Dhading Sasaha Ishai Church-धादिङ ससाहा इसाई चर्च

30/05/2026

22/05/2026

धादिङ ससाहा इसाई चर्चको पदस्थापन तथा अभिषेक कार्यक्रम
धादिङ जिल्लास्थित ससाहा इसाई चर्चको सेवकीय इतिहासमा वरिष्ठ सेवक पास्टर सुपसिङ तामाङज्यूलाई वि.सं. २०५२ साल फाल्गुण १८ गते रेभ.पा.डा.सिमोन पाण्डेज्यू तथा वरिष्ठ पास्टर कालीबहादुर तामाङज्यूद्वारा अभिषेक गरिएको गौरवपूर्ण क्षणलाई श्रद्धापूर्वक स्मरण गरिन्छ। उहाँको समर्पित सेवकाइ, विश्वासयोग्य नेतृत्व तथा मण्डलीप्रतिको योगदान मण्डलीका लागि प्रेरणादायी रहँदै आएको छ।

यसै आत्मिक तथा आशिषमय अवसरलाई निरन्तरता दिँदै २०८२ साल पौष १६ गते धादिङ ससाहा इसाई चर्चमा आशिषमय वातावरणमा पदस्थापन तथा अभिषेक कार्यक्रम सम्पन्न भएको छ। सो कार्यक्रमको अध्यक्षता स्थानीय चर्चका वरिष्ठ पास्टर सुपसिङ तामाङज्यूले गर्नुभएको थियो। कार्यक्रममा प्रमुख अतिथिको रूपमा रेभ.पा.डा.मंगलमान महार्जनज्यू उपस्थित हुनुहुन्थ्यो भने कार्यक्रमको सञ्चालन तथा उद्घोषण रेभ.पा.वीरबहादुर तामाङ (ओबेद तामाङ) ज्यूले गर्नुभएको थियो।

उक्त विशेष अवसरमा चर्च सेवाको निम्ति निम्न प्रभुका जनहरूलाई प्रार्थनासहित सम्मानपूर्वक अभिषेक गरिएको थियो:

पास्टर
· पा. प्रकाश तामाङ

· पा. प्रेम तामाङ

एल्डर
· ए. बैलामा तामाङ

· ए. राम तामाङ

· ए. धनकाजी तामाङ

डिकन
· डि. लरप तामाङ

· डि. ईश्वरमान तामाङ

· डि. शेरबहादुर तामाङ

कार्यक्रममा उपस्थित सम्पूर्ण सेवकवर्ग, विश्वासीजन तथा अतिथिहरूले नव-अभिषिक्त सेवकहरूका निम्ति विशेष प्रार्थना गर्दै उहाँहरूको सेवकाइ परमेश्वरको महिमाका लागि अझ प्रभावकारी, फलदायी तथा आशिषमय बनोस् भनी शुभकामना व्यक्त गर्नुभएको थियो।

21/05/2026

जयमसीह प्रिय दाजुभाइ तथा दिदीबहिनीहरू,

यस मण्डली भवन निर्माण कार्यमा प्रार्थना, आर्थिक सहयोग, मेहनत र विभिन्न माध्यमबाट साथ दिनुहुने सम्पूर्ण महानुभावहरूमा हामी हृदयदेखि नै धन्यवाद व्यक्त गर्दछौं। तपाईंहरूको प्रेम, सहयोग र बलिदानले गर्दा परमेश्वरको अनुग्रहमा यो निर्माण कार्य अगाडि बढिरहेको छ।

यो भवन केवल इट्टा र सिमेन्टको संरचना मात्र होइन, तर भविष्यमा धेरै मानिसहरूले परमेश्वरको आराधना गर्ने, प्रार्थना गर्ने, आशा र आत्मिक शान्ति पाउने पवित्र स्थान हुनेछ।

निर्माण कार्य अझै जारी रहेकोले कृपया यस भवनलाई आफ्नो प्रार्थनामा निरन्तर सम्झिदिनुहुन विनम्र अनुरोध गर्दछौं। विशेष गरी मण्डली भवन छिट्टै र सफलतापूर्वक पूरा होस्, आवश्यक सम्पूर्ण प्रबन्ध परमेश्वरले गरिदिनुहोस्, र काम गर्ने सबैलाई सुरक्षा, शक्ति र ज्ञान प्रदान गरून् भन्ने प्रार्थना गरिदिनुहोस्।

तपाईंहरूको अमूल्य सहयोग र प्रार्थनाको लागि फेरि एकपटक धन्यवाद। परमेश्वरले तपाईंहरू सबैलाई प्रशस्त आशिष् दिउन ।

धन्यवाद
धादिङ ससाहा इसाई चर्च परिवार

जयमसीह 🙏