Birhen Sa Candelaria Chapel Bec/Gkk

19/05/2026

Mayo 20 | Salamat sa Diyos sa Gasa sa Pagkapari nila ni Reb. P. Mattias Gonzales, Fr. Julian Asucan, Reb. P. Ramonito Hilot, Reb. Msgr. Jonas Achacoso, ug Reb. P. Reynaldo Omamalin.

Sila gi-ordinahan isip mga pari sa tuig 2000 sa Katedral sa Talibon pinaagi sa mga pag-ampo sa konsagrasyon ug sa pagpandung sa mga kamot sa Labing Talahurong Christian Vicente F. Noel.

Padayun, Mga Paring Bol-anon!

19/05/2026

Si San Isidro natawo niadtong tunga-tunga sa 1070 AD (o sumala sa tradisyon, mga 1082 AD) didto sa Madrid, Spain. Ang iyang mga ginikanan pwerte ka kabos apan duna'y dako kaayong pagtuo sa Dios. Ginganlan siya og "Isidore" sa pagpasidungog kang San Isidro sa Seville.

​Tungod sa kakabos, wala siya makasulod sa eskwelahan aron magbasa ug mosulat. Sukad sa pagkabata, nagtrabaho na siya isip usa ka ordinaryo ug kabos nga mamumuo sa pamilya sa usa ka adunahang tag-iya og yuta nga si Juan de Vargas. Bisan pa sa kahago sa iyang trabaho sa umahan kada adlaw, giuna gyod kanunay ni Isidro ang iyang relasyon sa Dios. Naminyo siya sa usa usab ka balaang babaye, si Maria Torribia (nga nailhan karon isip Santa Maria de la Cabeza).

​Daghan kaayong milagro ang gipadayag sa Dios pinaagi kang San Isidro samtang buhi pa siya, ug kani silang tulo ang labing sikat nga ganahan kaayo ang mga tawo:

​1. Ang mga Anghel nga Nagdaro

​Aduna'y mga kauban si Isidro sa trabaho nga nasina kaniya. Ilang gisumbong si Isidro ngadto sa ilang agalon nga si Juan de Vargas nga sige kuno kini ka-ulahing moabot sa umahan tungod kay mosimba pa sa Misa kada buntag.

​Sa dihang miadto si Juan de Vargas sa umahan aron sutaon kini sa tago, iyang nakita nga ulahi nga miabot si Isidro. Apan sa dihang hapit na niya kasab-an si Isidro, natingala ug nahibulong ang agalon kay nakita niya ang duha ka puting anghel nga naggiya sa mga baka ug nagdaro sa yuta alang kang Isidro! Tungod niini, mas paspas ug mas doble ang abot sa umahan ni Isidro kon itandi sa uban.

​2. Ang Walay Hurot nga Pagkaon alang sa mga Kabos

​Si Isidro nailhan sa iyang dakong kaluoy sa mga kabos ug sa mga mananap. Usa ka adlaw, gidapit niya ang usa ka pundok sa mga gutom nga kabos ngadto sa panihapon sa panimalay sa iyang agalon. Apan ang iyang asawa nga si Maria miingon nga gamay ra kaayo ang salin sa kolon ug dili pa igo alang sa usa ka tawo. Miingon si Isidro nga i-serve lang gihapon kini. Sa tago, samtang nagkuhit si Maria sa sud-an, milagr

16/05/2026

13/05/2026

FEAST OF OUR LADY OF FATIMA

The Feast of Our Lady of Fatima commemorates the apparitions of the Blessed Virgin Mary to three shepherd children—Francisco and Jacinta Marto, and Lucia dos Santos in Fátima in 1917. Mary called the world to prayer, repentance, conversion, and devotion to the Rosary, especially for peace and the salvation of souls. Her message remains a powerful invitation to trust in God’s mercy and to return to Christ through prayer and sacrifice.

Let us pray:

O Most Holy Virgin Mary, Queen of the most holy Rosary, you were pleased to appear to the children of Fatima and reveal a glorious message. We implore you, inspire in our hearts a fervent love for the recitation of the Rosary. By meditating on the mysteries of the redemption that are recalled therein may we obtain the graces and virtues that we ask, through the merits of Jesus Christ, our Lord and Redeemer.

Amen.

Our Lady of Fatima, pray for us!

05/05/2026

May 06, 2026

Ang Santos nga Ebanghelyo sumala kang San Juan

Juan 15:1-8

Juan 15:1
Ako mao ang tinuod nga tanum nga paras, ug ang akong Amahan mao ang tig-alima.
Juan 15:2
Ang tanan kong sanga nga dili mamunga, kini iyang pamutlon; ug ang tanang sanga nga mamunga, kini iyang pagahinloan aron mamungag labi pang daghan.
Juan 15:3
Kamo nangahinlo na tungod sa pulong nga akong gisulti kaninyo.
Juan 15:4
Pabilin kamo kanako, ug pabilin ako kaninyo. Maingon nga ang sanga sa iya rang kaugalingon dili makabunga, gawas kon magapabilin kini sa tanum, sa ingon usab kamo dili makapamunga gawas kon magpabilini kamo kanako.
Juan 15:5
Ako mao ang tanum nga parras, kamo mao ang mga sanga. Ang magapabilin kanako, kang kinsa magapabilin ako, mao siya ang magapamungag daghan, kay gawas kanako wala gayud kamoy arang mahimo.
Juan 15:6
Ang tawo nga dili magapabilin kanako, igasalibay siya sama sa sanga ug malaya; ug ang mga sanga pamuniton ug igaitsa ngadto sa kalayo ug mangasunog sila.
Juan 15:7
Kon kamo pabilin kanako, ug ang akong mga sulti pabilin kaninyo, pangayo kamog bisan unsa nga inyong gusto, ug kini pagabuhaton alang kaninyo.
Juan 15:8
Ang akong Amahan mapasidunggan sa diha nga mamunga kamog daghan, ug nga sa ingon pagahimatud-an nga kamo akong mga tinun-an.

Pamalandong:
Maayong adlaw na usab kanatong tanan mga Egsuon ko diha kang Hesukristo. Ang atong Ebanghelyo karong adlawa mao ang sambingay sa punoan sa Paras. Matud pa sa atong Ginoong Hesukristo siya mao ang tinuod nga punoan sa Paras, ug ang Amahan mao ang tig-alima, ug kitang mga Katawhan ang iyang mga sanga. Ang usa ka sanga nga magpabilin sa punuon, makapamunga kini ug daghang mga bunga, apan ang sanga nga maputol gikan sa punoan malaya kini ug igaitsa ngadto sa kalayo. Brothers and Sisters ang mensahe sa atong Ebanghelyo karong adlawa nga kita magpabilin kita diha kang Hesukristo pinaagi sa pagsunod sa iyang mga Kasuguan, isul-ob nato si Hesukristo diha sa atong tagsa-tagsa ka Kinabuhi, buot pasabot nga atong himuong gabayan ang mga pulong nga gitudlo sa atong Ginoong Hesukristo kanato, ug mahimong sumbanan ang iyang mga buhat. Dinhi mamunga kita ug mahimong maayo ang atong mga bunga kay puro man maayong buhat ang atong ipakita sa atong mga Egsuon. Dugang pa sa atong Ginoong Hesukristo nga ang sanga nga dili mamunga pagapul-ungan aron mamunga kini. Sama usab sa usa ka kahoy nga naay mga dunot o di maayong sanga, kita usab angay pul-ungan ang atong kaugalingon. Sama ra pod sa atong kaugalingon nga gusto gayud nga musunod kang Hesukristo kay lage gusto natong mamunga ug maayo apan mapugngan ang atong pagsunod kang Hesukristo tungod sa mga dili maayong gawi o batasan nga anaa kanato, sama sa pagkamahitas-on, pagkasinahan, pride, pagdumot, kasuko ug ubang pang dili maayong sanga sa atong kaugalingon nga maoy makapugong sa atong pagpamunga ug daghang maayong bunga. Ang giingon ni Hesukristo mga Egsuon nga dapat diay ato kining pul-ungan o wad-on aron anaay bag-ong sanga nga mosalingsing kanato ug mamunga na kita ug maayo. Mag-ampo kita mga Egsuon nga unta tabangan kita sa Ginoo nga atong Diyos nga mapul-ungan ang atong mga dautang gawi o batasan para makapangalad kita ug tarong, hapsay ug malinawon ngadto sa Diyos.

05/05/2026

May 05, 2026

Ang Santos nga Ebanghelyo sumala Kang San Juan

Juan 14:27-31

Juan 14:27
Ako nagabilin kaninyo sa pakigdait, ug ang akong pakigdait gihatag ko kaninyo, dili sama sa paghatag sa kalibutan, ang akong paghatag kaninyo. Dili malisang ang inyong kasingkasing, ug dili usab mahadlok.
Juan 14:28
Kamo nakadungog sa akong pag-ingon kaninyo: Ako mogikan, ug mobalik kaninyo. Kong nahigugma kamo kanako, managkalipay kamo unta, tungod sa pag-ingon ko: Ako moadto sa Amahan; kay ang akong Amahan labaw pa kanako.
Juan 14:29
Ug akong ginaingon karon kaninyo, sa wala pa kini mahatabo, aron nga kong mahatabo kini, managtoo kamo kanako.
Juan 14:30
Ako dili na makigsulti ug daghan kaninyo; kay moanhi ang principe niining kalibutana, ug siya walay unsa man kanako;
Juan 14:31
Apan aron makaila ang kalibutan nga ako nahagugma sa Amahan, ug nga ako nagabuhat ingon sa iyang gisugo kanako. Panindog kamo; mamahawa kita dinhi.

Pamalandong:
Maayong adlaw na usab kanatong tanan mga Egsuon ko diha Kang Hesukristo. Sa atong Ebanghelyo karong adlawa mabasa nato ang duha ka maayong hiyas ug mao kana ang Gugma ug Pakigdait. Apan kining Pakigdait o kalinaw nagagikan gihapon sa Gugma. Ang Gugma maoy Tuburan sa tanang maayong buhat ug kung Ikaw anaay Gugma sa imong isig ka Tawo dili gayud halayo kanimo ang Gingharian sa Diyos. Hinumduman nato kanunay nga ang Diyos maoy Tuburan sa Gugma ug iya ka sa Diyos dili gayud mawala sa imong kasing kasing ang Gugma. Mga Egsuon ato untang sutaon ang atong mga binuhatan kung tungod ba kini sa Gugma aron mahisubay kita kanunay sa kabubut-on sa Diyos.

03/05/2026

May 04, 2026

Ang Santos nga Ebanghelyo sumala kang San Juan

Juan 14:21-26

Juan 14:21
Ang nagabaton sa akong mga sugo ug nagatuman niini, kini siya mao ang nahigugma kanako; ug ang nahigugma kanako pagahigugmaon sa akong Amahan, ug ako mahigugma kaniya ug magapadayag sa akong kaugalingon ngadto kaniya.
Juan 14:22
Si Judas (dili ang Iscariote) miingon kaniya, 'Ginoo, naunsa ba nga anhi ka man kanamo magpadayag sa imong kaugalingon, ug dili hinoon ngadto sa kalibutan?
Juan 14:23
Si Jesus mitubag kaniya, 'Kon kinsa ang nahigugma kanako, iyang pagabantayan ang akong pulong, ug ang akong Amahan mahigugma kaniya, ug moanha kami kaniya ug anha kamo mopuyo diha kaniya.
Juan 14:24
Ang wala mahigugma kanako dili magabantay sa akong mga pulong; ug ang pulong nga inyong nadungog dili akong kaugalingon, kondili iya sa Amahan nga mao ang nagpadala kanako.
Juan 14:25
Kining mga butanga gisulti ko kaninyo samtang ania pa ako uban kaninyo.
Juan 14:26
Apan ang Manlalaban, ang Espiritu Santo, nga sa akong ngalan igapadala sa Amahan, siya mao ang magatudlo kaninyo sa tanang butang, ug magapahinumdom kaninyo sa tanan nga akong gikasulti kaninyo.

Pamalandong:
Maayong adlaw na usab kanatong tanan Brothers and Sisters. Sa atong Ebanghelyo karong adlawa gipadayag sa atong Ginoong Hesukristo nga ang tinuod diay nga nahigugma kaniya kadto diay mga Tawo nga nagabaton ug nagatuman sa iyang mga Kasuguan, ug ang atong Ginoo magpadayag sa iyang kaugalingon ngadto aning mga Tawhana. Ug dinhi nakapangutana si Judas Tadeo, ngano man nga sa kanila lamang gipadayag ang Misteryo sa Pagkahiusa ni Hesukristo ug sa Amahan ug dili man sa tibuok Kalibutan? Ug gitubag siya sa atong Ginoong Hesukristo nga ang nahigugma lamang kaniya ang magabaton sa iyang mga Pulong. Ug mupuyo si Hesukristo ug ang Diyos Amahan diha sa mga Tawo nga nagsunod sa iyang mga Kasuguan. Apan dili lang diay ang Diyos Amahan ug ang Diyos Anak ang magtudlo kanato sa tanang maayong butang kundi anaa pay isa nga mao ang Espiritu Santo. Ang Espiritu Santo nga madawat nato sa panahon sa Bunyag mao ang gitawag nga Manglalaban o Manglilipay kay siya man ang mutudlo kanato kung unsa ang atong angay nga buhaton ug unsa ang Kamatuoran. Siya ang magtudlo kanato para batukan ang mga dautang laraw sa Yawa kanato. Makabantay siguro kamo nga anaay panahon nga gusto natong muhimo ug dautan apan naay mupugong kanato nga gitawag sa mga Tawo ug konsensiya, ug mao kana ang Espiritu Santo nga nagatudlo kanato unsa ang maayo nga buhaton, apan tungod lage sa atong pagkamasinupakon magtuman gayud kita usahay sa atong kagustuhan kay mao man ang Kagustuhan sa atong Lawas. Ang atong Lawas huyang gayud maong kitang tanang Katawhan makasala gayud. Magbantay kita mga Egsuon sa sige ug buhat ug mga sala kay kita mahabulag diay sa Espiritu Santo ug bisan ang gitudlo sa Espiritu Santo dili na nato paminawon. Kung makasala kita mangayo gyud ta dayon ug kapasayloan pina-agi sa Kumpisal kay mao kini ang Sacramento sa Pakig-uli ngadto sa Diyos. Ug diha mahibalik kanato ang Espiritu Santo nga maoy magtudlo kanato sa kaayo. Makabantay siguro kamo nga inag human sa Kumpisal perting gaana ang atong pamati, sukwahi sa daghan tag sala nga giatubang nga murag bug-at ug hasol atong pamati.

02/05/2026

May 03, 2026

Ang Santos nga Ebanghelyo sumala Kang San Juan

Juan 14 : 1-12
1. Dili malisang ang inyong kasing-kasing. Tumoo kamo sa Dios, ug tumoo usab kamo kanako.
2. Sa balay sa akong Amahan adunay daghan nga puloy-anan, kong wala pa unta, moingon unta ako kaninyo: Ako moadto sa pag-andam ug dapit alang kaninyo.
3. Ug kong ako makaadto na, ug maka-andam kaninyo ug dapit, moanhi ako pag-usab, ug panad-on ko kamo uban gayud kanako; aron nga kong asa ako alua usab kamo.
4. Ug kamo manghibalo kong asa ako moadto, ug hingbaloan ninyo ang dalan.
5. Si Tomas miingon kaniya: Ginoo, wala kami manghibalo kong asa ikaw moadto; busa, unsaon namo pagkatultul sa dalan?
6. Si Jesus miingon kaniya: Ako mao ang dalan, ug ang kamatuoran, ug ang kinabuhi; walay bisan kinsa nga maka-abut sa Amahan kondili pinaagi kanako.
7. Kong nakaila pa unta kamo kanako, makaila usab unta kamo sa akong Amahan, ug sukad karon nakaila kamo kaniya ug nakakita kaniya.
8. Si Felipe miingon kaniya: Ginoo, ipakita kanamo ang Amahan, ug igo na kanamo.
9. Si Jesus miingon kaniya: Kadugay na nga ania ako uban kaninyo, ug wala pa ba ikaw makaila kanako, Felipe? Ang nakakita kanako nakakita sa Amahan: busa, nganong miingon ikaw. Ipakita kanamo ang Amahan?
10. Wala ka ba motoo nga ako ania sa Amahan, ug ang Amahan ania kanako? Ang mga pulong nga akong ginapamulong kaninyo wala ko igapamulong sa akong kaugalingon apan ang Amahan nga nagapuyo kanako, siya gayud ang nagabuhat sa mga buhat.
11. Tumoo kamo kanako nga ako ania sa Amahan ug nga ang Amahan ania kanako; kondili hinoon, tumoo kamo kanako tungod sa mao usab nga mga buhat.
12. Sa pagkamatuod, sa pagkamatuod, nagaingon ako kaninyo: Ang motoo kanako magabuhat sa mao usab nga mga buhat nga gibuhat ko; ug pagabuhaton niya ang labaw pa niini, kay ako moadto sa akong Amahan.

Pamalandong:

Maayong adlaw na usab kanatong tanan mga Egsuon ko diha Kang Hesukristo. Sa atong Ebanghelyo karong adlawa nagsulti ang atong Ginoong Hesukristo nga Siya mao ang Dala, Kamatuoran ug Kinabuhi ug walay nakaadto sa Amahan kun dili pinaagi lamang kaniya. Atong hinumduman mga Egsuon nga ang atong Ginoong Hesukristo Pulong nga kausa sa Diyos. Pulong nga gikan sa Diyos ug kahibaw gayud kita nga ang tuburan sa Gugma ug Kaayo, ug wala nay laing paagi pa kundi ang pagsunod niini. Mga Egsuon sunda Ang mga butang nga iya sa Gugma ug Kaayo ug nianang tungura nakaila ka gayud sa Diyos.

01/05/2026

May 02. 2026

Ang Santos nga Ebanghelyo sumala kang San Juan

Juan 14:7-14

Juan 14:7
Kon nakaila pa kamo kanako, makaila usab unta kamo sa akong Amahan. Sukad karon nakaila na kamo kaniya ug nakakita na kaniya.
Juan 14:8
Ug si Felipe miingon kaniya, 'Ginoo, ipakita kanamo ang Amahan, ug igo na kana kanamo.
Juan 14:9
Si Jesus mitubag kaniya, 'Kadugay ko nang pagkig-uban kaninyo, ug wala ka pa diay makaila kanako, Felipe? Ang nakakita kanako nakakita sa Amahan. Naunsa bang miingon man ikaw, `Ipakita kanamo ang Amahan?
Juan 14:10
Wala ka ba diay magtoo nga ako anaa sa Amahan ug nga ang Amahan ania kanako? Ang mga pulong nga akong gisulti kaninyo, wala ko isulti kini sa kinaugalingon kong pagbulot-an; hinonoa ang Amahan nga nagapuyo sa sulod nako, siya mao ang nagahimo sa iyang mga buhat.
Juan 14:11
Toohi ako ninyo nga ako anaa sa Amahan ug nga ang Amahan ania kanako; o, kon dili man, toohi, ako ninyo tungod sa moong mga buhat.
Juan 14:12
Sa pagkatinuod, sa pagkatinuod, magaingon ako kaninyo, nga ang mosalig kanako magahimo usab sa mga buhat nga akong ginabuhat; ug labi pa gani ka dagkung mga buhat kay niini ang iyang pagabuhaton, kay moadto man ako sa Amahan.
Juan 14:13
Ug bisan unsay inyong pangayoon pinaagi sa akong ngalan, pagabuhaton ko kini, aron ang Amahan kapasidunggan diha sa Anak.
Juan 14:14
Kon pinaagi sa akong ngalan mangayo kamog bisan unsa, kini akong pagabuhaton.

Pamalandong:
Maayong adlaw na usab kanatong tanan Brothers and Sisters. Sa atong Ebanghelyo karong adlawa nag-ingon ang atong Ginoong Hesukristo nga siya ug ang Diyos Amahan usa ra. Kini nga pahayag sa atong Ginoong Hesukristo makalilibog gayud para kanato mga Egsuon. Sama ba kita ni Felipe na bisan anaa kanato ang Pulong ug gabay sa Diyos pero wala gihapon kita makasabot niini. Mga Egsuon ang Pagtuo maoy ebidensiya sa wala ug dili nato makita, mutuo lang ba kita kung kita mismo ang makakita o nagdilaab kaayo ang atong Pagtuo kay ang atong gibasehan mao ang ato mang kasingkasing? Ngano man nakasulti man ang atong Ginoong Hesukristo nga walay makaadto sa Amahan kundi pinaagi kaniya ug nganong nakasulti man siya nga siya ug ang Amahan usa ra. Kana mga Egsuon ang misteryo sa pagka Diyos sa atong Ginoong Hesukristo ug dili dali masabtan labina gayud kadtong kuwang sa Pagtuo.
Musalig lang gayud kita ang mga gitudlo sa atong Simbahan labina gyud sa duha ka mas labawng kasuguan ug mao kana nga higugmaon nato ang Diyos labaw sa tanan sa tibuok natong kasingkasing, sa tibuok natong Kalag ug sa tibuok natong hunahuna. Ug ang sunod mao nga higugmaon nato ang atong isig ka Tawo sama sa paghigugma nato sa atong kaugalingon. Kung gibuhat kini nimo Egsuon dili gayud layo kanimo ang Diyos.