04/10/2022
A ƙalla Ita ɗariƙa, kayi riƙo da ita, idan ka riƙa ta, zá ta wanke zuciyar ka, ta ɗebe maka nafsu.
Kamar yadda halarori Biyar ne, haka muƙamin ruhi shi ma biyar ne, Daga Sirru, sai ruhu, sai ƙalbu sai aƙalu sai nafsu. Kamar ace hahutu, lahutu, jabarutu, malakutu da Nasutu, Halarori na Allah kenan. Don haka ta hanyar k**a azkarai shi ɗai kasa kayi fana'i cikin halarar farko har zuwa halara ta biyar, halarar ƙarshe. Idan ka gama waɗannan halarorin, ka káma azkaran da ya k**ata kullum asirinsu zai riƙa buɗemaka, amma da sharaɗin halarar ƙarshe, Halarar zamanin ka, kayi fana'i a cikin ta, idan baka yi fana'i a cikin ta ba, to waɗancan basuda amfani gareka, idan kayi fana'i cikin ta sai ta jáwoma waɗancan halarorin, ta gwada maka sirrin su, ka ƙaru, sannan ka ci gaba da tafiya, tafiya a cikin Allah bata da iyaka, tafiyar kashi uku ce: zuwa ga Allah, idan kakai ga Allah, aikin ka zai zama kanayin abu ne saboda Allah, ba don kowa ba,
Sannan tafiya da Allah, idan muƙamin ka yaci gaba, sai kaga ayukkan ka, ba kai kaɗai kakeyin su ba, tare da Allah kake yinsu, Kamar abin noma ne, kai ke noma amma dashi kakeyin noman, to haka Allah ya ke gareka.
Sai tafiya a cikin Allah, mai irin wannan tagiai, bai ganin kai nai, bai ganin aiki nai, bai ganin motsinai, komi ya barma Allah, don haka bai kai keyin aiki ba, Allah ke yin aikin da kanshi, sannan Allah ya ce kai kayi, don ya bashi láda wadda bata da iyaka. Wannan ita ce tafiya babba, tafiyar waɗanda s**a ƙare tarbiyya, duk motsin su a cikin Allah ne, ibadar su ta awá guda tafi ibadar Wanda bai san Allah ba shekara saba'in.
