Mother Butler Guild of Saint John Nepomucene Parish, Bonga, Bacacay, Albay

04/02/2026

31/01/2026

Padagos po na iniimbitaran an lambang saro na makisumaro sa satuyang gigibohon na 𝗚𝗿𝗮𝗻𝗱 𝗣𝗿𝗼𝗰𝗲𝘀𝘀𝗶𝗼𝗻 ngunian na aldaw, Enero 31, 2026, bilang pag-Onra sa satuyang Kagurangnan, Jesu-Cristo, asin sa satuyang namomotan na Mahal na Ina, Nuestra Señora de los Desamparados — Ina nin mga Napapabayaan.

An Novena, gigibohon po sa oras na alas 4:00 nin hapon, duman sa kapilya ni San Isidro Labrador kan Lower Bonga; dangan an pagkatapos kan novena, isusunod man po niato an pag-prusisyon pasiring sa kapilya ni Nuestra Señora de los Desamparados.

An Banal na Misa, ipagce-celebrar po naito pagkatapos kan prusisyon duman sa kapilya kan satuyang Mahal na Ina, sa oras na alas 6:00 nin banggi.

Logod siring sa mga tugang niatong agta na enot nang nakahiling kan banaag ni Birhen Maria, sa bulod kan Bonga — ini magdara sato ngunian nin paglaom asin tangani na padagos kitang maliwanagan kan saiyang presencia bilang Ina na nag-aantabay sa lambang saro sato, orog na sa panahon kan pag-alburuto kan Bulkan Mayon.

Lugod an saiyang liwanag an maggiya sa satuyang mga puso, magpakusog kan satuyang pagtubod, asin magpagirumdom sato na kita dai nanggad pinapabayaan, dawa sa pinakamadiklom na panahon.

Sarabay kitang maglakaw sa pagpamibi, pagkasararo, asin dai natatapos na pagsarig sa Mahal na Dios.

Viva! Nuestra Señora de los Desamparados!

26/01/2026

Here is the schedule of the Novena Mass in Honor of Nuestra Señora de Misericordia:

26 January 2026 – 3 February 2026
• Novena | 5:00 PM
• Holy Mass | 6:00 PM

(Followed by a Solemn Procession of the venerated image of Nuestra Señora de Misericordia within the Barangay of Sta. Misericordia)

May Nuestra Señora de Misericordia intercede for us before her Son, guide us closer to Christ, and open our hearts to the constant presence of God's mercy, especially in times of weakness and need.

Thank you, and God bless.

25/01/2026

22/01/2026

Pinapaisi po an gabos na magkakaigwa kita nin Misa Novenario bilang pag-onra ki Nuestra Señora de los Desamparados — Ina nin mga Napapabayaan.

Ini po popoonan ngunian na Enero 23, 2026 sagkod Enero 31, 2026, duman sa kapilya ni Nuestra Señora de los Desamparados — Purok 1 kan Barangay Bonga.

An Novena gigibohon sa oras na alas 4:00 nin hapon, dangan isusunod an Banal na Misa na popoonan sa oras na alas 5 nin hapon.

Magkakaigwa man po kita nin solemneng pag-prusisyon kan imahen ni Nuestra Señora de los Desamparados pagkatapos kan banal na misa — na popoonan sa mismong kapilya, pasiring sa parokya ni San Juan Nepomuceno.

An katuyuhan kaini — iyo na ipagkatiwala niato an satong mga sadiri sa saiyang mamomoton na pag-antabay asin maternal na proteksyon, orog na sa panahon na ini nin kawaran nin kasiguraduhan na dara kan aktibidad kan Bulkan Mayon.

Sa paagi kan saiyang intersesyon, lugod na an satuyang banwaan matawan nin kaligtasan, katoninongan, asin marigon na pagtubod, asin lugod an mga nakakamati na pinabayaan asin natatakot — makakua nin kaginhawahan sa irarom kan banaag asin pag-ampon ni Nuestra Señora de los Desamparados.

Salamat po.

22/01/2026