EFKS Timaru

EFKS Timaru Contact information, map and directions, contact form, opening hours, services, ratings, photos, videos and announcements from EFKS Timaru, Christian church, Woodlands Road, Timaru.

1.For Church members to meet in times of difficulties
2.To serve Gods messages for the Spiritual wellbeing of the Congregations.
3.For everyone to know where the church is heading to .

03/09/2021

O le Autu o le Kalena Faitau Tusi Paia o le A*o Faraile, "Ala mai" Wake up.
O le isi lava Feau Taua o le Koviti ma le Lockdown, o le ala mai. Ua oo i taimi e faataua moi loa mea taua. Faamuamua mea muamua, faamulimuli mea mulimuli. Talitonu o loo manuia pea le paia i lo tatou nuu ma le AUFAATUATUA. Malo le onosai. Ia Alofagia pea e le Atua lou tou soifua, ina saogalemu ma malu puipuia mai le faamai.
Ua vaeseuga o tatou le mafuta. Vagana nisi sa mafai lava ona oo atu iai ma avatu foi sina mea e maua e le loomatua mo nai tamaiti. O loo manuia i maua male fanau. Faafetai foi ile Fale Pasefika ua maua ai sina fesoa*oani i se isi taimi e faaauau ai le a*o.
O le A*o Sa le tatou Tala Lelei, ou te leiloa po o fai se faiga a le Komiti e ao ai le Taulaga. Ae afai o lea lava e mafai ona ao le ponesi, e le faigata foi la ona faaauau pea a tatou galuega masani. Pei e faapea so ta lagona, o taimi tonu nei e iloa ai le tagata moni o le Atua , o le saili auala e faaauau ai le auaunaga. O le lockdown o le mataupu a le Malo,ao le unlock o le vafeagai o le tagata ma lona Atua.
Ou te tatalo atu i le paia o le tatouAulotu, o le a ou faatali atu taeao, A*o Toonai mo le tauaaoina mai o lau Taulaga ole Tala Lelei mo le nei Tausaga. Ona Faapaiaina lea ile A*o Sa i le Sauniga O LE TALA LELEI, lea o le a ou Taitaina atu i luga o le tatou page.
Faamoemoe o le a tatou faia se Taulaga sili atu nai lo le 2020. O le tatou Taulaga talu ai e $1500.
Ia manuia le faaiuga o le Vaia*o ma ia saunia Faaleagaga i tatou uma aua le A*o Sa ole TALA LELEI.
Manuia malologa o le Po
Alolofa atu. Ona o Iesu.

28/08/2021

" Lo'u agaga e, ia e faamanu atu i le Alii, o mea uma foi o i totonu ia te a'u ia faamanu i lona suafa Paia. Lo'u agaga e, ia e faamanu atu i le Alii, aua foi nei galo se mea e tasi o ana meaalofa."
O upu ia o fatuga mai le loto o le fatu-pese Eperu, e faamatala ai lona faatonuina e ia o ia lava, ina ia le aunoa , ma ia le pa'ole ona faafo'i le faafetai ma le viiga i lona Atua, tusa lava po o le a.
I lo'u tulaga o le Tama Faaleagaga, o le Faifeau i le nuu faatuatua o le Atua, ou te faapea a'e ai, .... Le Atua e, ua Malie lou Alofa, aua ua matou lalanu i Lou Lelei. Ua e vaeluaina le sami lea sa faalavelave ane i o matou luma, ae sei malaga pea lau fanau seia taunuu atu i nuu lelei. Faafetai Faafetai Faafetai tele Lava.
Lo tatou nuu e ma le Ekalesia Fapotopotoga Kerisiano Samoa i Timaru, malo le taupati ma le loto tetele. Manatua lelei, o itua*o nei ua leva ona tapisa ai le Tusi Paia, ma ua uma ona uia mai e nisi o le 'aufaatuatua ma ua manumalo ai. Pei a o upu o le Tusi, e leai se mea fou i lalo o le la. Tatou faamalolosi ma faatamatane, e maua lava i tatou e puapuaga, a'o la Iesu, ..."ua ;ou manumalo i le lalolagi.
O le a*o 28 lenei o Aukuso, ua faia ai se page mo se taimi muamua a la tatou 'Aulotu. Tatou faaaoga ma le tatau mo le viiga o le Atua ma Feau Faaleagaga mai Lana Tusi Paia. Amene. O.Taulealo

Address

Woodlands Road
Timaru
7910

Website

Alerts

Be the first to know and let us send you an email when EFKS Timaru posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to EFKS Timaru:

Shortcuts

Share

Category