01/06/2026
YANZU-YANZU: wasu da ake zargi da kasancewa ’yan daba sun farmaki babban shehin Ɗariqar Tijjaniyya, Sheikh Sharif Tijjani Faira na unguwar Badawa, Nasarawa a Jihar Kano, tare da wasu daga cikin muridansa.
Lamarin ya faru ne a ranar 30/05/2026 da misalin ƙarfe 5:30 na yamma, a lokacin da shehin da mabiyansa suke gudanar da shirye-shiryen wani taro.
Majiyoyi sun bayyana cewa maharan sun kai farmakin ne tare da yin barazana, inda aka ce sun sha alwashin sai sun ga ƙarshen rayuwar shehin.
Bayan faruwar lamarin, an kai rahoto ga jami’an tsaro a Badawa Division Police Station domin ɗaukar matakin da ya dace. Sai dai rahotanni sun nuna cewa har yanzu waɗanda ake zargi da hannu a cikin harin suna ci gaba da yawo a cikin unguwar tare da mak**ansu ba tare da an ɗauki wani kwakkwaran mataki a kansu ba.
Ko da yake jami’an tsaro sun bayyana cewa sun k**a mutum ɗaya daga cikin waɗanda ake zargi, har yanzu sauran suna cikin unguwar suna zirga-zirga ba tare da wata matsala ba, lamarin da ya haifar da damuwa a tsakanin al’umma.
Masu ruwa da tsaki da mabiyan shehin sun yi kira ga hukumomin tsaro da su gaggauta gudanar da cikakken bincike tare da kamo dukkan waɗanda ake zargi domin tabbatar da adalci da kare rayuka da dukiyoyin jama’a.
Kuyi Mana Share Don Sakonmu Ya Kai Inda Ya Kamata
