K of C Batuan Council

18/01/2026

Human sa ikaduhang Santos nga Misa, atong gihatod ang Balaang Imahen sa Sagrada Corazon de Jesus didto sa Parokya ni San Isidro Labrador sa Bilar, Bohol.

Kini mainitong gidawat sa mga kaigsuonan nato sa Knights of Columbus: Bilar Council nga gipangulohan sa ilang Grand Knight nga maoy atong gitunolan sa Sacred Heart Pilgrim Image Logbook.

Sa gihapon, magpabilin ang Imahen sa maong Parokya sulod sa usa usab ka semana sa dili pa kini ibalhin ngadto sa Loboc ug Sevilla.

"Vivat Jesus!"

13/01/2026

Knights of Columbus Batuan Council: Outreach Program 2026

Panghatag og kaayuhan alang sa mga kaigsuonan natong nanginahanglan ❤️

“A generous spirit is itself great wealth.”
— Pope St. Leo the Great

“The grace of a good deed is doubled when it is done with promptness and speed.”
— St. Gregory of Nazianzen

“Let us give alms because these cleanse our souls from the stains of sin.”
— St. Francis of Assisi

13/01/2026

Knights of Columbus: Batuan Council: Outreach Program 2026

Among kalipay nga ipaambit ang mga grasya ug gasa hinatag gikan sa Makakagahum. Tanang butang sa kalibotan dili ato, iya kana sa Ginoo. Angay lamang nga ato kining ibalik ngadto Kaniya pinaagi sa pagbuhat og maayo.

“All blessings come to us through our Lord. He will teach us, for in beholding His life we find that He is the best example.”
— St. Teresa of Avila

“If we wish to serve God and love our neighbor well, we must manifest our joy in the service we render to Him and them. Let us open wide our hearts. It is joy which invites us. Press forward and fear nothing.”
— St. Katharine Drexel

11/01/2026

KNIGHTS IN ACTION.
Karong adlawa nagsugod na ta og pang repacked para sa atoang Outreach Program karong tuiga.

Human sa repacking, nitagbo usab kita sa atong mga kaigsuonan gikan sa Knights of Columbus: Balilihan Council kauban ang atong Padre Kura, Rev. Fr. Mario Ringca, aron sa pag welcome ug pagdawat sa Balaang Larawan sa "Sagrada Corazon de Jesus" nga gikan pa gibenditahan sa atoang kanhi Sto. Papa, Pope Francis, sa Roma ❣️

Sa mga buot mobisita, ang maong Larawan magpabilin pa kini sa atong Parokya sulod sa usang semana sa dili pa kini ihatod sa Parokya ni San Isidro Labrador sa Bilar.

28/12/2025

KNIGHTS IN ACTION

Unang adlaw sa pagpanaygon gipahigayon karong adlawa sa atong mga Knight Brothers.

Usa kini ka paagi sa atong mga Knight Brothers sa pag-fund raising gamiton alang sa atong paga himoong Outreach Program nga mao ang pagpang hatag nato pohon sa pipila natong mga kaigsuonang kabus dinhi sa atong parokya.

Salamat kaayo sa mga balay nga mainitong nidawat ug naminaw sa among mga alawitong pangpasko ug, labaw sa tanan, sa mga pinaskohan nga inyong gihatag gamiton usab alang sa pagpa improve sa atoang proyekto, K of C Chamber anaa sa Poblacion Norte.

"Nothing seems tiresome or painful when you are working for a Master who pays well; who rewards even a cup of cold water given for the love of Him."
— St. Dominic Savio

09/12/2025

Nganong mag Novena man ta? Nganong mag Simbang Gabi pa ta?

Asa man nato kuhaa ang kanunay natong gina practiced nga pag NOVENA?

Kon nakabantay ta, parte na gyod sa atong Catholic Prayer life ang pag novena ilabina kon naa tay pangayuon sa Ginoo ug sa Iyang mga Santos.

Kasagaran pa ani, iagi pa nato kini og Santos nga Misa. Mao ng naa tay gitawag nga "Novena Mass".

Nga mostly ginahimo nato ni panahon sa mga kapistahan sa atong mga Patron

Ug sa panahon sa Pasko, naa tay gitawag nga "Simbang Gabi" or "Misa de Gallo / Aguinaldo".

Naay uban nga iagi sa mga "private devotions" sama sa Novena alang sa mga Santos, Novena alang sa mga Kalag sa Purgatoryo, Novena alang sa Sagradong Kasingkasing ni Jesus, Novena sa Diosnong Kalooy, Novena alang sa Birhen sa Fatima, etc.

Ang word "novena" gikan pana sa Latin nga "novem" which means "9 days"

9 days nga pag ampo nga may nagkadaiyang mga intentions: Special favors, special graces, or dinaliang petitions gikan sa Dios.

Ang 9 days nga pagpangadje ga simbolo usab kana sa urgency, neediness ug yearning sa tawo nga makuha ang ilang gipangayo o gipaabot.

Apan mobalik ta sa pangutana.

Asa nato kuhaa ang konsepto o ideya nga mag novena?

Asa nato kini gi modelo? O asa nato kini gibasihan?

Kon naa kay kailang dili-Katoliko, moingon gyod sila (for sure) kon Biblical ba ang pagpangadjeg Novena?

Di mana malikayan kay dili gayud mawala ang realidad nga gipalibotan man ta sa mga so-called "Bible Christians"

So, karon ato kining tubagon pinaagi sa Balaang Kasulatan,

While at the same time, ma tubag usab nato kon diin gikan kining gina consider nato nga "pious tradition"

Nga mao ang pag NOVENA.

Magsugod ta sa Chapter 1 sa "Buhat sa mga Apostoles"

Ato ning tan.awon kon giunsa man nato pagkahibaw nga gikan diay kini o naa diay kini sa Bibliya.

Atong mabasa sa Buhat 1:3 nga si Jesus mipakita sa Iyang mga tinun-an "sulod sa 40 ka adlaw human Siya mamatay".

Nahibaw naman ta nga ang Ginoo namatay pagka Bernes Santo. Ug nabanhaw Siya pagka Easter Sunday.

Taliwala nianang mga adlawa mao ang adlawng Sabado nga Igsisimba o Igpapahulay sa mga Judio.

So, nagsugod og pakita si Cristo nianang mga panahona human sa Iyang kamatayon sa krus, ug sa Iyang pagkabanhaw.

Nga dungan usab kahuman sa Adlawng Igpapahulay.

Sunod,

Sa Buhat 1:4-5, mabasa nato nga mihatag Siyag tugon sa Iyang mga Apostoles nga dili muna sila mobiya sa Jerusalem aron huwaton ang pag naog sa Espiritu Santo diha kanila.

Human Siya nagbilin og tugon misaka na Siya dayon sa langit nga atong mabasa sa Buhat 1:9-11.

Kon atong i-rephrase . . .

Human sa 40 ka adlaw Niyang paglakaw lakaw sa kalibotan, mobiya na Siya sa Iyang mga Apostoles.

So, sa ika-40th nga adlaw gikan sa Iyang pagkabanhaw, mosaka na Siya sa langit.

Unya, sa mao rang adlawa nagbilin na Siyag tugon sa Iyang mga tinun-an.

Unang pangutana:

Kanus.a minaog ang Espiritu Santo nga Iyang gitugon?

Tubag: pagka Pentecostes (Buhat 2:1).

Ang adlawng Pentecostes mao pod ni ang gitawag og "Pangilin sa Pag-ani" nga, matud pa sa Levitico 23:11,15-16, paga saulogon sa ika-50 nga adlaw human sa Adlawng Igpapahulay sa mga Judio.

Kon si Jesus misaka sa langit sa ika-40 nga adlaw gikan sa Iyang pagkabanhaw which is human sa Adlawng Igpapahulay,

Mogawas nga naay 9-days gap gikan sa Iyang pagsaka sa langit hangtod sa Pentecostes kanus-a ipakanaog Niya ang Espiritu Santo.

To illustrate,

Day 40 — Pagsaka Niya sa langit.
Day 41
Day 42
Day 43
Day 44
Day 45
Day 46
Day 47
Day 48
Day 49
Day 50 — Pentecostes. Pagnaog sa Espiritu Santo.

Ikaduhang pangutana:

Nianang mga gaps, gaunsa man ang mga Apostoles didto sa Jerusalem gikan Day 41 hangtod sa Day 49?

Nag unsa man sila nianang mga adlawa samtang nagpaabot sa Espiritu Santo?

Ang tubag anaa rapod sa Buhat 1:13-14,

"Misulod sila ug misaka sa lawak sa itaas nga ilang giabotan. Nagtigom sila kanunay aron mag ampo."

So unsa may tawag sa ilang gibuhat?
Nga ga ampo sulod sa 9 ka adlaw?

Atong sentido-komon mosulti kanato nga kini sila gahimog 9-days devotional prayer.

Nga na developed karon into NOVENA Prayer.

Unya dili lang kay ang mga Apostles ray nag novena. Daghan kaayo sila: 120 ka magtutuo plus anaa pa si Mama Mary sa ilang tunga!

Basaha ang Buhat 1:14-15,

" . . . Uban usab kanila ang mga babaye ug si Maria nga inahan ni Jesus ug ang iyang mga igsoong lalaki . . . samtang nagtigom ang mga 120 ka magtutuo . . ."

Mobalik ta sa panahon nato karon.

Sa tanang simbahan karon,
Unsa rang simbahana nga nitahod sa Mahal nga Birhen?
Unsa rang simbahana karon nga sigeg novena?
Unsa rang simbahana nga daghang magtutuo manimba panahon sa novena?

Way laeng simbahana nga nakapasar niining tanan,

Gawas lamang sa Simbahang Katoliko.

Biblical ang Katoliko.
Biblical usab ang pag Novena.
Ug naa pay klarong apostolic origin.

— CFD Brother Admin —

09/12/2025

SA MGA NAKASIMBA karong adlawa, ang atong 1st Reading nitugpa sa Genesis 3:9-15, 20-20.

Atoa ifocus sa Genesis 3:15:

"Himoon Kong magkaaway ikaw ug ang Babaye; ug mahimong kaaway ang imong kaliwat ug ang iyang kaliwat. Dugmokon niya ang imong ulo ug paakon mo usab ang Iyang tikod."

Sa mga first timers, dili lang na kay ordinaryong pagbasa lamang.

Naa na syay koneksyon sa Immaculada Concepcion nga gisaulog nato karon.

Ug dako nig lamdag ikahatag nato.

Kon atong tan-awon ang contexto sa Genesis 3:15, kini mao ang gisulti sa Dios batok sa Bitin human mapukan sina Adan ug Eva sa sala.

Unsa may kalabotan ni Mama Mary ana? Particularly, sa Immaculate Concepcion?

Sa mga karon pang nakadungog, daghang gatuo nga ang "Babaye" sa Gen 3:15 mao kuno si Eva tungod kay si Eva ramay babaye anang pagkahitaboa ug anang panahuna.

Pero kon atong gamitag common sense, ang tubag: dili na na si Eva.

Why?

Atong sukiton.

Tutoki ang word "magkaaway". Sa mga English Bible, gi translate kinig "enmity". Sa Webster's ang meaning sa enmity kay:

"Positive, active, and typically mutual hatred or ill will"

Sa binisaya pa, pagdumot sa duha (o daghan) ka tawo, grupo, or partido nga manag lahig kolor.

Kon iapply nato sa Gensis 3:15, mag dinumtanay ang Babaye ug ang Bitin.

Kinsa maning Bitin? Mabasa sa Gipadayag 12:9, 20:2 nga kana si Satanas, ang Yawa.

Kinsa man karon ning Babaye? Si Eva napukan naman sa sala. Dili na pwede iaway si Eva kang Satanas tungod kay pareha naman silag kolor, pareha naman silang makasasala.

Ang sala maoy nakapa under ni Eva sa Bitin.

Unsa pamay iaway kon pareha namog partido? Ni pareha naman mog kolor, mag dinumtanay paba diay?

So lain ng Babaye ang gi refer sa Gen 3:15 ug dili na si Eva.

Mahog nga ang Genesis 3:15, usa na siya ka tagna o propesiya. Kay propesiya man, future tense na siya. Wala na na mag refer sa present nahitabo.

Mao ng ang gamit diha nga grammar kay "I will" (Himoon Ko). Sa future pa!

Kon dili nani si Eva, kay laing Babaye na, so kinsa maning Bayhana?

Ang tubag naa ra pod sa Genesis 3:15.

Miingon ang Ginoo nga dili lamang ang Babaye ug ang Bitin ang magka away,

Lakip usab ang ilahang mga kaliwat.

Kon sa English Bible version ta motan-aw:

"I will put enmity between you and the woman, and between your offspring and her offspring; HE shall bruise your head, and you shall bruise HIS heel." (ESV)

Og atong tutokan, "HE" ug "HIS" ang gigamit. Bot pasabot, Lalaki ang kaliwat sa Babaye nga maoy motabang og pildi sa Bitin.

Syempre, di na ikalalis kay klaro na kaayo nga ang atong Ginoong JesuCristo ang gi tagna nga "kaliwat sa Babaye" diha.

Gani, sa 1 Corinto 15:45, gipaila ni San Pablo nga si Kristo mao ang "Bag-ong Adan"

Kay si Kristo man diay ang modugmok sa ulo sa Bitin, "ang kaliwat sa Babaye",

Common sense will tell us nga ang "Babaye" diay mao ang Iyahang Inahan:

Ang Mahal nga Birheng Maria ❣️

Therefore, maka conclude ta nga si Sta. Maria, inahan ni Jesus, mao ang "Bag-ong Eva"

Wala namay laen.

Mao bitaw nga kon mag fast forward ta sa Gipadayag 12, makita nato nga nagtiwas ang away nga nasugdan sa Genesis 3:15.

Sa Genesis, tulo ka main characters atong makita: si Adan, si Eva, ug ang Bitin.

Pag abot sa Gipadayag, tulo pod ka new main characters atong makita: si Jesus (New Adam), si Mama Mary (New Eve), ug ang Dragon/Serpent.

Kinahanglan nga kining "Babaye" dapat hawa sa sala, walay mantsa, ug limpyo aron qualified siya iaway sa Bitin.

In short, dapat dili siya ka-partido, dili ka-kolor sa Bitin,

Ug dili under sa iyang gahum.

So, unsa may tawag ana?

"Immaculate Conception" ❤️

Unsa na gani ang explanation sa Immaculate Conception?

Atong patubagon ang Sulat Ensikliko ni kanhi Papa Pio IX nga giulohang "Ineffabilis Deus" nga gi issue tuig 1854:

"The Most Blessed Virgin Mary was, from the first moment of her conception, by a singular grace and privilege of Almighty God and by virtue of the merits of Jesus Christ, Savior of human race, preserved from all stain of Original Sin."

Duha ka punto:

(1) "A singular grace and privilege"

Exclusive rana kang Mama Mary. Wala na sa ubang babaye.

(2) "By virtue of the merits of Jesus Christ"

Dili kaugalingong gahum ni Sta. Maria, kondili gahum lamang sa Dios ug ni Kristo ang pinaka cause sa iyang kaluwasan sa paagi nga "Redemptio Preventiva".

Gi sagang na daan, gi anticipate ang kaluwasan ni Sta. Maria "from the first moment of her conception"

"Conception" sa bisaya, "pagpanamkon" nga nahitabo sa sabakan sa iyang inahan Sta. Ana, diin mahitabo usab ang pag pasa sa Salang Panulondon, nga wala mahitabo ni Mama Mary.

Kay siya isip sudlanan (vessel), dili siya pwede mahugawan ayha pa musulod kaniya ang Anak sa Dios. Pohon.

Matud pa sa libro ni St. Irenaeus taga-Lyons, giulohang "Against Heresies" (3:22:4):

"Kon Babaye ang hinungdan sa pagpakasala sa tanang tawo, dapat Babaye ra pod ang mopauli sa mga nahisalaag."

— CFD Bro. Admin —

*Photo not mine*

09/12/2025

Nindot nga explanation ilabina nagkaduol na ang Pasko 🥰 Sanglit, daghang naglibog kon Dec 25 ba gyud natawo ang Ginoo? Aniay tubag. Pls share mga ka-Knights ❣️

DECEMBER 25 BA DIAY NATAWO SI JESUS? WALA MA'NA SA BIBLIA?

Una sa tanan, atong ipaklaro nga kitang mga Katoliko wala gyod moingon nga kanang Dec 25 mao'y "eksaktong adlaw'ng natawhan ni JesuCristo"

Ug wala pod kita tudloi sa Simbahan nga mao gyod na'y original date sa Iyang pagkatawo.

Gi-celebrate ra nato ang Pasko from the fact nga "Siya nagpakatawo" aron ta maluwas (Juan 1:1,14,16-17).

Gipili lamang ang Dec 25 para naa lang ta'y adlaw'ng gigahin sa pag-celebrate sa Iyang Unang Pag-abot sa kalibotan.

Mao ra na'y gipaka dak-an sa Simbahang Katoliko, dili ang date mismo.

Karon, mo-insist man gyod sila nga wala daw sa Biblia ang Dec 25 kay wa ma'y mabasa. So ilang ipagawas nga sayop na ang pag-celebrate niini ug dili ni angay tuohan.

Diha sila nasayop.

Ang Dec 25 gipili sa Simbahan nga di basta-basta. Naa na'y basihan nga "posibli" mao 'ni Iyang birthday. Gipili 'ni kay, sa tan-aw sa Simbahan, mao ra 'ning adlawa nga motukma sa calculations sa mga events nga gi-record diha mismo sa Biblia.

So, atong ipakita karon ngano'ng ang Dec 25 mao'y napili nga himuon'g birthday sa'tong Ginoo, ug giunsa pagkahibaw ani.

Magsugod kita sa first chapter sa Ebanghelyo ni San Lucas.

Sa Chapter 1 sa maong libro, gisugdan ni Lucas ang iyang storya diha kang Zacarias,

Sa Lucas 1:9, atong mabasa nga ang pari nga si Zacarias "misulod sa sanctuaryo sa Dios aron magsunog og insenso isip halad"

Kining pagsunog og insenso gihimo lang 'ni diha sa "Holy of Holies" sa pinaka-center part sa Templo nga sa tradisyon pa's mga Judio, himuon lamang sa mga pari sa "Day of Atonement"

Sumala pa sa Levitico 16:33-34, ang Day of Atonement mahitabo lamang "makausa sa usa ka tuig" ug kini pagasadyaon sa "ika-napulo'ng adlaw sa ika-pito'ng bulan" (Lev 16:29).

Karon, unsa mani'ng giingon nga "ika-pito'ng bulan"?

Matud pa sa kalendaryo sa mga Judio, kini'ng bulana mao ang gitawag nila'ng "Tishrei" (or Tishri)
(see The New Compact Bible Dictionary, p.128).

Sato pa, panahon diay sa "Tishrei 10" misulod si Zacarias sa Holy of Holies (Lucas 1:10).

Kon atong i-convert ang "Tishrei 10" sa kalendaryong karaan (Julian) ug sa kalendaryo nato karon (Gregorian),

Ang "Tishrei 10" mahimong "September 24"

Giunsa pod nato'g kuha ni'ng Sept 24?

Ang bulan sa "Tishrei" anaa po'y 30 days. Kon i-convert nato's Gregorian Calendar, magsugod ang 1st day sa Tishrei sa katunga-tunga sa September ug matapos ang iyang last day sa katunga-tunga pod sa October.

Busa, ang bulan sa Tishrei magsugod sa Sept 15 ug matapos sa Oct 15.

Dayon, sa giingon sa Levitico 16:29 nga "ika-napulo'ng adlaw" motugbang 'ni sa Sept 24.

Tishri 1= Sept 15
Tishri 2= Sept 16
Tishri 3= Sept 17
Tishri 4= Sept 18
Tishri 5= Sept 19
Tishri 6= Sept 20
Tishri 7= Sept 21
Tishri 8= Sept 22
Tishri 9= Sept 23
Tishri 10= Sept 24

Padayon...

Sa Lucas 1:11,13, samtang ga-insenso pa si Zacarias sa Templo, nagpakita kaniya si Anghel Gabriel ug mi-announce nga "ang iyang asawa nga si Elizabeth, magmabdos"

So, Sept 24 (Tishrei 10) diay ang unang adlaw sa pagbuntis ni Elizabeth kang Juan Magbubunyag.

Unya, unsa ma'y labot sa Dec 25 ani?

Atoang ilahos sa Lucas 1:24 ug 26,

Matod pa diha, pag-abot sa "ika-6 nga bulan sa pagmabdos ni Elizabeth" gipadala sa Dios si Anghel Gabriel sa lain na pong babaye. Didto sa Nazareth.

Kang Birheng Maria.

So, gikan Sept 24 mag-ihap kita'g 6 months ug muabot kita sa March 24. Posible, aning adlawa gipakitaan si Maria sa Anghel.

(1) Oct 24 > (2) Nov 24 > (3) Dec 24 > (4) Jan 24 > (5) Feb 24 > (6) March 24

Mao bitaw, kon nakabantay ta, ang tibuok Simbahang Katoliko naa'y pista sa Annunciation sa March 25.

Usa pod 'ni nga basihan nganong nakaingon pod ta nga mas maguwang pa si Juan Magbubunyag og 6 months kang Jesus.

Ug mao pod 'ni ang adlaw nga gisaysay sa Lucas 1:31 diin gi-announce nga si Sta. Maria magmabdos na ni Ginoo'ng Jesus.

Aron mahibal-an gyod nato kanus-a matawo si Jesus, gikan March 24 kanus-a nag-anunsyo ang Anghel, mag-ihap na pod ta'g 9 months (pregnancy period) hantod sa gianak na si Cristo sa Bethlehem.

(1) April 24 > (2) May 24 > (3) June 24 > (4) July 24 > (5) Aug 24 > (6) Sept 24 > (7) Oct 24 > (8) Nov 24 > (9) Dec 24

Eh di, modonggo ta sa December 24.

Pero nganong Dec 25 ma'y gibutang nga Dec 24 man diay?

Tungod kay gabie (o posibli sa tunga'ng gabie) baya natawo si Jesus sa Dec 24. Sa mga Judio, magsugod ang ilaha'ng adlaw gikan sa hapon ug matapos sa sunod hapon. Silbe, sunset to sunset, 6pm-6pm ang ilang style.

Ug ato 'ning makita sa Levitico 23:32, nga ang ilahang adlaw "from evening to evening"

So, busa, ang hapon/sunset sa Dec 24, sakop na sa Dec 25. Unlike sa atoa karon nga ang adlaw nato from 12 midnight to 12 midnight.

Mao pod 'ni ang istilo nga gigamit nato nganong gi-March 25 ang Annunciation nga March 24 man nagsabak si Maria 😊

Therefore, sakto ang gituoha'ng Dec 25 natawo ang Ginoo 😊

Pangotana: tinuod kaha 'ni? Sama sa'to nang giingon, based on Biblical calculations ra'ni. Daghan pang debate sa mga scholars hantod karon kon kanus-a gyod Siya natawo.

Pero kon si San Lucas pa ang pasultion: "ang tanang events nga akong gisulat sakto, ug akoa pa gyod nga gitun-an ug giimbestigaha'g ayo" (Lucas 1:1,3).

Although, daghan pa'ng mga speculations ani, dili pod 'ta makaingon nga dili na gyod ta makahibaw totally sa tukmang birthdate ni Jesus. Hinumdomi nga tawo pod si Jesus, usa ka historical figure. So meaning, apil pod Siya'g mga "census" niadtong panahona.

Ang "census" mao na'y panglista o pang-rehistro sa mga ngalan sa mga bata'ng matawo nianang adlawa. Mao bitaw sa Lucas 2:1-7, makita nato nga duna'y "census" gipahigayon.

Kay narehistro man si Jesus, meaning, naa pod Siya'y edad. Mao bitaw sa Biblia, naa'y mga specific nga age gisulat:

Sa Lucas 2:21, gituli Siya sa edad nga 8 adlaw.
Sa Lucas 2:42, mokuyog na Siya sa Templo sa edad nga 12.
Sa Mateo 3:13-16, gibunyagan na Siya sa edad nga 30. Ug dungan ani, Iyang misyon sa pagsangyaw (Lucas 3:23).

So, kon wala pa'y nakahibaw sa Iyang birthdate, unsa ma'y basihan sa mga Gospel writers aron isulat apil Iyang edad?

Lain na pong basehan,

Naa'y usa ka referencia mitug-an nga ang paghandum sa adlaw kanus-a gituli si Jesus anaa sa January 1 (see New Lexicon Encyclopedic Dictionary, p.179).

Sa Lucas 2:21, atong mabasa nga si Jesus gituli sa pangedaron nga 8 ka adlaw.

So, kon mag-ihap ta'g 8 days paatras gikan Jan 1. Mosangko na pod ta sa Dec 25.

(1) Jan 1 > (2) Dec 31 > (3) Dec 30 > (4) Dec 29 > (5) Dec 28 > (6) Dec 27 > (7) Dec 26 > (8) Dec 25

Di ba? Kaklaro ana. Unya, dili pa gyod sila motuo 😃 Ingnan pa ta'g wala daw sa Biblia. Nga gama-gama ra.

Unya karon, as their defense mechanism, supakon pa ta nila

Nga Pagano daw ng Dec 25, nga gikan daw atong Pasko sa kapistahan sa "Sol Invictus" (Unconquered Sun) nga gipasiugda ni Emperor Aurelian sa tuig 275 AD.

Pero ang wala nila hibaw-i,

Nga kon mokuykoy pa ta sa Kasaysayan, before pa ana'ng "year 275 AD", diha na'y Dec 25 nga gi-celebrate ang mga karaang Kristyanos isip adlaw sa Pagkatawo sa Ginoo.

Ug makita nato ang ebidensya sa gi-record pagkatuig 220 AD ni St. Hippolytus (165-235 AD) sa iyang "Commentary on the Book of Daniel" nga ang Dec 25 mao'y "adlaw-natawhan ni Jesus".

Una pa gyod gamay before pa sa tuig 275 AD.

Niingon pa siya nga "Mierkoles natawo ang Ginoo sa Bethlehem"

Diha po'y gisulat ni St. Irenaeus sa iyang librong "Against Heresies" tuig 202 AD diin miingon pa siya nga "March 25 gipanamkon si Jesus, 9 ka bulan milabay, sa Dec 25 Siya natawo"

Kon gusto pa sila'g mas early nga record, ania kang St. Theophilus nga Obispo sa Caesaria (Palestine) niadto pang 183 AD sa iyang "Magdeburgenses" nga matud pa niya:

"Dapat nato i-celebrate ang ika-25 adlaw sa December kay mao 'ni ang petsa nga natawo si Jesus"

Ug kon mas nangita pa sila'g dokumento nga anaa gyod mismo sa panahon sa mga Apostoles,

Ania'y "Apostolic Constitutions" nga gituohang gisulat pa sa 70 AD-250 AD. Kining libroha mao'y compilations sa tanang balaod sa mga Apostoles nga gisulat pa gyod nila sa mga mas nauna pang mga manuscripts nga wala na mo-exist karon.

Matud pa ari, "Kinahanglan nga i-celebrate ang tanang pista sa tibuok tuig. Ilabina ang ika-25th adlaw sa ika-9th nga bulan (December) kanus-a nagpakita ang Ginoo nato sa unod" (Book V, Sec 3, Chapter XIII).

Dapat pod nilang hibal-an nga kining Pasko Dec 25, libo na ka tuig gi-celebrate sa mga Kristyanos. Nadaot lang 'ning adlawa pagtungha sa mga laeng relihiyon.

Kon gisundog pa sa mga Katoliko ang kapistahan sa Sol Invictus sa tuig 275 AD, ngano'ng diha na ma'y Pasko before pa anang tuiga?

Unsa ma'y gipasabot ana?

So, atong i-reverse. Imbes, moingon sila'g gisundog sa mga Katoliko ang Pasko sa mga Pagano. Moingon nalang ta nga, posible, ang mga Pagano mao'y nanundog sa mga Katoliko :-)

Revised & Posted:
Bro. J.R. Flores, 12/24/2019

07/12/2025

The White Lily of Israel, Patroness of the Philippines, pray for us ❣️

The Provincial Government of Bohol joins the faithful in honoring the Immaculate Conception of the Blessed Virgin Mary, celebrating her life of purity, love, and devotion.

On this special day, let us be inspired by her example to practice kindness, humility, and unwavering faith in our daily lives.

Wishing all Boholanos a blessed and joyful Feast of the Immaculate Conception!