Redemptorist Lipa Mission Community

Redemptorist Lipa Mission Community A group of religious people and a mission to bring the people closer to God by courageous hope

ICON MISSION 2026 — LAKBAY PAG-ASA | CULMINATION 🙏❤️Sa araw ng ating culmination nitong Agosto 23, sama-sama nating pina...
24/08/2026

ICON MISSION 2026 — LAKBAY PAG-ASA | CULMINATION 🙏❤️

Sa araw ng ating culmination nitong Agosto 23, sama-sama nating pinasalamatan ang Diyos sa walang sawang pag-agos ng Kanyang pag-ibig, biyaya, at pagpapala sa buong komunidad. 🙏✨

Sa bawat tahanang nabless, bawat pusong naantig, bawat panalangin, paglalakbay, at pagsasama-sama, tunay nating naranasan na kapag binuksan natin ang ating puso sa Diyos, umaapaw ang Kanyang pagmamahal at biyaya.

Sa pamamagitan ng Mahal na Ina ng Laging Saklolo, na patuloy na umaakay sa atin palapit sa kanyang Anak, nawa'y manatili sa ating puso ang mga aral at biyayang natanggap natin sa Icon Mission. At higit sa lahat, nawa'y patuloy tayong maging tapat na mga lingkod ng Diyos—handang magmahal, maglingkod, tumulong, at maging saksi ng Kanyang pag-ibig saan man tayo dalhin ng ating paglalakbay. ❤️

Maraming salamat, Panginoon, sa isang paglalakbay na puno ng pag-asa.
Nawa'y hindi dito magtapos ang ating Lakbay Pag-asa, kundi magsimula pa lamang ang mas malalim nating paglalakbay kasama Ka. 🙏

Mahal na Ina ng Laging Saklolo, ipanalangin mo kami.
Patuloy Mo kaming akayin upang maging tapat na lingkod ng Iyong Anak. ❤️

Ang Icon Mission 2026 – Lakbay Pag-asa ay naging posible sa pamamagitan ng pagtutulungan at pakikipagtulungan ng San Sebastian Cathedral at Redemptorist Lipa Mission Community, kasama ang buong komunidad na buong pusong nakibahagi sa misyon.

💙🙏 Sa bawat hakbang ng pananampalataya, mas lalo nating nakikilala ang Mahal na Ina na laging umaakay sa atin kay Hesus....
24/08/2026

💙🙏 Sa bawat hakbang ng pananampalataya, mas lalo nating nakikilala ang Mahal na Ina na laging umaakay sa atin kay Hesus.

IN PHOTOS | Day 3 of the Icon Mission Proper
Sentrina Homes | Sabado, Agosto 22, 2026

Isang makabuluhan at puno ng biyaya ang ikatlong araw ng Icon Mission Proper sa Sentrina Homes, na tampok ang prusisyon ng Mahal na Ina ng Laging Saklolo. Sa bawat hakbang, panalangin, at pag-awit ng buong komunidad, dama ang pagkakaisa at matibay na pananampalataya ng bawat isa.

Kasabay nito, naging makabuluhan din ang pagbabahagi ni Sister Shirley Mabunga, na nagbigay-liwanag sa kasaysayan ng Icon ng Mahal na Ina ng Laging Saklolo, ang pinagmulan nito, mga simbolo, at ang malalim na kahulugan ng bawat detalyeng makikita sa banal na larawan. Sa pamamagitan ng kanyang pagbabahagi, mas nakilala natin hindi lamang ang Icon, kundi ang mensaheng nais nitong iparating—ang pag-ibig ng Diyos at ang patuloy na pag-akay ni Maria sa atin patungo kay Kristo.

Ang prusisyon ay naging paalala na ang ating pananampalataya ay isang paglalakbay. Sama-sama tayong lumalakad, nananalangin, at patuloy na sumusunod kay Hesus sa tulong at paggabay ng ating Mahal na Ina.

Maraming salamat sa buong Sentrina Homes sa inyong patuloy na mainit na pagtanggap at pakikiisa. Nawa'y ang mga natutuhan at naranasan natin sa misyong ito ay manatili sa ating mga puso at maging bahagi ng ating araw-araw na buhay.

Ang Icon Mission na ito ay naisakatuparan sa tulong at pakikipagtulungan ng San Sebastian Cathedral at ng Redemptorist Lipa Mission Community, na patuloy na nagdadala ng Mabuting Balita at pagmamahal ni Kristo sa bawat komunidad sa pamamagitan ng Mahal na Ina ng Laging Saklolo.

“Gawin ninyo ang anumang sabihin niya sa inyo.”
— Juan 2:5

Mahal na Ina ng Laging Saklolo, patuloy Mo kaming akayin sa mas malalim na pagkilala, pagmamahal, at pagsunod kay Hesus. 🙏💙

💙🙏 Kapag ang pag-ibig ng Diyos ay tinanggap sa puso, ito ay nagiging pag-ibig na ating ibinabahagi sa kapwa.IN PHOTOS | ...
24/08/2026

💙🙏 Kapag ang pag-ibig ng Diyos ay tinanggap sa puso, ito ay nagiging pag-ibig na ating ibinabahagi sa kapwa.

IN PHOTOS | Day 2 of the Icon Mission Proper
Sentrina Homes | Biyernes, Agosto 21, 2026

Sa ikalawang araw ng Icon Mission Proper, patuloy na dumaloy ang House Blessing sa buong komunidad ng Sentrina Homes. Sa bawat tahanang binuksan, muling ipinaalala sa atin na ang pagpapala ng Diyos ay hindi nauubos—patuloy itong umaapaw sa mga pusong handang tumanggap sa Kanya.

Sa ating Katesismo, mas malalim nating pinag-usapan kung ano ang tunay na kahulugan ng Simbahan at kung sino tayo bilang bahagi nito. Tayo ay hindi lamang mga taong pumupunta sa simbahan; tayo ay tinatawag na maging buhay na Simbahan—mga taong nagmamahal, naglilingkod, nagpapatawad, at nagdadala ng presensya ni Kristo sa ating kapwa.

Sa Banal na Misa, muling binigyang-diin ang buod ng mga utos ng Diyos: mahalin ang Diyos at mahalin ang ating kapwa gaya ng pagmamahal natin sa ating sarili. Sapagkat ang tunay na pananampalataya ay hindi lamang nasusukat sa ating mga panalangin, kundi sa paraan ng ating pakikitungo at pagmamahal sa iba.

Nawa'y ang bawat biyayang ating tinatanggap sa Icon Mission ay maging biyayang ibinabahagi rin natin. Sa paggabay ng Mahal na Ina ng Laging Saklolo, matuto tayong magmahal nang higit, maglingkod nang buong puso, at maging tunay na larawan ng pag-ibig ni Kristo sa ating komunidad. 💙

Maraming salamat sa buong Sentrina Homes sa patuloy na mainit na pagtanggap at pakikiisa.

Ang Icon Mission na ito ay naisakatuparan sa tulong at pakikipagtulungan ng San Sebastian Cathedral at ng Redemptorist Lipa Mission Community, na sama-samang nagdadala ng pag-ibig ni Kristo sa bawat komunidad sa pamamagitan ng Mahal na Ina ng Laging Saklolo.

“Ibigin mo ang iyong kapwa gaya ng iyong sarili.”
— Mateo 22:39

Mahal na Ina ng Laging Saklolo, turuan Mo kaming magmahal tulad ni Hesus. 🙏💙

💙🙏 Isang araw na puno ng biyaya, pagmamahal, at pagbabalik-loob.IN PHOTOS | Day 1 of the Icon Mission ProperSentrina | A...
20/08/2026

💙🙏 Isang araw na puno ng biyaya, pagmamahal, at pagbabalik-loob.

IN PHOTOS | Day 1 of the Icon Mission Proper
Sentrina | Agosto 20, 2026

Sa unang araw ng Icon Mission Proper sa Sentrina, nagsimula ang House Blessing, kung saan buong pusong binuksan ng mga pamilya ang kanilang mga tahanan upang tanggapin ang panalangin at pagpapala ng Diyos sa pamamagitan ng Mahal na Ina ng Laging Saklolo.

Isang makabuluhang hapon naman ang ating pinagsaluhan sa Katesismo, kung saan muli nating naalala kung gaano tayo pinagpala dahil tunay at walang hanggang minamahal tayo ng Diyos. ❤️

Sinundan ito ng Confession, isang pagkakataon upang manumbalik sa Panginoon, humingi ng tawad, at maranasan ang Kanyang awa at kapatawaran. Nagtapos ang araw sa Banal na Misa na pinangunahan ni Fr. Jose dela Cruz, CSsR, bilang pasasalamat sa lahat ng biyayang ipinagkaloob sa ating komunidad.

Nawa'y ang unang araw na ito ay maging simula ng mas malalim na pananampalataya, pusong nagbabalik-loob, at buhay na puno ng pasasalamat sa Diyos.

Maraming salamat sa buong komunidad ng Sentrina sa inyong mainit na pagtanggap at pakikiisa. Patuloy nating buksan ang ating mga puso, sapagkat marami pang biyaya at pagpapalang inihahanda ang Panginoon sa mga susunod na araw. 🙏💙

Ang Icon Mission na ito ay naisakatuparan sa tulong at pakikipagtulungan ng San Sebastian Cathedral at ng Redemptorist Lipa Mission Community, na sama-samang nagdadala ng pag-ibig ni Kristo sa bawat komunidad sa pamamagitan ng Mahal na Ina ng Laging Saklolo.

Mahal na Ina ng Laging Saklolo, akayin Mo kami palagi kay Hesus. 💙

💙🙏 Kapag bukas ang puso, ang pagdating ng Diyos ay nagiging simula ng isang bagong pag-asa.IN PHOTOS | Icon Mission Laun...
20/08/2026

💙🙏 Kapag bukas ang puso, ang pagdating ng Diyos ay nagiging simula ng isang bagong pag-asa.

IN PHOTOS | Icon Mission Launching
Sentrina | Miyerkules, Agosto 19, 2026

Isang mainit at pusong pagtanggap ang inihandog ng komunidad ng Sentrina sa pagdating ng Mahal na Ina ng Laging Saklolo para sa pagsisimula ng Icon Mission. Sa bawat ngiti, panalangin, at pakikiisa, dama ang pananabik ng buong komunidad na salubungin ang mga biyayang inihahanda ng Panginoon.

Ang pagdating ng Mahal na Ina ay hindi lamang pagdating ng isang banal na larawan, kundi isang paanyaya na buksan ang ating mga tahanan at puso kay Hesus. Nawa'y ang mga susunod na araw ay maging panahon ng mas malalim na pananalangin, pagbabalik-loob, pagpapatawad, pagkakaisa, at pagbabagong-buhay.

Dalangin natin na sa bawat tahanang kanyang dalawin, maranasan ang umaapaw na pagmamahal, awa, at biyaya ng Diyos. Nawa'y may mga pusong mapalakas, mga pamilyang mapag-isa, at mga buhay na muling mapuno ng pag-asa.

Maraming salamat, Sentrina, sa inyong mainit at buong pusong pagtanggap. 💙 Nawa'y ang pananabik na inyong ipinakita sa unang araw ay patuloy na magningas hanggang sa pagtatapos ng misyon—at higit sa lahat, manatili ang presensya at pag-ibig ni Kristo sa bawat tahanan.

Ang Icon Mission ay patuloy na isinasagawa sa pagtutulungan ng San Sebastian Cathedral at Redemptorist Lipa Mission Community, sa paggabay ng Mahal na Ina ng Laging Saklolo, upang mas mailapit ang bawat komunidad kay Hesus.

“Dakila ang ginawa sa akin ng Makapangyarihan.”
— Lucas 1:49

Mahal na Ina ng Laging Saklolo, samahan Mo ang Sentrina sa paglalakbay na ito. Nawa'y maging simula ito ng maraming biyaya at pusong tunay na magbabago para kay Kristo. 🙏💙

💙🙏 Natapos man ang Icon Mission, ngunit ang biyaya at misyon ay patuloy na mamumunga sa bawat puso.IN PHOTOS | Culminati...
13/08/2026

💙🙏 Natapos man ang Icon Mission, ngunit ang biyaya at misyon ay patuloy na mamumunga sa bawat puso.

IN PHOTOS | Culmination of the Icon Mission
San Carlos Homes, Lipa City | Linggo, Agosto 9, 2026

Sa araw ng ating culmination, buong puso tayong nagpapasalamat sa Panginoon sa isang linggong puno ng panalangin, pag-asa, pagkakaisa, at walang hanggang biyaya. Sa bawat tahanang binisita, bawat panalangin, pagninilay, at sa makabuluhang prusisyon ng Mahal na Ina ng Laging Saklolo, tunay nating nakita kung paano kumikilos ang Diyos sa ating komunidad.

Maraming salamat sa buong San Carlos Homes sa inyong mainit na pagtanggap, matatag na pananampalataya, at buong pusong pakikiisa. 💙

Habang nagpapatuloy ang Mahal na Ina sa susunod niyang misyon, nawa'y manatili sa bawat tahanan ang pag-ibig, kapayapaan, at biyayang iniwan ng Diyos. Ang Icon ay maaaring umalis, ngunit ang mga pusong nabago at napalalim ang pananampalataya ay mananatili.

Hindi ito ang wakas—ito ang simula ng isang panibagong misyon.
Dalhin natin sa ating pamilya at komunidad ang pag-ibig ni Kristo na ating natanggap.

Mahal na Ina ng Laging Saklolo, patuloy Mo kaming akayin kay Hesus. 🙏💙

💙🙏 Walang masamang panahon para sa pusong may pananampalataya.IN PHOTOS | Day 3 of the Icon Mission ProperSan Carlos Hom...
13/08/2026

💙🙏 Walang masamang panahon para sa pusong may pananampalataya.

IN PHOTOS | Day 3 of the Icon Mission Proper
San Carlos Homes, Lipa City | Sabado, Agosto 8, 2026

Sa ikatlong araw ng Icon Mission Proper, naging makahulugan ang prusisyon ng Mahal na Ina ng Laging Saklolo sa San Carlos Homes. Sa kabila ng masamang panahon at pag-ulan, hindi ito naging hadlang upang sama-samang maglakad, manalangin, at magpahayag ng pananampalataya ang buong komunidad.

Sa bawat hakbang ng prusisyon, dama ang matibay na pananalig ng mga taong patuloy na nagtitiwala sa Diyos. Tulad ng ulan na patuloy na bumabagsak, nawa'y patuloy ding umapaw ang biyaya, pagmamahal, at pagpapala ng Diyos sa bawat pamilya.

Ang Mahal na Ina ay patuloy na umaakay sa atin patungo kay Hesus—sa gitna man ng araw o unos, hindi tayo nag-iisa. 🌧️🙏

Maraming salamat, San Carlos Homes, sa inyong matatag na pananampalataya at buong pusong pakikiisa. Ang tunay na misyon ay nagpapatuloy sa bawat pusong handang magtiwala, manalangin, at magmahal.

Mahal na Ina ng Laging Saklolo, akayin Mo kami palagi kay Hesus. 💙

🌧️💙 Kapag ang Diyos ang kumikilos, kahit anong unos ay hindi makapipigil sa Kanyang biyaya.IN PHOTOS | Day 2 of the Icon...
08/08/2026

🌧️💙 Kapag ang Diyos ang kumikilos, kahit anong unos ay hindi makapipigil sa Kanyang biyaya.

IN PHOTOS | Day 2 of the Icon Mission Proper
San Carlos Homes, Lipa City | Biyernes, Agosto 7, 2026

Sa kabila ng malakas na ulan at bagyong dumaan, hindi naging hadlang ang panahon upang ipagpatuloy ang Icon Mission Proper sa San Carlos Homes. Sa halip, lalo nitong ipinakita na ang pananampalataya ay hindi nasusukat sa ganda ng panahon, kundi sa pusong patuloy na nagtitiwala sa Diyos kahit may unos.

Habang bumabagsak ang ulan mula sa langit, tila isa rin itong paalala ng umaapaw na biyaya ng Diyos na patuloy Niyang ibinubuhos sa ating komunidad. Sa bawat tahanang binisita, bawat panalangin na inialay, at bawat pamilyang buong pusong tumanggap sa Mahal na Ina ng Laging Saklolo, dama natin na walang bagyo ang makapaghihiwalay sa atin sa pagmamahal ng Panginoon.

May mga unos mang dumarating sa ating buhay—mga problema, pangamba, pagod, at mga pagsubok—hindi ibig sabihin nito na wala ang Diyos. Minsan, sa gitna mismo ng unos natin higit na nararanasan ang Kanyang presensya. Tulad ng isang tahanang binabasbasan sa gitna ng ulan, ipinapaalala sa atin na ang tunay na kanlungan ay ang Diyos na ating pinagtitiwalaan.

Sa pamamagitan ng Mahal na Ina ng Laging Saklolo, patuloy tayong inaakay palapit kay Hesus. Nawa'y ang bawat patak ng ulan ay maging paalala ng Kanyang walang hanggang awa, at ang bawat biyayang ating tinatanggap ay maging dahilan upang lalo tayong magpasalamat at magbahagi rin ng Kanyang pagmamahal sa iba.

Maraming salamat sa buong komunidad ng San Carlos Homes na sa kabila ng panahon ay nanatiling matatag, masigasig, at bukas ang puso sa misyon. Tunay na ang inyong pananampalataya ay mas makapangyarihan kaysa anumang unos.

Patuloy tayong manalangin at maghintay sa mga susunod pang araw, sapagkat naniniwala tayo na mas marami pang biyaya, pagbabago ng puso, at mga pagpapalang inihahanda ang Diyos para sa komunidad.

Ang Icon Mission ay patuloy na isinasagawa sa pagtutulungan ng San Sebastian Cathedral at ng Redemptorist Lipa Mission Community, upang maihatid ang Mabuting Balita at ang mapagkalingang presensya ng Mahal na Ina ng Laging Saklolo sa bawat tahanan.

🌧️ Sa gitna ng unos, manalig.
💙 Sa gitna ng pagsubok, magtiwala.
🙏 Sapagkat ang biyaya ng Diyos ay hindi kayang pigilan ng anumang bagyo.

"Kapag dumaan ka sa tubig, sasaiyo Ako; at kapag tumawid ka sa mga ilog, hindi ka malulunod." — Isaias 43:2

💙✨ Minsan, kailangan nating umakyat sa "bundok" ng panalangin upang muling makita ang liwanag ng Diyos at marinig ang Ka...
06/08/2026

💙✨ Minsan, kailangan nating umakyat sa "bundok" ng panalangin upang muling makita ang liwanag ng Diyos at marinig ang Kanyang tinig na nagsasabing, "Huwag kayong matakot."

IN PHOTOS | Day 1 of the Icon Mission Proper
San Carlos Homes, Lipa City | Agosto 6, 2026

Sa unang araw ng Icon Mission Proper sa San Carlos Homes, nagsimula ang ating paglalakbay bilang isang komunidad na nagnanais na higit pang makilala at maranasan ang presensya ng Diyos sa ating buhay. Sa pamamagitan ng House Blessing, pagdalaw sa mga pamilya, at sama-samang panalangin, muli nating binuksan ang ating mga tahanan at puso upang tanggapin ang pag-ibig ng Panginoon.

Sa Mabuting Balita ngayon (Mateo 17:1-9), nasaksihan nina Pedro, Santiago, at Juan ang Pagbabagong-Anyo ni Hesus sa bundok. Sa sandaling iyon, nakita nila ang kaluwalhatian ng Panginoon at narinig ang tinig ng Ama na nagsasabing, "Ito ang minamahal Kong Anak... pakinggan ninyo Siya." Ang karanasang ito ay nagpapatibay sa kanilang pananampalataya bago nila harapin ang mga pagsubok.

Ganoon din ang layunin ng Icon Mission. Hindi lamang ito pagbisita ng Mahal na Ina ng Laging Saklolo sa ating komunidad. Ito ay isang paanyaya na makatagpo si Hesus sa ating sariling "bundok"—sa ating panalangin, sa ating pamilya, at sa ating pang-araw-araw na buhay. Kapag hinayaan nating baguhin Niya ang ating puso, tayo rin ay unti-unting nababago at nagiging mas mapagmahal, mas mapagpatawad, at mas tapat sa Kanyang kalooban.

Habang nagpapatuloy ang House Blessing sa ating komunidad, dalangin natin na ang bawat tahanang mabasbasan ay maging tahanan ng pananampalataya, pag-asa, at pagkakaisa. Nawa'y sa bawat pintuang binubuksan natin para sa Mahal na Ina, mas lalo nating mabuksan ang ating puso para kay Kristo, sapagkat Siya lamang ang tunay na liwanag na magbabago ng ating buhay.

Maraming salamat sa buong komunidad ng San Carlos Homes sa inyong mainit na pagtanggap at buong pusong pakikiisa. Nawa'y ang unang araw ng ating misyon ay maging simula ng isang mas malalim na pakikinig sa tinig ng Diyos at ng isang buhay na tunay na nakasentro kay Kristo.

Ang Icon Mission ay sama-samang isinasagawa ng San Sebastian Cathedral at ng Redemptorist Lipa Mission Community, na patuloy na nagdadala ng Mabuting Balita at ng mapagkalingang pag-ibig ng Mahal na Ina ng Laging Saklolo sa bawat tahanan at komunidad.

"Ito ang minamahal Kong Anak na lubos Kong kinalulugdan. Pakinggan ninyo Siya." — Mateo 17:5

Nawa'y sa misyong ito ay hindi lamang natin makita ang liwanag ni Kristo, kundi maging tagapaghatid din tayo ng Kanyang liwanag sa bawat tahanan at sa bawat taong ating makakasalamuha.

💙🙏 Kapag ang isang komunidad ay buong pusong tumanggap sa Diyos, nagsisimulang kumilos ang Kanyang biyaya sa paraang hig...
05/08/2026

💙🙏 Kapag ang isang komunidad ay buong pusong tumanggap sa Diyos, nagsisimulang kumilos ang Kanyang biyaya sa paraang higit pa sa ating inaasahan.

IN PHOTOS | Launching of the Icon Mission
San Carlos Homes, Lipa City | Miyerkules, Agosto 5, 2026

Sa araw na ito, buong kagalakang sinalubong ng komunidad ng San Carlos Homes, Lipa City ang pagdating ng Mahal na Ina ng Laging Saklolo sa paglulunsad ng Icon Mission. Ang mainit na pagtanggap, taimtim na panalangin, at masayang pakikiisa ng bawat pamilya ay naging isang magandang patunay ng kanilang pananabik na maranasan ang pag-ibig at biyaya ng Diyos.

Ang paglulunsad ng Icon Mission ay hindi lamang pagsisimula ng isang linggong gawain. Ito ay isang paanyaya sa bawat isa na buksan ang kanilang puso kay Kristo sa pamamagitan ng paggabay ng ating Mahal na Ina. Dalangin natin na sa mga susunod na araw ay maranasan ng bawat tahanan ang kapayapaan, pagkakaisa, pagpapatawad, at mga biyayang magpapabago ng puso at magpapalalim ng pananampalataya.

Nawa'y ang linggong ito ay maging panahon ng pagbabalik-loob, ng panibagong pag-asa, at ng mas malalim na pakikipagtagpo sa Panginoon. Hiling natin na ang bawat pagdalaw, bawat panalangin, bawat pagninilay, at bawat pagtitipon ay maging daan upang higit pang maranasan ng buong komunidad ang walang hanggang pagmamahal ng Diyos.

Maraming salamat sa buong komunidad ng San Carlos Homes sa inyong bukas na puso at mainit na pagtanggap sa Mahal na Ina ng Laging Saklolo. Nawa'y ang biyayang sinimulang ibuhos ng Panginoon sa araw na ito ay patuloy na umagos sa bawat pamilya at maging daan sa pagbabagong-buhay ng marami.

Ang Icon Mission ay sama-samang isinasagawa ng San Sebastian Cathedral at ng Redemptorist Lipa Mission Community, na may layuning dalhin ang Mabuting Balita at ang pag-ibig ni Kristo sa bawat komunidad sa pamamagitan ng Mahal na Ina ng Laging Saklolo.

"Narito ako, nakatayo sa pintuan at kumakatok. Ang sinumang duminig sa aking tinig at magbukas ng pinto ay papasok ako at sasalo kasama niya." — Pahayag 3:20

Nawa'y sa pagbubukas natin ng ating mga tahanan ay higit nating mabuksan ang ating mga puso, upang ang Diyos ang tunay na manahan at maghari sa ating buhay.

Address

Lipa City
4217

Website

Alerts

Be the first to know and let us send you an email when Redemptorist Lipa Mission Community posts news and promotions. Your email address will not be used for any other purpose, and you can unsubscribe at any time.

Shortcuts

Share

Category