28/12/2025
(PANABO 2 MEDIA UPDATE) 12-28-25
Dalaygon ang Dios nga puno sa kalinaw ug grasya 😊 Petsa baynte, bulan sa Disyembre, tuig Dosmilbaynte singko gipahigayon ang talagsaon nga panagtapok sa Panabo District 2 dinhi sa Manay SDA Church, Panabo.
Ngisi ug pahiyum, pag-abiabi ug paglamano, ang mga kaigsoonan sa mao na distrito madasigon sa pagtambong niini nga kalihokang maayo. Kini nga panagtigom dili yano nga okasyon, kini usa ka panaghiusa, usa ka piniling higayon.
Tungod kini sa isa ka tuig kapila lamang mahitabo
Busa ang pagpakyas sa pag-adto, Dili kini mamahimo.
Sayo sa kabuntagon, madungan ang pinasahing alawiton ni Bro. Sadrach Sombrio, atong bisitang Igsoon. Kanta ang personal na mga composo, makadugang inspirasyon sa atong pagtoo
Pinun-an sa mga pagtulon-an nga bulawanon, ang atong Bisita nga si Evangelist Dante Villas nahimong tulay sa mga dagkong talambagon, nga gusto ihatag sa atong Dios nga Dalaygon, kanimo ug kanako Igsoon.
Agig paggamit sa matag gutlo ug higayon, Human sa serbisyo sa kabuntagon, gihimo ang eleksyon, aron mapili ang opisyales sa distrito ug sa uban pang departamento, alang sa pag andam sa umalabot nga tuig sa atong pagtoo.
Gigamit usab kini na opportunidad sa mga batan-on sa distrito Aron sa pag hugoy-hugoy ug paghimo ug usa ka social gathering.
Adunay giandam na mga aktibidad alang sa pagdasig sa ilang tibook nga aspeto
Hangtud sa pagpahat sa nagkalain-lain na mga panalangin.
Ang tumong mao nga sa Dili pa muabot ang bag-ong tuig, mabalik ang ka lig-on, ang kadasigon, ug ang maayong relasyon sa mga batan-on.
Gipadayon pa kini sa usa ka community outreach, sa dihang nangulo ang mga batan-on sa pagtunol sa mga pinatik ug ginagmayng kalan-on sa mga higalang Makita sa dalanon ✨.
Bitbit ang kalipay ug mga pagtulon-an, sigurado nga mubalik ang matag-usa sa ilang mga Iglesya, uban sa usa ka bag-o nga panagsaad sa atong Dios nga gugma ug andam sa pagsugat sa bag-ong tuig, tuig dosmel baynte sais.
Matud sa sinuslat sa Hebrohanon Kapitulo trese bersikulo uno, "Himoa nga ang gugmang minagsoon magapadayon diha kaninyo".
