23/08/2026
ππππππππππ ππ πππ πππππππππ | πππππππ ππ ππππππ | ππππππ ππ πππ πππ ππππππππππ ππ πππππ
Si San Bartolome, na kilala rin bilang Nathaniel ay isa sa Labindalawang Alagad ni Hesukristo. Unang ipinakilala at hinikayat ni Felipe mula sa Betsaida si Bartolome upang makilala si Hesus. Nang makalapit siya ay nagulat si San Bartolome dahil tila kilalang kilala na siya ni Hesus kahit na una pa lang silang nagkita. Binati siya ni Hesus at sinabing malinis ang kalooban niya at walang bahid ng pandaraya. Agad-agad ay nanampalataya siya kay Hesus. Sinabihan sila ni Hesus, βMakakikita ka ng mga bagay na higit kaysa rito!β.
Matapos ang pagpanaog ng Espiritu Santo noong Pentekostes. Buong-pusong ginampanan ni San Bartolome ang kaniyang misyon sa pamamagitan ng pangangaral ng Mabuting Balita sa iba't ibang panig ng daigdig, kabilang ang Asya Menor, Turkey, Ethiopia, Persya, India, at Armenya.
Karaniwang inilalarawan si San Bartolome na may tangan na itak na kumakatawan sa pinakamasaklap na bahagi ng kanyang pagkamartir. Ayon sa tradisyon, labis na nagalit ang mga lokal na pinuno ng Armenya kay San Bartolome dahil sa kaniyang pangangaral ng Mabuting Balita. Kaya siya ay binalatan nang buhay mula ulo hanggang sa paa, pagkatapos siyang balatan, si San Bartolome ay pinugutan ng ulo at ipinako sa krus nang patiwarik. Kalaunan, ang kaniyang labi ay dinala at inilagak sa isang Simbahan sa Isla ng Tiber sa Roma kung saan siya ang patron.
Dahil sa natatanging paraan ng kaniyang pagkamartir at mga himalang iniuugnay sa kaniya, si San Bartolome ay tinatawag bilang patron ng mga may sakit sa balat, nakakaranas ng pangingisay, at mga karamdamang π―π¦πΆπ³π°ππ°π¨πͺπ€π’π, gayundin ng mga propesyong may kinalaman sa paggamit ng patalim, tulad ng matadero, panday ng itak at iba pa. Ipinagdiriwang ang kaniyang kapistahan tuwing ika-24 ng Agosto.
ππππππππππ ππππ
O maluwalhating Apostol San Bartolome, tapat na alagad ni Kristo at masigasig na tagapagdala ng Mabuting Balita sa malalayong lupain, dumudulog kami sa iyong mapagpalang pamamagitan. Nawa'y pagkalooban mo kami ng katulad mong bukas na pusoβisang pusong walang pagkukunwari at handang sumunod sa tawag ng ating Panginoong Hesukristo.
Sa pamamagitan ng iyong matatag na pananampalataya na hindi natinag sa harap ng matinding pagpapakasakit at kamatayan, ipanalangin mo kaming maging matapang sa pagharap sa mga pagsubok, karamdaman, at tukso sa araw-araw. Tulungan mo kaming maipahayag ang Salita ng Diyos hindi lamang sa salita kundi sa pamamagitan ng aming gawa at pamumuhay.
Patnubayan mo ang aming pamayanan, ipagsanggalang kami sa anumang masamang espiritu, at akayin kami patungo sa kaligtasang
walang hanggan, kasama ni Kristo na aming Panginoon.
Amen.
β
