San Roque Chapel- Catacte,Bustos,Bulacan

19/05/2026

Sa espesyal na araw na ito, kami po ay taos-pusong nagpapasalamat sa Diyos sa biyaya ng iyong buhay at bokasyon.

Salamat po sa iyong walang sawang paglilingkod, sa inyong inspirasyong hatid sa amin sa pamamagitan ng iyong mga misa, panalangin, at pangaral.

Nawa’y pagpalain pa po kayo ng masaganang kalusugan, lakas ng loob, at patuloy na gabay ng Espiritu Santo sa iyong misyon bilang pastol ng sambayanan. Hangad po namin ang mas marami pang taon ng pagpapala at pagmamahal sa inyong buhay.

Maligayang Kaarawan po, Father Ehersey!

18/05/2026

Isang taos-pusong pag-aalay ng pananampalataya at debosyon ng mga mag-asawa at kabataan para sa Mahal na Birheng Maria nitong Mayo 16, 2026. Nawa’y patuloy Niya tayong gabayan at pagpalain araw-araw. 🌸🙏

18/05/2026

Mayo 16, 2026 — Isang makahulugang araw ng pananampalataya at debosyon para sa mga mag-asawa at kabataan na buong pusong nag-alay ng bulaklak, panalangin, at pagmamahal sa Mahal na Birheng Maria. 🌸🙏

Sa bawat hakbang ng prusisyon at bawat taimtim na panalangin, ipinakita natin ang pagkakaisa at matibay na pananampalataya bilang isang pamayanan. Ang pag-aalay na ito ay hindi lamang tradisyon kundi simbolo ng ating paggalang, pasasalamat, at patuloy na pagtitiwala sa mapag-arugang Ina ng Diyos.

Nawa’y patuloy tayong gabayan ng Mahal na Birhen Maria sa ating mga pamilya, pangarap, at pang-araw-araw na buhay. Patuloy nawa niyang pagpalain ang bawat mag-asawa upang manatiling matatag at mapagmahal, at ang bawat kabataan upang lumaking may takot sa Diyos, mabuting puso, at malasakit sa kapwa.

Ave Maria! Maraming salamat sa lahat ng nakiisa at naging bahagi ng banal na pagdiriwang na ito. 🤍✨

15/05/2026

🌾 Maligayang Ika-45 na Kapistahan, San Isidro Labrador! 🌾

Isang mapagpalang araw ng pista sa buong pamayanan ng Liciada, Bustos, Bulacan! Ngayong araw, Mayo 15, 2026, tayo ay nagagalak at nagpapasalamat sa ating mahal na patron, San Isidro Labrador. Ating ginugunita at pinasasalamatan ang patuloy na paggabay at masaganang biyaya na ipinagkakaloob niya sa ating mga magsasaka, pamilya, at sa buong parokya.

Nawa'y patuloy tayong maging huwaran ng kasipagan, kababaang-loob, at malalim na pananampalataya sa Diyos, tulad ng ipinamalas ni San Isidro.

Halina't makiisa sa ating mga gawaing parokya at ipagdiwang ang espesyal na araw na ito nang may buong pasasalamat at pagmamahalan!

Viva San Isidro Labrador! 🙏✨

12/05/2026

Magandang hapon po sa ating lahat.

Malugod po naming ipinababatid na ang pagdiriwang ng Flores de Mayo sa ating kapilya ay gaganapin sa darating na araw ng linggo Mayo 17, 2026. Ang Banal na Misa ay magsisimula sa ganap na ika-8:00 ng umaga, at susundan naman ng Prusisyon sa ganap na ika-5:00 ng hapon.

Inaanyayahan po namin ang bawat isa na makiisa at makibahagi sa banal na pagdiriwang bilang pagpapakita ng ating pananampalataya at debosyon sa Mahal na Birheng Maria.

Maraming salamat po at nawa’y pagpalain tayong lahat.

10/05/2026

Isang karangalan na masaksihan ang pagkilala sa dangal ng parokya at ang pagkakapili kay G. Pangulo Gilbert Serpa Juan bilang isa sa mga pinarangalan sa Gawad Dangal ng mga Manggagawa.

Taos-pusong pagbati at pasasalamat po sa inyong dedikasyon, tapat na paglilingkod, at mabuting halimbawa sa komunidad. Nawa’y patuloy kayong maging inspirasyon sa marami. 👏✨

08/05/2026

Makiisa sa mga Misa Nobenaryo at Misa Concelebrada bilang paghahanda at pagdiriwang ng ika-45 Pistang Patron ni San Isidro Labrador.

Sama-sama tayong magpasalamat sa Diyos sa Kanyang walang hanggang biyaya.

07/05/2026

Nasaksihan natin ang pagkilala sa mga natatanging lingkod ng Parokya ni San Isidro Labrador, Liciada, Bustos, Bulacan. Lubos po nating ikinagagalak at ipinagmamalaki na ang napili mula sa ating SPPC Catacte ay si Sis. Rose Marie S. Nepomuceno.

Ang inyong tapat na paglilingkod, kababaang-loob, at pagmamahal sa Diyos at Simbahan ay tunay na inspirasyon sa ating lahat. Patuloy po kayong pagpalain at gabayan ng Panginoon sa inyong misyon ng paglilingkod. 🙏💖

Maraming salamat po at pagbati!

30/04/2026

Inaanyayahan ang lahat sa pagdiriwang ng ika-45 na Pistang Patron ni San Isidro Labrador! 🙏🌾
Sama-sama nating ipagdiwang ang pananampalataya, pagkakaisa, at pasasalamat.
Mayo 6–15, 2026
Parokya ng San Isidro Labrador, Liciada, Bustos, Bulacan

Inaanyayahan ang lahat sa pagdiriwang ng ika-45 na Pistang Patron ni San Isidro Labrador! 🙏🌾

Sama-sama nating ipagdiwang ang pananampalataya, pagkakaisa, at pasasalamat.

Mayo 6–15, 2026

Parokya ng San Isidro Labrador, Liciada, Bustos, Bulacan

28/03/2026

Sa pagsisimula ng Mahal na Araw, inaanyayahan tayong salubungin ang Panginoon nang may pusong mapagkumbaba at puno ng pananampalataya. Tulad ng mga taong sumalubong kay Hesus, ialay natin ang ating sarili sa kanya.

Inaanyayahan ang lahat na makiisa sa pagdiriwang ng Linggo ng Palaspas sa darating na Marso 29, 2026. Magsisimula ang pagbabasbas ng mga palaspas sa ganap na 5:00 ng umaga sa Bisita ng Catacte, na siya ring hudyat ng pagsisimula ng prusisyon patungo sa Parokya. Makiisa sa prusisyon at Banal na Misa bilang pagsisimula ng ating paglalakbay sa pagpapakasakit, kamatayan, at muling pagkabuhay ng Panginoon.

MGA ORAS NG BANAL NA MISA SA PAROKYA:
6:30 N.U.
9:00 N.U.
5:00 N.H.