28/06/2026
Happy Sunday, mga kapatid! ☀️
Ating balikan ang naging sermon ng ating Kapatid na Lance Isla, pinamagatang "Rest on God" na matatagpuan sa I Mga Hari 19:1–18. 📖
Sa istoryang ito, makikita natin kung paano nagpakita ang Diyos kay Elijah noong sya'y nasa kapighatian. At yun din ang mensahe Niya para sa atin ngayon.
Eto ang tatlong punto na inihatid ng ating mensahe kanina
1. God Revealed Himself Through Gentleness🕊️
Hindi sinabi ng Diyos kay Elijah, "Anong ginagawa mo d'yan?", sa halip, inalok n'ya ang kan'yang biyaya. Siya'y pinakain, binigyan ng pahinga, at kan'yang kinilala ang bigat na dala ni Elijah. Ganoon din ang Diyos para sa atin, hindi Niya kailanman babalewalain ang ating mga pasan.
2. God Revealed Himself Through Silence 🌬️
Dumating ang hangin, lindol, at apoy, ngunit hindi naroon ang Panginoon sa lahat ng iyon. Dumating siya sa isang still small voice. Ito'y paala-ala na ang ating larawan ng Diyos ay palaging mas maliit kaysa sa Kanya. Ang Kanyang mga paraan ay mas mataas kaysa sa ating pag-iisip.
3. God Revealed Himself Through A Word ✉️
Sinabi ni Elijah "ako na lang ang natira." Ngunit sumagot ang Diyos: pitong libo pa ang hindi lumuhod kay Baal — at wala ni isa sa kanila ang nakilala ni Elijah. Ito'y paalala sa atin na ang nakikita mo mula sa loob ng problema ay hindi ang buong larawan. Eto ay paala-ala sa atin ng ating Diyos na hindi pa s'ya tapos, patuloy pa n'yang sinusulat ang ating kwento.
At ang pangalan ng Word na iyon? ✝️ Si Jesus Cristo — ang nag-carry ng buong bigat ng ating kasalanan sa krus.
💬 "May bagay ka bang dala ngayon na hindi naman para sa iyo? Ibaba mo na sa paanan ng krus at hayaan mo ang Diyos ang s'yang humawak para sa iyo."
