13/09/2026
SA AKON PAGLABAY | From Six to Twenty-One
Sang nagsugod kami, anum lang ang aktibo nga katekista sang parokya. Subong, 21 na sila.
Pero indi lang ini istorya sang pagdamo sang numero. Istorya ini sang mga tawo nga nagsabat sa tawag nga magtudlo, magpanaksi kag magdala sang pagtuo sa kabataan.
Sang Septiembre 3โ5, nag-agyan sila sang tatlo ka adlaw nga Basic Catechetical Orientation and Practicumโpagtuon sang pagtuo, pagkilala sa ila papel bilang katekista, paghimo sang lesson plan, kag pagpraktis kon paano itudlo ang Pulong sang Dios sa simple kag masaligan nga paagi.
Kag subong, kaupod sang iban nga mga katekista, nagtipon sila para sa Vicariate Catechetical Dayโisa ka adlaw sang pag-ampo, pagtuon, pagpasalamat kag pagpalig-unay sa misyon.
From six to twenty-one. Gamay pa ini nga tikang, pero daku na nga grasya.
Kay ang pagpatubo sang parokya wala lamang makita sa mga proyekto kag mga tinukod. Makita man ini sa mga tawo nga handa magsiling:
โGinoo, ari ako. Padala ako.โ
Sa akon paglabay, nakita ko nga kon may ginatawag ang Dios kag may nagasabat, ang anum mahimo nga 21โkag ang 21 mahimo pa gid nga madamo.
Padayon, mga katekista. Ang binhi nga inyo ginatanom subong mahimo nga mangin pagtuo nga dal-on sang isa ka bata sa bug-os niya nga kabuhi. ๐๐
