17/05/2026
๐๐-๐๐๐ ๐๐๐ง๐ฎ๐๐ง๐ ๐๐ง๐ข๐๐๐ซ๐ฌ๐๐ซ๐ข๐จ ๐ง๐ข๐ง๐ ๐๐๐ง๐ ๐๐ญ๐๐ญ๐๐ ๐ง๐ข๐ง๐ ๐๐๐ซ๐ซ๐จ๐ช๐ฎ๐ข๐ ๐ง๐๐ง๐ ๐๐๐ง ๐๐๐๐ซ๐จ ๐๐ฉ๐จ๐ฌ๐ญ๐จ๐ฅ ๐ช๐ฎ๐ข๐ง๐ ๐๐๐ฅ๐๐ง ๐๐ฉ๐๐ฅ๐ข๐ญ
Ing comunidad Cristiano ning b***n Apalit miniral ne ania pang banuang 1590. Aniang banuang 1597, ing Parroquia ning Apalit micauani ya quing Parroquia ning Calumpit quing lalauigan ning Bulacan. Ing minunang pisamban iari ya lariu at mesira uli na ning metung a ayun aniang 1863. Ing pisamban a acaquit tamu ngeni megaua quing capamilatan nang Mariano Santos ning b***n Guagua, lalam nang Reb. Antonio Redondo, O.S.A. libutad ning banuang 1876 angga 1880, at meiari aniang banuang 1896 lalam na namang Reb. Toribio Fanj.
Quing banuang 1875, ing pari ibat quing pisamban nang San Agustin, y Padre Jose Esteban Ibeas, mengontrata yang aduang pintor ibat Italia para quing carelang pisamban quing Intramuros, ciudad Menila. Megi yang matagumpe iti ania deting Italianong pintor a reni micontratan la naman caring dacal pang pisamban queti Pilipinas, caiabe ne ing pisamban maragul ning Apalit. Ding obra maestra a maiaquit quing quisame ampon paliguid ning pisamban nang Apung Iru papaquit na ing istoria ning pangaligtas ning yatu ania pang minunang panaun.
Ing parroquia, balang caduangpulu't walu angga na quing catlumpulung aldo ning bulan ning Junio pagmasusian ne ing cafiestan ning queiang patron, i San Pedro Apostol (Apung Iru) ing alagar a pigcaluban ning Guinung awtoridad ban panimunan ding queiang aliua pang alagad, ing mipagcaluban susi ning caiarian ning banua, at ing metung caring meguing asias ning Santa Iglesia. Careting aldo, ding tau Apalit magsaya la't munie capurian quing Dios capamilatan nang Apung Iru.
Aniang caduangpulu't aduang aldo ning Julio, banuang 2017, ing mal a reliqquia nang Apung Iru milagac at mipatenti ya queti quing parroquia. Iting reliqquia ditac la mung parte ring butul nang San Pedro, at ing pisamban nang Apung Iru queti Apalit ing magdili-diling pisamban a mipagcaluban reliqquia nang San Pedro liban quing St. Peter's Basilica quing Roma.
Ngening ca-17 ning Mayo 2026, pasibayung pepaquit na ning Dios ing queiang lugud, grasia, ampon ganaca quing q***atamung parroquia quing capat a ralan at aduangpulu't siyam a banuang anibersario ning pangatatag na. E biru ing delanan ning q***atamung parroquia. Miaialiuang sacuna, problema, ampon capagsubucan. Maracal migbayu, dapot ing alang capante at caparis at lugud ning Iboa tamung atsu banua e capilan man migbayu.
Capatad, caniting anibersario, mitmung capacumbaban ampong capaniamban ta yang pasalamatan ing Guinu tamung JesuCristo quing panibayung banuang pigcalub na quing Parroquia nang San Pedro Apostol queti b***n Apalit!
๐๐ช๐๐ ๐๐, ๐๐ช๐๐ฃ๐ช ๐ข๐๐ฃ๐ ๐
๐๐จ๐ช๐พ๐ง๐๐จ๐ฉ๐ค!
๐๐ช๐๐ ๐๐, ๐ผ๐ฅ๐ช๐ฃ๐ ๐๐ง๐ช!
๐๐ช๐๐ ๐๐, ๐ฅ๐๐ง๐ง๐ค๐ฆ๐ช๐๐ ๐ข๐๐ฃ๐ ๐ฅ๐๐๐๐ข๐๐ก๐๐ฃ!
