22/03/2026
श्री मालिकादेवीले हामी सबैको कल्याण गरुन !!!
जन्मदिने दत्तं दानं
भक्त्या समर्पितं हि यत्।
तस्य पुण्यफलं देवि
वर्धतां मालिका सदा॥
➥ धार्मिक पर्यटनको केन्द्रका रूपमा निरन्तर उदीयमान रहँदै आएको मालिकादेवी धामको स्तर उन्नति तथा पवित्र कोषको श्रीवृद्धिका निम्ति मध्य नेपाल–१० थानसिङ्ग निवासी श्रद्धेय समाजसेवी व्यक्तित्व श्री रिद्धि बहादुर मल्लज्यूले आफ्नो शुभ जन्मदिनको पावन अवसरलाई धर्ममय बनाउँदै एक प्रेरणादायी उदाहरण प्रस्तुत गर्नुभएको छ। आज चैत्र ८ गते परेको उहाँको जन्मोत्सवको मंगलमय सन्दर्भमा, हिजो मिति २०८२ चैत्र ७ गते सम्पन्न श्री मालिकादेवी दिव्य महाआरतीमा रु १६,३७०। (अक्षरुपी सोह्र हजार तीन सय सत्तरी) रुपैयाँ बराबरको प्रसादीको व्यवस्था गरी देवीप्रति अगाध श्रद्धा, भक्ति र समर्पण अर्पण गर्नुभएको छ । शुभ जन्मदिनको यस पावन अवसरमा श्री मालिकादेवीको असीम कृपा, आशीर्वाद तथा दिव्य संरक्षण सधैं श्रद्धेय समाजसेवी व्यक्तित्व श्री रिद्धि बहादुर मल्लज्यूमा अविरल रहिरहोस - जन्मदिनको धेरै धेरै शुभ कामना ।
समाजसेवी व्यक्तित्व श्री रिद्धि बहादुर मल्लज्यूलाई [नवग्रह शान्ति, आयु–शान्ति, आत्मजन्म–नवजीवन] सहित सुस्वास्थ्य र दीर्घायु जीवनको हार्दिक शुभकामना व्यक्त गर्दछौं।
सम्पूर्ण परिवारमा सुख, शान्ति, समृद्धि, यश, ऐश्वर्य, विद्या, विनयशीलता, प्रेम, क्षमा र सद्भाव सधैं फुलिरहोस भन्ने कामनासहित पावन श्री मालिकादेवीको चरणकमलमा हार्दिक प्रार्थना अर्पण गर्दछौं।
देवी मालिकाको कृपादृष्टिले तपाईंहरूको परिवार सधैं उज्यालो, समुन्नत र मंगलमय बनिरहोस्।
धेरै धेरै धन्यवाद।
“श्री मालिकादेवी संरक्षण तथा विकास समिति” परिवार
मध्यनेपाल–१०, लमजुङ
