FMA Aspirantate Oratory

19/03/2026

𝐌𝐚𝐫𝐜𝐡 𝟏𝟓: 𝐒𝐚𝐧 𝐂𝐫𝐢𝐬𝐭𝐨𝐛𝐚𝐥 𝐎𝐫𝐚𝐭𝐨𝐫𝐲 𝐆𝐫𝐚𝐭𝐢𝐭𝐮𝐝𝐞 𝐃𝐚𝐲
Baon ang tuwa at pananabik, ipinagdiwang ang Gratitude Day sa San Cristobal Oratory na may temang, “𝐒𝐚𝐧 𝐂𝐫𝐢𝐬𝐭𝐨𝐛𝐚𝐥 𝐎𝐫𝐚𝐭𝐨𝐫𝐲: 𝐏𝐚𝐭𝐮𝐥𝐨𝐲 𝐧𝐚 𝐍𝐚𝐠𝐥𝐚𝐥𝐚𝐲𝐚𝐠, 𝐏𝐚𝐭𝐮𝐥𝐨𝐲 𝐧𝐚 𝐍𝐚𝐠𝐩𝐚𝐩𝐚𝐬𝐚𝐥𝐚𝐦𝐚𝐭!”

Ipinaabot ng bawat isa ang taos-pusong pasasalamat kay Sr. Rachel, gayundin sa mga Sisters, Formands, volunteers, benefactors, youth leaders, at sa bawat oratorian na dumalo sa San Cristobal Oratory Center. Binigyang-pugay rin ang pinakaunang missionary expedition ng mga madreng Salesyano noong nakalipas na halos 150 taon. Ang matapang nilang pagtugon ng “oo” ay ang naging daan upang makarating ang diwang Salesyano rito.

Naging siksik sa pasasalamat, saya, at biyaya ang pagdiriwang na pinatingkad ng mga panalangin, nakaka-inspire na mensahe, masasayang presentasyon, palaro, at salu-salo ng pagkain at mga regalo.

Talaga namang nag-enjoy ang lahat at umuwi ang bawat isa bitbit ang pusong puno ng tuwa at biyaya! 💓

17/03/2026

𝐌𝐚𝐫𝐜𝐡 𝟏: 𝐋𝐞𝐧𝐭𝐞𝐧 𝐑𝐞𝐜𝐨𝐥𝐥𝐞𝐜𝐭𝐢𝐨𝐧 🙏
Noong ika-1 ng Marso, nagtipon-tipon ang mga Oratorian mula sa Halang, San Cristobal, at Silangan Oratory Centers para sa kanilang Lenten Recollection. Ito ay naging isang makabuluhang araw ng panalangin, katahimikan, at pagninilay, na nagbigay ng panibagong lakas upang masamahan si Hesus ngayong panahon ng Kuwaresma.
Pagkatapos ng recollection, ang lahat ay nagsalu-salo sa inihandang pagkain. Umuwi rin silang may dalang tinapay mula sa kagandahang-loob ng ating mga benefactors. Dumating ang mga ito sa tamang pagkakataon—isang paalala na ang Diyos ay laging naglalaan ng sapat.
Nawa’y ang karanasang ito ay magbigay ng panibagong sigla sa ating paglalakbay ngayong Kuwaresma. Umakay nawa ito sa atin upang mas maunawaan natin ang malalim at personal na pagmamahal ng Diyos habang tayo ay naglalakbay patungo sa Pasko ng Pagkabuhay.

19/02/2026

𝐅𝐞𝐛𝐫𝐮𝐚𝐫𝐲 𝟏: 𝐇𝐚𝐥𝐚𝐧𝐠 𝐎𝐫𝐚𝐭𝐨𝐫𝐲 𝐂𝐞𝐧𝐭𝐞𝐫 𝐁𝐨𝐬𝐜𝐨𝐥𝐲𝐦𝐩𝐢𝐜𝐬 𝐂𝐞𝐥𝐞𝐛𝐫𝐚𝐭𝐢𝐨𝐧 🥳
Noong ika-1 ng Pebrero, ipinagdiwang namin ang ikalawang parte ng Boscolympics sa Halang Oratory Center! Nagsimula ang araw sa panalangin, sinundan ng mensaheng puno ng inspirasyon mula kay Sr. Yen, at pagkatapos—laro na!

Naging masaya at puno ng galak ang araw para sa lahat—isang napakagandang paraan upang parangalan si San Juan Bosco at ipagdiwang ang pagsasama-sama bilang isang pamilya sa oratoryo.

19/02/2026

𝐅𝐞𝐛𝐫𝐮𝐚𝐫𝐲 𝟏: 𝐒𝐚𝐧 𝐂𝐫𝐢𝐬𝐭𝐨𝐛𝐚𝐥 𝐎𝐫𝐚𝐭𝐨𝐫𝐲 𝟏𝟓𝐭𝐡 𝐀𝐧𝐧𝐢𝐯𝐞𝐫𝐬𝐚𝐫𝐲 𝐚𝐧𝐝 𝐁𝐨𝐬𝐜𝐨𝐥𝐲𝐦𝐩𝐢𝐜𝐬 𝐂𝐞𝐥𝐞𝐛𝐫𝐚𝐭𝐢𝐨𝐧
𝐿𝑎𝑏𝑖𝑛𝑙𝑖𝑚𝑎𝑛𝑔 𝑇𝑎𝑜𝑛 𝑛𝑔 𝑃𝑎𝑝𝑢𝑟𝑖'𝑡 𝑃𝑎𝑔-𝐼𝑏𝑖𝑔: 𝐼𝑠𝑎𝑛𝑔 𝑃𝑎𝑚𝑖𝑙𝑦𝑎 𝑠𝑎 𝐷𝑖𝑤𝑎 𝑛𝑖 𝐷𝑜𝑛 𝐵𝑜𝑠𝑐𝑜✨

Maraming salamat sa lahat ng FMA Sisters, formands, mothers, at oratorians na nagsimula at nagtaguyod ng ating 𝑡𝑎ℎ𝑎𝑛𝑎𝑛 para sa kabataan nang may saya at tiyaga!
Patuloy nating ipagkatiwala sa ating Inang si Maria ang ating oratoryo. Sa tulong ng panalangin ni Don Bosco, nawa’y maipagpatuloy natin ang kanyang diwa—ang masayang pagpapakabanal. 🙏

11/02/2026

𝐉𝐚𝐧𝐮𝐚𝐫𝐲 𝟐𝟓: 𝐇𝐚𝐥𝐚𝐧𝐠 𝐱 𝐒𝐚𝐧 𝐂𝐫𝐢𝐬𝐭𝐨𝐛𝐚𝐥 𝐎𝐫𝐚𝐭𝐨𝐫𝐲 𝐁𝐨𝐬𝐜𝐨𝐥𝐲𝐦𝐩𝐢𝐜𝐬 🏐🏀🏸

Salamat sa Diyos sa pagbubuklod sa atin, at sa lahat ng mga tumulong para maging posible ang event na ito na puno ng saya!

Nagsama-sama ang mga oratorians mula sa Halang at San Cristobal at nagbuhos ng kanilang lakas at sigla sa paglalaro ng volleyball, basketball, at badminton—isang patunay sa lakas at buhay ng ating mga kabataan.

Salamat kay Don Bosco na ating pinararangalan! Nawa’y patuloy niyang ipanalangin mula sa langit ang kanyang mga minamahal na kabataan, upang sila ay laging ingatan at gabayan ng walang hanggang pag-ibig ng Diyos.

Viva Don Bosco! 🥳

27/01/2026