Nuestra Señora de la Merced Parish - Bahay Pare

Nuestra Señora de la Merced Parish - Bahay Pare Contact information, map and directions, contact form, opening hours, services, ratings, photos, videos and announcements from Nuestra Señora de la Merced Parish - Bahay Pare, Catholic Church, Candaba.

This is the official page of the Parish of Nuestra Señora de la Merced in Bahay Pare, Candaba, Pampanga, where the revered image of Nuestra Señora de la Merced — Ang Emperatriz na Marilag sa Katagalugan ng Pampanga— is enshrined.

16/08/2026

Pakinggan ang mensahe ni Sr. Eufrocina D. Santos, OSS, o mas kilala sa tawag na Sr. Zeny. Siya ang kauna-unahang anak na madre ng ating parokya at nagdiriwang ng kanyang ika-50 anibersaryo ng Religious Profession.

Matapos ang Misa ng Pasasalamat ngayong umaga, Agosto 16, hinikayat ni Sr. Zeny ang mga kabataan, lalo na ang mga kabataang babae, na maging bukas sa tawag ng Diyos at matapang na tumugon sa bokasyon ng pagmamadre.

Ang kanyang buhay at paglilingkod ay isang magandang patotoo ng pananampalataya, pagtatalaga, at pagmamahal sa Diyos at sa kapwa.

Muli, maligayang ika-50 anibersaryo ng Religious Profession, Sr. Zeny!

Mahal ka ng Parokya, Mahal ka po ng Nuestra!

15/08/2026

Banal na Misa | Ika-20 Linggo sa Karaniwang Panahon
(Thanksgiving Mass for the 50th Religious Profession Anniversary of Sr. Eufrocina D. Santos, OSS)
Agosto 16, 2026

Tagapagdiwang: Reb. Padre John Paul P. Cabrera

Parokya ng Nuestra Señora de la Merced
Bahay Pare, Candaba, Pampanga

Ika-16 ng Agosto.KAPISTAHAN NI SAN ROQUE DE MONTPELLIER. ( Patron laban sa Peste at Salot. )PANALANGIN KAY SAN ROQUEO Pa...
15/08/2026

Ika-16 ng Agosto.

KAPISTAHAN NI SAN ROQUE DE MONTPELLIER. ( Patron laban sa Peste at Salot. )

PANALANGIN KAY SAN ROQUE

O Panginoon kong Diyos, Ikaw na nagsugo sa maluwalhating San Roque at pinahatiran Mo siya ng kaputol na tabla, pinagtibay Mo ang pangako sa kanya, upang ang sino mang dapuan ng salot ay hindi maaano, sapagkat siya'y deboto sa Iyo.

Magdalita Ka sa aming lahat na gumugunita sa kanyang buhay. Ipagkaloob Mo na kami ay maligtas sa mga salot na nakakamatay sa kaluluwa't katawan, pakundangan kay Hesukristong Panginoon namin. Amen.

San Roque, pintakasi laban sa sakit at salot, ipanalangin mo po kami.

Ang unang imahen ay nasa pangangalaga ng pamilya Montano ng Brgy. Pulong Palazan.
Ang ikalawang imahen ay nasa pangangalaga ng pamilya Manio ng Brgy. Bahay Pare.
Ang ikatlong imahen ay nasa pangangalaga ng bisita ng Brgy. Vizal Sto. Niño.
Ang ikaapat na imahen ay nasa pangangalaga ng bisita ng Brgy. Vizal San Pablo.
Ang ikalimang imahen ay nasa pangangalaga ng bisita ng Brgy. Pulong Gubat.
Ang ika-anim na imahen ay nasa pangangalaga ng Pamilya Gonzales ng Brgy. Pulong Gubat.

𝗧𝗛𝗔𝗡𝗞𝗦𝗚𝗜𝗩𝗜𝗡𝗚 𝗠𝗔𝗦𝗦 𝗣𝗔𝗥𝗔 𝗦𝗔 𝟱𝟬𝗧𝗛 𝗥𝗘𝗟𝗜𝗚𝗜𝗢𝗨𝗦 𝗣𝗥𝗢𝗙𝗘𝗦𝗦𝗜𝗢𝗡 𝗔𝗡𝗡𝗜𝗩𝗘𝗥𝗦𝗔𝗥𝗬 𝗡𝗜 𝗦𝗥. 𝗭𝗘𝗡𝗬Bilang papuri at taos-pusong pasasalamat sa a...
15/08/2026

𝗧𝗛𝗔𝗡𝗞𝗦𝗚𝗜𝗩𝗜𝗡𝗚 𝗠𝗔𝗦𝗦 𝗣𝗔𝗥𝗔 𝗦𝗔 𝟱𝟬𝗧𝗛 𝗥𝗘𝗟𝗜𝗚𝗜𝗢𝗨𝗦 𝗣𝗥𝗢𝗙𝗘𝗦𝗦𝗜𝗢𝗡 𝗔𝗡𝗡𝗜𝗩𝗘𝗥𝗦𝗔𝗥𝗬 𝗡𝗜 𝗦𝗥. 𝗭𝗘𝗡𝗬

Bilang papuri at taos-pusong pasasalamat sa ating Panginoong Diyos na mapagpala, at sa Mahal na Birheng Maria, ang ating Nuestra Señora de la Merced, buong galak na ipinapaabot ng ating Parokya ang pagbati at paanyaya sa lahat na makiisa sa Misa ng Pasasalamat para kay Sister Eufrocina D. Santos, OSS, na mas kilala sa tawag na Sister Zeny, bilang pagdiriwang sa kanyang ika-50 Anibersaryo ng Religious Profession.

Ang Banal na Misa ay gaganapin bukas, Agosto 16, sa ganap na ika-6:00 ng umaga.

Si Sister Zeny ang kauna-unahang anak na madre ng ating Parokya na tumugon sa bokasyon ng buhay-relihiyoso. Pumasok siya sa Congregation of the Sisters Oblates of the Holy Spirit (OSS) at taimtim na tinanggap ang kanyang Vow of Religious Profession noong Agosto 15, 1976.

Sa loob ng limampung taon ng kanyang tapat na paglilingkod sa Diyos at sa Simbahan, tunay na naging saksi si Sister Zeny sa biyaya, pagmamahal, at katapatan ng Panginoon.

Halina’t sama-sama nating pasalamatan ang Diyos sa biyaya ng 50 taon ng kanyang bokasyon at paglilingkod.

Maligayang ika-50 Anibersaryo ng Religious Profession, Sister Zeny!

Patuloy nawa kayong pagpalain at patatagin ng Panginoon sa inyong banal na bokasyon at paglilingkod.

AD MULTOS ANNOS!Ang Parokya ng Nuestra Señora de la Merced, sa pangunguna ng ating Kura Paroko, Rev. Fr. John Paul P. Ca...
15/08/2026

AD MULTOS ANNOS!

Ang Parokya ng Nuestra Señora de la Merced, sa pangunguna ng ating Kura Paroko, Rev. Fr. John Paul P. Cabrera, ay buong puso at galak na nagpapaabot ng pagbati sa dalawang anak na madre ng ating parokya na nagdirwang ng kanilang profession of vow sa pagka-madre:

Sr. Zeny Dandan-Santos, ng Sisters Oblates of the Holy Spirit – Perpetual Profession of Vows sa ating simbahan noong Agosto 15, 1981

Sr. Ma. Aida Agulto-Malonzo, ng Pious Disciples of the Divine Master – First Religious Profession of Vows sa Lungsod ng Antipolo noong Agosto 15, 1990

Patuloy ang aming panalangin para sa inyo, na nawa’y lalo pang maging masagana ang inyong paglilingkod sa misyon ng ating simbahan, na may wagas na pagmamahal at puspos ng biyaya ng Panginoon.

15/08/2026

Watch: Thanksgiving Mass of Sister Eufrocina D. Santos for her 50th Religious Profession Anniversary.

Our Lady of Sorrow Parish
B. Harrion St. Pasay City

Ika-15 ng Agosto.KAPISTAHAN NI SAN TARCISIO NG ROMA.( Patron ng mga Tagapaglingkod sa Dambana )PANALANGIN PARA KAY SAN T...
14/08/2026

Ika-15 ng Agosto.

KAPISTAHAN NI SAN TARCISIO NG ROMA.
( Patron ng mga Tagapaglingkod sa Dambana )

PANALANGIN PARA KAY SAN TARCISIO NG ROMA

O pinagpalang batang martir ng Eukaristiya, San Tarcisio ng Roma, sa iyong kamusmusan namulat ang iyong paningin sa hiwaga at halaga ng Misteryo ng mga Kristiyano. Tulungan mo kaming makita ang di masukat na halaga ng pagsamba at pagtanggap kay Hesukristo sa Banal na Sakramento.

Hindi ka nag-atubili na ipagsanggalang ang iyong buhay upang mabigyan ng proteksyon ang iyong pinakamamahal na kaibigan, ang Panginoon, mula sa mga ganid na asong nais lapastanganin ang kabanalan ng Sakramentong iyong minamahal. Bigyan mo kami ng inspirasyon na tumulad sa katapangan at paninindigan na iyong ipinamalas sa harap ng mga taong hindi kumikilala sa kadakilaan ng Panginoon.

Higit sa lahat ng mga ito, tulungan mo kaming mahalin si Hesus katulad ng iyong pagmamahal sa Kanya. Pagmamahal na handang masaktan, handang mahirapan, at handang mamatay.

San Tarcisio, sa oras na kami'y usigin katulad mo dahil sa pananampalataya, nawa'y ang iyong halimbawa ng pagiging martir ang siyang magbukas ng aming isip at diwa na ang kabanalan at buhay na walang hanggan ang pinakadakilang kayamanan na maaari naming tanggapin.

San Tarcisio ng Roma, pintakasi ng mga tagapaglingkod sa dambana, ipanalangin mo ang sambayanang kristiyano lalo't higit ang iyong mga kapatid na tagapaglingkod sa dambana. Amen.

San Tarcisio ng Roma, ipanalangin mo kami.

Ang imahen ay nasa pangangalaga ng Knights of the Blessed Sacrament (Ministry on Altar Servers) ng ating Parokya.

Ika-15 ng Agosto.DAKILANG KAPISTAHAN NG PAG-AAKYAT SA LANGIT NG MAHAL NA BIRHENG MARIA, KALULUWA PATI KATAWAN. ( Assumpt...
14/08/2026

Ika-15 ng Agosto.

DAKILANG KAPISTAHAN NG PAG-AAKYAT SA LANGIT NG MAHAL NA BIRHENG MARIA, KALULUWA PATI KATAWAN. ( Assumption of the Blessed Virgin Mary )

Ang pag-aakyat sa langit sa Mahal na Birheng Maria ay isa sa apat na dogma ng Simbahan patungkol sa ating Mahal na Ina. Ayon sa Katesismo ng Simbahan, ang pag-aakyat sa langit sa Mahal na Birheng Maria ang hudyat ng katapusan ng kanyang buhay sa mundong ibabaw. Nang dumating ang wakas ng kanyang buhay sa lupa, ang katawan at kaluluwa ng Mahal na Birheng Maria ay iniakyat sa langit nang buong-buo. Muling naramdaman ng Mahal na Birheng Maria ang awa ng Diyos, kahit sa huling sandali ng kanyang buhay sa daigdig.

Katulad ng ipinahihiwatig ng iba pang mga dogma patungkol sa Mahal na Birhen, ang awa ng Diyos ay kumilos noong iniakyat ang Mahal na Birhen sa langit. Ang pag-aakyat sa langit sa Mahal na Birheng Maria ay isang biyaya ng awa ng Diyos. Iniakyat ang Mahal na Birheng Maria sa langit sa pamamagitan ng kapangyarihan ng awa ng Diyos. Sa pamamagitan ng pag-akyat sa Mahal na Birheng Maria sa langit, muling ipinamalas ng Diyos ang kapangyarihan ng Kanyang awa.

Dahil naging kalugud-lugod ang Mahal na Birheng Maria sa paningin ng Diyos, hindi Niya pinahintulutang mabulok sa libingan ang Mahal na Birheng Maria. Hindi hinayaan ng Diyos na mabulok sa lupa ang katawan ni Maria. Kaya, nang dumating ang huling sandali ng Mahal na Ina sa lupa, iniakyat ng Diyos nang buong-buo ang kanyang katawan at kaluluwa sa langit. Kung paanong iniligtas ng Diyos ang Mahal na Birheng Maria mula sa bahid ng kasalanang mana bago siya ipaglihi ni Santa Ana, gayon din naman, iniligtas ng Diyos ang Mahal na Birheng Maria mula sa pagkabulok sa libingan.

Ang pag-aakyat sa langit sa Mahal na Birheng Maria ay isang biyaya ng awa ng Diyos. Muling kumilos ang awa ng Diyos para sa Mahal na Birheng Maria noong iniakyat siya sa langit sa katapusan ng kanyang buhay sa lupa. Ang Mahal na Ina ay iniakyat sa langit dahil sa awa ng Diyos. Kumilos ang awa ng Diyos sa kabuuan ng buhay ni Maria dahil sa kanyang buong pusong pananalig. Ibinigay ng Birheng Maria ang kanyang buong pusong pagtitiwala sa awa ng Diyos hanggang sa huling sandali ng kanyang buhay sa lupa. Nang sumapit ang huling sandali ni Maria sa lupa, iniakyat siya ng Diyos sa langit nang buong-buo, katawan at kaluluwa.

Ang imahen ay nasa pangangalaga ng Pamilya San Mateo - Ponce ng Brgy. Pulong Palazan.

𝗣𝗔𝗥𝗜𝗦𝗛 𝗔𝗗𝗩𝗜𝗦𝗢𝗥𝗬Kanselado na po ang ika-5:30 ng Hapon na Banal na Misa sa ating Parokya ngayong araw, Agosto 14, 2026, Bi...
14/08/2026

𝗣𝗔𝗥𝗜𝗦𝗛 𝗔𝗗𝗩𝗜𝗦𝗢𝗥𝗬

Kanselado na po ang ika-5:30 ng Hapon na Banal na Misa sa ating Parokya ngayong araw, Agosto 14, 2026, Biyernes, dahil sa masamang panahon. Manatili po tayong ligtas. Maraming Salamat po.

𝗙𝗜𝗘𝗦𝗧𝗔 𝗗𝗘 𝗟𝗔 𝗔𝗦𝗨𝗡𝗖𝗜𝗢𝗡 Dakilang Kapistahan ng Pag-aakyat sa Langit sa Mahal na Birheng Maria, Kaluluwa pati Katawan𝟭𝟱 𝗔𝗚𝗢...
14/08/2026

𝗙𝗜𝗘𝗦𝗧𝗔 𝗗𝗘 𝗟𝗔 𝗔𝗦𝗨𝗡𝗖𝗜𝗢𝗡
Dakilang Kapistahan ng Pag-aakyat sa Langit sa Mahal na Birheng Maria, Kaluluwa pati Katawan

𝟭𝟱 𝗔𝗚𝗢𝗦𝗧𝗢 𝟮𝟬𝟮𝟲 | 𝗦𝗔𝗕𝗔𝗗𝗢
6:30 ng Umaga – Banal na Misa
• Ika-2 Sabado ng Saturdays of Love and Mercy (Para sa mga Yumaong Lider na Naglingkod sa ating Parokya.)

Nuestra Señora de la Asunción, ipanalangin mo po kami.

Address

Candaba

Website

Alerts

Be the first to know and let us send you an email when Nuestra Señora de la Merced Parish - Bahay Pare posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Nuestra Señora de la Merced Parish - Bahay Pare:

Shortcuts

Share

Category