13/01/2022
Port Moresby, Papua New Guinea- January 13, 2022
Long dispela wik bikpela b**g bilong Evangelical Luteran Sios bilong Papua Niugini (ELCPNG) em ol i save kolim sinod em nau wok long kamap hia long capital siti bilong Papua Niugini em Port Moresby. Planti ol manmeri long olgeta distrik bilong ELCPNG i kam long olgeta hap bilong Papua Niugini ol i kamap na b**g wantaim insait long dispela b**g. Sampela ol pesman bilong ol panta sios bilong ELCPNG long oversea kain olsem Jemani na Australia na Amerika ol i kam stap wantaim long dispela sinod.
Dispela sinod namba 33 em i bin stat long Sande January 9 wantaim bikpela welcome seremony we i soim ol kain kain lain bilong Papua olsem ol Tobriand bilong Miline Bay wantaim ol lain bilong Central na Oro, Gulf na Western Province i stap insait. Ol i wokim procession bilong ol deleg*te i go insait long Sir. John Guise stadium we em i venue bilong dispela namba 33 sinod. Insait long lotu bilong opim sinod het bisop bilong ELCPNG,Bisop Rev. Dr. Jack Urame em i autim Tok bilong God na bihain em i opim sinod. Ol yanpela bilong Papua Distrik i kamapim sampela singsing na danis na kamapim kala bilong Luteran Sios long Luther Rose.
Bikpela samting tru i kamap long dispela taim em odinesen bilong wanpela lokol papuan pasto. Long dispela ol i lukim ol lain bilong Cape Rodney we em asples bilong em ol i bringim em i kam long wok bilong odinesen na tupela bishop, Rev. Bishop Jack Urame na namba tu bisop Rev. Lukas Kedabing i mekim wok bilong odinesen.
Bihain long lotu Gavana bilong Central province Hon Robert Agorobe na Memba Bilong Morseby North East Hon. John Kaupa ol i mekim tok welkam long ol deleg*tes na visitas ol i kam bilong sinod long port Moresby. Ol pesman bilong ol patna sios bilong ELCPNG long ovasis tu ol i bringim greetings i kam long sios bilong ol na tokaut long ol manmeri i stap long dispela lotu bilong opim sinod namba 33.
Stat long Mande namba 10 January bisnis bilong sinod i stat na dispela i kamap insait long indoor stadium. Bihainim pasin bilong ol sinod bilong ELCPNG ol i stat wantaim devotion na Bible Stadi long het tok bilong sinod: "As for me and my house we will serve the Lord, Mi na Famili bilong mi bai lotuim God wanpela tasol"
Bihain long Baibel stadi em ol ripot i stat na ol ripot i kam long het bisop, namba tu bisop, sios seketeri na treasurer bilong sios. Long tunde namba 11 January Prime Minister bilong Papua New Guinea Hon. James Marape i bin kamap long sinod na mekim toktok i go long sinod. Long dispela taim ol distrik bilong ELCPNG ol i wok long givim ripot na liklik hap taim em i sindaun na harim ol tu.
Long trinde ol ripot i go yet wantaim i sampela bikpela wok i kamap. Wanpela bilong dispela em sinod i lukim pesman bilong Office of Higher Education i kam na givim setifiket bilong ELCPNG i ken go het long wok bilong Yunivestiti bilong em yet.
Long Trinde avinun ol stat long go long ol insait long ol komiti we i g*t 4-pela: Ministry, Social Services , Support Services na Corporate Services. Ol i paitim toktok long ol reccomendesen we i kam long ol ripot na ol bai kamapim ol resolusen. Dispela ol wok nau i go yet na ol dispela ol komiti bai ripot long floor bilong sinod long skelim na pasim kamap olsem tok bilong dispela sinod.
Long Long Fonde tete i g*t tingting bilong ol dispela komiti i bringim ol proposed resolusen i kam long bikpela b**g i pasim.
Hap stori bilong yumi bai pinisim long narapela taim bihain liklik taim wok i kamap. Planti bipela wok na tok i kamap bai yu ken lukim na harim stori bilong ol tu bai i kam yet.
Planti ol stori na piksai kamap long ol kain kain nius media na yu ken lukim na kaunim. Ol National Broadcasting Commission i wokb**g wantaim sinod komiti na IT na Communication Tim bilong ELCPNG na yu ken lukim harim planti stori long NBC na Kristen Redio na tu long Social Media na long ol newspaper, Post Courier na National.
