Flores De Mayo - Matagbak 1

15/09/2026

‎📣𝐀𝐘-𝐋𝐈𝐒𝐓𝐄𝐍 | 𝟐𝐍𝐃 𝐂𝐎𝐍𝐅𝐄𝐑𝐄𝐍𝐂𝐄
‎
‎🗣️ TOPIC: 𝑼𝒏𝒅𝒆𝒓𝒔𝒕𝒂𝒏𝒅𝒊𝒏𝒈 𝒕𝒉𝒆 𝑺𝒐𝒄𝒊𝒐-𝑬𝒄𝒐𝒏𝒐𝒎𝒊𝒄 𝑹𝒆𝒂𝒍𝒊𝒕𝒊𝒆𝒔 𝒂𝒏𝒅 𝑺𝒐𝒄𝒊𝒐-𝑷𝒐𝒍𝒊𝒕𝒊𝒄𝒂𝒍 𝑷𝒂𝒓𝒕𝒊𝒄𝒊𝒑𝒂𝒕𝒊𝒐𝒏 𝒐𝒇 𝒕𝒉𝒆 𝒀𝒐𝒖𝒕𝒉 𝑻𝒐𝒅𝒂𝒚
‎
‎Sa panahon ngayon, patuloy na humaharap ang ating bansa sa iba’t ibang sosyo-ekonomiko at sosyo-politikal na hamon. Bilang mga kabataan, gaano nga ba natin nauunawaan ang mga nangyayari sa ating paligid? At higit sa lahat, ano ang ating papel, tinig, at pananagutan bilang bahagi ng ating lipunan?
‎
‎Sa pamamagitan ng talakayang ito, sama-sama nating buksan ang ating mga mata sa mga realidad na kinakaharap ng ating henerasyon. Bilang mga kabataang Alfonseño, may pagkakataon tayong matuto, maging mapanuri, at matutong manindigan sa tama at makilahok para sa kabutihang panlahat.
‎
‎Kaya, huwag nating palampasin ang pagkakataong makadalo sa 2nd Conference ng AY-LISTEN! Halina’t sama-sama tayong makinig, matuto, magtanong, at makibahagi sa isang makabuluhang pag-uusap tungkol sa mga usaping mahalaga sa atin at sa sambayanan. 💛🤍💙
‎
‎Kaakibat nito ang pangarap ng ating Diyosesis ng Imus na hubugin ang kabataan bilang Maka-Diyos, Makatao, Makabuhay, Makakalikasan, at Makabayan—mga kabataang may kamalayan, malasakit, tapang na manindigan, at pananagutang kumilos.
‎
‎Makinig. Makibahagi. Makialam.
‎
‎
‎
‎
‎
‎

14/09/2026

https://www.instagram.com/p/DdRt6JqEkEo/?img_index=2&stkn=MWo4c3FscDBqOXlmag==

14/09/2026

Maligayang Kaarawan, Mahal na Birheng Maria!

Isang makabuluhan at masayang pagtitipon ang isinagawa ng mga kabataan at mga deboto ng Mahal na Birheng Maria sa Marian Exhibit 2026 noong Setyembre 13, 2026.

Maraming salamat sa lahat ng nagbigay at nagpadala ng tulong, suporta, oras, at pagmamahal upang maging makabuluhan at matagumpay ang ating pagdiriwang. Maraming salamat din po sa ating mga sponsor ng pagkain, bulaklak at sa bawat isa na naging bahagi ng paghahanda at pagsasagawa ng Marian Exhibit.

Muli, taos-pusong nagpapasalamat ang Matagbak 1 – Flores de Mayo. 🌹

11/09/2026

𝙱𝙰𝙽𝙰𝙻 𝙽𝙰 𝙼𝙸𝚂𝙰

Inaanyayahan po ang lahat ng kabataan at mga residente ng Matagbak 1 na makiisa sa Banal na Misa ngayong Setyembre 12, 2026 (Sabado), alas-6:00 ng gabi.

Sama-sama tayong maglingkod, manalangin, at makinig sa Mabuting Balita ng Panginoon. Nawa’y maging daan ito upang lalo nating mapalalim ang ating pananampalataya at pagkakaisa bilang isang komunidad.

Mag-ingat po ang lahat!

08/09/2026

𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐀𝐑𝐀𝐖𝐀𝐍, 𝐌𝐀𝐌𝐀 𝐌𝐀𝐑𝐘! 🌹💙

Sa araw ng iyong kapanganakan, buong pusong nakikiisa ang kabataan sa pagdiriwang ng iyong buhay at halimbawa ng pananampalataya. Sa bawat hakbang namin, nawa’y patuloy mo kaming akayin palapit sa iyong anak na si Hesus at turuan kaming mamuhay nang may kababaang-loob, tapang, at pagmamahal.

Tulad ng iyong “Oo” sa paanyaya ng Diyos, nawa’y matuto rin kaming magsabi ng “Oo” sa Kanyang kalooban. Sa kabila ng mga pangamba at hamon, turuan mo kaming magkaroon ng lakas ng loob na magtiwala, tumugon, at sumunod sa tawag ng Diyos.

Nawa’y maging inspirasyon sa aming kabataan ang iyong buhay upang sa aming sariling paraan, maipakita rin namin ang aming “Oo” kay Hesus, sa paglilingkod, sa pananampalataya, at sa pagmamahal sa kapwa.

08/09/2026

𝐍𝐀𝐓𝐈𝐕𝐈𝐓𝐘 𝐎𝐅 𝐓𝐇𝐄 𝐁𝐋𝐄𝐒𝐒𝐄𝐃 𝐕𝐈𝐑𝐆𝐈𝐍 𝐌𝐀𝐑𝐘

Ngayong araw, buong galak nating ipinagdiriwang ang pagsilang ng Mahal na Birheng Maria, ang Ina ng ating Panginoong Hesukristo. Sa kaniyang pagsilang, ipinagkaloob sa atin ang isang huwaran ng kababaang-loob, pananampalataya, at ganap na pagtugon sa kalooban ng Diyos.

Nawa’y sa paggunita natin sa kaniyang Kapanganakan, mas lalo nating tularan ang kaniyang buhay na puno ng pananampalataya at pagtitiwala sa Diyos. Sa pamamagitan ng kaniyang halimbawa, nawa’y matuto rin tayong maging bukas sa tawag ng Panginoon at maging kasangkapan ng Kaniyang pagmamahal sa ating kapwa.

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐌𝐚𝐦𝐚 𝐌𝐚𝐫𝐲! 💙🤍

07/09/2026

𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐏𝐀𝐆𝐒𝐈𝐋𝐀𝐍𝐆 𝐍𝐆 𝐌𝐀𝐇𝐀𝐋 𝐍𝐀 𝐁𝐈𝐑𝐇𝐄𝐍𝐆 𝐌𝐀𝐑𝐈𝐀

𝐏𝐀𝐀𝐍𝐘𝐀𝐘𝐀 | Bukas, ipagdiriwang natin ang Kapistahan ng Pagsilang ng Mahal na Birheng Maria. Makiisa tayo nang buong puso sa paggunita sa kanyang kaarawan at tularan ang kanyang halimbawa ng pananampalataya, kababaang-loob, at buong pagtugon sa kalooban ng Diyos.

Narito po ang oras ng mga Banal na Misa at Prusisyon para sa pagdiriwang ng Kapistahan ng Pagsilang ng Mahal na Birheng Maria.

𝗦𝗘𝗧𝗬𝗘𝗠𝗕𝗥𝗘 𝟴 | 𝗠𝗔𝗥𝗧𝗘𝗦

𝐁𝐀𝐍𝐀𝐋 𝐍𝐀 𝐌𝐈𝐒𝐀:
• 6:00 AM
• 6:00 PM

𝐏𝐑𝐔𝐒𝐈𝐒𝐘𝐎𝐍:
• 7:00 PM - Pagkatapos ng Banal na Misa sa Ika-anim ng Gabi.

Nuestra Señora Delas Flores, ipanalangin mo kami!

21/08/2026

𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐀𝐑𝐀𝐖𝐀𝐍 𝐀𝐓𝐄 𝐒𝐇𝐄!!!
-PYM Core - Formation Committee Head-

Maligayang Kaarawan sa isang kabaatang lingkod mula sa Parish Youth Ministry - Core Group!

Nawa’y patuloy kang pagpalain ng Diyos ng kalakasan, karunungan, at pusong mapagkumbaba sa bawat hakbang ng iyong buhay.

Salamat sa iyong tapat na pakikilakbay sa simbahan—ang iyong buhay ay isang biyayang patuloy na nagbibigay-inspirasyon sa amin. Pagpalain ka pa ng masaganang taon ng pagmamahal at biyaya mula sa Panginoon!
Maligayang Kaarawan!

- Kabaatan ni Tata Nepo!

08/08/2026

𝙱𝙰𝙽𝙰𝙻 𝙽𝙰 𝙼𝙸𝚂𝙰

Inaanyayahan po ang lahat ng kabataan at mga residente ng Matagbak 1 na makiisa sa Banal na Misa ngayong Agosto 8, 2026 (Sabado), alas-6:00 ng gabi.

Sama-sama tayong maglingkod, manalangin, at makinig sa Mabuting Balita ng Panginoon. Nawa’y maging daan ito upang lalo nating mapalalim ang ating pananampalataya at pagkakaisa bilang isang komunidad.

Mag-ingat po ang lahat!

27/07/2026