Parish of Sts. Peter and Paul - Barotac Viejo

01/04/2026

𝗣𝗔𝗚𝗗𝗨𝗔𝗪 𝗞𝗔𝗚 𝗣𝗔𝗚𝗣𝗨𝗟𝗔𝗪 𝗦𝗔 𝗥𝗘𝗣𝗢𝗦𝗜𝗧𝗢𝗥𝗬𝗢

Ginaagda kag ginapabaskog ang tanan nga mag-upod sa pagduaw kag pagpulaw sa repositoryo, bilang pagpamalandong kag pag-upod kay Ginoong Hesus sa iya mga oras sang kahingawa sa Getsemani.

Maghatag kita sang tion sa pagpangamuyo kag pagtan-aw sa presensya sang Ginoo sa Balaan nga Sakramento.

Ang tanan ginaagda nga mag-upod kag magbantay upod kay Kristo

30/03/2026

𝐏𝐚𝐡𝐚𝐧𝐮𝐦𝐝𝐨𝐦 𝐬𝐚 𝐕𝐢𝐬𝐢𝐭𝐚 𝐈𝐠𝐥𝐞𝐬𝐢𝐚

Ginahingyo ang tanan nga mag-upod kag magsunod sa sini nga mga pahanumdom sa sini nga balaan nga tradisyon bilang ini tion sang pagpangamuyo, paghinulsol, kag pagpalapit sa Ginoo

29/03/2026

🌿 𝗗𝗼𝗺𝗶𝗻𝗴𝗼 𝗱𝗲 𝗥𝗮𝗺𝗼𝘀

Sa sining Domingo, ginasaulog naton ang madinalag-on nga pagsulod ni Hesus sa Jerusalem—ginasugata sang katawhan nga may kalipay kag pagdayaw.

Kabay pa nga mangin handa ang aton tagipusuon sa pagsunod sa iya pagpanaw padulong sa 𝘒𝘳𝘶𝘴 𝘬𝘢𝘨 𝘗𝘢𝘨𝘬𝘢𝘣𝘢𝘯𝘩𝘢𝘸.

“𝙃𝙤𝙨𝙖𝙣𝙣𝙖 𝙨𝙖 𝘼𝙣𝙖𝙠 𝙣𝙞 𝘿𝙖𝙫𝙞𝙙! 𝘿𝙖𝙡𝙖𝙮𝙖𝙬𝙤𝙣 𝙖𝙣𝙜 𝙣𝙖𝙜𝙖𝙠𝙖𝙧𝙞 𝙨𝙖 𝙣𝙜𝙖𝙡𝙖𝙣 𝙨𝙖𝙣𝙜 𝙂𝙞𝙣𝙤𝙤!” 🌿

25/03/2026

𝗦𝗼𝗹𝗲𝗺𝗻𝗶𝘁𝘆 𝗼𝗳 𝘁𝗵𝗲 𝗔𝗻𝗻𝘂𝗻𝗰𝗶𝗮𝘁𝗶𝗼𝗻 𝗼𝗳 𝘁𝗵𝗲 𝗟𝗼𝗿𝗱

Sa sini nga adlaw, ginadumdum naton ang pagpanaug sang Anghel kay Maria kag ang iya mapainubuson nga pagsabat: “𝙈𝙖𝙩𝙪𝙢𝙖𝙣 𝙨𝙖 𝙖𝙠𝙤𝙣 𝙨𝙪𝙣𝙤 𝙨𝙖 𝙞𝙢𝙤 𝙥𝙪𝙡𝙤𝙣𝙜.”

Kabay pa nga mangin ehemplo si Maria sa aton — nga bukas ang tagipusuon sa kabubut-on sang Diyos kag andam magbaton sang iya grasya

24/03/2026

Investiture kag Renewal of Vows | Altar Servers Ministry

Isa ka matahum nga tion sang pag-alagad kag pagpangako, samtang ginbaton naton ang mga bag-o nga miyembro kag ginbag-o ang panumpa sang aton mga daan nga altar servers.

Kabay pa nga padayon kamo nga mangin matutom nga alagad sa simbahan, nga may pagpaubos, disiplina, kag gugma sa Ginoo.

Salamat sa inyo pagserbisyo sa Simbahan!

24/03/2026

Parish Lenten Recollection 2026

Mga laragway sang isa ka matahum nga tion sang pagpamalandong, pagpangamuyo, kag pagbag-o bilang isa ka komunidad sang pagtuo.

Salamat sa tanan nga nag-upod kag nagpaambit sang ila oras agud mas mapadalom pa ang aton pagtuo kag paghigugma sa Ginoo.

Padayon kita sa pagpanglakaton sa Kwaresma nga may pagtuo kag paglaum.

-o

23/03/2026

✝️ Semana Santa 2026 | Parish Liturgical Activities Schedule

Sa sini nga balaan nga semana, ginagda ang tanan nga tumuluo nga mag-upod sa aton mga selebrasyon bilang isa ka komunidad sang pagtuo.

Ini nga tion sang pagpamalandong, paghinulsol, kag paglaum nagadani sa aton sa mas madalom nga pag-intindi sang Pagkasakit, Kamatayon, kag Pagkabanhaw ni Kristo.

Yari ang schedule kag mag-upod kita sa sining balaan nga pagpanglakaton.

21/03/2026

Ika-lima nga Domingo sang Kwaresma

Sa sining Domingo, ginpahanumdum kita sang Ebanghelyo nga si Hesus nagbangon sa iya abyan nga si Lazarus halin sa kamatayon, kag nagpakita nga Siya mismo ang Pagkabanhaw kag Kabuhi. Ginapakita sini nga bisan sa mga tion sang kasubo, kasakit, kag kamatayon, may paglaum kita sa gahum kag gugma sang Ginoo.

Magtuo kita kag magpangamuyo, kay ang Ginoo nagahatag sing kabuhi nga wala sing katapusan kag nagapabag-o sang aton tagipusuon.

19/03/2026

𝗜𝗖𝗬𝗠𝗜 | Parish Lenten Recollection 2026

📿 Panaad, Paghinulsol, kag Pagbag-o

Ginapangabay ang tanan nga mag-upod sa aton Parish Lenten Recollection sa March 21, 2026, halin alas 8:00 sang aga tubtob alas 12:00 sang udto.

Ini pagapangunahan ni Rev. Fr. Aris James Java bilang aton Retreat Master, nga magagiya sa aton sa mas madalom nga pagpanghanda sa pagselebrar sang Pagkasakit kag Pagkabanhaw ni Kristo.

Isa ini ka matahum nga kahigayunan para sa pagpamalandong, pagpangamuyo, kag pagbag-o sang kabuhi.

Mag-upod kita kag magbaton sang grasya sang pagpatawad kag paghiliusa!

🙏

16/03/2026

𝑻𝑨𝑳𝑻𝑨𝑳 @ 50
Mga Istorya kag Laragway
Launching of the Taltal sa Barotac Viejo Photo Exhibit

Bilang pagselebrar sang 50 ka tuig sang pagtuo kag tradisyon sang Taltal sa Barotac Viejo, ginlunsar sang Parish Youth Ministry sang Sts. Peter and Paul the Apostles ang “Mga Istorya kag Laragway”— isa ka photo exhibit nga nagapakita sang mga handumanan, sakripisyo, kag debosyon sang aton komunidad sa sulod sang lima ka dekada.

Ini nga makahulugan nga selebrasyon posible bangod sang suporta kag kolaborasyon sang LGU Barotac Viejo, nga nagabulig sa pagpreserbar kag pagpromote sang aton relihiyoso kag kultural nga palanublion.

Sa kada laragway, ginadumdum naton ang gugma ni Kristo kag ang padayon nga pagtuo sang aton komunidad. Kabay pa nga ini nga selebrasyon mag-inspirar sa aton nga ipadayon ang tradisyon sang Taltal para sa masunod nga mga henerasyon. ✝️📸