Saione Parish Papatoetoe

03/06/2026

Tu’ap**elulu, Sune 04: Himi 117 - ‘Oku fakaongolelei

i. Sāme 33:1-12 - Hiva Fakamālō kia Sihova!

ii. Sēnesi 13:1-18 - Ko e Māvae ‘a ‘Epalame mo Lote

iii. 2 Pita 2:17-22 - Ko e Kau Palōfita mo e Kau Faiako Loi

Huluhulu Faka’aho Sēnesi 13 : 1–18: Ko e foki mai ʻa ʻEpalame mo Lote mei ʻIsipite mo ha koloa lahi. Kae kehe, ko ʻenau ngaahi koloá na’e iku ia ki he ngaahi taʻefelotoi ʻi he vahaʻa ʻo ʻena kau tauhi monumanú, ʻo fakahāaʻi ai ʻe lava ke to e poleʻi ʻe he ngaahi tāpuakí ʻa e ngaahi vahaʻangataé. ʻO tali ‘aki ʻe ʻ Epalame ʻa e anga fakatōkilalo mo e tui, ʻo tuku kia Lote ke ne tomuʻa fili ʻene ʻinasi pea falala ki he talaʻofa ʻa e ʻOtuá, kae ʻikai kumi ki ha lelei pē ʻaʻana. ʻO fili ʻe Lote ʻa e Teleʻa ‘o Sioatani ‘o makatuʻunga ʻi he meʻa ʻoku ne sio ki aí. Kae nofo pe ʻa ʻEpalame ʻi Kēnani, ʻo tataki ʻe he ‘ene tuí.

ʻOku akoʻi mai ʻe he talanoa ko ʻeni, ʻoku mahuʻinga ange ʻa e melino mo e falala ki he ʻOtua ʻi he tupu fakafoʻituitui. ʻI he taimi na’e mavahe ai ʻa ʻEpalame meia Lote, na’e fakapapauʻi ʻe he ʻOtua ʻEne talaʻofa, ʻo fakalahi ʻa e vīsone ʻa ʻEpalame ki he fonua mo hono hako. Ko e tāpuaki moʻoní ʻoku ʻikai haʻu ia mei he meʻa ʻoku tau feinga ke taukaveʻi maʻatautolu, ka mei he falala ki he tokonaki faitōnunga ʻa e ʻOtuá.

Lotu: ‘Eiki ‘Otua, tuku kemau ma’u ho ngaahi tāpuaki ‘i he tui atu atu ki he ‘Afiona. ‘Emeni

03/06/2026

Ka ko e Taukapo, ko e Laumālie Mā‘oni‘oni, ‘a ia ‘e fekau mai ‘e he Tamai ‘i hoku hingoa, ko e Toko Taha ko ia te ne ako kiate kimoutolu ‘a e me‘a kotoa pē, pea te ne fakamanatu kiate kimoutolu ‘a e me‘a kotoa pē kuo u lea‘aki kiate kimoutolu. {Sione 14:26}
Fakafeta'i ki he 'eiki ki he 'aho fakakoloa ni mo hono fu'u tapu'aki. Koe lava lelei 'eni 'a e ma'u'angakelesi Pulelulu mei he 'api ko Saione. Pea ko Mosese Tenefufu 'a e takimu'a lotu 'o e efiafi ni.
'Oku ou puke 'a e faingamalie ni keu fakafofonga'i atu 'a e tangata'eiki faifekau p**e vahenga ngaue Saione Papatoetoe Rev Saia Naeata Fa'amasa ongo setuata Uhila Manase mo Mosa'ati Pauta ha fakamalo atu kiate koe koe'uhi ko ho'o teu he lilo pea moe 'eiki koe'uhi koe kaveinga lotu moe lesoni TAPU'AKI 'o e 'aho ni. Fakatauange pea moe kelesi 'o e 'aho ni kene fakapulupulu'aki koe 'o hange pe koia 'oku tokanga mai kiai 'a e kosipeli 'o e 'aho ni ke fakafonu'aki koe mo ho'o famili ha ngaahi tapu'aki fakalangi.
Fakamalo atu ki he ngaahi lotofale kotoape 'o e siasi hono tauhia mo lotua mai 'a e ngaahi lotofale moe ngaue kotoape 'a e siasi. Ko Sihova hotau koeli moe moihu kene tataki pe kitautolu he ngaahi va'ihala 'o e fononga'anga.

'OFA ATU MOE LOTU.

02/06/2026

Pulelulu, Sune 03, 2026 : Himi 116 - Pea ka ne lahi hake

i. Sāme 29 - Ko e folofola mai ‘a Sihova he afā

ii. Siope 39:26-40:5 - Ko e tali ‘a Sihova kia Siope

iii. Sione 14:25-26 - Ko e Laumālie ‘o e Taukapo

FAILOTU: Kaveinga: Ke tau tali loto kakato, hotau taukapo, mo e fale’i te ne fai ma’atautolu [Sione 14:26]

Lēsoni Malanga : Siope 39:26-40:5.

Huluhulu Faka’aho Siope 39:26-40:5: KO HONO FAKAHAA’I ‘E SIHOVA HONO MĀFIMAFÍ KIA SIOPE. ‘Oku tau ‘ilo kotoa pē ko Siopé ko e tangata na’e haohaoa mo angatonu, pea na’e ‘apasia ki he ‘Otuá mo afe mei he koví. Na’e ‘iloa taha pē ‘a Siope pea tomo hake ‘i he kakai kotoa pē ‘o e potu hahaké, koe’uhi ko ‘ene tu’umālié, ‘i he me’a kotoa pē.

Na’e faka’atā ‘e he ‘Otuá ‘a Setane ke ne ‘ahi’ahi’i ‘a Siope ka e tapu ke ne ala ki he’ene mo’uí. Mo’oni pē hono viki mai ‘a e mo’ui angatonu mo haohaoa ia ‘a e Pēteliake ni, he neongo hono kai fakateketekefili ia he hangatāmakí, fakataha mo ia mo e fakalahi mamahi hono ngaahi kaume’á, ‘o ‘ikai ha tokoni pē ha fakafiemālie, pea mo e tali ngangau na’e fai ‘e hono uaifí, ka na’e kei pukepuke pē ‘e Siope ‘a ‘ene tuí. Neongo ‘a ‘ene mamahi fu’ú, ka na’e ‘ikai te ne fakatale’i ‘a e ‘Otuá. ‘Oku ou tui ko e vahe fāngofulú, ko e tumutumu ia ‘o e talanoa ‘o Siopé. Ko e ‘a’ahi mai ‘a e ‘Otuá kia Siope, ‘o na fepōtalanoa’aki fakaekinaua pē, pea mahino ai kia Siope ‘a e fu’u ivi mo e māfimafi ‘o e ‘Otuá, pea mo hono ‘ulungaanga haohaoá, pea ‘i he’ene pēhē, pea ‘oku ‘ikai leva to e fiema’u ha to e fakamatala mo ha to e ‘uhinga.

Ko e toko taha fakalelei mo fakafo’ou lotu Palōtisani (Protestant Reformer) ko Mātini Lūtelo (Martin Ruther), ‘i he taimi na’e mate ai hona fohá, pea kaila atu hono malí ‘a Keiti, “Na’e ‘ifē ‘a e ‘Otuá ‘i he taimi na’e mate ai hota foha?” Ko e tali ‘a Mātini Lutelo ki hono hoá, “na’e (‘Otua) ‘i he feitu’u tatau pē na’e pekia ai hono ‘Aló. Na’e ‘i ai pē ‘o ne ‘afio’i e faingata’a’ia mo e mamahi hono ‘Aló, pea na’a ne tengihia ia.” Kau Kalisitiane, ko hotau anga’i tangatá ia, ko e taimi ‘oku hoko mai ai ‘a e faingata’á, ‘o a’u ki he to’o atu hotau ngaahi ‘ofa’anga, pea tau ‘ita, “oku ‘ifē ‘a e ‘Otuá?” ‘Oku fakamo’oni mai a Siope ‘i he ‘aho ni, ‘oku ‘i ai pē ‘a e ‘Otuá, pea ‘oku ne ‘afi’o’i pē ‘a e me’a kotoa, ko e ‘Otuá ko e mā’oni’oni mo e mālohi. ‘Oku ou fakamanatu atu kāinga, ‘oku ‘ikai ha me’a ‘i he lalo la’ā ni te ne fakamāvae kitautolu mei he ‘ofa ‘a e ‘Otuá.

Lotu: ‘E ‘Otua, tokoni mai ke ‘oua te mau hoha’a pe vaivai ‘emau tuí ‘i he taimi ‘oku hoko mai ai ‘a e mamahí mo e faingata’á, he ‘oku kei māfimafi pē ‘a Ho’o ‘Afió, pea ko Ho’o ‘ofá ‘oku hoko ko e vaikau’aki mo e fakafiemālie. ‘Ēmeni.

02/06/2026

Pea ko eni, ‘oku tufa kehekehe ‘a e ngaahi kelesi, ka ‘oku taha ai pē ‘a e Laumālie: Pea ‘oku tufa kehekehe ‘a e ngaahi lakanga, ka ‘oku taha ai pē ‘a e ‘Eiki: Pea ‘oku tufa kehekehe ‘a e ngaahi ngāue, ka ‘oku taha ai pē ‘a e ‘Otua ‘a ia ‘oku ne fai ‘a e ngāue kotoa pē ‘i he kakai kotoa pē. Ka ‘oku tuku ‘a e fakahā‘anga ‘o e Laumālie ki he tangata takitaha, pea ke ‘aonga.

Ko e lava 'eni 'a e ki'i ma'u'angakelesi makehe (LOTU HUFIA) mei he 'api ko Saione ki he 'ulu'aki Tusite 'o e ono'i mahina. Pea koe tokoni setuata Mosa'ati Pauta 'a e takimu'a lotu 'o e LOTU HUFIA 'a e 'aho ni. Fakafeta'i 'e ma'u akonaki moe lesoni tapu'aki 'o e 'aho ni ke tafunaki'aki mo'ui 'a e Laumalie hange pe koia 'oku tokanga mai kiai 'a e 'Ipiseli 'o e 'aho ni. 'OKU TUFA KEHEKEHE 'A E NGAAHI KELESI KA 'OKU TAHA PE 'A E LAUMALIE.

'Oku 'oatu ha fakamalo ki he tangata'eiki faifekau p**e vahenga ngaue Saione ngaahi fofonga'i tamai kae pehe ki he ngaahi fofonga'i fa'e kae pehe ki he ki'i tamai'o'eki Vili Pulu Jr ho'omou tauhia mai 'etau ki'i ma'u'angakelesi makehe (LOTU HUFIA) HE UIKE KOTOAPE. Fakatauange pea moe folofola 'o e 'aho ni kene fakapulupulu'aki kimoutolu 'ene kelesi mo ho'omou ngaahi famili kae pehe ki he toenga ngaahi famili moe ngaue kotoape 'a e siasi. 'OFA ATU MOE LOTU

01/06/2026

Sisu ko ho ta'ata'a, Pea mo ho'o angatonu, Ko 'eku teunga pe ia, Pea matamata lelei. Pea 'oku ou tui ni, Ko hoku ;Eiki pe koe, Mo hoku 'Otua foki, 'Oku ou malu'ia ai. Pea na'e lingi ia, 'I he'eku angahia, Pea koe hao'anga, Ki mamani kotoape.

Monū‘ia ā ka ko kinautolu ‘oku ongo‘i masiva honau laumālie; he ‘oku ‘onautolu ‘a e Pule‘anga ‘o Hēvani. {Matiu 5:3}

'Oku ou puke 'a e faingamalie keu fakafofonga'i atu 'a e tangata'eiki faifekau Rev Saia naeta Fa'amasa ongo setuata 'Uhila Manase mo Mosa'ati Pauta ha fakamalo atu ki he ngaahi lotofale kotokotoatoape 'a e siasi koe'uhi ko ho'omou pikinima 'o 'umo'umataha mai 'o fakakakato 'a e ngaahi ngafa fatongia kotoape na'e lava hono fuesia ha mahina kuo tau situ'a mei ai ka na'e ta'e 'oua 'ene kau mai he'ikai lava ha me'a, ka ko 'ene kau mai 'oku tau kai mo inu he'ene kelesi.

Pea ko 'etau tu'uta mai ki he mahina fo'ou ni mo hono ngaahi pole. 'Oku toki hanga leva 'ai 'e he lesoni huluhulu 'o e mahina ni 'o fakaivia mo fakamaama kitautolu mo e hala fonongo tetau fou ai. ‘Oku lotolotoi ‘iate koe ‘a Sihova ko ho ‘Otua, Ko e Helo ia ‘oku fai fakamo‘ui; Te ne patapatakā ‘iate koe he‘ene fiefia, Kuo a‘u ‘ene ‘ofa ki he nonga; ‘Oku ne tome‘e ‘iate koe mo mavava. Pea ko hotau tapu'aki ia koe'uhi 'oku ne kei 'i vaka 'o takanga'ekina hotau ngaahi lotofale ke 'ou tetau tafia he fononga'anga. Pea ko e LANGILANGI mo e KOLOLIA kotoape 'oku tau foaki kakato kiate ia kane toki fakafua kitautolu ketau NGE'ENGE'E MA'U PE HE'ENE KELESI. SHALOM

NGAAHI FANONGONONGO

1. TUSITE 2 TAIMI 12PM KO E POLOKLAMA LOTU HUFIA 'A E SIASI. PEA 'OKU FAKAAFE'I ATU SAIONE 'AKIMOUTOLU KA 'OKU KE FAINGAMALIE 'E TALITALI LELEI KOE 'E HE ONGO SEKELITALI 'A E 'EVANGELIO.

2. PULELULU 3 TAIMI KO 'ETAU MA'U'ANGAKELESI PULELULU PEA KO MOSESE TENEFUFU 'A E TAKIMU'A LOTU. PEA 'OKU FAKAAFE'I ATU 'A E NGAAHI LOTOFALE 'A E SIASI KA 'OKU KE FAINGAMALIE KI 'E TALITALI LELEI KOE 'E HE ONGO SETUATA.

3. FALAITE 5 TAIMI 7 KOE POLOKALAMA IA 'A E TALAVOU MO E FINEMUI PEA 'OKU FAKAAFE'I ATU 'A E TALAVOU MO E FINEMUI 'E TALITALI LELEI KIMOUTOLU 'E HE SEKELITALI 'A E POTUNGAUE 'ENI.

4. TOKONAKI 6 TAIMI 5PM KO E AKOHIVA 'A E HIVA LAHI PEA 'OKU FAKAAFE'I ATU 'A E KAU HIVA KOE'UHI KOE TEUTEU 'ETAU FATONGIA HIVA KI HE SAPATE.

5. SAPATE 7 TAIMI 9:30AM KO E LLAUTOHI FAKASAPATE PEA 'OKU KOLE ATU KI HE TAUHI MATU'A KE 'OMAI HO'OMOU FANAU KE TEUTEU KINAUTOLU KI HE SIVI LAUTOHI 'O E TA'U NI. PEA 'E TALITALI LELEI KIMOUTOLU 'E HE ONGO PULELAUTOHI.

6. SAPATE 7 TAIMI 11AM KO 'ETAU MALANGA, SAKALAMENITI PEA KOE TANAGATA'EIKI FAIFEKAU REV SAIA NAEATA FA'AMASA 'A E KOSIPELI 'O E SAPATE PEA 'OKU FAKAAFE'I ATU 'A E NGAAHI LOTOFALE 'O E SIASI KI HE'ETAU MA'U'ANGAKELESI SAPATE. 'E TALITALI LELEI KIMOUTOLU 'E HE ONGO SETUATA.
FAKAMANATU ATU AI PE KI HE KAU MALANGA 'OKU FAKA'AMU KEMOU KAU MAI KI HE FAKATAHA MALANGA 'O E KUATA KO SUNE 'E FAI IA HE TUKU 'A E LOTU HE SAPATE.

7. SAPATE 7 TAIMI 5PM KO E PAKIPAKI, LOTU HUFIA MO E AKOHIVA 'A E POTUNGAUE 'A TANGATA.

KAPAU 'E TOE 'IAI HA FELILIU'AKI 'E TOKI FANONGONONGO ATU PE.

Ko e kole atu 'eni ia ki he kau taki 'a e ngaahi potungaue 'a e siasi mo e kau taki'aho koe'uhi ko 'etau Parish Council he Sapate 2 'o e mahina ni. Faka'amu ho'omou lipooti ke 'omai kimu'a he Falaite kahau koe'uhi ke teuteu 'etau pepa fakataha.

Fakamalo atu ki he kalasi'aho Petelihema hono tokanga'ekina 'a e fakamatala'i 'akau 'o Me. Pea ko Kaleli tenau tokanga'ekina 'ekinautolu 'a e mahina ko Sune.

Fakamanatu atu ai pe lau 'etau folofola, felotu'aki mo fehufia'aki hotau ngaahi famili, koe faifekau mo hono famili, ko 'etau kau mahaki'ia fakasino, ko 'etau kau toulekeleka, ko 'etau fanau 'i 'Akalani mo tu'a 'Akalami mo 'enau feinga ako he ta'u ko'eni, ko 'etau kau ngaue he fefononga'aki he hala p**e'anga moe ngaue'anga foki ke malu'i kinautolu mei ha fakatamaki. Koe ngaue kotoape 'a e siasi. Lotua atu foki 'a e tangata'eiki faifekau sea Rev Kalolo Fihaki mo e ngaahi kupu fekau'aki koe'uhi koe ngaue ki he'etau falemaama ke tokoni mai 'a e LAUMALIE 'a e 'OTUA 'o fakamomu'ia mo fakafaingofua'i foki.

GOD BLESS, 'OFA ATU MO E LOTU.🙏🙏🙏💙💙❤️❤️

01/06/2026

Ko etau Link ki he'etau LOTU HUFIA ki he 'aho ni.
Kasipa Tuipulotu is inviting you to a scheduled Zoom meeting.

Topic: SAIONE LOTU HUFIA
Time: Jun 2, 2026 12:00 PM Auckland, Wellington
Every week on Tue, 98 occurrence(s)
Please download and import the following iCalendar (.ics) files to your calendar system.
Weekly: https://us06web.zoom.us/meeting/tZMvd-CvrjIqEtINJL-H9rZ_tDYE039yi_FK/ics?icsToken=DK9TdcuOIQMLHljOlAAALAAAAJveDWfRq6BWthRXSQ12jAlmIjcpgPd7ixiFIkMsrgu81OO9s6wCnC_3I1rDkwITAIilzZA5Uy4rEAnkmTAwMDAwMQ&meetingMasterEventId=ha_bKd8OQTeh1FxwnPlMew
Join Zoom Meeting
https://us06web.zoom.us/j/87209709086?pwd=uO8K6bgGsAacxc5UXNyHbqrHFuOJun.1

Meeting chat link
https://us06web.zoom.us/launch/jc/87209709086

Meeting ID: 872 0970 9086
Passcode: 12345

---

One tap mobile
+6448860026,,87209709086 #,,,,*12345 # New Zealand
+6498846780,,87209709086 #,,,,*12345 # New Zealand

---

Join by SIP
• [email protected]

Join instructions
https://us06web.zoom.us/meetings/87209709086/invitations?signature=eE_1vHxCWaE6HZnqhy8dOaFUgTY6z5bHSW_i8v8UOeY

BEGIN:VCALENDAR PRODID:-//zoom.us//iCalendar Event//EN VERSION:2.0 CALSCALE:GREGORIAN METHOD:PUBLISH CLASS:PUBLIC BEGIN:VTIMEZONE TZID:Pacific/Auckland LAST-MODIFIED:20260306T231828Z TZURL:https://www.tzurl.org/zoneinfo-outlook/Pacific/Auckland X-LIC-LOCATION:Pacific/Auckland BEGIN:DAYLIGHT TZNAME:N...

01/06/2026

Tūsite, Sune 02 : Himi 115 - Sīsū ko ho ta'ata'a

I. Sāme 29 - Ko e folofola mai ‘a Sihova he afā

ii. Siope 39:13-25 - Ko e tali ‘a Sihova kia Siope

iii. I Kolinitō 12:4-13 - Ko e ngaahi mafai fakalaumālie mo e sino pe taha ka e kupu kehekehe


Huluhulu Faka’aho: Siope 39: 13-25: ʻOku folofola ʻa e ʻOtua ʻo kau ki he ʻositalesi mo e hoosi tau ke fakamamafaʻi Hono poto mo e mālohi ʻi he fakatupu. ʻOku hā ngali taʻetokanga ʻa e ʻositalesi, ʻo tuku taʻemaluʻi ʻa hono ngaahi fuá, ka ʻoku teuʻi ia ʻe he ʻOtuá ʻaki ʻa e vave makehe ʻaupito. ʻOku loto-toʻa ʻa e hoosi tau, manavahē mo fiefia ʻi he tau. ʻOku fakamanatu ʻe he ngaahi sipinga ko ʻeni kia Siope (mo kitautolu) ko e ngaahi palani mo e ngaahi taumuʻa ʻa e ʻOtua ʻoku mahulu atu ia ʻi he mahino ʻa e tangata. Ko e meʻa ko ia ʻe ngali faikehe pe taʻepotupotutatau kiate kitautolu, ko e konga moʻoni ia ʻo e palani haohaoa ʻa e ʻOtua. ʻOku poupouʻi kitautolu ʻe he potufolofola ko ʻeni ke tau falala ki he poto ʻo e ʻOtua, ʻo aʻu ai pē ki he taimi ʻoku ongoʻi puputuʻu ai ʻa e moʻui. ʻOku fonu ʻa e fakatupu ʻa e ʻOtua ʻi he misiteli ke fakahāaʻi ai ʻoku Ne p**eʻi ʻa e meʻa kotoa pe ʻi hono taumuʻa mo e mālohi.

Lotu: ‘Eiki tokoni mai ke mau falala ki he poto ‘o e ‘Afiona. ‘Emeni.

31/05/2026

Sune 2026
Kaveinga Mahina Sune 2026 - Ko e Kelesi Faifio 'Ofa 'a e 'Otua - Ko e ui ke Liukava Mā'oni'oni pea fakafeta'i ma'u aipē ki he mea'ofa fungani ka ko e folofola 'i hotau lotolotonga.

Lesoni Huluhulu - Sefanaia 3 : 17 ‘Oku lotolotoi ‘iate koe ‘a Sihova ko ho ‘Otua, Ko e Helo ia ‘oku fai fakamo‘ui; Te ne patapatakā ‘iate koe he‘ene fiefia, Kuo a‘u ‘ene ‘ofa ki he nonga; ‘Oku ne tome‘e ‘iate koe mo mavava.

Mōnite, Sune 01: Himi 114 - ‘Eiki ko e 'ofa 'a'au.

i. Sāme 29 - Ko e folofola mai ‘a Sihova he afā

ii. Siope 38:39-39:12 - Ko e tali ‘a Sihova kia Siope

iii. I Kolinitō 12:1-3 - Ko e ngaahi mafai fakalaumālie.

Huluhulu Faka’aho Sāme 29: ʻOku fakamamafaʻi ʻe he Sāme 29 ʻa e mālohi, fakaofo mo e nāunau ʻo e ʻOtua. ʻOku fakatātāaʻi ʻe Tevita ʻa e leʻo ʻo e ʻEiki ʻoku mālohi mo fakaʻofoʻofa, ʻoku mana ʻi he funga vai, maumauʻi ʻa e ngaahi sita, pea fakatupu ke ngalulululu ʻa e feituʻu maomaonganoa. Neongo ia, ʻoku ʻomi ʻe he ʻOtua tatau pe ʻoku Ne p**eʻi ʻa e matangi ʻa e mālohi mo e melino ki Hono kakai. ʻOku akoʻi ʻe he Sāme ko ʻeni ʻoku ʻikai fakataumuʻa ʻa e mālohi ʻo e ʻOtua ke fakailifiaʻi kitautolu, ka ke fakamanatu mai ʻoku Ne p**eʻi ʻa e matangi kotoa pē ʻi natula pea ʻi heʻetau moʻui.

Naʻa mo e taimi ʻoku ngali moveuveu ai ʻa e ngaahi meʻa, ʻe lava ke tau fakapapauʻi ʻoku kei tuʻu maʻu pe ʻa e ʻEiki ko e Tuʻi ʻo taʻengata. ʻE lava ke luluʻi ʻe Hono leʻo ʻa e māmani, ka ʻoku ʻomi ʻe Heʻene ʻi ai ʻa e melino kiate kinautolu ʻoku falala kiate Ia. ʻ”Oku foaki ʻe he ʻEiki ʻa e mālohi ki hono kakai; ʻoku tāpuakiʻi ʻe he ʻEiki ʻa hono kakai ʻaki ʻa e melino." — Sāme 29:11. Lotu: ‘Otua Māfimafi, tuku ho’o melino ke mau mo’ui ai. ‘Emeni

Veesi Laulotu: Sāme 29: 11: Ko Sihova te ne foaki ivi ki hono kakai; Ko Sihova te ne ‘atu ki hono kakai ‘a e melino mo’onau tāpuaki.

31/05/2026

Pea kuo ne folofola mai, ‘Oku fu‘u lahi ‘eku kelesi ki ho‘o me‘a; he ‘oku toki hā hono ivi kotoa he tu‘u ‘i he vaivai. Pea ka ko ia, pea tā te u fili mu‘a ke fai ‘eku pole vaivai ni, koe‘uhi ke hifo mai ‘a e ivi ‘o Kalaisi, ‘o fokotu‘u hono Tāpanekale ‘iate au.

Koe fakafeta’I ia he koloa lelei 'oku ne faka'inasi'aki 'a e POTUNGAUE A TANGATA mei he 'api ko Saione he 'aho tapu'aki ko'eni. Koe lava lelei 'eni 'a e polokalama Pakipaki moe Lotu Hufia, akohiva 'o e Sapate ni. Pea 'oku ou fakafofonga'i atu ai 'a e tangata'eiki faifekau p**e vahenga ngaue Saione Papatoetoe Rev Saia Naeata Fa'amasa ongo setuata Uhila Manase mo Mosa'ati Pauta ha fakamalo ki he Potungaue 'a tangata kei ma'u ivi fakakakato'aki hotau ngaahi fatongia fevahevahe’aki 'a e folofola pea moe toe lotu hufia 'a e ngaahi lotofale moe ngaue kotoape 'a e siasi. Fakatauange pea mo 'ene kelesi ke nofo'ia homou ngaahi lotofale pea ne toe fakafonu tapu'aki foki.
'OFA ATU MOE HUFAKI.

31/05/2026

'E SISU NA'A KE TUKU ATU, MO KOUNA HO'O KAU FAIFEKAU, KE FAI HE POTU FULIPE, 'A E MISINALE LAUMALIE. 'E SISU 'OMI KEMAU 'OFA , SI'I FANGA SIPI MATE NOA, TOE FAI MAI HO ANGI E, MOU MISINALE LAUMALIE.

VE'ESI MALANGA: MATIU 28:19 - Ko ia, ke mou ō, ‘o ngaohi ‘a e ngaahi kakai kotoa pē ko ‘eku kau ako, ‘i he papitaiso kinautolu ki he Huafa ‘o e Tamai mo e ‘Alo mo e Laumālie Mā‘oni‘oni:

Kavenga malanga: KOAU 'ENI FEKAU AU.

Fakafeta'i ki he 'eiki. Koe lava kakato 'eni 'a e ma'u'angakelesi 'o e Sapate faka'osi 'o e mahina ko Me mei he 'api ko Saione. Pea koe fakafofonga Kosipeli 'o e 'aho koe Setuata fale 'o e vahenga ngaue Saione Papatoetoe SALESI FINAU.
'Oku ou puke 'a e faingamalie ni keu fakafofonga'i atu 'a e tangata'eiki faifekau p**e vahenga ngaue Saione Papatoetoe Rev Saia Naeata Fa'amasa ongo setuata Uhila Manase mo Mosa'ati Pauta ha fakamalo atu kiate koe'uhi ko ho'o teu moe 'eiki 'i he lilo koe'uhi pe koe kau tanaki. Fakamalo atu he ma'u folofola moe akonaki tapu'aki ke fakatupulaki'aki 'a e mo'ui fakalaumalie 'a e ngaahi lotofale kotoape 'o e siasi. Fakatauange pea mo 'ene kelesi kene fakapulupulu'aki koe mo ho'o famili 'a e ngaue 'oku ui koe kiai.
Fakamalo atu kihe siasi hono tokanga'ekina mai 'etau ma'u'angakelesi Sapate pea koe taimi pe ia 'oku tau fakafetaulaki ai mo ho 'Otua pea tau ongo'i leva 'oku tau NGE'ENGE'E MA'U PE I HE'ENE KELESI. Hange pe koia 'oku tokanga'ekina mai kiai 'a e Kosipeli 'o e 'aho ni. Ko ia, ke mou ō, ‘o ngaohi ‘a e ngaahi kakai kotoa pē ko ‘eku kau ako. Pea koe tapu'aki pe ia 'o e 'aho fakakoloa ni ke nofo'ia ma'u pe 'ene kelesi iate kitautolu 'o ta’engata.
Fakamalo atu kihe sekelitali 'a e Talavou moe Finemui Uilani mo Poeati Kuli, Tevita Fifita hono tokanga'ekina kinautolu moe fatongia 'oku mou fakakakato he Sapate faka'osi 'o e mahina hono kotoape. 'Ofa ketau malingi mai 'ene me'esi mo 'ene 'alo’ofa kiate kimoutolu hono kotoape mo e feinga ako he ta'u ko'eni.
Happy Birthday atu ki he tokoni tauhi pa'anga hokosia ho'o 'aho fa'ele'i 'Amanaki 'Ofanoa.
'OFA ATU MOE LOTU.