NGALAN – Ang ngalan sa pundok pagatawgon og Parish Youth Ministry (PYM) sa parokya sa _____________________________. MATANG O KLASE – Sa matag parokya kinahanglan tukoron ang PYM nga pagapangulohan sa Kura Paruko. Ang PYM usa sa mga pundok nga ubos sa pagdumala sa Parish Pastoral council (PPC). Ang matag desisyon sa PYM consultative lamang ug mosunod sa patakaran nga ipakanaog sa Talahurong Obispo
. Ang tumong sa PYM ang pagdasig, pagpalambo ug pagpalig-on sa Kristohanong pagtoo sa mga kabatan-onan ug pag-agni kanila sa pagpanginlabot sa kalihukan sa simbahan. Ubos sa PYM mao ang Chapel Youth Ministry (CYM) sa matag barangay. Aron mahimong mas halapad ang paglambo, kinahanglan usab tukoron ang Youth Ministry sa mga mosunod:
Ang Vicarial Youth Ministry (VYM) sa matag bikaryato ubos sa napiling VIcarial Youth Director. Ang Diocesan Youth Ministry (DYM) ubos sa Diocesan Youth director. ANG LOGO – ang matag parokya adunay kagawasan sa pagmugna ug kaugalingong LOGO. Apan gikauyonan nga ang tibouk Diocesan Youth Ministry adunay isa ka hinugpong nga logo. Ang logo sa DYM gihulagway pinaagi sa usa ka triangulo nga nagkahulugan sa Santisima Trinidad nga mao ang patron sa Diyosesis sa Talibon. Ang tulo ka lilid niini nagrepresentar sa tulo ka mga tahas sa mga batan-on: Pagsimba (Worship), Pag-alagad (Service) ug Pagpangulo (Leadership). Sulod niining triangulo adunay tulo (3) ka hulagway: ang SULO nga nagtimaan sa kinabuhing masaksihon isip “Kahayag sa Kalibutan” (Mat. 5:13). Ang BIBLIYA nga nagtimaan sa Pulong sa Diyos nga maoy gabayan sa kinabuhi sa kabatan-onan, ug ang MAPA SA DIYOSESIS SA TALIBON UG KRUS nga nagtimaan sa paghari ni Hesus taliwala sa Iyang Kristohanong Katilingban. Ug gihiusa kini sa dakong LINGIN nga adunay duha (2) ka sanga sa Olibo nga nagtimaan sa kahiusahan ug kalinaw sa tanang mga kabatan-onan sa Diyosesis sa Talibon. ANG AWIT SA PYM – Ang matag parokya adunay kagawasan sa pagmugna og kaugalingon awit-kabataan (youth ministry theme song). Apan gikauyonan nga ang opisyal nga awit sa DYM mag-ulohan og “Bangon Kabataan.”
SEKSIYON 6. ANG BUHATAN ALANG SA YOUTH MINISTRY
Ang buhatan sa PYM Makita sa Parish Rectory o sa bisan asang lugar nga mapilian sa PYC ubos sa pagtugot sa Kura Paroko ug sa Parish Pastoral Council. Ang buhatan sa Diocesan Youth Ministry anaa mahimutang sa Most Holy Trinity Diocesan Pastoral Center, Talibon isip sentro sa Diyosesis. ATIKULO II
KATUYUAN UG KATUNGDANAN
SEKSIYON 1. KATUYUAN – Adunay upat ka katuyuan ang PYM:
Ang pag-umol ug pagpalambo sa mga batan-on diha sa parokya arong mahimong usa ka tinuoray nga Kristohanong Katilingban sa pagsimba, pagsaksi ug pag-alagad;
Ang pagpalambo sa espirituhanong panaghiusa ug pagtinabangay diha sa kalihukan sa nagkalain-laing pundok sa mga batan-on sa parokya aron mosunod kanunay sa mga pagtulon-an ni Kristo;
Ang pagdasi sa mga batan-on nga anaa sa kahilayan ug wala magpakabana aron mabag-o ang ilang kinabuhi. KATUNGDANAN – Ang katungdanan sa PYM mao kining mosunod:
Ang pag-andam sa mga plano sa parokya nga adunay tulo ka tumong:
Ang pagkab-ot sa tinud-anay nga pagsalmot sa mga batan-on sa parokya diha sa liturhiya;
Ang pagtudlo sa katekesis sa mga batan-on alang sa Kristohanong pag-umol sa mga pamilya ug pagpalambo sa mga bokasyon; ug
Ang mga katilingbanon ug ekonomikanhong pag-uswag sa mga batan-on pinaagi sa mga programa nga gpasiugdahan sa simbahan. Ang paghiusa sa mga kalihukan sa nagkalain-laing pundok sa mga batan-on sa parokya aron matuman ang planong pastoral sa mga batan-on sa parokya;
Ang pakig-alayon sa ubang mga grupo aron sa kaayohan sa katawhan sa komunidad;
Ang pagtabang sa parokya sa pagpangandam alang sa piyesta ug ilabina sa mga Kristohanong kasaulogan. ARTIKULO III
ANG PAGPASAKOP
SEKSIYON 1. Ang mosunod mao ang kalagdaan sa pagpasakop sa PYM:
Ang PYM magasakop sa tanang batan-ong Katoliko nga nag-edad og 12 – 39 anyos ang panuigon nga nag-alagad sa Simbahan. Adunay duha ka matang sa sakop sa PYM:
AKTIBONG SAKP – Kadtong nahatagan sa Basic Orientation Seminar (BOS) o uban pang pagbansay-bansay nga gihatag sa parokya o sa diyosesis, ug aktibong misalmot sa mga kalihukan sa PYM;
DILI AKTIBONG SAKOP – Kadtong walay kasayuran mahitungod sa PYM apan nag-edad og 12 - 39 anyos ang panuigon ug nakatambong og mga seminar ug pagbansay – bansay nga gipasiugdahan sa parokya apan walay aktibopng pagsalmot sa mga kalihukan sa PYM. Walay bayranan ang pagpasakop. Kini naglakip sa tulo (3) ka importanteng sector:
Mga batan-ong nag-alagad sa parokya pinaagi sa ilang pagpasakop sa nakalaing-laing pundok relihiyoso (parish-based);
Mga batan-on sa tulongha-an (Campus Ministry)
Mga Out-of-School Youth (OSY)
SEKSIYON 3. Ang katungdanan sa mga sakop sa PYM mao ang mosunod:
Pagtuman sa batakang balaod;
Pagsalmot sa mga kalihukan sa PYM sama sa recollection, seminar, training, binulang tigum ug uban pa;
Pagtahod sa katungod sa uban;
Pagtuman sa ilang mga obligasyon;
PAgkamodelo sa maayong kinabuhi ngadto sa ilang isigka-batan-on. PARISH YOUTH COUNCIL (PYC) – Ang mahimong sakop sa PYC mao ang mosunod:
Ang Kura PAroko ug iyang mga kaabag;
Ang tanang mga pangulo sa mga relihiyosong pundok sa mga batan-on nga nahisakop sa parokya;
Ang tanang coordinator sa matag kapilya;
Gikan sa Sangguniang Kabataan, usa ka representante;
Gikan sa mga tulongha-ang publiko, usa ka representante;
Gikan sa mga katolito ug ubang prebadong tulonghaan, usa ka representante. Ang matag katungdanan sa Parish Youth Council (PYC):
Ang pagsalmot panahon sa recollection, seminars ug uban nga mga kalihukan sa PYM;
Ang aktibong PAGTAMBONG SA BINULAN NGA TIGUM. Ang paghatag og pahibalo sa mga balaod ug proyekto sa PYM, ug sa uban pang miyembro sa pundok diin siya nahisakop. Ang pagtabang sa pagpatuman sa mga balaod ug proyekto pinaagi sa ilang tagsa-tagsa ka pundok. Kanus-a mapahawa ang usa ka miyembro sa PYC? Ang usa ka miyembro sa PYC pagataktakon ubos sa mosunod nga mga hinungdan:
Kon siya dili makatambong sa tulo ka sunod-sunod nga pagtulon-an sa Katoliko nga Simbahan ug saKristohanong mithi og moralidad. Kon siya maghimo sa mga kalihukan nga nahisupak sa mga pagtulon-an sa ilang tagsa-tagsa ka pundok. Ang pagtaktak mapatuman lamang human madesisyonan sa PYC nga ipatawag sa Kura Paroko o moderator
Ang staff o opisyales sa PYC mapahawa usab sa ilang pangatungdanan ubos sa mga sumusunod nga katarungan:
Kon sila maminyo. Kon sila mamatay o dili na mkahimo sa pangatungdanan (negligence or incapacity)
Kon sila mabilanggo;
Kon sila moluwat sa pangatungdanan
SEKSIYON 7. VICARIAL UG DIOCESAN YOUTH COUNCILS (VYC UG DYC) Aron mabansay ang pagtinabangay ug kahiusahan sa mga batan-on sa mga parokya, pagatukuron usab ang mosunod nga mga kahugpungan: Vicarial Youth Council (VYC) kansang mga sakop mao ang mosunod:
Ang Bikaryo Foranyo
Ang tanang moderator sa matag parokya nga sakop sa bikaryato
Ang Staff
Ang Youth Adviser o Adult Animator
Ang Diocesan Youth Council (DYC) kansang mga sakop mao ang mosunod:
Ang Diocesan Youth Director ug Consultant
Ang Diocesan Youth Coordinator (mga madreng Cannosians)
Ang tanang moderator sa matag parokya
Ang staff
Ang Youth Adviser o Adult Animator
ARTIKULO IV
STAFF, OPISYALES UG ILANG KATUNGDANAN
SEKSIYON 1. STAFF – Ang staff sa PYM pagatudloon sa Kura Paroko kansang katungdanan mao kining mosunod:
Pag-umol sa mga batan-on sa parokya
Magpasabot kon unsa ang PYM ilabina sa mga kabaryohan
Makigtambayayong uban sa Kura Paroko sa pagpadagan sa mga gimbuhaton sa mga batan-on sa parokya. Ang pagtambong sa mga seminars, conventions, youth camps, symposia, congress, conference, meetings ug uban pang mga kalihukan nga makadugang sa pagpalambo sa Youth Ministry u gang pagre-echo niini sa mga parokya. OPISYALES – Ang PYM kinahanglan nga adunay mga opisyales nga mao ang mosunod: Moderator, Vice-Moderator, Secretary, Treasurer, Auditor, Youth Adviser o Adult Animator ug mga chairpersons sa nagkalain-laing komitiba. MODERATOR – Sunod sa Kura Paroko ug sa iyang mga kaabag mao ang moderator kansang mga katungdanan mao ang mosunod:
Mangulo sa mga tigum diha sa Youth Ministry
Motan-aw kon ang desisyon sa Youth Ministry, mga balaod ug mga programa napatuman ba o napasunod. Mopatuman sa mga balaod ug buluhaton sa nagkalain-laing komitiba. Morepresentar sa Youth Ministry uban sa iyang Vice-Moderator diha sa tigum sa DYM ug mga tigum nga may kalabutan sa mga programa sa mga tulonghaan ug socio-civic governmental organization
Mohimo sa mga gimbuhaton nga ipatuman sa Kura Paroko
Motambong sa tigum sa Parish Pastoral Council
SEKSIYON 4. VICE-MODERATOR – Siya maoy mohulip sa tanang mga gimbuhaton ug gahum sa moderator kon wala ang naulahi o dili makahimo sa pangatungdanan o mabakante ang iyang posisyon. Kinahanglan nga aktibo siyang mobulig sa Moderator sa pagpatuman sa mga gimbuhaton sa nakalain-laing komitiba. SECRETARY – Siya maoy modumala ug motipig sa tanang dokumento sa Youth Ministry. U gang iyang mga katungdanan mao ang mosunod:
Moandam sa tanang mga hilisgutan diha sa tanang mga tigum sa Youth Ministry. Mopadala ug mensahe sa tanang mga opisyales ug miyembro sa Youth Ministry lakip sa tanang mga pagahisgutan
Mosulat sa tanang mga opisyales ug miyembro sa Youth Ministry lakip sa tanang mga pagahisgutan
Mosulat sa tanang minutas ug sa mga manambong sa tigum sa Youth Ministry
Motipig kanunay sa listahan sa mga sakop sa Youth Ministry ug sa tanang mga youth organizations nga naglangkob sa mga kasayuran sa mga sakop aron ang Youth Ministry epektibong mopaambit sa mga tinagoang talent para sa mga programang sosyal.
