01/06/2026
Taos-pusong pasasalamat sa lahat ng mga kabataan, mga bata, mga magulang, mga volunteers, at lalo na sa ating masisipag na mga KATEKISTA na buong pusong gumabay at nagturo sa ating mga kabataan sa loob ng buong buwan ng Mayo.
Maraming salamat sa inyong panahon, sakripisyo, tiyaga, at pagmamahal sa paglilingkod para sa Diyos at sa Mahal na Birheng Maria. Sa pamamagitan ninyo, naipasa sa mga kabataan ang kahalagahan ng pananampalataya, panalangin, at debosyon.
Sa ating mga kabataan, salamat sa inyong aktibong pakikilahok sa pag-aalay ng mga bulaklak, pagdarasal ng Santo Rosaryo, at pakikiisa sa mga gawaing pangsimbahan. Nawa'y ang mga aral at biyayang inyong natanggap sa Flores de Mayo ay manatili sa inyong puso at magbunga ng mas matibay na pananampalataya.
Ngunit ang pagtatapos ng Flores de Mayo ay hindi nangangahulugang pagtatapos na rin ng ating debosyon kay Maria. Sa halip, ito ay paalala na ipagpatuloy natin ang ating pananalangin, pagsisimba, paglilingkod sa Simbahan, at pagmamahal sa kapwa sa buong taon.
Mga Paalala Matapos ang Flores de Mayo:
✅ Ipagpatuloy ang pagdarasal ng Santo Rosaryo.
✅ Maging aktibo sa mga gawain ng Simbahan.
✅ Ibahagi ang natutunang mabubuting asal at pananampalataya.
✅ Patuloy na mahalin at parangalan si Maria sa pamamagitan ng pagsunod kay Hesus.
✅ Huwag hayaang matapos sa buwan ng Mayo ang ating paglilingkod sa Panginoon.
Muli, maraming salamat sa lahat ng nakiisa at nakibahagi sa Flores de Mayo 2026. Nawa'y patuloy tayong gabayan ng Mahal na Birheng Maria patungo sa kanyang Anak na si Hesukristo.
O Maria, Inahan sa Ginoo, Inahan usab namo, ampoa kami. 🙌🏿🙌🏿
