Santa Maria Magdalena de Banlic

24/05/2026

23/05/2026

𝐌𝐚𝐲𝐨 𝟐𝟒 | 𝐋𝐢𝐧𝐠𝐠𝐨 𝐧𝐠 𝐏𝐞𝐧𝐭𝐞𝐤𝐨𝐬𝐭𝐞𝐬

Ang Mabuting Balita ng Panginoon ayon kay San Juan (Juan 20, 19-23)

Kinagabihan ng Linggo ding iyon, ang mga alagad ay nagkakatipon. Nakapinid ang mga pinto ng bahay na kanilang pinagtitipunan dahil sa takot nila sa mga Judio. Dumating si Hesus at tumayo sa gitna nila. “Sumainyo ang kapayapaan!” sabi niya. Pagkasabi nito, ipinakita niya ang kanyang mga kamay at ang kanyang tagiliran. Tuwang-tuwa ang mga alagad nang makita ang Panginoon. Sinabi na naman ni Hesus, “Sumainyo ang kapayapaan! Kung paanong sinugo ako ng Ama, gayun din naman, sinusugo ko kayo.” Pagkatapos, sila’y hiningahan niya at sinabi, “Tanggapin ninyo ang Espiritu Santo. Ang patawarin ninyo sa kanilang mga kasalanan ay pinatawag na nga; ang hindi ninyo patawarin ay hindi nga pinatawad.”

Ang Mabuting Balita ng Panginoon.

22/05/2026

𝐃𝐞𝐛𝐨𝐬𝐲𝐨𝐧 𝐬𝐚 𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧 𝐧𝐠 𝐒𝐚𝐧𝐭𝐨 𝐑𝐨𝐬𝐚𝐫𝐲𝐨 𝐭𝐮𝐰𝐢𝐧𝐠 𝐚𝐫𝐚𝐰 𝐧𝐠 𝐒𝐚𝐛𝐚𝐝𝐨

Halina't magdebosyon kay Maria tuwing araw ng Sabado, ang ina ng g**o ni Santa Maria Magdalena.

Ipalaganap ang pagdarasal ng Santo Rosaryo sa bawat tahanan at makamtan ang mga pangako ni Maria, Birhen ng Santo Rosario, sa pagdarasal nito.

Nuestra Señora del Santisimo Rosario, Ipanalangin mo kami!

20/05/2026

𝐃𝐞𝐛𝐨𝐬𝐲𝐨𝐧 𝐤𝐚𝐲 𝐒𝐚𝐧𝐭𝐚 𝐌𝐚𝐫𝐢𝐚 𝐌𝐚𝐠𝐝𝐚𝐥𝐞𝐧𝐚 𝐭𝐮𝐰𝐢𝐧𝐠 𝐚𝐫𝐚𝐰 𝐧𝐠 𝐇𝐮𝐰𝐞𝐛𝐞𝐬

Halina't manalangin sa tulong ni Santa Maria Magdalena, ang "Apostolorum Apostola" o Apostol sa mga Apostol, na nanatiling tapat na tagasunod ni Hesukristo hanggang sa kamatayan sa krus.

Santa Maria Magdalena, ipanalangin mo kami.

16/05/2026

𝐌𝐚𝐲𝐨 𝟏𝟕 | 𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐏𝐚𝐠-𝐚𝐤𝐲𝐚𝐭 𝐧𝐠 𝐏𝐚𝐧𝐠𝐢𝐧𝐨𝐨𝐧 𝐬𝐚 𝐋𝐚𝐧𝐠𝐢𝐭

Ang wakas ng Mabuting Balita ng Panginoon ayon kay San Mateo (Mateo 28, 16-20)

Noong panahong iyon, ang Labing-isang alagad ay nagpunta sa Galilea, sa bundok na itinuro sa kanila ni Hesus. Nang makita nila si Hesus, siya’y sinamba nila, bagamat may ilang nag-alinlangan. Lumapit si Hesus at sinabi sa kanila, “Ibinigay na sa akin ang lahat ng kapangyarihan sa langit at sa Lupa. Kaya, humayo kayo at gawin ninyong alagad ko ang lahat ng bansa. Binyagan ninyo sila sa ngalan ng Ama at ng Anak at ng Espiritu Santo, at turuang sumunod sa lahat ng ipinag-utos ko sa inyo. Tandaan ninyo: ako’y laging kasama ninyo hanggang sa katapusan ng sanlibutan.”

Ang Mabuting Balita ng Panginoon.

14/05/2026

𝐌𝐚𝐲𝐨 𝟏𝟓 | 𝐏𝐚𝐠𝐠𝐮𝐧𝐢𝐭𝐚 𝐤𝐚𝐲 𝐒𝐚𝐧 𝐈𝐬𝐢𝐝𝐫𝐨, 𝐦𝐚𝐠𝐬𝐚𝐬𝐚𝐤𝐚

Panalangin:

Makapangyarihang Diyos, Amang Kataas-taasan, pinasasalamatan ka namin sa pagbibigay mo ng uliran at mapag-ampong si San Isidrong Magsasaka. Pinagkalooban mo siya ng mahal na biyaya at kapangyarihan katulad ni Moises, na kahit sa kapatagan ay nakapagpapabukal sya ng tubig. Bigyan mo rin sya ng katapatan at kasipagan na hindi ang lupa lamang ang pinagsumakitan niyang linangin at pag-anihan, kundi pati kaluluwa niya'y pinagsikapang maging malinis at dalisay.

Hinihingi naming sa iyo, maawaing Diyos na alang-alang sa mapaghimalang Santo na si San Isidro Labrador, ipagkaloob mo sa amin ang biyaya upang matularan namin ang kanyang mga halimbawa sa paggawa ng kabutihan at kabanalan. Pagpalain mo ang aming mga Magsasaka at gantimpalaan sila at kaming lahat ng masaganang ani ng iyong pagpapala.

Hinihiling namin ito sa Ngalan ni Hesus, Amen.

San Isidro Labrador, ipanalangin mo kami.

Ang imahen ng San Isidro Labrador ay nasa pangangalaga ng Pamilya Garcia

14/05/2026

𝐌𝐚𝐲𝐨 𝟏𝟒 | 𝐒𝐚𝐧 𝐌𝐚𝐭𝐢𝐚𝐬, 𝐀𝐩𝐨𝐬𝐭𝐨𝐥

Panalangin:

O maluwalhating San Matias, ang plano ng Diyos ay nahulog sa iyo upang magawa ang lugar ni Judas na nagkakanulo sa kanyang G**o. Napili ka ng dobleng tanda ng katuwiran ng iyong buhay at sa tawag ng Banal na Espiritu. Makuha ang biyaya upang maisagawa ang iyong sariling katuwiran ng buhay at tinawag ng parehong Espiritu sa walang pasubaling paglilingkod ng Simbahan at, pagkatapos ng isang buhay na sigasig at mabubuting gawa, tulungan kaming ipakilala sa tinubuang-bayan ng langit upang umawit ng mga papuri magpakailanman ng Ama, ng Anak, at ng Banal na Espiritu. Amen.

San Matias Apostol, ipanalangin mo kami.

12/05/2026

𝐌𝐚𝐲𝐨 𝟏𝟑 | 𝐏𝐚𝐠𝐠𝐮𝐧𝐢𝐭𝐚 𝐬𝐚 𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧 𝐧𝐠 𝐅𝐚𝐭𝐢𝐦𝐚

Ang Mahal na Birhen ng Fatima ay ang titulong ibinigay sa Mahal na Birheng Maria kaugnay ng kanyang mga pagpapakita sa tatlong anak na pastol sa Fatima, Portugal. Sinabi ang Birehen ng Fatima sa mga batang pastol na magdasal ng rosaryo araw-araw para sa pagtatapos ng digmaan (World War I). Ang Mahal na Ina ay patuloy na nagpakita minsan sa isang buwan sa loob ng 6 na buwan sa tatlong anak, sina Lucia, Jacinta at Francisco. Noong Oktubre ng 1930, inaprubahan ng Obispo ng Leiria-Fátima ang mga pangitain bilang “karapat-dapat paniwalaan.”

Mahal na Birhen ng Fatima, ipanalangin mo kami.