https://www.facebook.com/303627613149131/

Ang Santos nga Ebanghelyo, Inabanga (2026)

24/08/2026

August 25, 2026

Ang Santos nga Ebanghelyo sumala kang San Mateo

Mateo 23:23-26

✝ Mateo 23:23
"Alaut kamo, mga escriba ug mga Fariseo, mga salingkapaw! Kay nagahatag kamo sa ikapulo sa hierba buena, ug sa eneldo, ug sa comino, ug ginabiyaan ninyo ang mga butang nga labing dagku mahatungod sa Kasugoan nga mao ang katarungan, ang kalooy, ug ang pagtoo. Kini sila maoy kinahanglan nga pagabuhaton, ug ang uban dili pagbiyaan."
✝ Mateo 23:24
"Mga magmamando nga mga buta! ginasala ninyo ang hokhok, apan ginatolon ninyo ang camello."
✝ Mateo 23:25
"Alaut kamo, mga escriba ug mga Fariseo, mga salingkapaw! Kay gihinloan ninyo ang gawas sa copa ug sa pinggan, apan ang sulod nila napuno sa pagtikas ug sa pagpatuyang sa kangil-ad."
✝ Mateo 23:26
"Fariseo nga buta, hinloi una ang sulod sa copa ug sa pinggan, aron ang gawas nila mahinlo usab."

Pamalandong:

Maayong adlaw na usab kanatong tanan Brothers and Sisters. Sa atong Ebanghelyo karong adlawa gipasidan-an kita sa atong Ginoong Hesukristo nga dili unta mahisama sa mga Skriba ug mga Pariseo nga nagpaka-aron ingnon lamang, muhatag tuod sila ug ikapu sa ilang abot apan gisalikway o nahikalimtan nila amg labing mas mahinungdanon sa Kasugoan nga mao ang pagtuo sa atong Ginoo ug katarong ug kalooy ngadto sa atong isig ka Tawo. Ug dili lang kini nahitabo sauna hangtod karon daghan gihapon ang nagpahimulos ani nga mga kadagkuan sa Simbahan. Ug matud pa sa
✝ Malaquias 3:8
"Makapangawat ba diay ang tawo sa Dios? bisan pa niana kamo nangawat kanako. Apan kamo nanag-ingon: Unsaon namo ang pagpangawat kanimo? Sa mga ikapulo ug sa mga halad."

Ang gusto ipasabot sa atong Ginoong Hesukristo nga kung nagpakalimpyo kita sa mata sa mga Tawo kinahanglan limyo una ang pagtan-aw sa Diyos kanato. Kay mao kana ang labing mas mahinungdanon nga Kahimut-an kita sa atong Diyos Amahan. Walay pulos ang daygon kita sa Katawhan apan bati diay ang pagtan-aw sa Diyos kanato.

23/08/2026

August 24, 2026

Ang Santos nga Ebanghelyo sumala kang San Juan

Juan 1:45-51

Juan 1:45
Ug gikahibalag ni Felipe si Natanael, ug siya miingon kaniya, "Among gikahibalag siya nga mahitungod gani kaniya si Moises diha sa kasugoan ug usab ang mga profeta nanagsulat, mahitungod kang Jesus nga Nazaretnon, nga anak ni Jose."
Juan 1:46
Ug si Natanael nangutana kaniya, "Aduna ba guy maayong butang gikan sa Nazaret?" Si Felipe mitubag kaniya, "Umari ka ug tan-awa."
Juan 1:47
Ug nakita ni Jesus si Natanael nga nagpaingon kaniya, ug siya miingon mahitungod kaniya, "Tan-awa, aniay usa ka tinuod gayud nga Israelinhon, kang kinsa wala ang pagkalimbongan!"
Juan 1:48
Ug si Natanael nangutana kaniya, "Naunsa ba nga nakaila ka man diay kanako?" Si Jesus mitubag kaniya, "Sa wala ka pa tawga ni Felipe, samtang nagpasilong ikaw diha sa kahoyng igera, nakita ko ikaw."
Juan 1:49
Ug si Natanael miingon kaniya, "Rabi, ikaw mao ang Anak sa Dios! Ikaw mao ang Hari sa Israel!"
Juan 1:50
Ug si Jesus mitubag kaniya, "Mitoo ba ikaw tungod lang sa akong pag-ingon kanimo nga nakita ko ikaw nga nagpasilong diha sa kahoyng igera? Makita ra unya nimo ang labi pa ka dagkung mga butang kay niini."
Juan 1:51
Ug siya miingon pa kaniya, "Sa pagkatinuod, sa pagkatinuod, magaingon ako kaninyo, nga makita ra unya ninyo ang langit nga maabli ug ang mga manolunda sa Dios nga magakayab ug magakunsad sa ibabaw sa Anak sa Tawo."

Pamalandong:
Maayong adlaw na usab kanatong tanan mga Egsuon ko diha kang Hesukristo. Ang atong Ebanghelyo karong adlawa gitawag kitang tanan sa atong Ginoo para musunod kaniya. Sama kang Natanael nga wala siya kakita ug kaila sa atong Ginoong Hesukristo apan sa dihang gitawag siya ni Felipe ningduol siya bisan pa man sa iyang pagduha-duha. Apan naay daghang klase sa Tawo nga nagpuyo dre sa Kalibutan. Una ang mutuo ug musunod sa way pagduha-duha, ikaduha ang musunod nga naay pagduha-duha, ikatulo musunod pero mangita pa ug ebidensiya ug gikasubo ko nga anaa gayud mga Tawo nga dili mosunod sa tawag sa atong Ginoo. Mga Egsuon hain man ta naapil sa mga klase sa Tawo nga akong gisulti? Mga Egsuon isip usa ka Kristohanon ningtuo gayud kita sa atong Ginoong Hesukristo, apan magkinahanglan pa ba kita ug ebidensiya sama kang Nathaniel? Nagduha-duha ba pod kita sa atong pagtuo? Mga Egsuon dili na kita kinahanglan ug Ebidensiya kay bisan wala nato makita sa personal ang atong Ginoong Hesukristo ang Espiritu Santo nagtudlo kanato niini ug mao kana ang misteryo sa pagtuo. Bulahan kadtong bisan wala makakita apan ningtuo.

22/08/2026

August 23, 2026

Ang Santos nga Ebanghelyo sumala kang San Mateo

Mateo 16:13-20

✝ Mateo 16:13
"Ug sa miadto si Jesus sa gingsakpan sa Cesarea ni Felipe, nangutana siya sa iyang mga tinon-an sa pag-ingon: Sumala sa mga pulong sa mga tawo, kinsa man kono ang Anak sa tawo?"
✝ Mateo 16:14
"Ug sila nanag-ingon: Ang uban nag-ingon, Si Juan nga Bautista; ang uban, si Elias; ug ang uban, si Jeremias, kun usa sa mga manalagna."
✝ Mateo 16:15
"Siya nagaingon kanila: Apan kamo, unsa man ang pulong ninyo kong kinsa ako?"
✝ Mateo 16:16
"Ug sa mitubag si Simon Pedro, miingon: Ikaw mao ang Cristo, ang Anak sa Dios nga buhi."
✝ Mateo 16:17
"Ug mitubag si Jesus ug miingon kaniya: Bulahan ikaw, Simon, anak ni Jonas, kay wala igapahayag kana kanimo sa unod ug sa dugo, kondili sa akong Amahan nga atua sa langit."
✝ Mateo 16:18
"Ug ako nagaingon usab kanimo, nga ikaw mao si Pedro ug sa ibabaw niining bato pagatukoron ko ang akong Iglesia, ug ang mga ganghaan sa Hades dili makadaug kaniya."
✝ Mateo 16:19
"Ug kanimo akong igahatag ang mga yawi sa gingharian sa langit; ug ang imong pagagapuson sa yuta, pagagapuson sa langit; ug ang imong pagahubaran sa yuta, pagahubaran sa langit."
✝ Mateo 16:20
"Unya nanugon sa iyang mga tinon-an nga dili sila magsugilon bisan kang kinsa, nga siya mao ang Cristo."

Pamalandong:

Maayong adlaw na usab kanatong tanan Brothers and Sisters. Sa atong Ebanghelyo karong adlawa mao ang pagtukod sa atong Ginoong Hesukristo sa iyang Simbahan pinaagi kang Simon nga gitawag usab niya nga Pedro o Bato. Mabasa nato Brothers and Sisters nga sa iyang Simbahan dili mapilde bisan pa sa ganghaan sa Hades, ug sa iyang Simbahan pinaagi kang San Pedro ana ang yawi sa Gingharian sa Langit. Ang dakong pangutana unsa man ning Simbahana Brothers and Sisters? Mga Egsuon ning-abot na karon ug 45,000 kapin ka Christian Communities sa tibuok Kalibutan ug pareho silang muangkon nga sila ang matuod nga Simbahan nga gitukod sa atong Ginoo. Unsaon man nato pagkahibaw nga mao kini ang matuod nga Simbahan ni Hesukristo? Brothers and Sisters sukad First Century AD hangtod 16th Century usa lang ka Kristohanon nga Simbahan ang naa dre sa Kalibutan. Ang dakong basehan ani Brothers and Sisters mao ang Apostle's Creed o gitawag pod ug Nicene Creed nga nahimo niadtong tuig 325 AD as amended niadtong tuig 381 AD. Ug mao kini ang atong mabasa

Nagatoo ako sa usa ka Dios, ang Amahan ang makagagahum sa tanan, magbubuhat sa langit ug sa yuta, ug sa tanang mga makita ug dili makita. Nagatoo ako sa usa ka Ginoo, si Jesu Kristo ang bugtong anak sa Dios, gianak sa amahan sa wala pa'y katuigan.. DIOS gikan sa DIOS, kahayag gikan sa kahayag, matuod nga DIOS gikan sa Dios nga matuod, gianak, dili binuhat, usa'g kinaiya sa Amahan. Pinaagi kaniya nangahimu ang tanan. Tungod kanatong mga tawo ug alang sa atong kaluwasan. Mikanaog siya gikan sa langit, sa lalang sa Espiritu Santo, nahimo siya nga lawas gikan ni Maria nga ulay ug nahimong tawo. Tungod kanato gilansang siya sa krus sa sugo ni Poncio Pilato, nagantos siya namatay ug gilubong. Sa ikatulong adlaw nabanhaw siya aron matuman ang kasulatan. Misaka siya sa langit ug nagalingkod sa too sa Amahan. Mubalik siya nga mahimayaon aron paghukom sa mga buhi ug sa mga minatay, ug ang iyang gingharian walay katapusan.

Nagatoo ako sa Espiritu Santo, ang Ginoo ug maghahatag sa kinabuhi. Nagagikan siya sa Amahan ug sa Anak. Dungan sa Amahan ug sa Anak, gisimba siya ug gihimaya, ug misulti pinaagi sa mga propeta. Nagatoo ako sa usa ka Santos, Katoliko ug Apostoliko nga simbahan. Nagaila ako sa usa ka bunyag alang sa kapasaylo-an sa mga sala. Nagapaabot ako sa pagkabanhaw sa mga minatay, ug sa kinabuhi sa umaabot nga kalibutan. Amen

So tataw kaayo Brothers and Sisters kung unsa ning Simbahana. Apan tungod lage sa mga pagsulay ug tentasyon daghan kaayo sa atong mga Egsuon nga Katoliko ang nahisalaag pod. Ang atong misyon karon mao ang pag-agak sa atong mga Egsuon nga mahibalik sa atong Ginoo.

21/08/2026

August 22, 2026

Ang Santos nga Ebanghelyo sumala kang San Mateo

Mateo 23:1-12

Mateo 23:1
Unya miingon si Jesus sa mga panon sa katawhan ug sa iyang mga tinun-an,
Mateo 23:2
Ang mga escriba ug ang mga Fariseo nanaglingkod sa lingkoranan ni Moises;
Mateo 23:3
busa, buhata ug bantayi ninyo ang tanan nga ilang ginaingon kaninyo, apan ayaw ninyo pagbuhata ang ilang ginabuhat; kay sila maayo rang mosulti apan dili mobuhat.
Mateo 23:4
Nagabugkos silag mga mabug-at nga luwan nga malisud pas-anon, ug ila kining gibutang diha sa mga abaga sa mga tawo; apan sila gayud dili gani molihok niini bisan pinaagi na lang sa ilang tudlo.
Mateo 23:5
Nagahimo sila sa ilang tanang mga binuhatan aron lamang sa pagpakita ngadto sa mga tawo; kay ginapalapad nila ang ilang mga pilakteria ug ginapataas nila ang mga borlas sa ilang mga kupo,
Mateo 23:6
ug kinaham nila ang mga halangdong dapit sa mga kombirahan ug ang labing maayong mga lingkoranan sulod sa mga sinagoga,
Mateo 23:7
ug ang mga pagyukbo kanila diha sa mga tiyanggihan, ug ang pagtawag kanilag 'Rabi' sa mga tawo.
Mateo 23:8
Apan kamo, ayaw kamo pagpatawag nga Rabi, kay kamo adunay usa lamang ka magtutudlo, ug kamong tanan mga magsoon.
Mateo 23:9
Ug kinahanglan walay bisan kinsang tawo dinhi sa yuta nga inyong pagatawgon nga inyong amahan, kay kamo adunay usa lamang ka Amahan nga anaa sa langit.
Mateo 23:10
Ayaw usab kamo pagpatawag nga mga agalon, kay kamo adunay usa lamang ka agalon nga mao si Cristo.
Mateo 23:11
Ang labing daku kaninyo, ma-inyo siyang sulogoon;
Mateo 23:12
bisan kinsa nga magapahitaas sa iyang kaugalingon iga-pahiubos, ug bisan kinsa nga magapaubos sa iyang kaugalingon igapahitaas.

Pamalandong:

Maayong adlaw na usab kanatong tanan mga Egsuon ko diha kang Hesukristo. Sa atong Ebanghelyo karong adlawa giawhag na usab kita sa atong Ginoong Hesukristo nga magpaubos. Gisaway sa atong Ginoong Hesukristo ang mga Escriba ug mga Pariseo kay lage nagtudlo man unta sila sa mga balaod ug kaangayan, apan sila mismo wala magsunod niini. Hinuon nahimo silang mapahitas-on tungod sa respito nga ilang nadawat sa mga Katawhan. Nahimo silang mapakaaron ingnon ug gusto nilang daygon sila sa mga Katawhan apan ang dakong pangutana gikahimut-an kaha sila sa Diyos? Dili gayud malipay ang Diyos mga Egsuon sa mga Tawo nga mapahitas-on ug nagpakaaron ingnon lamang o sa termino sa uban tawo nga plastic. Kanang perting maayoha sa atubang apan daghan diay gitaguan nga mga kadautan. Ang gusto sa Diyos nga limpyo ang atong kasingkasing ug huna-huna diin kaayo lamang ang imong gusto para sa isig ka Tawo. Dili unta kita mapareha sa mga Escriba ug mga Pariseo nga kutob lamang sa mata sa Tawo maayo sila tan-awon apan wala malipay ang Diyos kanila tungod sa ilang pagka plastic. Brothers and Sisters mag-ampo kita nga unta makabaton kita ug limpyo nga kasingkasing ug huna-huna nga andam magpaubos ug mo alagad sa tanang mga Katawhan.

20/08/2026

August 21, 2026

Ang Santos nga Ebanghelyo sumala kang San Mateo

Mateo 22:34-40

Mateo 22:34
Apan sa pagkadungog sa mga Fariseo nga napahilum niya ang mga Saduceo, sila nanagtapok.
Mateo 22:35
Ug usa kanila, nga batid sa kasugoan, may gipangutana kaniya aron sa pagsulay kaniya.
Mateo 22:36
Miingon siya, "Magtutudlo, unsa man ang dakung sugo sa kasugoan?"
Mateo 22:37
Ug si Jesus miingon kaniya, "Higugmaa ang Ginoo nga imong Dios sa tibuok mong kasingkasing, ug sa tibuok mong kalag, ug sa tibuok mong salabutan.
Mateo 22:38
Mao kana ang daku ug unang sugo.
Mateo 22:39
Ug ang ikaduha sulosama ra, nga mao kini, Higugmaa ang imong silingan sama sa imong kaugalingon.
Mateo 22:40
Niining duha ka mga sugo nagasukad ang tibuok nga kasugoan ug ang mga profeta."

Pamalandong:

Maayong adlaw na usab kanatong tanan Brothers and Sisters. Sa atong Ebanghelyo karong adlawa gihatagan kita sa labing mahinungdanon nga mga Kasuguan sa atong Ginoong Hesukristo, ug mao kini ang labawng dakong Kasuguan nga una higugmaon nato ang Ginoo nga atong Diyos sa tibuok natong Kasing-kasing, sa tibuok natong Kalag, ug sa tibuok natong salabutan ug ang ikaduha higugmaon nato ang atong Silingan sama sa paghigugma nato sa atong kaugalingon. Ang Diyos mao ang tuburan sa gugma ug kung anaa kita niining gugma sa Diyos ug sa atong mga silingan klaro gayud nga kita maayong Tawo. Ang kasilag ug pagdumot iya kana sa dautan maong likayan gayud nato kini kutob sa atong mahimo. Ang pulo ka sugo sa karaang kasabutan gihimong duha sa atong Ginoong Hesukristo apan wala kini kuhai kundi iya pa kining gidugangan. Wala kini kuhai ni wala kini usba ug gidugangan nuon kini. Kay matud pa sa
Hebrews 8 :7
✝ Hebreo 8:7
"Kay kong kadtong nahaunang tugon wala pay nakulang, nan wala unta pagpangitai ug dapit alang sa ikaduha."

Kung atong sabton mga Egsuon kulang gayud ang karaang tugon kay kung ang karaang tugon lamang ang atong pagabasehan mahimong dili bawal ang mga bag-ong bisyo, kahilayan ug mga klase sa pagpangilad. Apan kung atong basehan ang bag-o ug tunhay nga kasabutan nga gihatag kanato sa atong Ginoong Hesukristo mahimong klaro nga ang pagbuhat ug dautan iya gayud sa Yawa ug ang pagbuhat ug maayo gumikan sa gugma iya gayud sa Diyos.

19/08/2026

August 20, 2026

Ang Santos nga Ebanghelyo sumala kang San Mateo

Mateo 22:1-14

Mateo 22:1
Ug kanila misulti si Jesus pag-usab pinaagi sa mga sambingay, nga nag-ingon,
Mateo 22:2
"Ang gingharian sa langit sama sa usa ka hari nga naghimog kombira sa kasal alang sa iyang anak nga lalaki,
Mateo 22:3
ug nagsugo sa iyang mga ulipon sa pagtawag sa mga dinapit sa kombira sa kasal; apan nanagdumili sila sa pagtambong.
Mateo 22:4
Ug nagpaadto na usab siyag uban pang mga ulipon nga iyang giingnan, `Ingna ang mga dinapit, Tan-awa, nahikay ko na ang akong kombira, naihaw na ang akong mga baka ug ang akong mga nati nga pinatambok, ug andam na ang tanan; busa, pangadto na kamo sa kombira.`
Mateo 22:5
Apan ang mga dinapit wala lang manumbaling niini ug nanglakaw hinoon sila, usa paingon sa iyang uma, ug usa paingon sa iyang patigayon,
Mateo 22:6
samtang ang uban nanagdakop sa iyang mga ulipon, ug ilang gidagmalan ug gipamatay sila.
Mateo 22:7
Ug ang hari nasuko, ug gipaadtoan niya sa iyang mga sundalo ug gipapatay ang maong mga mamumuno ug gipasunog ang ilang siyudad.
Mateo 22:8
Ug siya miingon sa iyang mga ulipon, `Andam na ang kombira sa kasal, apan dili takus kadtong mga dinapit.
Mateo 22:9
Busa pangadto hinoon kamo sa kadalanan, ug bisan kinsay inyong ihibalag didto, dapita ninyo sila sa kombira.`
Mateo 22:10
Ug ang mga ulipon miadto sa kadalanan ug ilang gitigum ang tanan nga ilang gihibalag, mga dautan ug mga maayo; ug ang kombirahan sa kasal napuno sa mga dinapit.
Mateo 22:11
"Apan sa pagsulod sa hari aron sa pagtan-aw sa mga dinapit, nakita niya didto ang usa ka tawo nga wala magsul-ob ug bisti alang sa kombira sa kasal;
Mateo 22:12
ug siya miingon kaniya, `Migo, naunsa ba nga misulod ka man dinhi nga wala magsul-ob ug bisti nga angay sa kasal?` Ug ang tawo wala makatingog.
Mateo 22:13
Ug ang hari miingon sa iyang mga sulogoon, `Gapusa ninyo siya sa tiil ug kamot, ug ilabay ninyo siya ngadto sa labawng kangitngitan sa gowa; didto ang mga tawo managpanghilak ug managkagot sa ilang mga ngipon.`
Mateo 22:14
Kay daghan ang gipanagtawag apan diyutay ra ang pagapilion."

Pamalandong:

Maayong adlaw na usab kanatong tanan Brothers and Sisters. Ang atong Ebanghelyo karong adlawa mao ang Sambingay sa usa ka Hari nga naghimo ug kumbira sa Kasal para sa iyang Anak nga lalaki. Daghan kaayo ang geimbitar apan daghan pod kaayo ang ningbalibad busa geingnan niya ang iyang mga Tinun-an nga muadto sa kadalanan aron pagdapit si kinsa man ang ilang ikahibalaag. Brothers and Sisters ang Hari mao ang Diyos Amahan, ang Anak nga iyang giandaman sa kumbira mao ang atong Ginoong Hesukristo, ang Katawhan nga unang gitawag mao ang taga Israel, ug ang Katawhan nga gitawag didto sa kadalanan mao kita. Didto sa Israel isip pinalangga nga Nasud sa atong Ginoong Hesukristo sila ang unang gitawag apan tungod lage sa kagahi sa ilang kasing-kasing ug huna-huna wala sila nagpanumbaling sa tawag sa atong Ginoo ug hangtod karon daghan pa kaayo ang naghuwat nga muabot ang Messiah didto sa ilang dapit kay wa man sila mutuo nga si Hesukristo mao ang Messiah. Ang tawag sa Kumbira mao ang tawag sa pagkamaayong Tawo nga diin kinahanglan kita magsunod sa kabubut-on ug Kasuguan sa atong Ginoo. Apan dili diay igo nga maayong Tawo lamang kita kay sama sa usa ka Tawo nga wala nagsul-ob ug bisti sa kasalan gipagapos ug gipalabay sa gawas sa labawng kangitngitan. Dili igo Brothers and Sisters nga maayong Tawo lamang kita kinahanglan usab sakop kita sa tinuod nga Simbahan sa atong Ginoong Hesukristo ug makadawat kita sa sakramento sa bunyag nga gitudlo ni Hesukristo kanato aron makasulod kita sa Gingharian sa Langit. Base sa Juan 3:3-5

✝ Juan 3:3
"Si Jesus mitubag ug miingon kaniya: Sa pagkamatuod, sa pagkamatuod, naga-ingon ako kanimo, gawas kong ang tawo magapakatawo pag-usab, dili siya makakita sa gingharian sa Dios."
✝ Juan 3:4
"Si Nicodemo miingon kaniya: Unsaon sa tawo ang pagpakatawo kong siya tigulang na? Makasulod ba siya pag-usab sa tiyan sa iyang inahan, ug magpakatawo?"
✝ Juan 3:5
"Mitubag si Jesus: Sa pagkamatuod, sa pagkamatuod, nagaingon ako kanimo: Gawas kong ang tawo magpakatawo sa tubig ug sa Espiritu, dili siya makasulod sa gingharian sa Dios."

18/08/2026

August 19, 2026

Ang Santos nga Ebanghelyo sumala kang San Mateo

Mateo 20:1-16

Mateo 20:1
Kay ang gingharian sa langit sama sa usa ka pangulo sa panimalay nga milakaw sayo sa kabuntagon aron sa pagpangitag mga mamumoo nga iyang kasuholan alang sa iyang parrasan.
Mateo 20:2
Ug sa nagkasabut na siya ug ang mga mamumoo sa tag-denario ang adlaw, iyang gipaadto sila sa iyang parrasan.
Mateo 20:3
Ug sa naglakaw siya sa may ikasiyam ang takna sa buntag, iyang nakita sa tiyanggihan ang uban pang mga walay buhat.
Mateo 20:4
Ug siya miingon kanila, `Pangadto usab kamo sa parrasan, ug suholan ko kamog igo.` Busa nangadto sila.
Mateo 20:5
Ug siya milakaw sa may ikanapulog-duha ang takna sa kaudtohon, ug sa ikatulo ang takna sa hapon, ug mao usab ang iyang gihimo.
Mateo 20:6
Ug sa may ikalima ang takna sa hapon siya milakaw ug iyang nakita ang uban nga nanagbarug; ug siya miingon kanila, `Nganong nanagbarug man kamo dinhi nga walay mga buhat sa tibuok adlaw?Mateo 20:7
Kaniya mitubag sila nga nanag-ingon, `Kay wala may misuhol kanamo.` Ug siya miingon kanila, `Pangadto usab kamo sa parrasan.`
Mateo 20:8
Ug sa pagkasawomsom na, ang tag-iya sa parrasan miingon sa iyang piniyalan, `Tawga na ang mga mamumoo ug bayri sila sa ilang mga suhol, sugod sa mga naulahig tangka hangtud sa mga nahiuna.`
Mateo 20:9
Ug sa pagduol sa mga mitangka sa may ikalima ang takna sa hapon, ang matag-usa kanila nakadawat ug usa ka denario.
Mateo 20:10
Ug sa pagduol sa mga nanghiuna, nanagdahum sila nga makadawat ug labaw; apan ang matag-usa kanila nakadawat ug usa ka denario lamang.
Mateo 20:11
Ug sa ilang pagdawat niini, sila nanagbagotbot batok sa pangulo sa panimalay,
Mateo 20:12
nanag-ingon, `Kining mga naulahi nakabuhat sulod lamang sa usa ka takna, ug sila imong gipakig-angay kanamo nga maoy miabaga sa kinabug-atan sa buhat sa tibuok adlaw ug sa nag-aligiting nga kainit.`
Mateo 20:13
Apan ngadto sa usa kanila mitubag siya nga nag-ingon, `Higala, wala ko ikaw lupigi, kay dili ba nagkasabut man kita sa tagsa ka denario?
Mateo 20:14
Dawata ang imo, ug lumakaw ka. Akong pagbuot nga pagahatagan kining naulahi sama sa akong paghatag kanimo.
Mateo 20:15
Dili ba diay matarung kanako ang paggawi sa akong mga butang sumala sa akong gusto? O imo ba diay ako nga bagot-botan tungod sa akong pagkamahinatagon?`
Mateo 20:16
Sa ingon niana, ang mga naulahi mahiuna, ug ang mga nahiuna mangulahi.

Pamalandong:
Maayong adlaw na usab kanatong tanan mga Egsuon ko diha kang Hesukristo. Sa atong Ebanghelyo karong adlawa mao ang sambingay sa pangulo sa panimalay na nangita ug mamumoo sa iyang parasan. Diha siyay nakita ug gipatrabaho sukad pa sa sayo sa buntag, diha usab alas nuwebe na nagsugod, dihay mga nagsugod alas dose na sa udto ug diha usab alas singko na sa hapon. Pero pag-abot sa tinghatag na sa suhol nahibulong ang ubang mga nagtrabaho ug sayo nganong pareha raman sila ug nadawat nga sayo man sila nagsugod unya ang uban hapon na nagsugod ug trabaho, maong nagbagotbot ang uban na sayo nagsugod. Brothers and Sisters ang Pangulo sa Panimalay mao ang Diyos ug ang mga mamumoo mao kita, ug ang atong mahimong suhol mao ang Kinabuhi nga way katapusan. Naay uban nga sukad pa lang sa ilang pagkabata nag-antos na sila, nagsakripisyo ug nagpuyo nga maayo gayud ug gikahimut-an sa atong Ginoo, apan anaa usab makasasala nagpuyo sa kahugaw ug kadautan, apan sa dihang gitawag siya sa Diyos wala siya magduha-duha pagsunod sa Diyos ug iyang gibiyaan ang iyang naandan nga binuhatan, nagbasol siya ug gibag-o niya ang iyang Kinabuhi. Sa pag-abot unya sa paghukom pareha sila nga makadawat sa gasa sa Diyos nga mao ang Kinabuhi nga way katapusan. Kahinundom kita nga ang unang gisaaran sa atong Ginoong Hesukristo nga makakuyog sa Paraiso mao ang usa ka Kawatan nga nagbasol. Mga Egsuon dili kita angay mahingampa kung mao man gani kini ang mahitabo hinunoa angay kitang malipay kay mas daghan ang nakadawat sa suhol sa Diyos, mas daghan ang nakadawat sa Grasya sa Diyos. Mag-ampo kita Brothers and Sisters nga unta mas daghan pa ang mahimong mamumoo sa atong Ginoo ug dili unta kita kapuyan nga magserbisyo alang sa Diyos sukad karon ug sa mga umaabot pa nga adlaw.

17/08/2026

August 18, 2026

Ang Santos nga Ebanghelyo sumala kang San Mateo

Mateo 19:23-30

Mateo 19:23
Ug sa iyang mga tinun-an si Jesus miingon, 'Sa pagkatinuod, magaingon ako kaninyo, nga igakalisud unya sa usa ka dato ang pagsulod sa gingharian sa langit.
Mateo 19:24
Ug sultihan ko pa usab kamo, nga masayon pa sa kamelyo paglusot sa mata sa dagum kay sa usa ka dato pagsulod sa gingharian sa Dios.
Mateo 19:25
Ug sa pagkadungog niini sa mga tinun-an, nahitingala silag daku ug miingon, 'Nan, kinsa man diay ang arang maluwas?
Mateo 19:26
Si Jesus mitan-aw kanila ug miingon kanila, 'Sa tawo, dili kini mahimo; apan sa Dios ang tanan mahimo.
Mateo 19:27
Ug si Pedro misulti sa pagtubag nga nag-ingon, 'Tan-awa, gibiyaan na namo ang tanan ug nanagsunod kami kanimo. Nan, unsa man lang diay ang among makuha?
Mateo 19:28
Kanila si Jesus mitubag nga nag-ingon, 'Sa pagkatinuod, magaingon ako kaninyo, nga sa bag-ong kalibutan, sa diha nga ang Anak sa Tawo magalingkod na sa iyang mahimayaong trono, kamo nga mga nanagsunod kanako magalingkod usab sa napulog-duha ka mga trono ug inyong pagahukman ang napulog-duha ka mga banay ni Israel.
Mateo 19:29
Ug ang matag-usa nga nagbiyag mga balay o mga igsoong lalaki o mga igsoong babaye o amahan o inahan o mga anak o kayutaan, tungod sa akong ngalan, magadawat ug usa ka gatus ka pilo, ug magapanunod sa kinabuhing dayon.
Mateo 19:30
Apan daghan ang nagauna karon nga unya mangulahi, ug ang nangulahi karon nga unya manag-una.

Pamalandong:
Maayong adlaw na usab kanatong tanan Brothers and Sisters. Sa atong Ebanghelyo karong adlawa nagsulti ang atong Ginoong Hesukristo nga mas sayon pa sa usa ka kamelyo ang paglusot sa mata sa dagom kaysa usa ka datu nga makasulod sa Gingharian sa Langit. Mga Egsuon kung atong huna-hunaon imposible gayud na makalusot ang usa ka kamelyo sa mata sa dagom, unsa nalang kaha intawn ka imposible ang usa ka datu nga makasulod sa Gingharian sa Langit. Makapangutana kita sa atong kaugalingon, ngano kaha? Kana Brothers and Sisters kay ang usa ka datu kasagaran gayud mapahitas-on ug ubos ang tan-aw nila sa ilang isig ka Tawo. Ikaduha Brothers and Sisters ang usa ka datu nga walay Diyos sa iyang Kasingkasing mahimo siyang walay katagbawan ang kagustuhan niya sa bahandi hinungdan nga mahimo siyang hakog niini, ug bisan pa sa kadaghan sa iyang bahandi magka interest pa siya sa bahandi sa uban ug gusto pa niyang angkunon. Dili sayop na manlimbasog kita, apan magpakabana ug magpatalinghug usab kita sa atong isig ka Tawo. Ang atong naangkon nga mga bahandi ato untang gamiton sa pagtabang sa uban kung adunay nagkinahanglan sa atong tabang. Makamao unta kita nga muhatag sa kabos nga dili maghuwat nga baslan kita. Kung kita moasenso dili unta kita mahimong mapahitas-on ug makamao unta kita sa pagtabang sa atong isig ka Tawo.

16/08/2026

August 17, 2026

Ang Santos nga Ebanghelyo sumala kang San Mateo

Mateo 19:16-22

Mateo 19:16
Ug tan-awa, miduol kaniya ang usa ka tawo nga nag-ingon, 'Magtutudlo, unsa bay maayong buhaton ko aron makapanag-iya ako sa kinabuhing dayon?
Mateo 19:17
Kaniya mitubag siya nga nag-ingon, 'Nganong mangutana man ikaw kanako mahitungod sa maayo? Anaay usa lamang nga maayo. Kon gusto kang mosulod sa kinabuhi, bantayi ang mga sugo.
Mateo 19:18
Kaniya nangutana siya, 'Hain man niini?' Ug si Jesus mitubag, 'Ayaw pagbuno, Ayaw pagpanapaw, Ayaw pagpangawat, Ayaw pagsaksig bakak,
Mateo 19:19
Tumahod ka sa imong amahan ug inahan, ug, Higugmaa ang imong silingan sama sa imong kaugalingon.
Mateo 19:20
Ang lalaking batan-on miingon kaniya, 'Kanang tanan ako nang ginabantayan, unsa pa may akong kulang?
Mateo 19:21
Kaniya mitubag si Jesus nga nag-ingon, 'Kon buot ikaw mamahingpit, lumakaw ka, ibaligya ang imong kabtangan ug ang halin ihatag sa mga kabus, ug makabaton kag bahandi didto sa langit; ug unya umanhi ka ug sumunod kanako.
Mateo 19:22
Ug sa pagkadungog niini sa batan-ong lalaki, siya mipahawa nga masulob-on; kay daghan man ugod siyag katigayonan.

Pamalandong:
Maayong adlaw na usab kanatong tanan Brothers and Sisters. Sa atong Ebanghelyo karong adlawa nangutana ang usa ka datu nga batan-ong Lalake ngadto sa atong Ginoong Hesukristo, kung unsaon niya nga makatag-iya siya sa Kinabuhi nga way katapusan. Ang maong Lalake nagatuman sa mga Kasuguan, apan gusto niya makasiguro nga makabaton gayud siya sa Kinabuhing dayon, maong gihatagan siya sa atong Ginoong Hesukristo ug mas lisod nga tulumanon,l o tahas, kini mao nga ibaligya niya ang iyang mga kabtangan ug ihatag ngadto sa mga Pobre ang halin. Ug diha nibiya ang maong Lalake ug naguol kay daghan man siya ug Kabtangan. Brothers and Sisters sa atong pagpaningkamot nga mahimo kitang perpekto para sa Gingharian sa Diyos, naay usahay nga masangit gayud kita tungod sa mga Kalibutanhong mga butang nga anaa kanato. Kining atong kagustuhan aning mga butanga maoy mahimong dakong babag sa atong tinguha nga makabaton sa Kinabuhi nga way katapusan. Mga Egsuon kitang mga yano lang na membro sa atong Simbahan, igo na kanato nga magsunod o magtuman kita sa mga Kasuguan, apan anaay mga Tawo nga gitawag sa mas taas nga tulumanon, sama sa mga Kaparian sa atong Simbahan. Dili lalim ang ilang sakripisyo mga Egsuon, kay ilang gisakripisyo tanan para lang makapangalad sa Diyos. Gyutay lamang ang makahimo niini ug dako atong pasalamat kanila, kay tungod sa ilang sakripisyo naumol ang atong Pagtuo sa Diyos.

15/08/2026

August 16, 2026

Ang Santos nga Ebanghelyo sumala kang San Mateo

Mateo 15:21-28

Mateo 15:21
Ug si Jesus mipahawa didto ug mipahilit sa kayutaan sa Tiro ug Sidon.
Mateo 15:22
Ug tan-awa, miabut ang usa ka babayeng Canaanhon nga taga-didto, ug misinggit nga nag-ingon kaniya, 'Ginoo, Anak ni David, kaloy-i intawon ako; ang akong anak nga babaye ginasakit pag-ayo sa usa ka yawa.
Mateo 15:23
Apan wala siya motubag kaniya, bisag usa ka pulong. Ug miduol kaniya ang iyang mga tinun-an ug gihangyo siya nila nga nanag-ingong, 'Papaulia siya, kay ania gisunod kita niyag siyagit.
Mateo 15:24
Ug siya mitubag nga nag-ingong, 'Ako gipadala ngadto lamang sa mga nagawalang karnero sa banay ni Israel.
Mateo 15:25
Apan siya miduol ug sa iyang atubangan miluhod siya nga nag-ingon. 'Ginoo, tabangi intawon ako.
Mateo 15:26
Kaniya mitubag siya nga nag-ingon, 'Dili matarung nga kuhaon ang tinapay nga alang sa mga anak ug iitsa ngadto sa mga iro.
Mateo 15:27
Siya miingon, 'Tinuod kana, Ginoo; ngani bisan pa ang mga iro magakaon man sa mga mumho nga matagak gikan sa lamisa sa ilang mga agalon.
Mateo 15:28
Ug kaniya mitubag si Jesus nga nag-ingon, 'O babaye, pagkadaku sa imong pagsalig! Pagabuhaton kini alang kanimo sumala sa imong gusto.' Ug dihadiha naayo ang iyang anak nga babaye.

Pamalandong:
Maayong adlaw na usab kanatong tanan Brothers and Sisters. Sa atong Ebanghelyo karong adlawa mabasa nato ang usa ka babayeng Canaanhon nga nagpakitabang sa atong Ginoong Hesukristo kay tungod sa iyang Anak nga gisakit sa Yawa. Sa una niyang pagsampit sa atong Ginoong Hesukristo wala siya tagda, apan wala siya muondang sa iyang gipangamuyo, ug sa dihang nakita sa atong Ginoong Hesukristo ang kadako sa Pagtuo sa maong Babaye, gituman niya ang gusto sa babaye na mamaayo ang iyang Anak. Mga Egsuon usahay naa kitay iampo sa Diyos apan dili dayon kini nato madawat. Ang ubang Tawo maguol, ug mosurender na dayon sa ilang tinguha kay lage wa sila paminawa sa Diyos. Apan sa atong Ebanghelyo karong adlawa makita nato ang Babayeng Canaanhon nga dako kaayo siya ug Pagtuo ug Pagsalig sa Diyos. Bisan tuod gibalibaran siya sa unang higayon, wala kini niya panumbalinga, kay lage gusto gayud sa maong Babaye nga maayo ang iyang Anak. Mga Egsuon ang mga problema ug mga pagsuway sa atong Kinabuhi usahay makapahilayo kanato sa Diyos, apan sa Tawo nga dako ug Pagtuo ug Pagsalig makapaduol hinuon kini, kay kung unsa kadako ang iyang problema, mao usab kadako ang iyang ipakita nga Pagtuo ug Pagsalig ngadto sa Diyos nga kaya siyang luwason o tabangan nga masulbad ang iyang problema. Atong hinumduman kanunay Ang giingon sa Diyos nga sa saktong panahon Siya nga mao Ang Diyos iyang ihatag kanato Ang atong gipangamuyo. Ang Oras o takna nga ihatag kanato sa Diyos dili nauna ug dili usab naawahi kundi sa saktong panahon gayud, maong mosalig lang gayud kita.

Ang Santos nga Ebanghelyo

24/08/2026

23/08/2026

22/08/2026

21/08/2026

20/08/2026

19/08/2026

18/08/2026

17/08/2026

16/08/2026

15/08/2026

Address

Telephone

Website

Alerts

Contact The Place Of Worship

Shortcuts

Share

Listing takedown request