https://www.facebook.com/122561487613040/

COSMA - Community of St. Michael the Archangel, St. Joseph the Worker Parish Sangi Madridejos Alegria, Cebu (2026)

Q: What is the address?

St. Joseph The Worker Parish Sangi Madridejos Alegria

02/09/2026

Children spending so much time on the internet by themselves are also vulnerable to (demonic) attacks.

- Fr. Jocis Syquia

11/03/2026

"𝗔𝗻𝗴 𝗚𝘂𝗯𝗮𝘁 𝘂𝗴 𝗞𝗶𝘁𝗮"
- Rev. Fr. Reynaldo Cui

Dili na gyud mabangbang ang mga panghitabo karong mga panahona. Padayon ang gubat tali sa Israel ug Iran. Daghang danyos sa mga kabtangan ingon man pila na kaha ka mga kinabuhi ang nakalas gumikan ning maong panaggubat. Kining maong panaggubat bisan asa ug diin nisalamin lamang kun unsay tinud-anay nga panghitabo sulod mismo sa matag kasingkasing sa matag tawo. Samtang wala pay nakontento sa kinabuhi padayon gihapon kitang manlimbasog sa pakigbisog aron magmadaugon sa gubat nga atong gihimo o dili ba kaha gipahamtang ngari kanato.

Bisan gani mismo sa hawanang Sagrado anaa man gihapon ang panagbingkil gumikan sa ideolohiya ug baruganan. Mao nga padayon gihapon ang gubat ug nahimong idlas ang kalinaw ug ang malinawong pagkinabuhi. Samtang padayon kitang nakigbisog ug nakiggubat sa uban, padayon usab nga nagun-ob dili lang ang kalikupan kondili usab ang atong kaugalingong kinabuhi ug ang kinabuhi sa kinabag-an.

Lisud ang panahon karon kinahanglang magmapadayonon kitang magbudlay alang sa kalinaw. Dili alang kanato kondili alang usab sa umaabot nga kaliwatan. Ang maong kalinaw makab-ot lamang kun maantigo kitang moabli sa atong kaugalingon alang sa kalinaw. Matud pa sa awit: "Let there be peace on earth and let it begin with me!"

10/03/2026

𝗟𝗔𝗪𝗔𝗦𝗡𝗢𝗡𝗚 𝗣𝗔𝗚𝗣𝗜𝗧𝗢𝗟 - Rev. Fr. Reynaldo Cui

Matag sulod nato sa Kwaresma mosantop gyud nato ang mga isyu kalabot sa Lawasnong Pagpitol diha sa konteksto sa abstinensiya ingon man sa pagpuasa. Ang abstinensiya dili kita mokaon og karne sa matag adlaw nga biyernes sulod sa kwaresma. Niadtong seminarista pa mi matag biyernes tibuok tuig sayud gyud mi nga monggos ug sinugbang isda ra gyud among kaunon. Ang puasa sa laing bahin mao kadtong paglikay sa pagkaon sama pananglit sa paniudto o panihapon segun sa mahimo o makaya. Mahimong gihimo nato kini alang sa medical nga tumong sama sa mga gi- required fasting sa dili pa ang mga laboratory tests. O tungod sa kamandoan sa usa ka rehiliyoso ug espirituhanong kawsa. Kasagaran ang tumong niini mao ang paghingpit sa kaugalingon alang sa mas hataas nga tumong ug katuyoan. Mahimong kining mga katuyoan naglangkob ning mosunod:

1. Pagpangayo nga mapasaylo ang atong mga sala.
2. A duna kitay seryoso nga gipangayo sa Dios.
3. Agig pagpangandandam alang sa linain nga misyon sama sa gihimo ni Jesus sulod sa kap-atan ka adlaw ug gabii didto sa kamingawan.

Daghan ang niingon nga mahimo og bisan unsay atong makaon basta ang mahinungdanon mao nga nakahimo kita og mga buhat sa kalooy ngadto sa atong isigkaingon, gihatag nato ang paghigugma ug gigamit nato ang atong dila sa pagpanalangin ug dili ang pagtunglo. Husto man tuod kini apan ang walay igong pagbansay sa disiplina nga lawasnon mamahimong makapakawang ning maong kabag-ohan nga halayos sa tradisyon. Mahimong ang tradisyon hatagan og hustong pagsabot ug pagbansay apan wala kini magpasabot hulipan kini sa binag-o nga mopakagamay sa tradisyon sa Mortification. Hinumdomi dili tanang lami nagdala og kinabuhi. Dunay mga lami nga nagdala og kamatayon. Esmiringhoy ra kaayo ang mga tawo nga motuo sa mga matam-is nga dila ug pagtulon-an nga pulong gikan sa makahilo. Imbis kahiusahan ang gidala, nagdugang naman hinuon sa kagubot ug kalibog!

10/03/2026

𝗦𝗮𝗻 𝗝𝗼𝘀𝗲 𝗞𝗮𝗹𝗶𝘀𝗮𝗻𝗴 𝘀𝗮 𝗺𝗴𝗮 𝗗𝗲𝗺𝗼𝗻𝘆𝗼
- Rev. Fr. Reynaldo Cui

𝗦𝗶 𝗕𝗲𝗮𝘁𝗼 𝗕𝗮𝗿𝘁𝗼𝗹𝗼 𝗟𝗼𝗻𝗴𝗼 (19th- 20th C.E.) nahimugso didto sa Latiano Italy. Nahimugso siya sulod sa katolikong Pamilya apan ang mga nagkadaiyang mga politikanhong ideolohiya ang nihilo sa iyang hunahuna. Hangtud nga niapil siya sa mga nagkadaiyang mga kalihukan kalabot sa occult ug mga seances. Nahimo siyang pari sa Satanistang Tinuohan Wala madugay ang maong kasinatian nagdala kaniya ngadto sa usa ka miserable nga kinabuhi. Kanunay siya nga uromon, sakiton ug lisangon sa demonyo. Dugang pa, nagkadaiyang mga sakit sa lawas ang iyang nasinati ug depresyon. Maayo na lang kay nahigala niya ang usa ka Dominicano nga Pari. Sa kahadlok nga mapukan ang iyang kalag, iyang gitalikdan sa hingpit ang Espiritismo ug nibalik siya sa sabakan sa Katoliko nga Pagtuo. Agig pasalamat sa iyang kalingkawasan nahimo siyang Third Order sa Dominican Order. Nagmadasigon siya sa pagpakaylap sa debosyon sa Santos nga Rosaryo labina didto sa Pompei. Kanunay niya nga gisangpit si San Jose ug dako niya ang gugma sa Titulo: “San Jose, Kalisang sa mga Demonyo!” Daghan siyang nasulat nga mga basahon ug mga pag-ampo kalabot ni San Jose nga sarang magamit matag Marso nga pamalandong. Niadtong tuig 1980 Si Bartolo Longo kanhi Satanistang Pari ang gihimong Beato ni San Juan Pablo II. Matud pa ni Beato Bartolo Longo: “USA KA DAKONG PANALANGIN ALANG SA MGA KALAG NGA ANAA SA ILAWOM SA PANALIPOD SA USA KA SANTOS KANG KANSANG NGALAN MAKAPAKUROG SA MGA DEMONYO NGA TUNGOD NIINI SILA MOKAGIW GAYUD!” 𝗡𝗮𝗽𝗮𝗺𝗮𝘁𝘂𝗱-𝗮𝗻 𝗽𝗶𝗻𝗮𝗮𝗴𝗶 𝘀𝗮 𝗸𝗶𝗻𝗮𝗯𝘂𝗵𝗶 𝗻𝗶 𝗕𝗲𝗮𝘁𝗼 𝗕𝗮𝗿𝘁𝗼𝗹𝗼 𝗟𝗼𝗻𝗴𝗼 𝗻𝗴𝗮 𝗮𝗻𝗴 𝗻𝗴𝗮𝗹𝗮𝗻 𝗻𝗶 𝗦𝗮𝗻 𝗝𝗼𝘀𝗲 𝗮𝗻𝗴 𝗺𝗮𝗸𝗮𝗽𝗮𝗽𝗮𝗵𝗮𝘄𝗮 𝘀𝗮 𝗺𝗴𝗮 𝗱𝗲𝗺𝗼𝗻𝘆𝗼:

1. Ang pagka amahan ni San Jose makapalisang sa mga demonyo.

2. Ang kamapaubsanon ni San Jose makapalisang sa mga demonyo.

3. Ang pagkamanggihatagon ni San Jose makapalisang sa mga demonyo.

4. Ang kakabus ni San Jose makapalisang sa mga demonyo.

5. Ang kaputli ni San Jose makapalisang sa mga demonyo.

6. Ang pagkamasinugtanon ni San Jose makapalisang sa mga demonyo.

7. Ang kahilom ni San Jose makapalisang sa mga demonyo.

8. Ang pag-antos ni San Jose makapalisang sa mga demonyo.

9. Ang pag-ampo ni San Jose makapalisang sa mga demonyo.

10. Ang ngalan ni San Jose makapalisang sa mga demonyo.

11. Ang paghikatulog ni San Jose makapalisang sa mga demonyo.

𝗣𝗮𝗵𝗶𝗻𝘂𝗺𝗱𝗼𝗺

Alang sa mga bana ingon man sa kaparian ang Pagka Amahan ni San Jose ingon man ang iyang Putli uyamot nga kinabuhi mga gamhanang hinagiban batok sa gahum sa kangitngit. “SAN JOSE IMO KAMING PANABANGAN SA KINABUHI UG SA KAMATAYON!”

09/03/2026

📣 Kind Request to Everyone

Fr. Cui would like to gently ask if anyone has unused school supplies (such as notebooks, pencils, crayons, etc. that you might be willing to share or donate.These will be given to our Sunday School students to support them in their learning about life, faith and purpose. Your simple act of generosity can bring great help to the children.

May God bless you abundantly. 🙏🎒

04/03/2026

We already have 400 enrollees.

04/02/2026

𝐊𝐔𝐍𝐆 𝐀𝐍𝐆 𝐆𝐈𝐍𝐈𝐊𝐀𝐍𝐀𝐍 𝐌𝐀𝐎𝐘 𝐌𝐀𝐍𝐔𝐍𝐆𝐋𝐎 𝒉𝒊𝒏𝒖𝒃𝒂𝒅 𝒏𝒊 𝑷𝒂𝒅𝒓𝒆 𝑹𝒆𝒚𝒏𝒂𝒍𝒅𝒐 𝑪𝒖𝒊

Ang mga demonyo nagpaabot lamang sa kahigayonan nga ang mga ginikanan maghimo og usa ka negatibong deklarasyon o tunglo ngadto sa ilang mga anak. Sa higayon nga mahimo kini, ang mga nakadungog nga mga demonyo mohimo dayon og paghatud ning maong hitabo ngadto kang Satanas. Si Satanas mohimo dayon og pagtahas og mga yawa o demonyo aron mahatagan og katumanan ang maong tunglo. Ania ang mga sanglitanan sa tunglo gikan sa ginikanan:

1. 𝑾𝒂𝒍𝒂𝒚 𝑷𝒖𝒍𝒐𝒔 𝒏𝒊𝒏𝒈 𝑩𝒂𝒕𝒂𝒂! Ang mga demonyo sa kapakyasan mobanhig sa kinabuhi sa bata. Daghang mga pag-ampo ang gikinahanglan alang niini.

2. 𝑾𝒂𝒍𝒂𝒚 𝑲𝒂𝒍𝒂𝒖𝒎𝒂𝒏 𝒌𝒊𝒏𝒊𝒏𝒈 𝑩𝒂𝒕𝒂𝒂! Ang mga demonyo sa kawalay paglaum maoy mohugpa sa kinabuhi sa bata. Halos negatibo lamang ang masinati niya ug sulod sa iyang hunahuna.

3. 𝑲𝒊𝒏𝒊𝒏𝒈 𝒃𝒂𝒕𝒂𝒂 𝒘𝒂𝒍𝒂𝒚 𝒂𝒚𝒐! Ang bata kanunay maghunahuna nga siya walay ayo ug walay mahatag nga kontribusyon sa katilingban.

4. 𝑲𝒊𝒏𝒊𝒏𝒈 𝒃𝒂𝒕𝒂𝒂 𝒅𝒊𝒍𝒊 𝒂𝒌𝒐𝒏𝒈 𝒂𝒏𝒂𝒌! Ang bata magdako diin bation niya nga siya mura na lamang og usa ka ilong tuwapos, ang kuyaw mamahimo na hinuon siyang latagaw.

5. 𝑩𝒐𝒂𝒏𝒈 𝒏𝒊𝒏𝒈 𝑩𝒂𝒕𝒂𝒂! Ang bata mamahimong maglibog ug maglisud sa iyang pagtungha.

6. 𝑫𝒊𝒍𝒊 𝒌𝒂 𝑴𝒐𝒍𝒂𝒎𝒑𝒐𝒔! Ang bata mamahimong pakyas sa tanang mga pangandoy sa kinabuhi. Dili siya buligan sa kahigayonan.

7. 𝑫𝒂𝒖𝒕𝒂𝒏 𝒌𝒊𝒏𝒊𝒏𝒈 𝑩𝒂𝒕𝒂𝒂! Ang bata kang kansang kinabuhi ug pagbati maputos sa kadautan ug dautang binuhatan.

8. 𝑴𝒂𝒔𝒂𝒌𝒊𝒕 𝒌𝒐 𝒊𝒏𝒊𝒏𝒈 𝒃𝒂𝒕𝒂𝒂! Usa kini ka death spell nga gibuhian sa ginikanan ngadto sa iyang anak. Mao nga ang kasakitan ingon man ang kamatayon mahimong modumala sa kinabuhi sa imong anak.

9. 𝑨𝒏𝒊𝒎𝒂𝒍 𝒏𝒊𝒏𝒈 𝒃𝒂𝒕𝒂𝒂! Ang tawhanong pagbati sa bata mamahimong mahulipan og pagbati sa usa ka hayop.

10. 𝑷𝒂𝒌𝒂𝒖𝒘𝒂𝒘 𝒎𝒂𝒏 𝒏𝒊𝒏𝒈 𝑩𝒂𝒕𝒂𝒂! Ang kahimayaang diosnon mawala gikan sa bata hinunoa mahulipan kini og kauwaw ug ubos nga panlantaw sa kaugalingon.

11. 𝑴𝒂𝒂𝒚𝒐 𝒖𝒏𝒕𝒂 𝒘𝒂𝒍𝒂 𝒎𝒂𝒉𝒊𝒎𝒖𝒈𝒔𝒐 𝒌𝒊𝒏𝒊𝒏𝒈 𝒃𝒂𝒕𝒂𝒂! Ang mga demonyo sa kamatayon kanunay mag-uban sa bata hangtud sa iyang pagdako.

12. 𝑵𝒂𝒚𝒂𝒘𝒂𝒂𝒏 𝒎𝒂𝒏 𝒕𝒊𝒏𝒈𝒂𝒍𝒊 𝒂𝒏𝒈 𝒉𝒖𝒏𝒂𝒉𝒖𝒏𝒂 𝒏𝒊𝒏𝒈 𝒃𝒂𝒕𝒂𝒂! Ikalipay kini ni Satanas mao nga mahimong hugpaan ang hunahuna sa bata og mga yawan-ong hunahuna.

Subo palandungon kay daghang mga ginikanan ang nagbuhat sa ingon. Apan sa laing bahin ang baba ug dila nga gigamit sa pagtunglo mahimo usab nga gamiton sa pagpanalangin sa kabataan aron unta ibubo unta kanila ang mga grasya nga ilang gikinahanglan. Mga ginikanan ayaw tungloha ang inyong mga anak. Panalangini sila maingon nga kamo gipanalanginan sa Dios.

𝐏𝐀𝐆 𝐀𝐌𝐏𝐎

Amahan pasayloa ako sa matag higayon nga gitunglo ko ang akong anak. Akong giampo nga ang matag sakit ug dautang pulong nga akong nalitok batok sa akong anak matangtang ug mahulipan og panalangin. Pinaagi sa gamhanang ngalan ni Hesus, Amen!

#𝘾𝙊𝙎𝙈𝘼

03/02/2026

MGA HINABANG ALANG SA ESPIRITUHANONG KALINGKAWASAN UG KAAYOHAN

Atong hinumdoman nga mas mahinungdanon gyud ang usa a matinud-anon ug maayong relasyon uban ni Kristo Jesus, Busa kinahanglang pagabatonan kining mosunod:

1.Matinud-anong paghinulsol sa mga sala sa kasamtangan ug sa sa nilabay nga pagkinabuhi

2. Maayong pagkumpisal. Mas maayo nga pagahimoon matag 15 ka adlaw.

3. Kanunay nga motambong sa Misa ug mokalawat.

4. Adunay debosyon sa Mahal nga Birhen Maria ug sa mga Santos.

5. Paglikay sa tanang mga bisyo.

6. Pagpuasa matag karon ug unya.

7. Mga lawasnong buhat sa kalooy.

8. Matag adlaw nga pagbasa sa balaang kasulatan, pagtuon sa mga sinulat sa mga santos ug sa mga pagtulon-an sa Simbahan.

9. Paglikay sa mga dapit, website sa mga kahilayan sanglit makuyaw kining mga dapita. Anaa ang kahigayonan sa pagpakasala nga maoy ganghaan sa mga dautang Espiritu sa atong kinabuhi.

10. Ora Santa kausa sa semana.

11. Maampoong paggamit sa mga sakramentales.

12. Matag adlaw nga pag-ampo.

13. Matag adlaw nga konsagrasyon sa kaugalingon ngadto sa Mahal nga kasingkasing ni Jesus ug sa Putli nga kasingkasing ni Maria.

14. Husto ug tukmang paglabay o paghipos sa mga butang nga iya sa occult.

15. Pagbansay sa mga birtud.

16. Pagpasaylo.

- Fr. Reynaldo Cui

22/01/2026

TULO KA MGA HINUNGDAN KUN NGANONG MAKASULOD ANG YAWA SA ATONG KINABUHI

Tinuod anaa ang sala nga gihimo sa matag tawo mao nga makahimo og impluwensiya sa kinabuhi sa tawo. Gawas sa occult ania pa ang laing tulo ka mga rason kun nganong nahimong makapanghilabot ang demonyo.

1. Kahadlok. Kasagaran ang nasinating kahadlok mahimong pagasugnoran aron kining maong kahadlok molipang pa gyud. Kining maong paglipang sa kahadlok nga nahimong kalisang maoy makapadasig sa gahum sa kangitngit sa pag terrorize sa biktima. Hinumdomi ang kahadlok ug kalisang usahay maoy hinungdan kun nganong kita mosibog na lamang sa hingpit gikan sa espirituhanong tawaway ug pakigbisog. Ang uban nahimong submissive sa mga abusing diabolical gumikan sa kahadlok nga nibilanggo sa hingtungdan. Dili lang kini mahitungod sa espirituhanong pakigbisog bisan gani diha sa balay diin ang mga yawan- ong kinaiya padayong, modagmal sa mga hadlokan ug walay ikasukol nga mga linalang.

2.Pagduda. Dakong kalipay sa yawa nga magduda ang usa ka tawo ngadto sa Dios. Ang kawalay pagsalig maoy makapadasig sa gahum sa kangitngit nga mohatag og sayop nga paglaum. Ang maong sayop nga paglaum nga maoy nakapahimo sa hingtungdan nga modangop sa usa ka tawong nangangkon nga sila makaayo sa ilang gihambing balatian. Kining maong balatian nga maayo sa daklit apan mahimong mobalik ug mas mograbe pa hinuon.

3. Garbo. Ang naghinobrang garbo maoy nakapahimo sa mga anghel ingong nga mga demonyo. Sama ni Lucifer nga wala makontento sa gahum nga nahuptan ang buot mohulip sa Dios nga nagbuhat kaniya. Kining maong garbo maoy hinungdan kun nganong gipalayas siya gikan sa langit ug sila kadtong nahimong mga demonyo. Ang kinabuhi kinahanglang atong magiyahan diha sa pagpaubos. Pinaagi lamang niini makasulod ang Dios sa atong kinabuhi.

Mga Karaang Hinagiban Batok sa Karaang Kaaway nga Mao ang Yawa

Sukad pa sa paglalang sa tawo ang yawa nangita gyud og mga pamaagi aron siya laglagon. Maingon nga si David nigamit og mga lima ka hamis nga mga bato aron buntogon sa hingpit ang Filistihanon nga si Goliat kita usab adunav hinagiban nga atong magamit. Naglambigit kini ning mosunod:

1. Pagsalikway sa bisan unsang Dautan ug Iya sa Yawa
2. Paghinulsol
3. Pagpasaylo
4. Pagbag-o sa Kaugalingon ngadto kang Kristo Jesus
5. Pagsusi sa Tanlag ingon man Pagkumpisal
6. Pag-ampo, pagdangop Sa mga Sakramento ingon man ang paggamit sa mga Sakramentales uban ang tumang gugma ug debosyon.

- Rev. Fr. Reynaldo Cui

16/01/2026

The power of choice.

COSMA - Community of St. Michael the Archangel

02/09/2026

11/03/2026

10/03/2026

10/03/2026

09/03/2026

04/03/2026

04/02/2026

03/02/2026

22/01/2026

16/01/2026

Address

Website

Alerts

Shortcuts

Share

Category

Listing takedown request