Camareros De Baao

26/08/2026

Memorial ni
𝐒𝐀𝐍𝐓𝐀 𝐌𝐎𝐍𝐈𝐂𝐀 𝐃𝐄 𝐓𝐀𝐆𝐀𝐒𝐓𝐄
Ina ni San Agustin De Hippo

Si Santa Monica saro sa mga Santo nin Simbahang Catolica, ipinangaki siya kan taong 331. Siya an Ina ni San Agustin kan Hippo, sarong bistong Teologo asin Obispo. Ipinangaki siya sa Thagaste (na ngonian iyo an Souk Ahras, Algeria). Siya sarong Berber (enot na tawo kaidto sa Africa), asin bisto siya bilang sarong maboot na ina. Ipinahiling niya an saiyang pagkamoot asin pagtubod sa saiyang aki, si San Agustin, dawa bako siyang Kristiano asin dai nag tutubod sa Mahal na Dios.

Siya an Patron kan mga Ina na nagpahiling kan saiyang Pagtubod sa Dios asin pagkamoot sa Familia. An saiyang Memorial ipinagseselebrar kada Agosto 27.

𝐒𝐀𝐍𝐓𝐀 𝐌𝐎𝐍𝐈𝐂𝐀 𝐃𝐄 𝐓𝐀𝐆𝐀𝐒𝐓𝐄, 𝐈𝐩𝐚𝐦𝐢𝐛𝐢 𝐌𝐨 𝐊𝐚𝐦𝐢!

25/08/2026

24/08/2026

Solemnidad ni
𝐍𝐔𝐄𝐒𝐓𝐑𝐀 𝐒𝐄𝐍̃𝐎𝐑𝐀, 𝐋𝐀 𝐕𝐈𝐑𝐆𝐄𝐍 𝐃𝐈𝐕𝐈𝐍𝐀 𝐏𝐀𝐒𝐓𝐎𝐑𝐀
Patrona Del Pueblo De Baao

𝐃𝐎𝐋𝐎𝐓 𝐊𝐈 𝐍𝐔𝐄𝐒𝐓𝐑𝐀 𝐒𝐄𝐍́𝐎𝐑𝐀, 𝐋𝐀 𝐕𝐈𝐑𝐆𝐄𝐍 𝐃𝐈𝐕𝐈𝐍𝐀 𝐏𝐀𝐒𝐓𝐎𝐑𝐀

Virgen na malinigon asin Inang mamomoton nin samong kalag, kami na saimong mga oripon naghahanap nin parasorog. Huli kan mga hayag na tanda nin saimong pagherak minadolok kami sa tronong tinutukawan mo. Bako man na iba an idinodolot niamo, kundi an kakulangan kan samuyang mga tataramon na hale nanggad sa samuyang puso. Logod isurat mo an samuyang ngaran sa libro nin mga pinili, huli ta nasasabotan ming gayo na iyan natagama sa mga nag-oomaw Saimo.

Kaya danay niamong ipinapahayag an mga misterio nin Saimong Mahal na ngaran na Divina Pastora, Papagkanigoa maugayon na Ina, tanganing huli kan saimong pag-ampon kami makalikay sa gabos na mga maraot digdi sa kinaban; asin kun saimong pagmamarhayon, kami makaabot sa kaogmahan na daing kasagkoran sa langit, huli ki Jesukristo samong Kagurangnan. Amen.

𝐍𝐔𝐄𝐒𝐓𝐑𝐀 𝐒𝐄𝐍́𝐎𝐑𝐀, 𝐋𝐀 𝐕𝐈𝐑𝐆𝐄𝐍 𝐃𝐈𝐕𝐈𝐍𝐀 𝐏𝐀𝐒𝐓𝐎𝐑𝐀, 𝐈𝐩𝐚𝐦𝐢𝐛𝐢 𝐌𝐨 𝐊𝐚𝐦𝐢!

24/08/2026

23/08/2026

Solemnidad ni
𝐒𝐀𝐍 𝐁𝐀𝐑𝐓𝐎𝐋𝐎𝐌𝐄 𝐀𝐏𝐎𝐒𝐓𝐎𝐋
Patron Titular Del Pueblo De Baao
Parroquia De San Bartolome Apostol
Baao, Camarines Sur

𝐏𝐀𝐌𝐈𝐁𝐈 𝐊𝐈 𝐒𝐀𝐍 𝐁𝐀𝐑𝐓𝐎𝐋𝐎𝐌𝐄 𝐀𝐏𝐎𝐒𝐓𝐎𝐋

Patron niamong San Bartolome, paliwanagi an samong isip tanganing mamidbiran asin mapagsol-solan an samong mga kasalan, pakosoga an samong boot tanganing magdanay an paglaom sa paghanap nin kasimbagan sa mga pangangaipo, bolong sa kahelangan, asin makalikay sa karatan; asin huli man sana kan saimong pagkamoot, tabangi kami na magin maninigo kan mga biyaya nin Mahal na Dios sa pag-ako asin pagsabuhay kan Sacramento na yaon sa pangataman nin simbahan.

Huli ki Jesus asin Santa Maria orog na kan saimong pagsorog, papagkanigoon logod na makamtan niamo an mga kahagadan na minamawot digdi sa Novena para sa kaomawan nin Dios asin ikakarahay nin samong kalag. Amen.

𝐒𝐀𝐍 𝐁𝐀𝐑𝐓𝐎𝐋𝐎𝐌𝐄 𝐀𝐏𝐎𝐒𝐓𝐎𝐋, 𝐈𝐩𝐚𝐦𝐢𝐛𝐢 𝐌𝐨 𝐊𝐚𝐦𝐢!

21/08/2026

“𝖣𝖺𝗇𝖺𝗒 𝗇𝗂𝖺𝗆𝗈𝗇𝗀 𝖨𝗉𝖺𝗉𝖺𝗁𝖺𝗒𝖺𝗀 𝖺𝗇 𝗆𝗀𝖺 𝖬𝗂𝗌𝗍𝖾𝗋𝗂𝗈 𝗇𝗂𝗇 𝖲𝖺𝗂𝗆𝗈𝗇𝗀 𝖬𝖺𝗁𝖺𝗅 𝗇𝖺 𝖭𝗀𝖺𝗋𝖺𝗇 𝗇𝖺 𝖣𝗂𝗏𝗂𝗇𝖺 𝖯𝖺𝗌𝗍𝗈𝗋𝖺!”

𝟒𝐭𝐡 𝐒𝐀𝐓𝐔𝐑𝐃𝐀𝐘 𝐃𝐄𝐕𝐎𝐓𝐈𝐎𝐍
𝐭𝐨 𝐍𝐮𝐞𝐬𝐭𝐫𝐚 𝐒𝐞𝐧̃𝐨𝐫𝐚, 𝐋𝐚 𝐕𝐢𝐫𝐠𝐞𝐧 𝐃𝐢𝐯𝐢𝐧𝐚 𝐏𝐚𝐬𝐭𝐨𝐫𝐚
August 22, 2026

We warmly invite all the Devotees & Parishioners of the Parish of Saint Bartholomew the Apostle to take part in the 𝟒𝐭𝐡 𝐒𝐚𝐭𝐮𝐫𝐝𝐚𝐲 𝐃𝐞𝐯𝐨𝐭𝐢𝐨𝐧 𝐢𝐧 𝐡𝐨𝐧𝐨𝐫 𝐨𝐟 𝐍𝐮𝐞𝐬𝐭𝐫𝐚 𝐒𝐞𝐧̃𝐨𝐫𝐚, 𝐋𝐚 𝐕𝐢𝐫𝐠𝐞𝐧 𝐃𝐢𝐯𝐢𝐧𝐚 𝐏𝐚𝐬𝐭𝐨𝐫𝐚, 𝐭𝐡𝐞 𝐐𝐮𝐞𝐞𝐧 𝐚𝐧𝐝 𝐏𝐚𝐭𝐫𝐨𝐧𝐞𝐬𝐬 𝐨𝐟 𝐁𝐚𝐚𝐨. In this sacred gathering, we come together to offer our thanksgiving and to renew the cherished promise of our forefathers—that every family will offer a child to serve God as a priest or religious, in loving dedication to the Lord and His Church.

The 𝐑𝐞𝐜𝐢𝐭𝐚𝐭𝐢𝐨𝐧 𝐨𝐟 𝐭𝐡𝐞 𝐇𝐨𝐥𝐲 𝐑𝐨𝐬𝐚𝐫𝐲 𝐚𝐧𝐝 𝐍𝐨𝐯𝐞𝐧𝐚 𝐰𝐢𝐥𝐥 𝐛𝐞𝐠𝐢𝐧 𝐚𝐭 𝟓:𝟎𝟎 𝐀𝐌, followed by the 𝐄𝐮𝐜𝐡𝐚𝐫𝐢𝐬𝐭𝐢𝐜 𝐂𝐞𝐥𝐞𝐛𝐫𝐚𝐭𝐢𝐨𝐧 𝐚𝐭 𝟔:𝟎𝟎 𝐀𝐌. After the Mass, all are prayerfully invited to join the 𝐏𝐫𝐨𝐜𝐞𝐬𝐬𝐢𝐨𝐧 𝐚𝐫𝐨𝐮𝐧𝐝 𝐭𝐡𝐞 𝐌𝐚𝐢𝐧 𝐒𝐭𝐫𝐞𝐞𝐭𝐬 𝐨𝐟 𝐁𝐚𝐚𝐨, as a expression of our faith, devotion, and trust in the maternal guidance of our Beloved Ina．

Let us unite as one community, entrusting our families, our vocations, and our town to the loving care of Nuestra Señora, La Virgen Divina Pastora.

21/08/2026

Memorial Kan
𝐏𝐀𝐆𝐊𝐎𝐑𝐎𝐍𝐀 𝐊𝐈 𝐕𝐈𝐑𝐆𝐄𝐍 𝐌𝐀𝐑𝐈𝐀 𝐁𝐈𝐋𝐀𝐍𝐆 𝐑𝐄𝐈𝐍𝐀 𝐍𝐈𝐍 𝐋𝐀𝐍𝐆𝐈𝐓 𝐀𝐒𝐈𝐍 𝐃𝐀𝐆𝐀

Ngonian na aldaw ipinagseselebrar kan Satuyang Inang Simbahan an Memorial kan Pagka-Reina ni Virgen Maria na nagpapahayag kan saiyang importanteng katungdan sa istorya kan satuyang kaligtasan. Si Maria, an satuyang Makapangyarihang Reina asin Namomotan na Ina, na padagos na minasurog satuya sa saiyang Aki asin nagtataong paglaom sa tahaw nin mga pag-alaman asin kakundian na minaabot sa satuyang pagkabuhay.

Lugod sa paarog na ipinahiling ni Virgen Maria, makanuod kita na dai abusohon kun ano man an satuyang posisyon asin estado sa buhay tangani sanang malamangan an iba kundi mabuhay lugod kita na mapakumbaba asin makinuyog-kuyog sa Kabotan nin Mahal na Dios asin kan mga tawong nakapalibot satuya.

20/08/2026

Memorial Ni
𝐒𝐀𝐍𝐓𝐎 𝐏𝐈𝐎 𝐗

Si Jose Melchor Sarto ipinangaki sa sarong sadit na bario sa Reise sa probinsya nin Treviso sa Italia kan Julio 2, 1835. Kan siya nagdakula siya nagin sarong padi asin uminabot sa pagigin saro sa mga namomotan na Santo kan Simbahang Catolica.

Siya sarong Santo Papa sa modernong istorya kan simbahan. Enot digdi iyo an saiyang mga reporma sa liturgia o pagsamba kan mga catolico, kaiba man na pinonan niya an reporma sa paggamit kan Breviary ( Iyo ini an opisyal na libro nin pagpamibi kan mga padi asin mga madre na ngonian pinapangadie naman nin dakol na mga layko), sa pagselebrar kan Santa Misa, sa pagpadakula kan Gregorian Chant ( bilang opisyal na awit sa Santa Misa ), sa pagtao nin komunyon asin pag-ako nin komunyon kan mga kaakian, asin sa mas aktibong pagpartisipar kan mga tawo sa Santa Misa.


Papa sa modernong kasaysayan ng simbahan. Una na dito ang mga reporma para sa liturhiya o pagsamba ng mga Katoliko. Kasama sa mga sinumulan niya ang mga reporma sa paggamit ng Breviary (ang official prayer book ng mga pari at mga madre na ngayon ay dinarasal na rin ng maraming mga layko), sa pagdiriwang ng Banal na Misa, sa pagpapaunlad ng Gregorian Chant (bilang opisyal na awit sa Misa), sa mas malimit na pagtanggap ng Komunyon at sa pagko-komunyon ng mga bata, at sa mas aktibong pakikiisa ng mga tao sa Misa.

Siya saro man na konserbatibong Santo Papa kan Simbahan na habo nin modernisismo asin sa ano man leberalismo kan simbahan. Nagadan siya kan taon 1914 sa Roma asin ipinuli an saiyang hawak sa Venice kan taon 1959.

𝐒𝐀𝐍𝐓𝐎 𝐏𝐈𝐎 𝐗, 𝐈𝐩𝐚𝐦𝐢𝐛𝐢 𝐌𝐨 𝐊𝐚𝐦𝐢!

16/08/2026

Memorial ni
𝐒𝐀𝐍 𝐑𝐎𝐐𝐔𝐄 𝐃𝐄 𝐌𝐎𝐍𝐓𝐏𝐄𝐋𝐋𝐈𝐄𝐑
Patron kan may mga Helang asin Laban sa mga Salot

Si San Roque aki kan sarong Gebernador sa Montpellier, sa nacion kan Francia. Siya nagin ilo sa saiyang ama sa edad na dose, asin sa edad na biente sa saiyang ina. Sinasabi na si Roque hinagad kan saiyang mga magurang sa Mahal na Virgen asin kan siya ipinangaki nahiling an sarong Krus na p**a sa saiyang daghan na nagpapahiling kan saiyang mga kabanalan na saiyang gigibuhon sa mga maabot na panahon.

Hinatulan siya nin pagkabilango asin kagadanan kan saiyang tiyohon man sana. Nagadan si San Roque kan Agosto 16, 1327 asin igwang nahiling na sarong tabla na may naka surat: “AVISO, Los Que Fueren Heridos de Peste E Implora de ROQUE Alcanzaran, SALUD” na boot sabihon “Kun siisay man an mag apod sa uripon na si Roque irarayo ko Laban sa mga Peste huli sa saiya.”

An Imahen ni San Roque De Montpellier nasa pangangataman kan San Roque Barangay Pastoral Council sa pamamayo ni Ms. Elizabeth Bayrante kan Parroquia De San Bartolome Apostol, Baao, Camarines Sur.

𝐒𝐀𝐍 𝐑𝐎𝐐𝐔𝐄 𝐃𝐄 𝐌𝐎𝐍𝐓𝐏𝐄𝐋𝐋𝐈𝐄𝐑, 𝐈𝐩𝐚𝐦𝐢𝐛𝐢 𝐌𝐨 𝐊𝐚𝐦𝐢!

14/08/2026