Jesmar Leonardo- New creation

14/05/2026

HUWAG KANG MANGANGALUNYA - Isa po ito sa sampong UTOS ng DIYOS at DAPAT nating SUNDIN.

Exodo 20:14 MBBTAG12
[14] “Huwag kang mangangalunya.

Kawikaan 5:15 ASD
[15] Ang asawa mo lamang ang dapat mong sipingan. Ika nga, inumin mo lamang ang tubig sa sarili mong balon.

Kawikaan 6:26 ASD
[26] Ang pakikipagsiping sa babaeng bayaran ay puwedeng bayaran sa halaga ng tinapay, ngunit ang pakikipagsiping sa asawa ng iba ay pagbabayaran mo ng iyong buhay.

Kawikaan 6:27-28 ASD
[27] Kung maglalaro ka ng apoy sa iyong kandungan tiyak na masusunog ang damit mo. [28] At kung tatapak ka sa baga, mapapaso ang mga paa mo.

Mga Kawikaan 6:29 MBBTAG12
[29] Ganoon din ang taong sisiping sa asawa ng kapwa, tiyak siyang magdurusa pagkat ito ay masama.

ANG PANGANGALUNYA AY PAGLABAG SA UTOS.

ANG PAGLABAG SA UTOS NG DIYOS AY KASALANAN, AT ANG KASALANAN AY NAGDUDULOT NG KAPAHAMAKAN, SAKIT, PAGDURUSA AT KAMATAYAN.

Mga Taga-Roma 6:23 ASD
[23] Sapagkat ang kabayaran ng kasalanan ay kamatayan, ngunit ang kaloob ng Diyos ay buhay na walang hanggan sa pamamagitan ni Kristo Hesus na ating Panginoon.

KAYA ANG KASALANAN AY DAPAT PAGSISIHAN, AT ANG TUNAY NA PAGSISISI AY ANG PAGTIGIL SA PAGGAWA NG KASALANAN.
Mga Gawa 3:19 ASD
[19] Kaya ngayon, magsisi na kayo at magbalik-loob sa Diyos upang patawarin niya ang inyong mga kasalanan.

1 Juan 1:9 ASD
[9] Ngunit kung ipinagtatapat natin sa Diyos ang ating mga kasalanan, matapat siyang magpapatawad sa ating mga kasalanan at maglilinis sa lahat ng ating kasamaan sapagkat siyaʼy matuwid.

SABIHIN MO ANG PANALANGIN NA ITO NG BUONG PUSO: 👇

"Ama, patawad po sa aking mga kasalanan mula pagkabata Hanggang ngayon. Sa aking galit, tampo, habag sa sarili, hinanakit, hindi pagtitiwala sa Iyo ng buong puso, hindi pag-una sa Iyo. Patawad po Panginoong Jesu-Cristo, pumasok ka sa puso ko. Tinatanggap po Kita bilang Panginoon, Diyos, Tagapagligtas, at Manggagamot ng buhay ko. Ikaw ang tanging sagot sa lahat ng problema ko at pangangailangan ko. Pinapatawad ko na rin ang lahat ng nagkasala sa akin. Salamat sa iyong pagmamahal at kapatawaran. Mamahalin kita, susundin, paglilingkuran, magtitiwala at mananatili ako sa Iyo habang panahon.
Amen."

28/01/2026

Mabibigo ang taong nagtitiwala sa kanyang kayamanan, ngunit ang taong matuwid ay lalago na parang sariwang halaman.
Kawikaan 11:28 ASND

19/01/2026

Read your Bible - ISAIAS 44:1-20

Ito ang SINASABI ng Diyos na Siyang gumawa ng LANGIT at LUPA at ng lahat ng bagay. 👇

14/01/2026

Ang matuwid at walang kapintasang pamumuhay ay makapagpapagaan ng buhay, ngunit ang masamang pamumuhay ay maghahatid ng kapahamakan.
Kawikaan 11:5 ASND

Kasuklam-suklam sa Panginoon ang pag-iisip ng masama, ngunit ang buhay na matuwid ay kalugod-lugod sa kanya. Ang taong masama, tiyak na parurusahan, ngunit ang matuwid ay makakaligtas.
Kawikaan 11:20‭-‬21 ASND

Ito po ang katangian ng taong MATUWID 👇

At sa PAGBABASA natin nito Malalaman natin kung tayo ba ay MATUWID o HINDI. At ito Ang mga halimbawa na dapat nating tularan para maging MATUWID.

Makinig kayo! Akin ang lahat ng may buhay, maging ang buhay ng mga magulang o buhay ng mga anak. Ang taong nagkasala ang siyang mamamatay.
Ezekiel 18:4 ASND

Halimbawa, may isang taong matuwid na ginagawa kung ano ang tama. Hindi siya sumasamba sa mga dios-diosan ng Israel o kumakain ng mga inihandog sa mga dios-diosang ito sa mga sambahan sa mga bundok. Hindi siya sumisiping sa asawa ng iba o sa babaeng may buwanang dalaw. Hindi siya nang-aapi at ibinabalik niya ang mga isinangla ng mga nangungutang sa kanya. Hindi siya nagnanakaw, pinapakain niya ang mga nagugutom at binibigyan ng damit ang mga walang damit. Hindi siya nagpapatubo kapag nagpapahiram ng pera. Hindi rin siya gumagawa ng masama at wala siyang kinakampihan sa kanyang paghatol. Sinusunod niyang mabuti ang mga utos koʼt mga tuntunin. Ang taong ganito ay matuwid at patuloy na mabubuhay. Ako, ang Panginoong Dios, ang nagsasabi nito.
Ezekiel 18:5‭-‬9 ASND

09/01/2026

Ang taong marunong ay gustong gumawa ng kabutihan, pero ang hangal ay gustong gumawa ng kasamaan.
Mangangaral 10:2 ASND

05/01/2026