20/10/2021
𝙎𝘼𝙏𝘼𝙉𝙄𝘾 𝙍𝙊𝙎𝘼𝙍𝙔, 𝙋𝘼𝘼𝙉𝙊 𝙈𝘼𝙇𝘼𝙇𝘼𝙈𝘼𝙉?
Patapos na naman ang Rosary month, ibig sabihin, papalapit na naman nang papalapit ang undas—sa panahong ito natin ginugunita ang mga yumao na madalas idikit ng ilan sa mga katatakutan imbes na sa kapayapaan at kabanalan.
Tila mas tinatangkilik pa nga ng ilan ang mga nakakatakot ng dekorasyon, at mga kasuotan kaysa mga bagay na maglalapit sa kanila sa Panginoon. Gayunpaman, mayroong sandata ang mga katoliko na tumutulong hindi lamang para proteksyunan ang mga nagdarasal nito, kundi upang ipagdasal rin ang mga kaluluwang nasa purgatoryo—ito ang Santo Rosaryo.
Ang Rosaryo ay isang sakramental para sa atin, ito ay simbulo rin ng ating pananampalataya—ito ay unang itinuro at ibinigay ng Inang Maria kay Santo Domingo upang mapagtagumpayan nito ang pagpapabalik ng mga erehe sa tunay na Simbahan. Mula noon, hanggang ngayon, kasama na ng Simbahan ang Santo Rosaryo sa bawat laban nito—mapadigmaan man o saang larangan. Kaya naman hinihikayat ang bawat isa na magkaroon ng rosaryo, at higit sa lahat, ay dasalin ito sa araw-araw upang makabuo nang mas malalim na relasyon sa Panginoon sa tulong ni Mariq. Ngunit paano nga kaya kung ang hawak mo palang rosayo ay isang Satanic Rosary?
Alam mo ba na nagkalat ang mga satanic Rosaries sa paligid? Hindi lamang dahil sa ito ay mura, madalas rin itong ipamigay. Kung ito'y titignan, tila nakakaengganyo ang iba-iba nitong kulay. Ayon kay Rev. Fr. Ambrosio Nonato Legaspi, isang Chief Exorcist sa Diyosesis ng Novaliches, ang satanic rosary ay maaring madiskubre sa pamamagitan ng sumusunod na character:
1. May hugis ng araw na may sinag sa bawat sulok nito.
2. Walang tanda ng INRI sa taas nito.
3. May nakapulupot na ahas sa krus.
4. May mga tinik sa likod ng imahe ng krus.
5. Kadalasan, ang mga ito ay gawa sa plastic.
Mabuting suriin ang mga rosaryong gamit natin, at kung tingin ninyo'y isang satanic rosary ang mayroon kayo, mas makabubuti kung ipagbigay alam ito sa kinauukulan.
Sources:
(1) Exorcist priest warns against 'satanic' rosaries—CBCP (October 19, 2021);
(2) Satanic Rosary (A Closer Look)—Kapuso Mo, Jessica Soho (Retrieved on October 19, 2021);
(3) 📷 Kapuso Mo, Jessica Soho page
