15/02/2026
परमेश्वरलाई धन्यवाद होस् कि हिजो मिति २०८२ फाल्गुन २ गतेका दिन यस एलीएजर चर्च काठमाण्डौं, नरेफाँटमा दोस्रो पटक बप्तिस्म कार्यक्रम सम्पन्न गर्न ठूलो विजय दिनुभयो।
सिंगो मण्डली परिवारको कडा आत्मिक परिश्रम र प्रार्थना, मुक्तिको गवाही दिनुहुने र बप्तिस्मका लागि तयार रहनुभएका पवित्रजनहरू, र सबै खाँचोहरू प्रबन्ध गरिदिनुहुने सर्वोच्च परमेश्वरको अनुग्रहद्वारा यस बप्तिस्म कार्यक्रम आशिषपूर्ण र सफलतापूर्वक सम्पन्न भयो।
दुनियाँले हाम्रा बारेमा कस्तो धारणा बनाउँछ भनेर कोहीकसैसँग थरकमान हुँदै काम गर्ने होइन, तर प्रभुमा इमान्दारपूर्वक विश्वासयोग्य भएर उहाँको काम निरन्तर गरिरहने हो र त्यसको आत्मिकफलहरू देखेर नै बिरोधीहरूको मुख चुप हुनेछन्। कारण जसलाई थर्काउनुपर्ने हो त्यसको मुटु नै हल्लिने गरी जरैदेखि थर्काइसकिएको छ। शैतान पराजित भैसकेको छ र हाम्रा प्रभु येशू ख्रीष्टमा विजयी निश्चित छ।
"अनि तिनीहरूकहाँ आएर येशू तिनीहरूसँग यसो भन्दै बोल्नुभयो: “स्वर्ग र पृथ्वीमा सारा अधिकार मलाई दिइएको छ।
यसकारण तिमीहरू जाओ, र सबै जातिहरूलाई चेला बनाओ, तिनीहरूलाई पिताको, पुत्रको र पवित्र आत्माको नाममा बप्तिस्मा देओ,
मैले तिमीहरूलाई जे-जे आज्ञा गरें, ती सबै तिनीहरूलाई पालन गर्न सिकाओ; अनि हेर, म सधैंभरि, अँ, संसारको अन्तसम्म नै तिमीहरूको साथमा छु।” आमेन!"
- मत्ती २८:१८-२०
