Salita At Panalangin

20/08/2026

19/08/2026

https://www.facebook.com/share/p/1F1rpF6p5P/?mibextid=wwXIfr

““Kaya isang bagong utos ang ibinibigay ko sa inyo: Magmahalan kayo. Kung paano ko kayo minamahal, ganoon din dapat ang pagmamahal nʼyo sa isaʼt isa.” Juan‬ ‭13‬:‭34‬ ‭ASD‬‬

Wei?
Familiar with the song na nagsasabing: O i love you with the love of the Lord, yes i love you with the love of the Lord…

O sa mga bata-bata: Mahal na mahal kita sa Panginoon…

Ito ang utos na binigay ng Lord bago siya hulihin para ipapako sa krus. You may think na sa kanila lang ito; sa mga alagad binigay ang utos na ito. Pero, remember the Great Commission?: “gawin ninyong alagad ko ang mga tao sa lahat ng bansa…Turuan ninyong silang sumunod sa lahat ng inutos ko sa inyo.”

So, ito’y para sayo at sa akin.
The Commander?
Ang Panginoong Jesus. Hindi ang mga alagad, kundi ang Panginoong Jesus.

Sa book of Acts tinawag si Jesus na Lord; sinasabi more than 90 times compare sa isa o dalawang beses lamang siyang tinawag na Savior. Of course si Jesus ay both Savior and Lord na marahil binigyan diin lamang ang pagkaLord niyq para isiksik sa isip natin na di lang siya Savior kundi Lord and so dapat natin siyang sundin natin as our Lord and yes Savior:)

The Command
“Magmahalan kayo”

Sa ating panahon tila nagmamahalan ang marami at paano pinapakita ang pagmamahal? Toleration, layaw o laya sa kung ano ang gustong gawin o ibigin; sabi nga “kung saan ka masaya, suportaran ta ka.”
Na ang pagmamahal ay pagbibigay laya sa sinuman sa kung ano ang ibig niya o nagpapasaya sa kanya. Ang resulta?

Ang gender ay basi sa nararamdaman, hindi na sa birth.
Ang pagpapakatao o ang pagiging ano sa sarili ay basi narin sa sarili. Kung feeling nya’y siya ay tigre kahit na siya’y tao; sa ngalan ng pag ibig ibigay ang ibig.
Ang pakikipagrelasyon gaya ng sa kapwa lalaki o kapwa babae ay basi sa feeling kahit na ito ay lumalabag sa kalooban ng Lord.

Paano ba magmahal? Paano ba i-execute o gawin ang utos ng Lord na magmahalan?

Again, Juan 13:34
34 “Isang bagong utos ang ibinibigay ko sa inyo ngayon: magmahalan kayo! Kung paano ko kayo minahal, gayundin naman, magmahalan kayo.”

“Kung paano ko kayo minahal, gayundin naman, magmahalan kayo.”

The Copy or Example
Ang example natin to copy ang pagmamahal natin sa isa’t isa ay ang pagmamahal sa atin ng Lord.

Ang Lord minamahal tayo not in a way, sumunod tayo sa layaw natin. No! Kundi sumunod sa Kanya. Utos ba ito na domineering o paniniil? Alam natin na ang mga utos ng Lord ay mabuti, hindi po ba?

Roma 13:8-10
8 Huwag kayong magkaroon ng sagutin kaninuman, maliban na kayo'y magmahalan sa isa't isa, sapagkat ang nagmamahal sa kapwa ay nakatupad na sa Kautusan. 9 Ang mga utos gaya ng, “Huwag kang mangangalunya; huwag kang papatay; huwag kang magnanakaw; huwag mong pagnanasaang maangkin ang pag-aari ng iba;” at alinmang utos na tulad ng mga ito ay nauuwing lahat sa iisang utos, “Ibigin mo ang iyong kapwa gaya ng pag-ibig mo sa iyong sarili.”10 Ang umiibig ay hindi gumagawa ng masama kaninuman, kaya't ang pag-ibig ang katuparan ng Kautusan.

Hindi nga’t ang saya ng buhay kung ganito tayo nagmamahalan? Sumusunod sa utos ng Panginoon.
Sa 1 Juan 5:2-3
2 Ito ang palatandaang iniibig natin ang mga anak ng Diyos: kung iniibig natin ang Diyos at tinutupad ang kanyang mga utos, 3 sapagkat ang tunay na pag-ibig sa Diyos ay ang pagtupad sa kanyang mga utos. Hindi naman napakahirap sundin ang kanyang mga utos.

At opo, bago ng Lord ibigay ang utos natin ibigin natin siya ay siya ang unang umibig sa atin:)

Mahaba na ako:)

Tsup!

Pagbulay-bulayan:

Galacia 5: 6 Sa mga nakipag-isa na kay Cristo Jesus, hindi na mahalaga kung ang isang tao ay tuli o hindi. Ang mahalaga'y ang pananampalatayang gumagawa sa pamamagitan ng pag-ibig.

13/08/2026

“Ngunit sinasabi ko sa inyo na mahalin ninyo ang inyong mga kaaway at ipanalangin ang mga umuusig sa inyo.” Mateo‬ 5: 44‬
Wei?
Napaaway ka na ba? O inaway ka?:) what you did?
How about ang usigin o I-persecute dahil sa iyong faith? Ano ang ginawa mo?
Here, sabi ng Lord, “Ngunit sinasabi ko sa inyo…” nagpapahayag na salungat sa nauna niyang binanggit. Ano po ‘yung nauna niyang binanggit?
43 “Narinig ninyong sinabi, ‘Ibigin mo ang iyong kapwa at kamuhian mo ang iyong kaaway.’
Sounds like nababasa natin sa Facebook:) “Mabait ako sa mabait sa akin, masama ako sa masama sa akin,” ano po?
May sinabi ang Panginoong Jesus ng ganito, after two verses from verse 44, verse 46-47
46 “Kung ang mga nagmamahal sa inyo ang siya lamang ninyong mamahalin, anong gantimpala ang inyong maaasahan? Hindi ba't ginagawa rin iyan ng mga maniningil ng buwis? 47 At kung ang mga kapatid lamang ninyo ang inyong binabati, ano ang ginagawa ninyong higit kaysa iba? Hindi ba't ginagawa rin iyan ng mga Hentil?
So, what was the Lord Jesus is saying, kung katulad lang tayo ng mga Gentile o walang pananampalataya sa Panginoon na mabait sa mabait sa kanila at masama sa masama sa kanila, ano ang kaibahan natin bilang mananampalataya?
Kaya, ano daw ang dapat nating gawin sa umaaway sa atin as Christian? “mahalain…ang inyong kaaway.”
Sa Roma 12: 17 Huwag ninyong gantihan ng masama ang masama. Sikapin ninyong mamuhay nang marangal sa harap ng lahat ng mga tao. 18 Hangga't maaari, gawin ninyo ang inyong makakaya upang mamuhay kayo nang mapayapa kasama ng sinuman. 19 Mga minamahal, huwag kayong maghihiganti; ipaubaya ninyo iyon sa galit ng Diyos. Sapagkat nasusulat, “Akin ang paghihiganti, ako ang gaganti, sabi ng Panginoon.” 20 Sa halip, “Kung nagugutom ang iyong kaaway, pakainin mo; kung nauuhaw, painumin mo; sa gayon ay magbubunton ka ng mga baga sa kanyang ulo.” 21 Huwag kayong magpadaig sa masama, kundi daigin ninyo ng mabuti ang masama.
Again, kailan kayo huling may nakaaway? Paano kayo nakipag-away?
Ano pa po ang sabi ni Lord sa verse 44?
“at ipanalangin ang mga umuusig sa inyo.”
Ang naalala ko ay si Stephen, remember? Ano ang ginawa niya habang siya’y binabato dahil sa kanyang pananampalataya sa Panginoon?
Gawa 7: . 59 At habang binabato nila si Esteban, nanalangin siya ng ganito: “Panginoong Jesus, tanggapin mo po ang aking espiritu.” 60 Lumuhod si Esteban at sumigaw nang malakas, “Panginoon, huwag mo po silang pananagutin sa kasalanang ito!”
At pagkasabi nito, siya'y namatay.
Grabe ano po? Saan humugot si Stephen na para ganito ang gawin niya sa mga bumabato sa kanya?
Again, kailan ka huling inusig dahil sa iyong pananampalataya? Ano ang ginawa mo?
Something we can think about kung paano nga ba tayo tumutugon sa umaaway sa atin o umuusig sa atin? Paano ba tayo tumutugon if kapatid natin sa pananampalataya ang mayroong tayong di pagkakaunawaan o awayan?:)
Mahaba na ako:)
Tsup!
Pagbulay-bulayan:
Kawikaan 20:22 Huwag mong gantihan ng masama ang masama; tutulungan ka ni Yahweh, sa kanya ka magtiwala.

08/08/2026

https://www.facebook.com/share/1DLxwpv58d/

“Kaya tandaan ninyo: Anuman ang hilingin ninyo sa Diyos sa panalangin, manampalataya kayong natanggap na ninyo ito, at matatanggap nga ninyo.” Marcos‬ ‭11‬:‭24‬ ‭ASD‬‬

Wei?

Ang mga salitang ito (Mark 11:24) ay tugon ng Panginoong Jesus kay Pedro.

Ano po ba ang sinabi ni Pedro sa Panginoon? Verse 21

21 Naalala ni Pedro ang nangyari dito kaya't kanyang sinabi kay Jesus, “Guro, tingnan ninyo! Patay na ang puno ng igos na isinumpa ninyo.”

Opo, napatanong si Pedro ng ganito sa Lord dahil naalala niya ang pagsumpa ni Lord sa tinutukoy niyang puno ng igos na patay na.

Atras po tayo ng kaunti, from verse 12-14

12 Kinabukasan, nang pabalik na sila mula sa Bethania, si Jesus ay nakaramdam ng gutom.13 Nakita niya sa di-kalayuan ang isang malagong puno ng igos. Nilapitan niya ito upang tingnan kung may bunga. Dahil hindi pa panahon ng igos noon, wala siyang nakita kundi mga dahon lamang.14 Kaya't sinabi niya sa puno ng igos, “Wala nang makakakain pa ng iyong bunga.” Ang sinabi niyang iyon ay narinig ng kanyang mga alagad.

So, opo sinumpa ng Lord 'yung puno ng igos na walang bunga, narinig ito ng mga alagad; with Peter. At kinaumagahan, pagbalik nila, nadaanan nila ang punong ito at patay na; tuyo na hanggang ugat.

Going back sa pagsumpa ni Lord sa puno, gaya ko marahil napatanong kayo bakit sinumpa ng Lord 'yung puno? Bakit hindi nalamang niya pinasigla, pinabunga? At bakit niya sinumpa kung ang dahilan ay walang bunga ang puno, eh sabi nga "Dahil hindi pa panahon ng igos noon, wala siyang nakita kundi mga dahon lamang."
So, why? Dala lang gutom na si Lord and so na frustrate na walang makain, walang bunga?

Sinasabi, dahil narin ang sumunod na pangyayari ay ang ginawa ng Lord sa temple na galit na galit siyang pinagtataob ang mga lamesa ng mga money changer, ang mga paninda, pinagtatabuboy ang mga nagtitinda dahil sabi nga po niya: “Nasusulat, ‘Ang aking tahanan ay tatawaging bahay-dalanginan ng lahat ng bansa.’ Ngunit ginawa ninyo itong lungga ng mga magnanakaw!” (v17)

So, sinasabi na ang pagsumpa ng Lord sa puno ng igos ay object lesson o message reflecting about the temple o about mga tao sa temple na acting religiosity superficially o paimbabaw kaya't walang bunga ng katuwiran o kabanalan.

Gaano karami ang mananambahan tuwing Linggo, puno mga simbahan, maraming awitan, maraming naghahandog, pero as soon na umalis na sa pananambahan, sabi nga "holy tuwing Sunday worship service, holymaw the rest of the week.
So, kaya ito ang ginawa ng Lord sa puno ng igos. At ito nga ang response ng Lord kay Peter:
“Kaya tandaan ninyo: Anuman ang hilingin ninyo sa Diyos sa panalangin, manampalataya kayong natanggap na ninyo ito, at matatanggap nga ninyo.”

So, yes, ang temple ay sabi nga ng Lord: "Ang aking tahanan ay tatawaging bahay-dalanginan," but, hindi ito nangangahulugan na we can just ask in prayer sa Lord then matik tatanggap tayo. No!
Kung wala tayong pananampalataya na nakikita sa pagsunod na may paggalang at pagpapakumbaba, huwag tayong umasang tumanggap ng tugon sa ating panalangin.

Sa verse 25, after 24:) ano po sabi ni Lord:
25 Kapagkayo'y tumayo upang manalangin, patawarin muna ninyo ang nagkasala sa inyo upang ang inyong mga kasalanan ay patawarin din ng inyong Ama na nasa langit.

Ganito rin ang sinabi ng Lord 'di ba? Sa Sermon on the Mount, na pagkatapos niyang ituro ang Lord's Prayer o 'yung Our Father ay sinabi nya ito(Marcos 11:25) sa Matt.6: 14-15.

So, yes, hindi ito guaranteed promise na whosoever, whatever, basta you asked in prayer ay tanggapin mo na.

Si Peter ang sinabihan nito right? Naalala ko sa sulat ni Apostle Peter, sabi nya:
7 Kayonamang mga lalaki, unawain ninyo at pakitunguhang mabuti ang inyong asawa, sapagkat sila'y mas mahina. At sila'y kasama ninyong tatanggap ng buhay na kaloob ng Diyos. Gawin ninyo ito upang walang maging sagabal sa inyong mga panalangin. 1 Pedro 3

Mahaba na ako:)
Yes, si Lord ay sumasagot sa ating panalangin. Sabi nga Yes, No, Wait at yes isa sa hadlang para si Lord ay tumugon sa ating panalangin ay kasalanan; di pinagsisihang kasalanan.

Tsup!

Pagbulay-bulayan:
1 Pedro 3:12Ang mga mata ng Panginoon, sa matuwid nakatuon, ang kanilang panalangin ay kanyang pinakikinggan, ngunit ang masasama ay kanyang sinasalungat.”

-Rev. Charles Alcid

05/08/2026

https://www.facebook.com/share/1FiC9dxttt/

““Ang taong mapagkakatiwalaan sa maliliit na bagay ay mapagkakatiwalaan din sa malalaking bagay. At ang taong madaya sa maliliit na bagay ay magiging madaya rin sa malalaking bagay.”
‭‭Lucas‬ ‭16‬:‭10‬ ‭ASD‬‬

Wei?
Marahil familiar kayo sa kwento about sa nanalangin na mabuntis at magkaanak ang inahin niyang baboy at nangako sa Lord na kapag tinugod siya ay ibibigay niya sa Lord ang isa. At nagbuntis nga ang kanyang inahin, nanganak, pero isa-isang namatay hanggang sa isa nalang ang natira. Dinalaw siya ng Lord sa panaginip para paalalahanan siya sa pangako niyang ibibigay niya ang isa sa mga anak ng inahin niya. At ang tugon niya, "Lord, wala na po eh, nasama doon sa namatay 'yung isang ibibigay ko."

Ito ay isang halimbawa ng di mabuting katiwala; "At ang taong madaya sa maliliit na bagay ay magiging madaya rin sa malalaking bagay.”

Mas pinahalagahan nya ang temporal na bagay; kaysa sa pagsunod o pagtupad ng pangako niya sa Panginoon na spiritual, may ika nga'y spiritual value.

Ang talatang ito-Lucas 16:10 ay sinabi ng Panginoong Jesus pagkatapos niyang banggitin ang isang talinghaga: Ang Talinghaga ng Tusong Katiwala.

Sa talinghagang ito ang pinatutukuyang Tusong Katiwala ay mga taong may pagpapahalaga sa material o worldy wealth at may kakayahang palaguin ito dahil narin sa pagpapahalaga nila dito; ngunit sa Dios, sa panlangit na mga bagay ay walang pagpapahalaga.

Hinda nga't kung ano ang pinapahalagahan ng tao ay 'yun ang kanyang pinaglalaanan ng oras, talino, lakas, pagsisikap. Tusong katiwala dahil walang pagpapahalaga sa panglangit na kayamanan kundi pangmundo lamang; kaya tuso.
Gaya ng mayaman sa Ang Talinghaga ng Hangal na Mayaman sa Lucas 12: 16-21. Well, yes, i would say mas mabuti pa itong mayaman, honest niyang napalago ang ari-arian nya, but gaya ng Tusong Katiwala, walang puwang ang kayamanang panlangit sa kanya. Sabi nga ng Lord sa verse 20-21, Lucas 12

20 “Ngunit sinabi sa kanya ng Diyos, ‘Hangal! Sa gabi ring ito'y babawian ka na ng buhay. Kanino ngayon mapupunta ang mga inilaan mo para sa iyong sarili?’21 Ganyan ang sasapitin ng sinumang nag-iipon ng kayamanan para sa sarili, ngunit dukha naman sa paningin ng Diyos.”

Mahaba na yata ako:)
Ano ang mahalaga sa iyong buhay? Kung ano ang priority mo ay siyang binubuhusan mo ng oras, lakas, isip, sipag, ng buhay mo. Ang tanong ay may spiritual value po ba 'yan? Kayamanan po ba 'yang maiimpok o madadala sa langit?

Yes, we live by bread din:) ang Lord ang nagproprovide ng daily bread natin, di po ba? But, hindi by bread alone, kundi by every word of God. So, ang bread na nagbibigay ng lakas, kalusugan, pleasure sa ating katawan ay dapat gamitin natin para sa makalangit na gawain o halaga.

Mahaba na talaga ako:)

Tsup!

Pagbulay-bulayan:
Lucas 16: 13 “Walangaliping maaaring maglingkod sa dalawang panginoon sapagkat kamumuhian niya ang isa at iibigin ang ikalawa, paglilingkuran nang tapat ang isa at hahamakin ang ikalawa. Hindi kayo maaaring maglingkod sa Diyos at sa kayamanan.”

-Rev. Charles Alcid

30/07/2026

https://www.facebook.com/share/p/17mWAe7RxJ/

Kawikaan 18:21 ASD
[21] Ang salita ng tao ay makapagliligtas ng buhay o kaya ay nakamamatay. Kaya mag-ingat sa pagsasalita sapagkat aanihin mo ang mga bunga nito.

Wei?
Sa maghapon, ilang words po ang inyong nasasabi?
But, yes, ang mas mahalagang tanong ay ano ang nasasabi ng ating mga labi.

Himayin po natin ang sabi sa Kawikaan 18:21

Ang salita ng tao ay makapagliligtas ng buhay...

At hindi nga't maraming kwento tayong maririnig na mga taong nasa sitwasyon sila ng nawawalan na ng pag-asa, kawalan ng dahilan na magpatuloy sa buhay, ngunit dahil sa salitang sinabi sa kanila na nagdulot ng pagpapalakas ng kalooban, o pagbabago ng isip o pananaw na nagdala sa kanila sa pagtatagumpay.

At tiyak may karanasan rin kayo gaya nito, ano po? Makakabuting sariwain ito sa inyong isip:)

Sa kabilang banda, may mga salita ang tao na nakakawasak o nakakamatay ng may buhay.

Sabi nga po sa pangalawang bahagi ng talata:...o kaya ay nakamamatay.

At yes, marahil ay may karanasan rin kayo ng gaya ganito.

At yes, nakikita at naririnig natin ito araw-araw kung paano pinagmumura, pinagwiwikaan ng kung ano-anong mga ika nga'y pag-aalipusta sa maliliit na bata. Imagine kung ano ang maaaring idulot nito sa bata sa kanyang buhay, sa kanyang paglaki?

Ang mga g**o sa paaralan ay tila pinagbabawalan ng pagdidisiplina sa mga bata na di gaya noon, pinapatayo at pinapaharap sa pisara, o pinapaunat ang mga braso na may nakapatong na pambura kapag may ginawa ang bata na di nararapat, na ngayon nga'y bawal dahil ito daw ay nagpapababa sa self-esteem o pagpapahalaga sa sarili. Pero pagdating sa community ng bata, sa bahay ng bata, tinatanggap niya lahat ng mura, mga salitang wala pamang self-esteem 'yung bata ay ganito na ang nararanasan.

Kung tayo ngang nakakatanda ay maaari paring masaktan sa mga nasasabi sa atin, paano pa ang mga bata?

Ano pa po ang sabi ng Kawikaan 18:21?
21c, Kaya mag-ingat sa pagsasalita sapagkat aanihin mo ang mga bunga nito.

Opo, let's watch our mouth, guard our mouth. At yes, hindi lamang magdudulot ito ng mabuti o masama sa sinasabihan natin, ito rin ay babalik sa atin, aanihin natin ang mga salitang hinasik natin sa kapwa natin. At yes, wika ng Panginoong Jesus:
36 “Tandaan ninyo, sa Araw ng Paghuhukom, pananagutan ng tao ang bawat walang kabuluhang salitang sinabi niya. 37 Pawawalang-sala ka, o paparusahan, batay sa iyong mga salita.” Mateo 12

Practical applications:

𝗣𝗿𝗮𝘆 𝗳𝗼𝗿 𝘆𝗼𝘂𝗿 𝗺𝗼𝘂𝘁𝗵 - Opo, may mga panalangin like sa Awit para sa labi.

Awit 141: 3 "O Yahweh, bibig ko ay iyong bantayan, ang mga labi ko'y lagyan mo ng bantay."

Awit 19:14 "Nawa'y ang mga salita ko at kaisipan,
kaluguran mo, Yahweh, manunubos ko at kanlungan."

𝗥𝗲𝗮𝗱 𝗼 𝗥𝗲𝘃𝗶𝗲𝘄 𝘆𝗼𝘂𝗿 𝗺𝗼𝘂𝘁𝗵 𝗯𝗮𝗴𝗼 𝗺𝗼 𝘀𝗮𝗯𝗶𝗵𝗶𝗻

Sabi nga sa Santiago 1: 19 "Mga kapatid kong minamahal, unawain ninyo ito: maging alisto kayo sa pakikinig, maingat sa pagsasalita at hindi agad nagagalit."

𝗔𝗽𝗽𝗿𝗼𝗽𝗿𝗶𝗮𝘁𝗲 𝘆𝗼𝘂𝗲 𝘄𝗼𝗿𝗱 - Piliin mong maging pagpapala ang iyong salita.

𝗬𝗶𝗲𝗹𝗱 𝗼 𝘀𝘂𝗿𝗿𝗲𝗻𝗱𝗲𝗿 𝘆𝗼𝘂𝗿 𝗹𝗶𝗽𝘀 𝘀𝗮 𝗟𝗼𝗿𝗱

Mahaba na:)

Pagbulay-bulayan:
Santiago 3
9 Ito ang ginagamit natin sa pagpupuri sa ating Panginoon at Ama, at ito rin ang ginagamit natin sa panlalait sa taong nilalang na kalarawan ng Diyos. 10 Sa iisang bibig nanggagaling ang pagpupuri at panlalait. Hindi ito dapat mangyari, mga kapatid. 11 Hindi lumalabas sa iisang bukal ang tubig-tabang at tubig-alat. 12 Mga kapatid, hinding-hindi makakapamunga ng olibo ang puno ng igos, o ng igos ang puno ng ubas, at lalong hindi rin bumubukal ang tubig-tabang sa bukal ng tubig-alat.

-Rev. Charles Alcid

28/07/2026

https://www.facebook.com/share/p/1EAtGob8Ac/

“‘Papahirin niya ang mga luha sa kanilang mga mata. Wala nang kamatayan,’ kalungkutan, iyakan o sakit. Sapagkat lumipas na ang dating kalagayan.”” Pahayag‬ ‭21‬:‭4‬ ‭ASD‬‬

Wei?
Hindi nga't ito ang ninanais natin?
Wala ng pagluha dulot ng kamatayan, kalungkutan at sakit?

Gaano kasakit ang mawalan ng mahal sa buhay? Yun ngang di mo kaano-ano'y naaantig ang kalooban natin para sa nawalan, paano pa kaya kung sarili nating mahal sa buhay?

Ilang pagkakataon narin na tayo ay lumuha dulot ng sakit? Kabiguan man, kasamaang ginawa ng ating kapwa o karamdaman?
Nakita natin at tayo ay nakadama ng sakit somehow sa pagluha ng mga kaanak ng rider na pinatay gamit ang icepick.

At napapaisip tayo bakit may ganito? Kailan mawawala ang ganito? At marahil napapatanong din ng ganito: ano ang ginagawa ng Dios?

Ang sumulat ng book of Revelation ay si apostle John na dumanas din ng sakit at paghihirap. Sinulat niya ito sa Patmos kung saan po siya ay tinapon (exiled) dahil sa pangangaral niya ng salita ng Panginoon. Sinasabi, bago siya dalhin rito sa utos ng Rome, siya'y tinapon sa kumukulong langis, but miraculously nakaligtas. Si apostle John man ay dumanas ng mga sakit, hirap at pagluha.

And here habang siya'y nasa Patmos, pinakita ni Lord sa kanya ang mangyayari sa hinaharap ang mga mangyayari bago dumating ang katapusan ng mundo, ang pagbabalik ng Panginoon, ang pagpaparusa ng Dios sa lahat ng mga unbelievers (21:8) at ang pagliligtas sa mga believers at buhay na walang hanggan sa bagong langit at mundo at dito nga'y wala ng pagluha dulot ng kamatayan at sakit dahil wala na ang kasalanan at sanhi ng pagkakasala.

But yes, habang nandito tayo sa buhay na ito, naririto ang mga sanhi ng pagkakasala, naririto ang kaguluhan dahil sa pagkakasala ng tao na maaaring magdulot sa atin ng sakit at pagluha.
But yes, dahil ito ay mga katotohanang di mapapasubalian at ating mararanasan, let's hold on sa pangako ng Dios na bagong langit at mundo na wala na ang pagluha. At habang hinihintay natin ito ng may pag asa, may katiyakan, dahil ang Dios ay tapat sa kanyang salita.
Lastly:) nabasa ko lang din ito:
Know it (the Word of God)in your head (alam ang Salita ng Panginoon)
Stow it in your heart (itago o imbak sa iyong puso)
Show it in your life (ipakita sa buhay)
Sow it in the world (ihasik sa mundo).

Opo, ito po ang ating gawin habang hinihintay natin ang lubos na kaganapan ng pangako ng Dios sa atin na papahirin Niya ang ating mga luha at di na tayo kailanman luluha.

Amen po Panginoon.

Tsup!

Pagbulay-bulayan:
Pahayag 21:
1 Pagkatapos nito, nakita ko ang isang bagong langit at isang bagong lupa. Wala na ang dating langit at lupa, wala na rin ang dagat. 2 At nakita ko ang Banal na Lungsod, ang bagong Jerusalem na bumababa mula sa langit buhat sa Diyos, gaya ng isang babaing ikakasal. Siya'y nakabihis at nakahanda sa pagsalubong sa kanyang mapapangasawa. 3 Narinig ko ang isang malakas na tinig mula sa trono, “Tingnan ninyo, ang tahanan ng Diyos ay nasa piling na ng mga tao! Maninirahan siyang kasama nila, at sila'y magiging bayan niya. Diyos mismo ang makakapiling nila at siya ang magiging Diyos nila. 4 At papahirin niya ang bawat luha sa kanilang mga mata. Wala nang kamatayan, dalamhati, pagtangis, at paghihirap sapagkat lumipas na ang dating mga bagay.”

- Rev. Charles Alcid