YOUTH AGAP

28/11/2021

23/09/2021

28/07/2021

NOVENA KI SAN LORENZO MARTIR
Ikaduwang Aldaw

Sa Pagtandaan, etc.
PAGSOLSOL NIN KASALAN
Kagurangnan kong Jesukristo, Dios na totoo asin tawo man na totoo, nagsosolsol akong gayo nin todok na pagsolsol ninsi pagkasala ko saimo huli kan sinanglitan na pagka Dios mo asin huli man ta namomotan takang orog sa gabos, kaya naghoholaw ako nin totoong pagholaw nin dai na mayo pagkakasala liwat Saimo. Naghoholaw man ako nin pagkumpisal asin nin pag-otob ko man kan mga silot na itatao sako kan pading sakuyang pagkukumpisalan. Tara Kagurangnan kong Dios, idinidolot ko Saimo an buhay ko asin an mga gibo ko patin an mga sakit ko ta bayad ko iyan kan mga kasalan ko gabos asin nananarig na gayo ako sa pagkaherak mong daing kasagkoran na ipapatawad mo sako an mga iyan huli ninsi mahal mong dugo patin ninsi pagkagadan mo sa krus.
Awot pa.

PAMIBI SA GABOS NA ALDAW
Makakamhan asin daing katapusan na Dios Ama nin pagkaherak asin burabod nin pagkamoot mantang ipinagkaogdan mo ki San Lorenzo kan siya nabubuhay pa digdi sa ibabaw nin daga an saimong mahal na grasya na iyong nakatao saiya nin marigon na pagtubod, bulanos na pagsarig asin dalisay na pagkamoot saimo. Awot pa logod na magdara ka samuya nin pagkaherak asin warasan mo kami kan biyaya na makaliwanag kan nadidikloman niamong pag-iisip dahilan kan samong mga kasalan. Taohi kami Kagurangnan nin mga mapait na luha na ikapagtangis niamo kan samong mga kasalan. Magin lugod na mga malinig an samong mga kalag na binalikat kan kamahalmahaling dugo kan Saimong Aking Diosnon. Kun magkakanigo saimong orog na kamurawayan sa kaomawan ni San Lorenzo na saimong Martir asin pintakasi niamo asin sa karahayan kan samong mga kalag, itogot mo samuya an mga karahayan na samong hinahagad asin minamawot.
Awot pa.

PAMIBI SA IKADUWANG ALDAW
O mapanero na gayong San Lorenzo, managom na bunga nin kahadean nin Espanya sa saimong malinig na puso, itinanom nin Mahal na Dios an kabanalan nin pagtubod, pagsarig asin pagkamoot. Nagngangayo-ngayo kami saimo mantang sa pagtokdo saimo kan saimong kag-anak, namidbid mo an Mahal na Dios. Nananarig ka asin namoot saiya, giboha na makamidbid man kami sa totoong Dios, manarig asin kun tumalikod na kami sa buhay na ini, magkanigo kaming makalaog sa kamurawayan sa langit sa pag-omaw sa Kagurangnan niatong Dios. Tabangi kami sa gabos na aldaw nin samong buhay alagad orog na ngani sa laog kaining Novena asin iabot mo kami kan mga karahayan asin mga balaog na samong hinahagad asin minamawot kun magkakanigo sa orog na kamurawayan nin Dios sa saimong kaomawan asin sa karahayan nin samuyang kalag, Awot pa.
Limang Ama Niamo, Tara Kagurangnan Maria, Pag-omawon. Pamibi ni San Lorenzo asin Gozos.

PAMIBI KI SAN LORENZO SA GABOS NA ALDAW
Maugayon na Pintakasi niamo, maisog na San Lorenzo, maisog na soldados ni Jesukristo Kagurangnan niato dai mo kinakatakutan idtong saimong kaiwal na nagpasakit saimo. Ibinugtak ka sa sarong agonan asin inagonan ninda. Dai nin bilang nakamtan kan saimong mga tinios na kasakitan alagad sa tahaw kan saimong pagdudusa nakapagsabi ka pa sa nagpapasakit saimo na birikon su saimong mahal na hawak nganing makakan na ninda. Nagngangayo-ngayo kami saimo na papaglaadon mo man logod an samong mga puso sa pagkamoot sa Dios. Ika idtong kahoy na tinanom sa may pigbulosan nin katubigan namunga nin dakul na biyaya, ika idtong banhi na nahulog sa matubang na daga na nagin sarong dakulang kahoy na namunga nin mga matimgas na bunga na mga marhay nag awe-gawe, mantang ika an inaarang niamo. Ipamibi mo kami sa Mahal na Dios na hulugan Niya kami nin marigon na boot asin pakatios kana no man na sakit nin mga kahelangan asin ikamumuraway na pintakasi niamo. Iabot mo na samong hinahagad asin minamawot kun magkakanigo sa orog na kamurawayan nin Dios sa saimong kaomawan asin sa karahayan nin samong kalag.
Awot pa.

ANTIPHONA
Levita Laurentius Ibonum opus operates est, qui per signum crucis caecus illuminavit et thesaurus Ecclesiae dedit pauperibus.
V. Gloria et honore coronasti eum, Domine,
R. Et constituisti eum super opera manutuarum.

OREMUS
Da nobis quaesumus omnipotes Deus vitiorum nostrum flammas extiguere ut qui beato Laureatio tribuisti tormentorum sourum incendia superari Per Dominum Nostrum Jesum Christum Filium tuum qui tecum vivit et regnat in uniate Spiritus Sancti Deus per omnia saecula saeculorum.
Amen.



-omaw

28/07/2021

NOVENA ki NUESTRA SRA. DE SALVACION
Maenot an panguros asin mangadie nin Kagurangnan kong Jesucristo dangan an Pamibi sa gabos na aldaw.
Sa pagtandaan, etc.

AN PAGSOLSOL NIN KASALAN
Kagurangnan kong Jesucristo, Dios na totoo asin tawo man na totoo. Kagguibo asin Kagtubos sakuya, nagsosolsol akong gayo nin todok na pagsolsol ninsi pagkasala ko saimo huli kan sinanglitan na pagka-Dios mo asin huli ta namomotan takang orog sa gabos. Kaya naghoholaw na ako nin totoong pagholaw nin dai na mayo pagkasala liwat asin nin paglikay ko man sa manga pag-alaman gabos na ipagkakasala ko Saimo. Naghoholaw na man ako nin pagkumpisal asin nin pag-otob ko man kan manga penitencia na itotogon sako nin pagkokumpisalan kong Padre. Tara Kagurangnan kong Dios idinodolot ko Saimo an buhay ko asin an manga sakit ko ta bayad ko iyan kan manga kasalan ko gabos asin mananarig na gayo ako kan pagkaherak mong daing kasagkoran. Ta ipapatawad mo sako iyan huli ninsi mahal mong dugo patin can pagkagadan mo sa Kruz asin ta itatao mo sako an mahal na gracia mo na iyo kong ikalikay sa maraot asin ikapagdanayon sa marhay sagkod sa pagkagadan ko, Amen Jesus.

HIMNO
Bukahon mo Sr. Dios an ngoso niamo gabos sa pag-omaw mi pagbantog kan ngaran mong nangongorog.
An puso mi hogasan man kan digtang mga kasalan an honahona siring man sa gibong may pag-alaman.
Asin papaglaadon mo an puso nin mga tawo sa pagkamoot Saimo kan pangadie nin Rosario kan malipotok mong Ina si Virhen Santa Maria asin papagkanigoa madangog an pag-agagha.
An samuyang pag-apod sa saimong aking si Jesus sa atubang mo mabantog sa gabos pang mga santos.
Huling kasantosantosan an Aki mong sinanglitan pagka Dios kasaro man nin Espitu Santong mahal.
Kamong mga nabubuhay asin nangaghahade man sagkod sa daing kapinonan asin daing katapusan.

PATANID
Sukat gibohon ining Novena ki Sta. Maria sa arin man na aldaw o taon alagad magkumpisal ngona asin magkomulgar, patin gumibo nin karahayan.

PAMIBI SA GABOS NA ALDAW KAINING NOVENA
O daing kasagkoran na ilaw, Ama, ka nin ikaduwang persona, ilaw na sinanglitan sinasamba ko sa bilog na kapakumbabaan asin pinasasalamatan mi nin daing katapusan huli kan pagwaras Mo patin pagbugtak ki Maria na totoong ginibo Mo sa pinagkanigoan na kamahalan, liwanag asin kahalangkawan sa pagkani Inang totoo kan bogtong Mong Aki Inang kasantosantosan asin bantig na Esposa nin Espiritu Santo, magdalita ka mahal na Reyna na ipagwaras mo an saimong mga biyaya asin kaherakan mo man an mga parakasala tanganing makabalik sa grasya nin Kagurangnan tang Dios tanganing iyong magdanay samo sa pagkagadan, kaherakan mo man an mga nagsasamba sa anito asin sa mga herejias na magpakamidbid kan totoong karahayan patin ikaherak mo samuya an samong hinahagad kaining novena, kun magkakanigo sa mahal na Dios asin sa galang na makuri sa saimo. Awot pa.
Ama niamo, etc.

DALIT
O malinigon na Prinsesa
Aki nin Dios Ama
pinagpataratara ka
ni Gabriel pagsogoa.
An aking bogtong nin Dios
sa saimong tulak nag-erok
pinili kang pina-orog
sa mga babae gabos.
Pag-omawon an Dios Ama, etc.

Oh kabanalbanale na Virgen Maria na Kagurangnan niamo manta ika an pinapagpakanigo na Ina kan Aki nin Dios na daing kasagkoran na itinao saimo an pagkamidbid asin kaliwanagan na ikinaliwanag mo sa bilog na kinaban nagngangayo-ngayo kami saimo na paliwanagan man kami ngonyan na buhay pa asin sa horas nin samong pagkagadan asin tawan mo kami nin bagtsik na sukat ikatumang niamo sa mga kaiwal nin samong kalag, tanganing dai kami makapangoyog o madayaan kan saindang mga pagsugot, asin masarig giraray an samong pagtubod sa mahal na Dios asin pagkamoot saimo. Awot pa.
Tara Kagurangnan Maria, etc.

Oh paladan na Maria
nin Espiritu Santo Esposa
pinagpatara-tara ka
ni Simeon asin ni Ana
Inomao kang daing siring
kan mga Pastor sa Belen
malinaw orog sa salming
an saimong pagka Virhen.
Pag-omawon an Dios Ama, etc.

Oh Kagurangnan niamong kasantosantosan na Virgen Maria, pinili ka nin Dios na daing kasagkoran nakikimaherak kami saimo na dai mo kami suhayan sa oras nin samong pagkagadan na ipaharayo mo samo an tibaad nang kapangyarihan nin samong kaiwal. Awot pa.
Tara Kagurangnan Maria, etc.
O Ina nin Dios Aki
babaeng orog kabini
paggalang man ibinate
ni Isabel simo ngani
Ika an orog kapaladan
sa gabos kaining kinaban
pinili ka na iidkan
kan Aki nin Dios na mahal.
Pag-omawon, etc.

O Virgin Maria kasantosantosan asin Kagurangnan niamo huli ta ika an piniling Esposa na namomotan nin Espiritu Santo asin ta pinakapano ka nin grasya, siring man ikaherak mo sa horas nin samuyang pagkagadan na ipagwaras sa kalag niamo an mga mahamison na pagkamoot tanganing humamis sa samo an tibaad nang mga sakit sa daga. Awot pa.
Tara Kagurangnan Maria, etc.

O simbahan na mapalad
nin Santisima Trinidad
ilaw ka na maliwanag
ilawe an samong kalag
Ika an ilaw Ina ko
paliwanagi kan grasya mo
an puso nin mga tawo
botonga na mapasaimo.

PAMIBI SA ENOT NA ALDAW KAINING NOVENA
Oh maugayon na Virgen Maria, Ina nin orog kabanal na Aki, naoogma kami sa irarom nin samong boot huli ta ika an Ina asin Esposa nin ilaw na dai nin ginikanan, ta ika sanang totoo an magkakanigo sa siring na kamahalan. O Inang kabanalbanale, liwanagi ngani an samuyang kalag kun magadana kami digdi sa kinaban, asin makanoltol kami kan totoong dalan asin makamidbid kan totoong Dios sagkod makaabot kami sa kabanalan asin pagsolsol kan samong mga kasalan tara o Santa Maria asin Ina niamo kaherakan mo kami kan mahal na pagtubod, pagsarig asin pagkamoot manta pinaliwanagan mo an mga tawo gabos digdi sa kinaban, huli kan saimong mga mahal na hulit magdalita ka Kagurangnan Maria na kaherakan mong tawan kami nin malinaw na isip tanganing mamidbid niamo an samong mga kasalan asin ipagkumpisal niamo patin pagholawan nin totoong pagholaw nin dai na mayo pagkasala liwat patin an samong hinahagad kaining Novena kun magkakanigo sa boot nin Dios. Awot pa. Jesus.
Omontong nin kadikit asin humagad kan maninikaipuhan. Sarong Ama Niamo, Tara Kagurangnan Maria asin Pag-omawon sa paggalang sa Kagurangnan tang Dios asin ki Sta. Maria sa kaginhawahan nin kalag sa purgatorio, isunod an Gozos.

IKADUWANG ALDAW
O Reynang nangongorog sa kamahalan inidkan kan totoong karahayan, o Inang orog kabanal, honahonaon mo Kagurangnan na huli kan dakula ming pagtubod pagsarig asin pagkamoot na inaapod ka niamo siring ki Santa Isabel, na orog kamapalad sa gabos na mga babae, asin ginagalangan nin Santa Iglesia huli ta ika an nakadaog kan mga herejias asin ika man an nakaliwanag sa mga kadikloman nin bangui magdalita ka ngani na papagkamiton mo kami nin sarong buhay na pagtubod na mamidbid niamo an kasalan asin tanganing mapagsolsolan niamo asin pagtangisan digdi sa daga patin ngapit malinig duman sa atubangan mo. Awot pa.
Sarong Ama Niamo, Tara Kagurangnan Maria asin Pag-omawon.

ANTIPHONA
Santa Maria, tabangi an mga makaherak-herak, suruga ang mga maluya, rangaha an mga nagtatangis, pamibian an banwaan, ampona an kapadian, dangoga an gabos na mga devotos saimo asin an saimong tabang mamatean kan gabos na nag-aarang saimo.
V. Togote akong makapag-omaw saimo Birhen de Salvacion
R. Tawan sako an bagsik laban sa saimong kaiwal

OREMUS
Kagurangnan, warasan sa saimong mga sorogoon an danay na karahayan sa hawak asin sa kalag: sa tabang ni Maria Birhen de Salvacion; Ina ni Kristo, Ina nin Dios, makaligtas logod kami sa kasakitan ngonian na panahon asin makamtan mi an kaogmahan na daing kasagkoran. Huli ki Kristo na samong Kagurangnan. Amen.

.LawrenceTheMartyrParish



📸: Leticia Catalan
📝: Tiwi Parish St. Lawrence

Viva San Lorenzo!
Viva Inang Salvation!

18/04/2021

Mga ka-lingkod, as believers and followers of Jesus Christ, we are called to a new life and are asked to make moral choices that keep us united with God. With the help and grace of the Holy Spirit, we can choose ways to act to keep us close to God, to help other people, and to be witnesses to Jesus.

The Ten Commandments guide us in making choices that help us to live as God wants us to live. The first three commandments tell us how to love God; the other seven tell us how to love our neighbor.

I - I am the Lord, your God, thou shall not have strange gods before me.
II - Thou shall not take the name of the Lord in vain.
III - Thou shall keep the Sabbath Day holy.
IV - Thou shall honor thy father and mother.
V - Thou shall not kill.
VI - Thou shall not commit adultery.
VII - Thou shall not steal.
VIII - Thou shall not bear false witness against thy neighbors.
IX - Thou shall not covet thy neighbor's wife.
X - Thou shall not covet thy neighbor's goods.

Source: Loyola Press | https://bit.ly/3akiBSn



Credits to the owner of the photo used. No copyright infringement intended.

12/04/2021

09/04/2021