The Good Shepherd

12/09/2026

12/09/2026

29/07/2026

Fa'aaogaina o Mau o le Tusi Paia e vivii, fa'amanū ma fa'ane'ene'e atu ai i lo tatou Alii o Iesu Keriso, ona o mea ua ia faia mo tatou. O ia o lo tatou Fa'aola.

Le Alii e Iesu, e te le'i afio mai i le lalolagi e fa'amasino le lalolagi, a ia fa'aolaina iā te Oe. (Ioane 3:17). Ma e leai se tasi o i ai le olataga; auā e leai lava fo'i se isi igoa i lalo o le lagi ua foai'ina mai i tagata e mafai ona fa'aolaina ai i matou. (Galuega 4:12) E mafai fo'i 'ona e leoleo iā te i matou ina ne'i o matou tautevateva ma e fa'atuina i matou i luma o Lou mamalu ma le lē ponā ma le fiafia tele. Ia iā te Oe le Atua to'atasi, lo matou Fa'aola, le viiga, ma le mamalu, o le malosi ma le p**e, o le asō ma aso uma lava, e fa'avavau, fa'avavau lava. Amene. (Iuta 24-25).

I le Suafa o Iesu Keriso. Amene.

28/07/2026

Fa'aaogaina o Mau o le Tusi Paia e viia ma faafetaia ai lo tatou Alii o Iesu Keriso, ona o ia o le Tamai Mamoe a le Atua na fasia mo a tatou agasala.

Lo'u Alii e Iesu, o Oe lava o le Tamai Mamoe a le Atua, na E aveeseina agasala a le lalolagi. Na E maliu mo a'u agasala e tusa ai ma Lau Upu. Na e lavea'i iā te a'u mai le p**e a le pouliuli ma E aveina a'e a'u i Lou Malo. Auā ua ia te Oe le togiola, ma le fa'amagaloina o agasala.
E tatau lava ia te Oe, le Tamai Mamoe na fasia le mana, o le oa, o le poto, o le malosi, o le fa'aneeneega, o le viiga, ma le fa'amanū. Ia iā te ia fo'i o Lē o lo o ti'eti'e i le nofoalii, atoa ai ma le Tamai Mamoe, le fa'amanū, o le fa'aneeneega, o le viiga, ma le malosi uma lava e fa'avavau, fa'avavau lava. Amene.
Ioane 1:29/1 Korinito 15:3/Kolose 1:13-14/
Fa'aaliga 5:12-13.
I le suafa o Iesu Keriso. Amene.

28/07/2026

Fa'aaogaina o Mau o le Tusi Paia e tatalo ma tautino atu ai le viiga ma le matautia o lo tatou Alii o Iesu Keriso, o ia o le Ao ma le P**e o mea uma lava.

Lo'u Alii e Iesu, o Oe o le faatusa o le Atua e le o vaaia, o le Ulumatua o foafoaga uma. Na E faia o mea uma lava, i le lagi ma le lalolagi. O Oe fo'i e muamua i mea uma, o Oe fo'i e faatasi ai mea uma lava. O Oe fo'i o le Ulu o le tino, ma le ekalesia; o Oe o le Amataga, o le Ulumatua na ulua'i toe tu mai nai e ua oti, ina ia faasilisiliina Oe i mea uma lava. O le finagalo malie o le Tamá, ia nofo i totonu ia te Oe le atoataga uma, ma e ala ia te Oe ina ia faaleleia ai o mea uma mo ia, e pei o le lagi ma le lalolagi. Ua fa'aatoatoaina o a'u nei ia te Oe, o Oe fo'i o le Ulu ma le P**e silisili i alii sili ma faip**e uma.
Kolose 1:15-20 / 2:10.
I le suafa o Iesu Keriso, Amene.

27/07/2026

Salamo 68:19.
"Ia faafetaia le Alii i lea aso ma lea aso; ua faaee avega ia te i tatou, o le Atua o lo tatou olataga. Selā."
Afai tatou te tautala i upu o le faatuatua i o tatou olaga e ala i le Upu a le Atua, e pei ona a'oa'o mai Iesu Keriso, "auā e moni, ou te fai atu ia te outou, ai sē fai atu i lenei mauga, Ia siitia oe, ma ia lafoaina i le sami, ma le le masalosalo lona loto, a e peitai e faatuatua ia e taunuu lava mea na ia fai atu ai, ona faia lea mo ia o le mea na fai atu ai." Mareko 11:23. E pei ona fai mai Tavita, o faamanuiaga avega ua tuuina mai ia tatou, "Ia faafetaia le Alii i lea aso ma lea aso; ua faaee avega ia te i tatou, o le Atua lo tatou olataga."
Faaaoga le mana o le Upu a le Atua, e faagaioioi ai ma le faatuatua o tatou olaga.

Faamanuia le Atua, i le suafa o Iesu Keriso, Amene.