13/07/2026
JULY 12, 2026 | 15th Sunday in Ordinary Time
Excerpt from the Homily of Rev. Fr. Johanes Frengki Nggesu, SVD:
Napigsa ken nabileg latta ti Sao ti Dios ngem ti panagbungana ket agdepende ti kasasaad ti pusotayo. Ti saludsod ket saan a no nabileg ti Sao ti Dios. Ti pudno a saludsod ket anya a kita ti puso ti umawat kadagiti Sao ti Dios.
No dadduma, ti pusotayo ket kasla dalan ti kinapasindayaw, buteng, unget, wenno kinatangken ti ulo, ket aglapped ti Sao ti Dios a sumrek. No dadduma ti pusotayo ket kasla nabato a daga. Awatentayo ti Sao ti Dios a siraragsak ngem apagbiit laeng. No dadduma pay, ti pusotayo ket kasla daga a napnoan iti siit. Mamatitayo iti Dios ngem ti biagtayo ket adu ti pakaseknantayo. Ngem awisennatayo ni Jesus nga agbunga ken agbalin a nadam-eg a daga. Ti nasayaat a daga ket maysa a puso a silulukat, napakumbaba ken siaannamong a mabalbaliwan, ket agbunga ti naimbag nga ugali iti inaldaw-aldaw.
Mangrugi ti kinasanto iti puso a silulukat iti Dios. Silulukat koma ti pusotayo tapno ti bukel nga imulana ket dumakkel ken agbunga iti nawadwad a pammati, namnama, ken ayat.
