United Reformed Christian Church of Tuvalu and Kiribati Aotearoa.

04/01/2023

TE NIU TAUNANI- Word Of The Day.
Thursday 05 January 2023.
Rev. Suamalie Naisali Tafaki Iosefa Naisali.
TEXT: Romans 8:28
28 E iloa ne tātou me i mea katoa a te Atua e gā‘lue mō te ‘lei mo lātou kolā e ā‘lofa ki a ia,m ko lātou eiloa kolā ko oti ne ana kalagagina e pēlā eiloa mo tona fakamoemoega.
E FAKAMANUIA NE TE ATAUA A LATOU KOLA E FAI TENA LOTO.
- Te olaga o te Kelisiano se olaga e tautali ki te Aliki kae fakalogo foki ki te leo o te Aliki o fai tena loto I te olaga tenei.

- A te Atua foki e alofa kia latou kola e fakalogo kae alofa ki a Ia o fai tena loto

- Maise a latou kola ko oti ne kalagagina ne te Atua e pela mo Saulo ko liu kia Paulo ko fai mo ipu filifilia o te Tala Lelei

- A au e māfaufau pēlā me i mea kolā ne puapuagātia i ei a tātou i te taimi nei e se mafai lele eiloa o faka‘tusagina ki te ‘malu tēlā ka fakaasigina ki a tātou.

- A te fakafuaga kātoa e fakatalitali mo te loto naunau ki te Atua ke fakaasi mai a ana tama‘liki.

- Me i te fakafuaga ne fakamāseigina ke fakasēai atu a tona fakamoemoega, e se i tona loto eiloa i a ia, kae ona ne loto ki ei a te Atua ke pēnā. Kae e ui i ei e iai a te fakamoemoega

E iloa ne tātou me ke oko mai ki te taimi nei a te fakafuaga kātoa e mānava fī‘tā mo te ‘mae, e pēlā mo te ‘mae o te fānauga o se tamaliki.

Kae e se ko te fakafuaga fua tokotasi tēlā e mānava fī‘tā; a tātou kolā ko iai a te Agāga e pēlā me ko te mea muamua eiloa o meaalofa a te Atua, e mānava fī‘tā foki i loto eiloa i a tātou kae koi fakatali‘tali a tātou mō te Atua ke fai a tātou mo ana fānau kael fai a o‘tou foitino kātoa ke saoloto.

- Me e auala i te fakamoemoe tēlā ne fakaolagina i ei a tātou; kae kāfai e lavea ne tātou a te mea e fakamoemoe a tātou ki ei, tēnā la e se se fakamoemoega tonu eiloa. Me ko oi eiloa e fakamoemoe mō se mea e lavea ne ia?
-
- Kae kāfai e fakamoemoe a tātou ki te mea e se lavea ne tātou, a tātou e fakatalitali ki ei mo te loto kūfaki.

- I te kiloga o mea katoa konei, se a a te muna e mafai ne tātou o fai? Kāfai a te Atua e mō tātou, ko oi la e mafai o ‘teke mai ki a tātou?

- E tonu e se ko te Atua, tēlā ne seki tāofi foki ne ia a tena Tamaliki Tagata, kae ne ofo atu a ia mō tātou katoa! Ne tuku mai ne ia ki a tātou a tena Tamaliki Tagata--e mata ka se tuku mai foki ne ia fakasaoloto a mea katoa ki a tātou?

- Ko oi ka taku-faka‘sē ne ia a tino filifilia o te Atua? Ko te Atua eiloa i a ia e fakaasi mai ne ia i a lātou e se ‘sē!

- FESILI:
Ko oi la ka fakasala ne ia a tātou? E se ko Keliso Iēsū, tēlā ne mate, io me, tēlā ne fakatū ake ki te ola kae e nofo i te feitū faka-atamai o te Atua, tēlā e fāutua fakatasi mo ia mō tātou!
KE MANUIA TE A*O I ONA FAKAMOEMOEGA I TE ALOFA O TE ATUA.

Rev Suamalie Naisali Tafaki Iosefa Naisali.

03/01/2023

TE NIU TAUNANI- Word Of The Day.
Wednesday 04 January 2023.
Rev. Suamalie Naisali Tafaki Iosefa Naisali.
TEXT: Proverbs 16:9
- 9 E mafai ne koe o fai a au fuafuaga, kae ko te Atua e fakatonu ne ia a au faiga.
- FAI AU PALANI KE OLOTASI MO TE LOTO O TE ATUA.

- Te olaga saoloto o te tagata ko oti eiloa ne tuku mai I te kamataga o te faitega ne te Atua te lalolagi ke fia te te mea e loto ki ei te tagata.

- Te Atu ne kilo atu ko lei a mea katoa ne faite ei ne ia te tagata mo te fafine ko te mea ke foliga ki te Atua.

- Ko foliga o te Atu e iloa fakatasi eiloa ne tatou, ko uiga mo te loto o te Atua tela e fakamatala ei te natula mo te loto o te Atua ki mea e manako ke fai ne ia

- Ko foliga o te amiotonu e fai ei te meatonu tela ko lei mo te maua ei te olaga filemu

- Ko foliga o te alofa tela e tumau te olaga fakatino o mealie katoa kola e tusa mo te loto o te Atua

- Ko te olaga malu katoatoa tela e atagina ei te natula o te Atua mo mea kola e manako ei te Atua ke tausi ei tena lalolagi ne faite.

- KO foliga o te ola filemu mo te ola fiafia kae ka tumau eiloa ki te segata mai.

- E mafai o fai a o‘tou fuafuaga, kae ko te Atua e a ia eiloa a te toe muna.m
E mafai koe o māfaufau me i mea takitasi katoa e fai ne koe e ‘tonu, kae ko te Aliki e fakamasino ne ia a ou māfaufauga.

- A te tagat e p**e eiloa I ana fuafuaga kae ko te Atua e p**e I te fakataunuga o ona mafauafauga manafai e fetaui tonu mo te palani a te Atua.

- Fakatagi atu ki te Aliki ke fakamanuia ne ia a au fuafuaga, kae ka manuia koe i te lotou fakataunūga. A mea katoa ne fāite ne te Aliki e isi ne olotou ikuga; kae ko te ikuga o tino āmio mā‘sei ko te fakamāseiga.

- A te Aliki e takalialia ki tino taki-tokotasi katoa kolā e fia‘sili; ka e se mafai lele eiloa o tuku atu ne ia a lātou ke ‘sao i te fakasalaga.

- I te taimi e fakafiafia i ei ne koe a te Aliki, e mafai o fai ne koe E ‘lei atu ke maua sau mea mea fōliki, ne mauagina i se auala ‘lei, i lo ke maua ne koe se mea lasi, ne mauagina i se auala se fakamāoni.

- A te tino poto ka taumafai o tausi ne ia a te tupu ke fiafia; kāfai ko ita a te tupu, ka mafai o mate se tino.

- A lātou kolā e āmio ‘lei e mā‘laga i te auala tēlā e fakaseke ne ia a mea mā‘sei; tēlā onoono faka‘lei ki koga kolā e olo a koutou i ei--e mafai o fakasao ne ia a otou ola.

- E ‘lei atu a te kūfaki i lo o te mālosi. E ‘lei atu ke manumālō a koe i tau p**e i luga eiloa ia koe i lo i luga o fā‘kai ‘lasi kātoa.

FESILI:

- E palani la pefea ne koe te faiagamalaga o te 2023 ke olo tasi mo te loto o te Atua, ko te mea ke fakamanuigina ne te Atua?

MANUIA TAUSGA FOU 2023 I TE ALOFA O TE ATUA.

Rev Suamalie Naisali Tafaki Iosefa Naisali.

Send a message to learn more

27/04/2020

URCCKTA Sunday School