MCGI Bonga Mayor

20/09/2026

28/06/2026

United in Faith

28/06/2026

AWIT 92:1 (ADB)
Isang mabuting bagay ang magpasalamat sa Panginoon, At umawit ng mga pagpuri sa iyong pangalan, Oh Kataastaasan:

28/06/2026

Napakagandang mapanood kagabi ang documentary na **"28."** Tunay itong nakapagbigay ng pagninilay at inspirasyon.

Itinampok dito ang isang bayan sa Pangasinan na may 28 barangay. Nagsimula ang lahat sa isang barangay kung saan nagsagawa ng medical mission ang Members Church of God International. Nang makita ng alkalde ang taos-pusong paglilingkod at malasakit ng mga kapatid sa mga taong madalang maabot ng tulong, naging daan ito upang maisakatuparan ang pag-iikot sa lahat ng 28 barangay.

Kahanga-hanga dahil bagama't marami sa mga miyembro ay may simpleng pamumuhay, sa awa at tulong ng Diyos ay nagkaisa silang makapaglingkod sa kanilang kapwa.

Maraming kuwento ang tumimo sa puso. May isang pitong buwan nang nagtitiis sa matinding sakit ng ngipin dahil walang pambayad sa pagpapabunot. May isa namang halos maubusan na ng gamot para sa kanyang araw-araw na maintenance. Isang 90 taong gulang na biyuda naman ang kailangang gumastos ng ₱150 sa pamasahe upang makarating lamang sa health center. At marami pang iba na nagpapakita ng hirap na dinaranas ng karaniwang Pilipino.

Nakakalungkot isipin na may mga pondong inilaan para sa mamamayan, ngunit kung hindi ito nakararating sa tunay na nangangailangan, lalo lamang naghihirap ang mga tao. Sa huli, ipinapaalala ng mga ganitong kuwento na ang tunay nating pag-asa ay nasa Panginoon. Maaaring biguin tayo ng tao, ngunit ang Diyos ay hindi nagkukulang sa Kanyang habag at pagkalinga. Kapag Siya ang kumikilos, naaabot maging ang mga taong tila nakalimutan na ng sistema at itinuturing na mga numero o simpleng estadistika lamang.

Nakaaantig at nakapagbibigay-inspirasyon ang inyong paglilingkod, mga kapatid sa Members Church of God International. Nawa'y patuloy kayong maging kasangkapan ng Diyos sa pagpapakita ng pag-ibig at malasakit sa kapwa.

**Praise be the Name of the Lord our God! ❤️🇵🇭**
**To God be the highest glory!**

28/06/2026

1 Thessalonians 5:18

"In every thing give thanks: for this is the will of God in Christ Jesus concerning you."

27/06/2026

🙏 **2nd Quarter Special Thanksgiving Day**
**Day 2 | June 27, 2026**

📖 **Paksa:** *Palo man o Pagsubok, Dapat Magbunga ng Pagsunod sa Utos ng Dios*

Ang ating tungkulin bilang mga lingkod ng Dios ay malinaw—**sumunod sa Kaniyang mga utos**. Sapagkat darating ang panahon na **ang bawat gawa ng tao ay dadalhin sa kahatulan ng Dios** (Eclesiastes 12:13–14). Ang utos ng Dios ay banal, matuwid, at mabuti (Roma 7:12), kaya ang pagsunod dito ang nararapat nating maging layunin.

Bilang mga anak ng Dios, hindi natin dapat abusuhin ang biyayang tinanggap natin. Ang Ama ay humahatol nang walang itinatangi ayon sa gawa ng bawat isa (I Pedro 1:17). Kapag tayo ay sinasaway o pinarurusahan ng Panginoon, ito ay tanda ng Kaniyang pag-ibig at pagtanggap sa atin bilang Kaniyang mga anak (Hebreo 12:5–6; Apocalipsis 3:19).

Madalas, bago dumating ang palo ay may **saway** munang ipinadadala ang Dios sa pamamagitan ng Kaniyang Salita. Ang Salita ng Dios ay buhay at makapangyarihan, sinusuri nito maging ang ating mga iniisip at layunin (Hebreo 4:12–13). Kaya kapag tayo ay tinatamaan ng paksa, ang tamang tugon ay **magsisi at magbago**, hindi magrebelde o ipatungkol sa iba ang pangangaral.

May mga pangyayaring iniisip natin kung ito ba ay **parusa o pagsubok**. Ngunit anuman ito, ang mahalaga ay ang maging bunga nito sa atin. Ang pagsubok ay nagpapalakas ng ating pananampalataya at nagtuturo ng pagtitiis (Santiago 1:3), samantalang ang parusa ng Dios ay nagtuturo sa atin ng Kaniyang kautusan (Awit 94:12).

✨ Ang mahalagang aral:
**Palo man o pagsubok, dapat itong magdala sa atin sa ikabubuti—sa higit na pagsunod sa utos ng Dios.** Sapagkat ang lahat ng bagay ay magkakalakip na gumagawa sa ikabubuti ng mga umiibig sa Dios (Roma 8:28), at ang umiibig sa Dios ay siyang tumutupad ng Kaniyang mga utos (I Juan 5:3).

Nawa'y sa bawat pagsubok, pagsaway, at maging sa bawat pagkakamali, matuto tayong magsisi, magtiis, at lalong sumunod sa ating Panginoon. Hindi tayo dapat malagak sa paggawa ng kasamaan, kundi mamuhay nang may pagkatakot sa Dios at katapatan sa Kaniyang mga utos.

**To God be all the glory!** 🙏💙

27/06/2026

**2nd Quarter Special Thanksgiving**
**Day 1 | June 26, 2026**

📖 *"At kung kayo'y tumatawag na Ama sa Kaniya na humahatol nang walang pagtatangi ayon sa gawa ng bawat isa, ay gugulin ninyo sa takot ang panahon ng inyong pangingibang-bayan."* — 1 Pedro 1:17

Isang napakahalagang paalala ang ating natanggap ngayong unang araw ng Pasalamat: habang tayo ay nabubuhay sa mundong ito, gugulin natin ang ating panahon sa takot sa Dios—isang takot na nahahayag sa pagsunod sa Kaniyang mga utos.

Bilang mga anak ng Dios, hindi natin dapat waling-bahala ang Kaniyang pagsaway at pagpaparusa. Ang disiplina ng Panginoon ay tanda ng Kaniyang pag-ibig at layuning ituwid tayo upang magkaroon tayo ng bahagi sa kabanalan. Kapag tayo ay pinagsasabihan ng Salita ng Dios, magsikap tayong magsisi at magbago habang may pagkakataon.

Tulad ng babala tungkol kay Esau, huwag nating ipagwalang-bahala ang mga pagpapalang tinanggap natin. Pahalagahan natin ang pagkakataong magsisi, sapagkat ang pagpapahinuhod ng Dios ay para sa ating kaligtasan.

Nawa'y magbunga sa atin ang bawat pagsaway ng katuwiran, higit na pagsunod, at paglayo sa kasamaan. Patuloy tayong gumawa ng mabuti, magmahalan, at magtulungan sa pagdadala ng pasanin ng isa't isa, habang hinihintay natin ang ating tunay na pagkamamamayan sa langit.

✨ **Lahat ng bagay ay nagkakalakip na gumagawa sa ikabubuti ng mga umiibig sa Dios.** Patuloy tayong magpakumbaba, matuto, at magpatuloy sa paggawa ng kabutihan.

27/06/2026

JEREMIAS 30:19 At mula sa kanila magmumula ang pagpapasalamat, at ang tinig ng nangagsasaya: at aking pararamihin sila, at sila’y hindi mangangaunti; akin ding luluwalhatiin sila, at sila’y hindi magiging maliit.

02/06/2026

May 30, 2026 ThanksGiving

31/05/2026

"Story of my faith" May 30,2026 Weekly ThanksGiving

awit na gawa ng north district choir na sa twing naririnig ko ay di mapigilang mapaluha, kasagsagan ng matinding pag uusig sa buong MCGI lalo na kay Bro Eli.