𝙈𝙖𝙨𝙟𝙞𝙙 𝘼𝙢𝙡𝙖𝙝 𝙊𝙢𝙖𝙧

23/08/2026

Sa Islam, walang pagdiriwang ng kapanganakan.
Kabilang dito ang kapanganakan ng ating Mahal na Propeta Muhammad (SAW).

Bakit?
Dahil ang Islam ay relihiyon ng daleel. Ang bawat gawaing pagsamba ay kailangan ng batayan mula sa Qur'an at Sunnah.

At sa buong buhay ng Propeta (SAW), ng mga Sahabah, Tabi'un, at Atbi'ut Tabi'in — wala ni isa sa kanila ang nagdiwang ng Mawlid.
Kung ito ay kabutihan, mauuna sana silang gumawa nito. Sila ang pinaka nagmamahal at pinaka nakakakilala sa Propeta (SAW).

Kaya kung may magsasabing ❝ipinagdiriwang ito,❞ ang tanong ay: Saan ang daleel?
At kung may ilalatag man, ito ay pawang mga imbento lamang at walang matibay na batayan.

Hindi ito tungkol sa pagtatalo. Ito ay tungkol sa pagmamahal na may pagsunod.
Mahal natin ang Propeta (SAW) sa pamamagitan ng pagsunod sa kanyang turo, hindi sa paggawa ng bagay na hindi niya itinuro.

Pasensya na kung magkakaiba tayo ng paninindigan dito.
Ngunit pinipili nating pangalagaan ang dalisay na katuruan ng Islam — yaong itinuro ng mga Salafus Salih.

اللهم أرنا الحق حقا وارزقنا اتباعه

❝Ya Allah, ipakita Mo sa amin ang katotohanan bilang katotohanan at bigyan Mo kami ng kakayahang sundan ito.❞

—Abubakar Ibn Abdulrauf

23/08/2026

22/08/2026

MUSIC vs QUR'AN

Ang puso ay parang sisidlan.
Kung punuin mo ng MUSIC, maninigas at magdidilim.
Kung punuin mo naman ito ng QUR'AN, mabubuhay at mamumulaklak. 🌸

قال الله تعالى:
الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ

❝Sila na mga naniwala at nagkaroon ng kapanatagan ang kanilang mga puso sa pag-alala sa Allāh.
Hindi ba't sa pag-alala sa Allāh ay nagkakaroon ng kapanatagan ang mga puso?❞
(Surah Ar-Ra'd: 28)

Note: Ang pakikinig ng musikang may instrumento ay Haram ayon sa jumhoor ng mga ulama.
Lalo na yung mga musika sa panahon natin ngayon na malalaswa at nagdudulot ng zina, pagtigas ng puso, at pagkalimot sa Kabilang Buhay.

Piliin natin ang magbibigay liwanag sa libingan natin at sa Araw ng Paghuhukom.
Ya Allah, gawin Mo ang Qur'an na liwanag ng aming mga puso 🤲

17/08/2026