19/08/2025
Dito, si propeta Jeremias ay tumatawag sa Diyos at kinikilala Siya bilang tanging pinagmumulan ng tunay na kagalingan. Hindi lamang pisikal na kagalingan ang hinihingi niya kundi higit sa lahat ay ang pagpapanumbalik ng kanyang espiritu. Nang sabihin ni Jeremias, “Pagalingin mo ako, Panginoon,” ipinapakita niya ang kanyang kahinaan at ang sugat na dulot ng isang mundong puno ng kasalanan at pagkawasak. Ang kanyang panalangin ay tanda ng pagpapakumbaba at lubos na pag-asa sa Diyos. Makakarelate din tayo dito, dahil tulad ni Jeremias, madalas din tayong lumalapit sa Diyos dala ang ating sariling pangangailangan at kabigatan.
Ang talatang ito ay nagpapaalala sa atin ng isang mahalagang aspeto ng pananampalataya: ang paglapit sa Diyos kapag tayo’y dumaraan sa matinding pagsubok. Ang “kagalingan” na tinutukoy dito ay hindi lang pisikal kundi maaari ring mangahulugang kapayapaan, kalusugan ng puso, at tamang relasyon sa Diyos.
Nang sabihin niya, “Iligtas mo ako at ako’y maliligtas,” ipinapakita ni Jeremias ang kanyang pagtitiwala na tanging Diyos ang makakapagligtas sa kanya mula sa kasalanan, takot, at kawalan ng pag-asa. At ang huling pahayag na, “Sapagkat ikaw ang aking pinupuri,” ay nagpapaalala na ang tunay na pagsamba ay nagmumula sa pagkilala na ang Diyos ang gumagawa at kumikilos sa ating buhay. Ang papuri ay bunga ng pasasalamat sa Kanyang patuloy na pagkilos at pag-ibig. 😊
