Saione Parish Papatoetoe

04/09/2026

Tokonaki, Sepitema 05 : 210 Pea ke folahi Atu

P: Sāme 149 Ko e Himi fakahikihiki ‘o e ‘Otua

ʻEkisoto 11:1-10 Ko e tala ´e Mosese ´e mate ´ae ´uluaki tama tangata

E: Mātiu 23:29-36 a Ko e tomu’a tala ‘e Sisū hono tautea

Huluhulu Faka’aho: ‘Ekisoto 11:1-10 Ko e tautea ‘eni hono hongofulu na’e folofola ‘a
Sihova kia Mōsese ke tala kia Felo mo e kakai ‘Isipite. ‘I he tu‘uapō te u ‘alu atu ‘i he
lotolotonga ‘o ‘Isipite pea ‘e mate ‘a e ‘uluaki tama kotoa pē ‘i he fonua ko ‘Isipite. Pea kamata mei he taloni ‘uluaki tama ‘a Felo, ‘uluaki tama ‘a e kaunanga mei he tu’a me‘a momosi pehē ki he ‘uluaki tama kotoa pē ‘a e fanga manu. Pea kenau ‘ilo’i ‘e vahe‘i ‘e Sihova ‘a e kakai ´Isipite mei he kakai ‘Isileli. Na‘e fai ‘e Mōsese mo ‘Ēlone ‘a e ngaahi mana kotoa pē ‘i he ‘ao ´o Felo, ka na’e ‘ikai tokanga ‘a Felo kia kinaua kae kei fakafefeka ke hono loto, pea na‘e ‘ikai te ne tukuange ‘a ha‘a ‘Isileli. Mou faka’utaangeā ko e tautea aofangatuku ‘eni ko e mate pea kuopau ke hoko ia (talanoa kiai vahe 12), ka ‘oku ‘ikai pe ke fakaongo ‘a Felo ia kia Sihova. Ko e ta’u 430 ‘enau nofo popula pea ‘oku ongo ‘aupito kia Sihova hono ngaohikovia ‘a ‘ene kakai fili. ‘Oku ‘iai ‘etau lea Tonga ‘oku pehē, ‘Ko e tala kei kapa na’ane tō ki mala’. Ko e faingamālie ‘eni ke tukulolo ā ‘a Felo ka na’e ‘ikai pe.

LOTU: ‘Otua ‘oku mau kole fakamolemole atu ‘a e ‘ikai kemau fakaongo mo fai ho
finangalo, ‘o hangē ko e lau ‘a e Saame 78:1, “tokanga ‘a hoku kakai, ki he lao ‘oku ou ´atu, fokotu‘u telinga mai ki he ngaahi lea ‘a hoku ngutu”, ‘Emeni

03/09/2026

Falaite, Sepitema 04: Himi 209 Ko e kau noa Masiva LOTU MO E AUKAI
P: Sāme 149 Ko e Himi fakahikihiki ‘o e ‘Otua
´Ekisoto 10:21-29 Ko e fakapo’uli
E: Loma 10:15e-21 Ko e ‘atā ‘a e mo’ui ki ha taha pē
Huluhulu Faka’aho: ‘Ekisoto 10:21-29 Kuo tau lave ki mu’a ki he ongo tautea ‘uluaki mo e
nima, ka ko e houhau ‘a Sihova kia Felo ko e Tu’i ‘Isipite, he ‘ikai tene tukuange ‘a ha’a ‘Isileli
‘a hono kakai, kenau tauhi kiate ia. Pea ko e tautea ‘eni hono hiva ‘a e folofola ‘a Sihova kia
Mōsese, mafao atu ho nima ki langi, pea ‘e hoko ha fakapo‘uli ki he fonua ‘o ‘Isipite´, pea fai
‘e Mosese ‘o hangē ko e folofola ‘a Sihova, pea pehē lau ‘a e folofola na‘e hoko ki he ngaahi
feitu‘u ‘o ‘Isipite ha po‘uli ‘o e po‘uli´, ‘o ‘aho tolu. Pea ‘ikai lava ‘o sio ‘a e tokotaha ki ha taha,
pe tu‘u ha taha mei hono tā‘utu‘anga ‘i he ‘aho ‘e tolu, ka ko ha‘a ‘Isileli pe na’e ma’u maama
42 | P a g e Ko e Falengā Meesi - Vahefonua Tonga O Aotearoa: Siulai — Tisema 2026
‘i honau ngaahi nofo‘anga. Pea neongo e faingata’a kuo nau tofanga ai ka na‘e fakafefeka ‘e
Sihova ‘a e loto ‘o Felo, pea na‘e ‘ikai tukuange kinautolu´ (‘Ekisoto 10:27). ‘Oku tau tui na’e
‘ilo’i ‘e Felo ‘a e me’a ‘e hoko, “pea ne folofola kia Mōsese, ke ‘alu meiate ia pea tokanga,
‘oua na‘ake toe sio ki hoku mata, he ko e ‘aho tene sio ki hoku mata tene mate. Pea tali ‘e
Mōsese, ko ia pē kuo ke folofola ki ai, ‘e ‘ikai teu toe sio ki ho fofonga” (v.28 & 29). Kainga
‘oku tau ako heni, ko e tō ‘a e fakapo’uli ‘oku ne ‘omai ‘a e ‘ata ‘o e mate. Ko Sihova ‘oku ne
fakae’a hono mafimafi, ‘o hangē ko e ‘uluaki ‘aho ‘o e fakatupu ‘a e ‘univeesi ni, na’ane vahe’i
‘a e maama mei he po’uli ke fakamahino ko e ‘Otua´ ‘oku Aoniu ki he me’a kotoa pe. Ko ia
pe ‘a e maama he ko e kakai ‘oku nofo ‘i he po’uli´ ‘oku ‘ikai tetau ‘ilo’i mo tui kia Sihova.
LOTU: ‘Eiki Sihova ‘ako’i kimautolu kemau mo’ui tukulolo kae tuku ‘ā e fakafefeka homau
loto he temau tō ai ki he ‘auha ka mau tui mo muimui kiate Koe, he na’ake folofola, (Sione
8:12), Ko au pē ko e Maama ‘o Māmani: ko ia ‘oku ne muimui kiate au, ‘e ‘ikai ‘aupito
te ne fononga ‘i he po‘uli, ka te ne ma‘u ‘a e maama ‘o e mo‘ui ‘Emeni.

02/09/2026

Tu‘ap**elulu, Sepitema 03: Himi Himi 208 Kapau ‘e Katoa

i. Sāme 149 - Ko e Himi fakahikihiki ‘o e ‘Otua

ii. ‘Ekisoto 9:1-7 - Ko e mate ‘a e monumanu

iii. II Kolinitō 12:11-21 - Ko e hoha’a ‘a Paula ki he kau Kolinitō

Huluhulu Faka’aho: ‘Ekisoto 9:1-7 - Hoko atu pe ‘eni ‘a e talanoa ki he houhau ‘a Sihova kia Felo he ‘ikai tukuange mai ‘a hono kakai kenau tauhi kiate ia. Pea ko e tautea ‘eni hono nima ‘a e loto fefeka ‘a Felo pea folofola ‘a Sihova kia Mosese ke tala kia Felo ‘e mate kotoa ‘a e fanga manu ‘i ‘Isipite. Pea na’e hoko ia, ‘a e fanga manu ‘i he vao, fanga hoosi, fanga ‘asi, fanga kāmeli, pehē ki he pulu mo e sipi,´ kae hao ‘a e koloa mo e fanga manu ‘a ha’a ‘Isileli.

He na’e vahe‘i ‘e Sihova ‘a e fanga manu ‘a ‘Isileli mei he fanga manu ‘a e kau ‘Isipite. Tau sio ange ā ki he loto ta’e fieauna ‘a e Tu’i´, ‘ikai ke tukulolo ā he’e ‘auha hono fonua. ‘Oku tau ako ‘i he folofola ‘o e ‘aho ni, ‘oku taha pe hono ‘uhinga ko e ‘ikai kene ‘ilo’i ‘a Sihova. “Pea tali ‘a Felo, Ko hai ‘a Sihova keu tokanga ai ki he‘ene lea, ‘o tuku atu ‘a ‘Isileli? ‘Oku ‘ikai teu ‘ilo ‘a Sihova, pea ‘e ‘ikai foki teu tuku atu ‘a ‘Isileli”. (Ekisoto 5:2).

02/09/2026

Koe lava lelei 'eni 'a e 'ulu'aki ma'u'angakelesi P**elulu mahina ko Sepitema mei he Vahenga ngaue Saione Papatoetoe. Pea ko Nau Ha'akili Terepo 'a e takimu'a lotu.

Fakamalo atu pea fakafeta'i ki he 'eiki koe’uhi ko ho'o tongia 'a e fatongia 'oe efiafi ni ko ho'o fai koe sio 'a e tangata ka koe hoifua mai 'a e Laumalie Mā'oni'oni. Malo 'e ma'u akonaki moe fekau tapu'aki ke faka'inasi'aki 'a e ngaahi famili 'o e siasi 'o hange koe faka'amu mai 'a e Kaveinga lotu ketau fili ke tonu pea mo hai tetau fili ai. KO HAI HA TAHAVPIKI MA'U PE SISU PE SISU PE.

Fakatauange pea mo 'ene 'alo'ofa kene fakapulupulu'aki koe mo ho'o famili 'aki 'ene kelesi pea mo 'ene me'esi.

Fakamalo atu ki he tangata'eiki faifekau ongo setuata moe ngaahi famili kotoape hono tokanga'ekina mo tauhia mai etau ngaahi ma'u'angakelesi. Pea ko 'etau lotu pe ia ke afeitaulalo mai 'a ene tapu'aki 'o fa'ofale he ngaahi lotofale kotoape 'o e siasi mo fakamonu'ia'i foki. GOD BLESS MOE 'OFA ATU .

(i) FAILOTU: Kāveinga - Fili ke pau, Fai ho’o fili he ‘aho ni, Ko hai ‘oku ke fili ki ai?

(ii) Lesoni Huluhulu - Mātiu 12:30 - Ko ia ‘oku ‘ikai kau mo au ‘oku ne tu‘u kiate au; pea ko ia ‘oku ‘ikai te ne kau mo au ‘i he fakatahataha ‘oku ne fakamovetevete.

01/09/2026

P**elulu, Sepitema 02, 2026 : Himi 207 Ko e ‘Eiki Tauhi

i. Sāme 83:1-4, 13-18 - Lotu kole ke ikuna’i e fili

ii. ‘Ekisoto 7:14-25 - Ko e toto

iii. Mātiu 12:22-32 - Ko e ui ‘o Sisū ko e P**e ‘o e kau Tēvolo

(i) FAILOTU: Kāveinga - Fili ke pau, Fai ho’o fili he ‘aho ni, Ko hai ‘oku ke fili ki ai?

(ii) Lesoni Huluhulu - Mātiu 12:30 - Ko ia ‘oku ‘ikai kau mo au ‘oku ne tu‘u kiate au; pea ko ia ‘oku ‘ikai te ne kau mo au ‘i he fakatahataha ‘oku ne fakamovetevete.

(iii) MALANGA – Lesoni - ‘Ekisoto 7:14-25

Huluhulu Faka’aho: ‘Ekisoto 7: 14-25 - Ko e taumu’a lalahi ‘e ua ‘a e Tohi ‘Ekisoto´ ko e Tau’atāina mo e Kovinānite pe Fuakava. ‘Oku talanoa ‘a e vahe´ni ki he Tō e ngaahi Fakaevaha ki ‘Isipite pe ko e ngaahi tautea fakalilifu ‘a e houhau ‘a Sihova kia Felo he nofo popula ‘a Ha’a ‘Isileli ‘i ‘Isipite´. Pea ko e ‘uluaki tautea eni ‘i he ‘ofa’aki ‘e Sihova ‘a e tokotoko kia Mosese mo ‘Elone ‘o taa‘i ‘a e vai ‘o e vaitafe Naila ‘i he ‘ao ‘o Felo mo ‘ene kau tamaio’eiki, pea liliu ‘a e vai ‘o e vaitafe ‘o toto. Pea mate ‘a e fanga ika, pehē ‘a e ‘ikai lava ‘a e kakai ‘Isipite ke inu mei he vaitafe, pea ko e toto ko ia na‘e ‘i he fonua kotoa ‘o ‘Isipite. Ko hono ‘omai kiate kitautolu ‘a e talanoa, ‘oku ako’i kitautolu ketau mātu’aki fakaongo ki he le’o ‘o Sihova pea fai ki ai he na’ane folofola kia Mosese ke tala ki ha’a ‘Isileli ko e Huafa ko ia, KO AU KO AU AI PĒ. Pea ne toe folofola, Ko eni ‘a e lea teke fai ki ha‘a ‘Isileli, Ko KO-AU-AI PE kuo ne fekau au kiate kimoutolu (‘Ekisoto 3:14). Ko e ‘Otua ‘oku fai ki he’ene lea, ‘a ‘ene fuakava ke ‘omai ‘a ha’a ‘Isileli mei ‘Isipite ki Kenani, ‘a e fonua ‘o e tala’ofa, ‘a e fonua ‘oku mahutafea ‘i he hu‘akau mo e honi, (‘Ekisoto 3:17 & 6).

LOTU - ‘Otua ‘o e mohu ‘alo’ofa, ko ho’o ‘alo’ofa he na’a ke hoko mai ke veteange ‘a ha’a ‘Isileli mei he nofo popula ‘i ‘Isipite pea fungani hake ‘a e fakatau’ataina mei he angahala. Tokoni’i kimautolu kemau mātu’aki ‘ilo’i Koe, ‘o nofo ma’u, tui mo tauhi kiate Ko e ma’u ai pe, ‘Emeni.

01/09/2026

‘Oku fai fūfūnaki pē, ‘A e p**e ‘a e ‘Otua; Ko e fu’u misiteli ia, Talu mei mu’a ‘i mu’a. ‘Oku ne kofu ‘aki Ia, Ha ‘ao po’uli fau; Pea ne heka he afā, Mo hala he peau.

'Oku tau fakafeta'i he 'aho fakakoloa ni na'a tau kamata pe moe 'eiki pea 'oku tau kei kau pe moe 'eiki 'otau 'ausia mai 'a e 'aho 'ulu'aki ka ko e mahina hono 9. Malo ho'omou kei ma'u ivi fakakakato 'e ngaahi ngafa fatongia hono kotoape mei he uike kuo tau situ'a atu mei ai. Pea tau 'ausia mai 'a e 'aho 'ulu'aki pea 'oku 'iai pe hono pole. '‘Oku vave ‘eku ‘alu atu; kuku ke ma‘u ‘a e me‘a ‘oku ke ma‘u, ke ‘oua na‘a to‘o ho kalauni ‘e ha taha kehe. Amen

NGAAHI FANONGONONGO VAHENGA NGAUE PAPATOETOE.

Ne lava lelei foki 'a e kii' ma'u'angakelesi makehe (LOTU HUFIA he 'aho ni. Fakafeta'i ki he 'eiki.

1. PULELULU 2, TAIMI 7PM KOE MAU'ANGAKELESI PULELULU PEA KO NAU HA'AKILI TEREPO.

2. FALAITE 4, TAIMI 6PM KOE POLOKALAMA IA 'A E YOUTH.

3. TOKONAKI 5, TAIMI 4PM KOE KALUSETI IA 'A E POTUNGAUE 'A FAFINE. PEA KOE 5PM KOE AKOHIVA 'A E HIVA LAHI.

4. SAPATE 6, TAIMI 9:30AM KO E LAUTOHI FAKASAPATE.
4.1 - MALANGA, SAKALAMENITI MOE POLOTU'AHO TAIMI 11AM - REV SAIA NAEATA FA'AMASA
4.2 - KOE PAIPAKI 'A E POTUNGAUE 'A TANGATA 5PM.

Ka 'e toe 'iai ha feliliu'aki 'e toki fanongonongo atu pe.

Fakamanatu atu ai pe lau 'etau folofola FELOTU'AKI mo tau FEHUFIA'AKI hotau ngaahi famili moe ngaue kotoape 'a e siasi.

SHALOM, GOD BLESS.

01/09/2026

Fakafeta'i ki he 'eiki koe'uhi koe kelesi moe tapu'aki 'oku ma'u 'otau 'ausia ai e mahina fo'ou ni ka koe mahina 'a ha’a FAFINE. MALO SISU.

Koe lava lelei 'eni 'a e ki'i mau'angakelesi makehe (LOTU HUFIA) mei he Vahenga ngaue Saione Papatoetoe.

'Oku toe hanga 'e he takimu'a lotu 'o e 'aho ni Paelata Fakakovikaetau 'o toe fakamanatu mai ki he ngaahi lotofale kotoape 'o e Vahenga ngaue Saione Papatoetoe 'a e kau mahaki'ia fakasino hono kotoape koe kau toulekeleka, ko 'etau fanau, 'akinautolu 'I he ngaue'anga faifekau sea Samisoni moe ngaahi kupu fekauʻaki ko 'etau ikuna 'a mamani mo hono 'alunga ko 'etau kuku ke ma'u 'ene folofola ka ko Sisu Kalaisi koe matapa ia ki he mo'ui ta'engata. Amen.

Fakamalo atu ho'o kei ma'u ivi kei talanoa ki he lelei 'a e 'Otua. Fakatauange pea mo 'ene kelesi kene fakapulupulu'aki koe pea mo ho'o famili koe'uhi pe ko Sisu.

Fakafeta'i pea fakamalo ki he tangata'eiki faifekau p**e vahenga ngaue Saione Papatoetoe ongo setuata si'i ngaahii fofonga'i fa'e kae pehe ki he ngaahi fofonga'i tamai ho'omou tuku taimi kamou kau mai ki he'etau LOTU HUFIA. 'OFA KE FAITAPUEKINA KIMOUTOLU E HE 'EIKI.

'OFA ATU. GOD BLESS.

31/08/2026

Ko e link ki he'etau LOTU HUFIA ki he 'aho ni.

Kasipa Tuipulotu is inviting you to a scheduled Zoom meeting.

Topic: SAIONE LOTU HUFIA
Time: Sep 1, 2026 12:00 PM Auckland, Wellington
Every week on Tue, 98 occurrence(s)
Please download and import the following iCalendar (.ics) files to your calendar system.
Weekly: https://us06web.zoom.us/meeting/tZMvd-CvrjIqEtINJL-H9rZ_tDYE039yi_FK/ics?icsToken=DAw_Ge2FAAoBg-LA9QAALAAAAN_PA4Mw1Rvm_ASXOcembws3fe2o1g84HaNnEwR1CFB_VJNNUSGbi100JBFBINAZjDUjoLn1Lk4JEt_ekTAwMDAwMg&meetingMasterEventId=ha_bKd8OQTeh1FxwnPlMew
Join Zoom Meeting
https://us06web.zoom.us/j/87209709086?pwd=uO8K6bgGsAacxc5UXNyHbqrHFuOJun.1

Meeting chat link
https://us06web.zoom.us/launch/jc/87209709086

Meeting ID: 872 0970 9086
Passcode: 12345

---

One tap mobile
+6448860026,,87209709086 #,,,,*12345 # New Zealand
+6498846780,,87209709086 #,,,,*12345 # New Zealand

---

Join by SIP
• [email protected]

Join instructions
https://us06web.zoom.us/meetings/87209709086/invitations?signature=eE_1vHxCWaE6HZnqhy8dOaFUgTY6z5bHSW_i8v8UOeY

BEGIN:VCALENDAR PRODID:-//zoom.us//iCalendar Event//EN VERSION:2.0 CALSCALE:GREGORIAN METHOD:PUBLISH CLASS:PUBLIC BEGIN:VTIMEZONE TZID:Pacific/Auckland LAST-MODIFIED:20260721T092906Z TZURL:https://www.tzurl.org/zoneinfo-outlook/Pacific/Auckland X-LIC-LOCATION:Pacific/Auckland BEGIN:DAYLIGHT TZNAME:N...

31/08/2026

Kāveinga Māhina Sepitema 2026: Ko e Kelesi Faifio ‘ofa ‘a e ‘Otua. Ko e ui ke Liukava Mā’oni’oni pea ketau mo’ui fa’a Fakamolemole mo Fakalangilangi ‘Otua.

Lesoni Huluhulu: ‘Efesō 4: 32 - Ka mou anga‘ofa mu‘a ‘i ho‘omou feangai, mo manava‘ofa, pea mou fefakamolemole‘aki, ‘o hangē foki ko e ‘Otua ne ne fakamolemole kimoutolu ‘ia Kalaisi. Ko ia, mou hoko mu‘a ko e kau fa‘ifa‘itaki ki he ‘Otua, ‘o taau mo e fānau kuo ‘ofeina.

Tūsite, Sepitema 01, 2026 : Himi 206 Vakai ko e Me’a

i. Sāme 83:1-4, 13-18 - Lotu kole ke ikuna’i e fili

ii. ‘Ekisoto 5:1-6:13 - Ko e fakataufolofola ‘a Mosese mo ‘Elone kia Felo

iii. Fakahā 3:7-13 - Ko e tohi ki Filatelifia

Huluhulu Faka’aho: Sāme 83:1-4, 13-18: Sāme Fakalotolahi ke Tu’uma’u ‘etau Tui. Fakafeta’i ki he ‘Otua ‘o e Meesi mo e Fa’a-fakamolemole, he ‘oku tuai ki he houhau pea fonu ‘i he ‘Alo’ofa mo e Faitotonu, ko e ‘Alo’ofa ko ia ‘oku ‘o tautolu ‘a e ‘uluaki ‘aho ‘o e hiva’i mahina ‘o e 2026, pea ‘oku ‘iloa mo taku ko e Mahina ‘o Ha’a Fafine he ‘oku fai ai ‘a e tali koau mo e Tukupā, Fakapapau pea mo e Fakafo’ou ‘a e Kovinanite pea mo e ‘Otua´. Talamonū mo e ‘ofa atu ki Ha’a Fafine, fakatauange ketau ma’u ha ngaahi loto fefakamolemole’aki, hangamālie, kae lava ke hā ‘a e langilangi ‘o e ‘Otua ‘i he’etau ngaahi mo’ui mo e teu Tali Ui Mo’ui he mahina ni. ‘I he liukava, fakafo’ou ‘a e mo’ui ‘i he Kelesi Faifio ‘ofa ‘a e ‘Otua ‘iate kitautolu.

Ko e Sāme ‘o e ‘aho ni ko e faka’osi ia ‘o e ngaahi Sāme ‘a ‘Esafe´. Ko e ha’a mamahi’i lotu mo e Tui ‘Otua mo’ui. Taukave’i ‘e he tokolahi na’e fatu ‘a e Sāme ni ‘i he taimi ‘oku talanoa ki ai ‘a II Kalonikali 20:1-25 ‘a e Tu’i ko Sihosafate ‘a e fakamanamana ‘a hono ngaahi fili ke laiki ia. Ko e ngaahi Sāme ‘o e tangi mamahi mo e lau’aitu ka ko e ‘aho ni ko e tautapa kia ‘Elohimi he taimi kuo fasitanunu ai e faingata’a. Ko e fakaloto lahi ‘a e tokotaha fa’u Sāme ‘i he’ene ‘ilo’ilo pau, mo e a’usia ‘oku ‘ikai ha toe taha ‘e fai ki ai ‘a e hufanga malu he taimi ‘o e faingata’a ko ‘Elohimi pe. Pea fai ai ‘ene kole mo e tautapa. ‘E ‘Elohimi, ‘oua te ke fakalongo pē; ‘Io, ‘oua te ke fakaongonoa, pea ‘oua te ke nofo pē, ‘Ela ē.

Lotu: ‘Oku mau fakamo’oni kotoa pe, Ko Sihova pē ‘a e ‘Otua´. Ko hoku ‘Ela Koe, pea teu ‘atu ‘a e fakafeta‘i, Ko hoku ‘Elohimi Koe, pea teu fai ho fakahīkihiki‘i. Temau fakafeta‘i kia Sihova, he ‘oku lelei ia; He ‘oku tolonga ‘o ta‘engata ‘ene ‘alo‘ofa, ‘Emeni.

Veesi Lauloto: Sāme 83:1 & 8 - ‘E ‘Elohimi, ‘oua teke fakalongo pē, ‘Io, ‘oua teke fakaongonoa, pea ‘oua teke nofo pē, ‘Ela ē. ‘Io, ko ho huafa ko Sihova ‘oku hope atu ‘i māmani kātoa.

30/08/2026

Mōnite, ‘Aokosi 31: Himi 205 Sīsū Ko e ‘Afiona

i. Sāme 83:1-4, 13-18 - Lotu kole ke ikuna’i e fili

ii. Ekisoto 4:10-31 - Ko e mafai fai mana ‘o Mosese

iii. Fakahā 3:1-6 - Ko e tohi ki Sātisi

Huluhulu Faka’aho: Fakahā 3:1-6. Ko e tohi na’e fai ki Sātisi na’e makehe ia mei he ngaahi siasi ’e 6 ko ’ē na’e ’i ’Esia Minu. Na’e fakatanga’i e ni’ihi pea hū mai e tui fakahala pe tokāteline loi ’o mo’ua ai e ni’ihi. Ko Sātisi ia ko e mohe fakalaumālie. Ko ’enau tō’onga ’oku pehē ’oku nau mo’ui ka tā ko e koto mate pē. ’Oku nau fakauō mo ’eti ke fai e ngaahi ngāue ke nau hā lelei kitu’a mo pehē ’oku mo’ui honau siasi, kae hili ia ko ’enau ngaahi ngāue ’oku ta’ekakto mo mate fu’u e laumālie. Ko e ’Otua ’oku ne ’afio ki he lotó, ka ’oku ’ikai ko e matamata lelei ’o tu’á. Ko e tohi ni ko hono fafangu kitautolu ke tau ’ā he ko e ’ātunga e mohe kuo ha’u pē fili ’o to’inevea e koló kae mohe pe kau le’o ia. Ko hotau uki ke tau ’ā’ā ’o tuku a e mohe mo e ha’u e fili ’o fa’iteliha ’i he’etau mo’ui. Ta’ofi mo e fakangalingali ke pehē ’oku mo’ui hotau laumālie he ’oku ha ki langi ko e koto mate pē.

Lotu: Fafangu kimautolu ’Eiki ke mau ’ā ’o le’ohi ’emau ngaahi mo’ui na’a mau tō ki ha ’ahi’ahi ’Emeni.

Veesi Laulotu ’o e Uike : Fakahā 3: 6 Ko ia ‘oku telinga, ke ne fakafanongo ki he me‘a ‘oku folofola‘aki ‘e he Laumālie ki he ngaahi Siasi.