Unang araw ng Icon Mission sa Lumina Homes, isang araw na puspos ng biyaya at pagmamahal ng Diyos. ❤️🙏 Sa umaga, pinagpala ang mga tahanan bilang paanyaya na ang bawat tahanan ay maging luklukan ng panalangin, kapayapaan, at pag-ibig. Sa hapon naman, naging siksik, liglig, at umaapaw ang biyaya sa banal na pagdiriwang ng Santa Misa na pinangunahan ni Fr. Mark Christian Antonio, CSsR.

Sa tulong at pakikiisa ng San Sebastian Parish at Redemptorist Lipa Mission Community, patuloy nating nasasaksihan ang mapagmahal na pagdalaw ng Mahal na Ina ng Laging Saklolo sa komunidad ng Lumina Homes. Tunay na kapag ang Diyos ang kasama, ang bawat puso ay napupuno ng pag-asa, pananampalataya, at pagmamahal.
💙✨

”

Isang mapagpalang pagsisimula ng Icon Mission sa San Lorenzo noong Miyerkules, sa tulong at pakikiisa ng San Sebastian C...
21/05/2026

Isang mapagpalang pagsisimula ng Icon Mission sa San Lorenzo noong Miyerkules, sa tulong at pakikiisa ng San Sebastian Cathedral at Redemptorist Lipa Mission Community. Sa pagdating ng Mahal na Ina ng Laging Saklolo, nawa’y mas marami pang pusong mabuksan sa biyaya, pag-asa, at pagmamahal ng Diyos. Ito ay simula ng isang makabuluhang paglalakbay ng pananampalataya sa komunidad ng San Lorenzo. ❤️🙏

”

Ngayong Miyerkules, Mayo 20, opisyal na inilunsad ang Icon Mission sa Lumina Homes, Lipa City sa pamamagitan ng Pagbaba ...
20/05/2026

Ngayong Miyerkules, Mayo 20, opisyal na inilunsad ang Icon Mission sa Lumina Homes, Lipa City sa pamamagitan ng Pagbaba ng Ikono ng Mahal na Ina ng Laging Saklolo sa komunidad—isang makabuluhang simula ng pagdalaw ng biyaya, pag-asa, at pagmamahal ng Diyos sa bawat tahanan at pamilya. 🙏✨

Sa pakikipagtulungan ng San Sebastian Cathedral at Redemptorist Lipa Mission Community, isasagawa ang Icon Mission sa loob ng susunod na tatlong araw bilang pagkakataon upang mas mapalalim ang pananampalataya, mapalapit ang komunidad sa Diyos, at maranasan ang patuloy na paggabay ng Mahal na Ina ng Laging Saklolo.

Ito ay hindi lamang isang pagdalaw ng Ikono, kundi isang paanyaya sa bawat isa na buksan ang puso sa panibagong pagganap ng Diyos sa kanilang buhay. Tunay ngang sa bawat misyon, may bagong biyaya, bagong pag-asa, at bagong kwento ng pananampalatayang mabubuo sa komunidad.

Abangan ang panibagong pagganap ng Diyos sa buhay ng mga tao sa Lumina Homes sa mga susunod na araw ng Icon Mission. 🤍🙏

Noong Linggo, Mayo 17, matagumpay na ginanap ang culminasyon ng Icon Mission sa San Carlos Centro—isang araw na puno ng ...
18/05/2026

Noong Linggo, Mayo 17, matagumpay na ginanap ang culminasyon ng Icon Mission sa San Carlos Centro—isang araw na puno ng pasasalamat, pagmamahal, at biyaya ng Diyos na tunay na tumimo sa puso ng buong komunidad. Ang misyong ito ay naisakatuparan sa pakikipagtulungan at partnership ng San Sebastian Cathedral at Redemptorist Lipa Mission Community, na naging daan upang mas mapalalim pa ang pananampalataya at pagkakaisa ng mga mamamayan.

Sa mga nakalipas na araw ng misyon, naging kapansin-pansin ang mainit at taos-pusong pagtanggap ng komunidad, na nagbigay buhay at lalim sa bawat panalangin, pagdalaw, at pagtitipon. Tunay ngang dama sa bawat tahanan ang nag-uumapaw na pag-ibig at biyaya ng Diyos.

Bagamat papalapit na ang pagtatapos ng Icon Mission, iniwan nito ang isang mahalagang marka sa puso ng bawat isa—ang paanyaya na sila mismo ay maging bagong ICON ng pag-ibig, pag-asa, at grasya ng Diyos para sa kapwa. Ang pagmamahal na kanilang natanggap ay inaasahang magpapatuloy sa pamamagitan ng kabutihan, paglilingkod, at pananampalatayang kanilang ibabahagi sa komunidad.

Tunay ngang ang misyon ay hindi nagtatapos sa huling araw, kundi nagpapatuloy sa bawat pusong nahipo at binago ng Diyos. Nawa’y manatiling buhay sa San Carlos Centro ang apoy ng pananampalataya at ang diwa ng pagiging instrumento ng pag-ibig at grasya ng Panginoon sa iba. 🙏✨

Noong Linggo, Mayo 17, 2026, matagumpay na ginanap ang culminasyon ng Icon Mission sa Brixton Homes—isang makabuluhang p...
18/05/2026

Noong Linggo, Mayo 17, 2026, matagumpay na ginanap ang culminasyon ng Icon Mission sa Brixton Homes—isang makabuluhang pagtatapos na puno ng pasasalamat, pananampalataya, at nag-uumapaw na biyaya ng Diyos. Sa tulong at pakikipagkaisa ng San Sebastian Parish at Redemptorist Lipa Mission Community, naging buhay ang misyon ng pagpapalalim ng pananampalataya at pagbabahagi ng pag-ibig ng Diyos sa buong komunidad.

Sa pagtatapos ng misyong ito, muling pinaalalahanan ang bawat isa na ang culminasyon ay hindi katapusan, kundi simula ng mas malalim na pakikipaglakbay kasama si Kristo. Ang bawat tahanang nabasbasan, bawat pusong nahipo ng panalangin, at bawat debotong naliwanagan ng aral ng Diyos ay inaanyayahang magpatuloy bilang mga saksi ng Kanyang pagmamahal at biyaya.

Tinapos ang araw na may pusong puno ng pasasalamat at pag-asa—dala ang paniniwalang ang Diyos ay patuloy na kikilos sa Brixton Homes sa pamamagitan ng pagkakaisa, paglilingkod, at pananampalataya ng komunidad. Tunay ngang ang Mahal na Ina ng Laging Saklolo ay patuloy na gumagabay at nag-aakay sa atin patungo sa Kanyang Anak. 🙏✨

Noong Sabado, Mayo 16, 2026, sa ikatlong araw ng Icon Mission sa Brixton Homes, muling umapaw ang pagmamahal at biyaya n...
18/05/2026

Noong Sabado, Mayo 16, 2026, sa ikatlong araw ng Icon Mission sa Brixton Homes, muling umapaw ang pagmamahal at biyaya ng Diyos sa buong komunidad. Sa tulong at pakikipagkaisa ng San Sebastian Parish at Redemptorist Lipa Mission Community, naging makabuluhan ang araw na puno ng pananampalataya, debosyon, at pagkakaisa.

Isa sa mga naging pinakatampok ng araw ay ang mataimtim na prusisyon ng ICON ng Mahal na Ina ng Laging Saklolo, kung saan buong pusong ipinakita ng mga deboto ang kanilang pagmamahal, paggalang, at pananalig sa Mahal na Ina. Sa bawat hakbang ng prusisyon, dama ang pag-asa at kapayapaang dulot ng presensya ng Diyos sa komunidad.

Tinapos ang araw sa pagdiriwang ng Banal na Misa sa pangunguna ni Fr. Brian Espejo, CSsR—isang paalala na sa gitna ng ating paglalakbay sa buhay, ang Diyos ay patuloy na gumagabay at nagmamahal sa Kanyang bayan. Tunay ngang ang Icon Mission ay naging daan upang mas mapalalim pa ang pananampalataya at pagkakaisa ng komunidad ng Brixton Homes. 🙏✨

Ngayong Sabado, Mayo 16, sa ikatlong araw ng Icon Mission sa San Carlos Centro, muling naging makahulugan ang paglalakba...
16/05/2026

Ngayong Sabado, Mayo 16, sa ikatlong araw ng Icon Mission sa San Carlos Centro, muling naging makahulugan ang paglalakbay ng komunidad sa mas malalim na pananampalataya at espiritwal na buhay. Sa tulong at pakikipagkaisa ng San Sebastian Parish at Redemptorist Lipa Mission Community, naging daan ang araw na ito upang mas mapalapit ang bawat isa sa Diyos at mas maunawaan ang tunay na kahulugan ng paglilingkod sa Simbahan.

Sa pangunguna ni Fr. Jose Dela Cruz, CSsR, naging makabuluhan ang recollection na dinaluhan ng mga servant leaders ng komunidad. Dito muling pinaalalahanan ang bawat isa na ang tunay na paglilingkod ay hindi lamang gawain kundi isang pusong handang magmahal, magsakripisyo, at maglingkod para sa Diyos at sa kapwa.

Naging espesyal din ang araw sa mas malalim na pagtalakay tungkol sa mga elemento ng ICON ng Mahal na Ina ng Laging Saklolo. Tunay ngang nakakaantig makita kung paano naka-relate ang komunidad sa bawat simbolo at kahulugan nito—na tila ba bawat detalye ng ikono ay sumasalamin sa sariling buhay, pananampalataya, at pag-asa ng bawat deboto.

Tinapos ang araw sa Banal na Misa sa pangunguna ni Fr. Teody Holgado, CSsR—isang banal na pagtatapos ng araw na puno ng biyaya, pagninilay, at muling pagpapanibago ng pananampalataya. 🙏✨

Address

Lipa City
4217

Website

Alerts

Be the first to know and let us send you an email when Redemptorist Lipa Mission Community posts news and promotions. Your email address will not be used for any other purpose, and you can unsubscribe at any time.

Shortcuts

Share

Category