San Isidro Labrador Chapel - Sitio Ilang-Ilang

06/08/2025

Unang Araw ng Misa Nobenaryo sa Karangalan ng
Mahal na Birheng Iniakyat sa Langit

Ngayong araw ika-6 ng Agosto 2025, ang San Isidro Labrador Pastoral Council ay dumalo sa Banal na pagdiriwang para sa paghahanda sa nalalapit na kapistahan ng Mahal na Birheng Iniakyat sa Langit. Kasabay din nito ipinagdiriwang din ngayon ang Kapistahan ng Pagliliwanag sa Bagong Anyo ng Panginoon.

24/06/2025

𝗣𝗶𝘀𝘁𝗮𝗻𝗴 𝗦𝗮𝗻 𝗝𝘂𝗮𝗻 𝟮𝟬𝟮𝟱

"𝐏𝐢𝐧𝐚𝐤𝐚𝐝𝐚𝐤𝐢𝐥𝐚𝐧𝐠 𝐏𝐫𝐨𝐩𝐞𝐭𝐚 𝐤𝐚,
𝐒𝐚𝐧 𝐉𝐮𝐚𝐧 𝐁𝐚𝐮𝐭𝐢𝐬𝐭𝐚"

Tayo'y magsaya at magdiwang sa Dakilang Kapistahan ng ating mahal na Patron na Tagapagbautismo—San Juan Bautista

Sa buong liturhikong Kalendaryo ng Simbahan, tatlong kaarawan ng tatlong tauhan ang ipinagdiriwang ng Simbahan. Una na diyan ang ating Panginoong Hesukristo (Disyembre 25). Ikalawa ang ating Mahal na Ina, ang Birheng Maria (Setyembre 8). At ang huli ay ang ating pagdiriwang ngayon—ang kapanganakan ni San Juan Bautista (Hunyo 24).

Mahalaga rin ang pagdiriwang ng Pagsilang ni San Juan Bautista sapagkat siya ang Tagapaguna ng daan para sa pagdating ng Mesiyas, na kanyang pinsan at Anak ng Diyos na si Hesukristo. At ang Kanyang pagbibinyag sa Ilog Jordan ay tanda na nais ng Panginoong Diyos makamtan ng lahat ang Kanyang pagtubos.

𝙎𝙖𝙣 𝙅𝙪𝙖𝙣 𝘽𝙖𝙪𝙩𝙞𝙨𝙩𝙖, 𝙖𝙢𝙞𝙣𝙜 𝙡𝙖𝙠𝙖𝙨 𝙖𝙩 𝙋𝙞𝙣𝙩𝙖𝙠𝙖𝙨𝙞
𝙄𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞.

19/06/2025

-MISA NOBENARYO-

Ngayong araw ika-19 ng Hunyo 2025, ay ginanap sa kapilya ng San Isidro Labrador ang ikalimang araw ng nobena para sa paghahanda sa kapistahan ng ating mahal na Patron San Juan Bautista. Ito ay pinangunahan ni Reb. Pad. Efren Maramara kasama ang mga iba't-ibang parokyano sa mga lugar na nasasakupan ng ating Parokya.

San Juan Bautista aming patron, ipanalangin mo kami. 🙏

25/05/2025

"FLORES DE MAYO 2025"

Ngayong araw ika-25 ng Mayo 2025, ginanap ng Sambayan ng Sitio Ilang- Ilang ang Santacruzan na nilahukan ng mga batang babae at kasabay nito ay ang pagsayaw din ng Karakol kasama ang Patrong San Isidro Labrador.

Lubos na nagpapasalamat ang Ugnayan ng San Isidro Labrador sa bumubuo ng Sangguniang Barangay ng Batas sa pangunguna ni (Conrado Cortez), Pamunuan ng Pistejo 2025, Sangguniang Kabataan ng Batas, Zumbatas, Kabataan ng Sitio Ilang-Ilang sa pangunguna ni (Ian Panganiban ), San Isidro Labrador Pastoral Council at sa pagpapahiram ng mobile ni Konsehal Freddie Magnaye.

Hayaan po ninyong ang Mahal na Birheng Maria at si Tata Sidro ang magbalik ng pagpapala sa inyong lahat.

Muli, Maraming salamat po.

16/05/2025

"Flores de Maria"

Ngayong ika-16 ng Mayo, nakiisa ang Sambayanan ng Sitio Ilang-Ilang sa pag aalay ng bulaklak sa Mahal na Birheng Maria sa Parokya ng San Juan Bautista - Diyosesis ng Imus.

16/05/2025

"Isidro'y iyong Ihibik, kaming ampon mo't tangkilik"
𝐌𝐚𝐲𝐨 𝟏5, 𝟐𝟎𝟐𝟓 | 𝐏𝐚𝐠𝐠𝐮𝐧𝐢𝐭𝐚 𝐤𝐚𝐲 𝐒𝐚𝐧 San Isidro Labrador

Kahapon ika-15 ng Mayo, ipinagdiwang natin ang Kapistahan ni San Isidro Labrador. Ika-5:30 ng hapon, nagsama-sama ang sambayanan ng Sitio Ilang-Ilang upang magkaroon ng Prusisyon sa karangalan ng ating Pintakasi–San Isidro Labrador.

15/05/2025

Maraming salamat Parokya ng San Juan Bautista - Diyosesis ng Imus sa pakikiisa sa pagdiriwang ng kapistahan ng aming mahal na patron San Isidro Labrador.

𝗙𝗶𝗲𝘀𝘁𝗮 𝗦𝗮𝗻 𝗜𝘀𝗶𝗱𝗿𝗼 𝗟𝗮𝗯𝗿𝗮𝗱𝗼𝗿

Magsaya’t magdiwang, Sitio Ilang-Ilang! Maligayang Kapistahan, San Isidro Labrador, ang ating mahal na patron ng mga magsasaka. Sama-sama tayong magpasalamat sa kanyang patnubay at sa mga biyayang ani.

Si San Isidro Labrador ay kilala bilang huwaran ng sipag, at pananampalataya. Sa kabila ng pagiging simpleng magsasaka, naging instrumento siya ng Diyos sa pagbibigay ng biyaya sa mga nangangailangan. Ang kanyang kapistahan ay paalala ng kahalagahan ng pagtatrabaho nang may tiwala at pananalig sa Diyos.





🖥️ ✍🏻 : Ministri ng Panlipunang Komunikasyon - Parokya ng San Juan Bautista

15/05/2025

Maraming salamat Ugnayan ng La Inmaculada Concepcion - Sitio Kasuyan, sa pakikiisa sa pagdiriwang ng kapistahan ng aming mahal na patron San Isidro Labrador.

𝐌𝐚𝐲𝐨 𝟏𝟓| 𝐏𝐀𝐆𝐆𝐔𝐍𝐈𝐓𝐀 𝐊𝐀𝐘 𝐒𝐀𝐍 𝐈𝐒𝐈𝐃𝐑𝐎 𝐋𝐀𝐁𝐑𝐀𝐃𝐎𝐑
𝐏𝐚𝐭𝐫𝐨𝐧 𝐧𝐠 𝐌𝐚𝐠𝐬𝐚𝐬𝐚𝐤𝐚

Ama naming makapangyarihan, Ikaw ang may-ari sa tanang kinapal at Ikaw ang tumatawag sa aming paglilingkod para pangasiwaan ang tanang umiiral sa sansinukob. Ang maaasahang pagganap ni San Isidro sa kanyang pagsasaka ay amin nawang matularan sa lahat ng aming pagsisikap na magkaroon ng makakain ang lahat sa masaganang hapag ng buhay at maglingkod sa kapakanan ng aming kapwa-tao sa pamamagitan ni Hesukristo kasama ng Espiritu Santo magpasawalang hanggan. Amen.

𝐒𝐚𝐧 𝐈𝐬𝐢𝐝𝐫𝐨 𝐋𝐚𝐛𝐫𝐚𝐝𝐨𝐫, 𝐈𝐩𝐚𝐧𝐚𝐥𝐚𝐧𝐠𝐢𝐧 𝐦𝐨 𝐤𝐚𝐦𝐢!

Happy Fiesta, Sitio Ilang-ilang!

15/05/2025

Maraming salamat Ugnayan ng San Bartolome Apostol -Lucsuhin sa pakikiisa sa pagdiriwang ng kapistahan ng aming mahal na patron San Isidro Labrador.

PANALANGIN KAY SAN ISIDRO LABRADOR

Isinasamo namin sa Iyo maawaing Diyos na Panginoon namin, na alang-alang sa pamimintakasi sa Iyo ni SAN ISIDRONG MAGSASAKA, ay huwag Mong itulot kami sa kapalaluan; kundi alang-alang sa mga karapatan at magagandang halimbawang iniwan niya sa amin ay makapaglingkod sa Iyo nang lubos na kapakumbabaan. Alang-alang sa Kamahal-mahalan Mong Anak na si Hesukristong Panginoon namin, na nabubuhay at naghaharing kasama Mo. †Amen!

Pagbati sa komunidad ni San Isidro Labrador, sa Sitio Ilang-ilang, Batas, Silang, Cavite sa kapistahan ni San Isidro Labrador, mula po sa Ugnayan ni San Bartolome Apostol ng Lucsuhin.

Viva, SAN ISIDRO!

15/05/2025

Ang pagdiriwang ng Banal na Misa sa Karangalan ni San Isidro Labrador
Patron ng Sitio Ilang-Ilang