NKST Church KUJE

11/03/2026

Tomatar, Maaci 11
(Vol 5, No 2, Iyange 30)

ICAN NGI KEN MVE U GBENDA U MYOM

Bibilo: Ekesodu 3:6
"Tsô a bugh a nenge a wan la, lu wan nomso je, lu vaan. Mhôônom kôr un a na, a kaa er: Ngun ka wan u Mbaheberu je."

Ican i tar ne ngi ver ver sha akaa dedoo. Hanma kwagh ngu a ican ker. Aôndo na ian sha u ican i tese se kwaghfan, i taver se asema, i wa se ago iyol u yemen zende u perapera a Na. A yer se ga, gadia undun se ken ican la ga, ngu A lu a vese ker, u taver se asema, wan se kwagh er se kar man a tile vough yô. Ka Ter lu na ian Igipiti kôr Iserael ikpan ye, er Iserael zer vaan a Na yô a ungwa mliam mera, A na ian sha u hiin gbenda u myom ve.

Tsô i mar Mose, lu sha ayange a ican i Iserael i nyoon kpishi, i gen yô i lu wuan ve ônov mba nomso. Er Ter A hemba agee yô ka shie ne i mar Mose ye. Ter er gbenda u myom na, a hide a zua a mwar sha ikyev i or u wuan ônov mba Iserael mba nomso - ka Pharao je la.

Wan la kôr mhôônom, gadia Wantor Pharao kpa fa er wan la lu u ken Mbaheberu yô. Hen ape Ter A ver gbenda u myom Na yô ican ia ban her ga, kpa Una zer mhôônom her er ican la ia hemba ônov Nav ga yô. A ver ishima er se lu mba wan asema, taver ishima ken ican, Un yô Una yima ken mbamtaver mbera cii sha mhôôn.

Ne mba i yila ne sha u lun mbahemenev yô mayange de vôron nen ga, gadia mlu wen una hii ken ican, a za hemen ken ican, je er a kure ken ican yô, kpa de yinan nen ishima ga, gadia ken atsan ne je Ter gbir mhôônom Nav ker. Yesu kpa ican Na hii sha m-mar Na je, a vese ken ican la, A er tom ken ican, A kure ken ican, man ken aan ne cii mhôônom ban ga. Wa ishima, wan u Aôndo!

Msen: Tere, ka sha Teran Wou se zough a ishima taver ye, yô akaa ne a umbur se er mhôônom Ou ma dumbur ken Yesu Kristi yô. Amen.

Copied

07/03/2026

We are a church propagating God's words

07/03/2026

Help us grow our audience by following our page below

https://www.facebook.com/share/1AmjUCLLzE/

We are a church propagating God's words

07/03/2026

Sati, Maaci 7
(Vol 6, No 2, Iyange 26)

DAVIDI KA IKYAV I VAAN A AÔNDO KEN ZAIYOL WASE

BIbilo: Pasalmi 142:1-2
"M vaa a TER genger genger, m zamber a TER genger genger kpaa. M ngu pasen ican yam sha ishigh Nagh, m ngu ôron Un zaiyol wam."

Mliam ka ase kwaghbo ga je, ka gbenda u ka i vaa shie gen la ka u kera za lu u vough ga ye. Nôngo u Kristu u ka u wa ior mkôôm ne, yange ve wa kwase u gen mkôôm er a vaa ku u nom na sha inja ga. Inja na yô lu vaan teren ati a mbatsav mba ve wua nom na la.

Davidi tese se ikyav er doo u vaan shie u zaiyol a tser se yô, kpa hemba doon u vaan a Aôndo u Sha. Davidi kaa er un vaa a Ter genger genger, shi un zamber a Ter genger genger kpaa. Davidi kaa er un ngu pasen ican na sha ishigh ki Ter kua uzaiyol nav cii. Uma u Davidi nyôr ken atsan man uzaiyol kpishi, gadia er Aôndo ver un dedoo yô Satan ta num sha na taver dedoo, nahan a vaa a Aôndo na, a za a mliam man zaiyol na ape gen ga.

Ka ashie a me kwagh a tser se ve se za a mi hen Aôndo wase? Ka se kera ker igbenda yase gaa? Ka se kera nenge ser gbenda u Ter ne a va lihe a gande gaa? Ka se za igba, shin se yevese se yem ape gen, shin mbagen je yô ve wua ayol a ve. Doo ga, Davidi tese se ikyav ape se za a zaiyol wase yô, ka hen Ter. Se vaa a Ter wase, se zamber a Ter, se za atsan ase man uzaiyol asev cii sha ishigh Nagh.

Msen: Ka sha We se suur man a due se a doo ye, yô tese se u zan a zaiyol asev hen Yesu Kristu. Amen.

Copied

03/03/2026

Tomahar, Maaci 3
(Vol 6, No 2, Iyange 22)

DE YEREN MO ISHIGH YOU GA

Bibilo: Upasalmi 102:2
"De yeren mo ishigh You sha iyange i mzeiyol wam la ga; ver ato her a mo, sha iyange i me yila yô, rumun mo fese."

Kwagh ka una tser or, nana gema ashe nana nenge a ior mba lun vea nan kpa i lu nan guda ken ishima. Aôndo kpaa or ka nana fa er ngu a nan yô ken akaa a tseren nan cii kpaa ka nan lu a ishimaverenkeghen.

Iserael wa icam ne sha ci u or u kwagh a hembe nan, ican i tser nan je ape nana za kpa a lu ga, sha u nana pase ican i nan sha ishigh ki Ter yô. Gadia mbaihomov kura ve er mba a Ter ga yô, yem a ve uikyangen ken tar u icaa, lu ve er ka asenge yô, man hemba ve gburu gburu.

Hen zum la ve yila Aôndo, kpa A vengese ga, ve vaa a Na, kpa A ungwa ve ga, tsô huan ve! Tsô ve gba zamber a Na er A de yeren ve ishigh Nagh sha iyange i mzeiyol ve ga, vea yila Un yô A rumun fese.

Bee er Ter kera ngu a vese imôngo ga yô. Ken atsan ase ne se yila Ter, A huan ving! Se vaa a Na, kpa A wa zwa ga. Yô se kpaa, se mba zamber a Na ser, A rumun myer wase ne, gayô nyôr se iyol hen tar wase ne.

Msen: Tere, ashie kpishi ka U lu ving kpa U eren tom, yô i lu nahan sha vese kpaa, ken iti i Yesu Kristu. Amen.

Copied

02/03/2026

https://www.facebook.com/share/1789AnENLX/

Click the link above and follow up with our page
Thank you

We are a church propagating God's words

02/03/2026

Hiitom, Maaci 2
(Vol 6, No 2, Iyange 21)

TER NGU IKYUA A MBA ASEMA A VIHIN VE LA

Bibilo: Pasalmi 34:18
"TER ngu ikyua a mba asema a vihin ve la, yem mba ve lu a ishima i zamber yô."

Asema a shirin ngee ken tar wase kpishi, gadia uzaiyol ngee hen tar wase ne. Ior mba ken uzaiyol dedoo je, gadia atsan tser ior ken tar wue wue. Er i lu tar u ican yô, ior mba ken asema a vihin kpishi je. Se hii ser se ter uzaiyol asev kpa se bee ga, gadia ken mbamlu asev ken tar ne cii, atsan nga ker: Ken yev asev, ganden wase, iyolbeen yase, man ken igyum yase cii.

Kwagh u una na se ishimasurun yô, ka kwaghôron u a due nyian ken Pasalmi ne yô, er asema a vihin se nahan, Ter ngu ikyua a vese, u surun se asema ken atsan a ase. Ter ngu ken atsan a ase vea vese. Nyen lu ken atsan a Iserael vea na, a yima un, a nyôr a na ken Kanaan. A yima ônov mba Iserael ashie kposo kposo. A yem uikyangen vea ve, A lu vea ve ken ican la, shi A hide a ve ken tar ve.

Kwagh u gen yô, se kpa se vihi Ter ishima, nahan A na ian ican tser se, nyôr se iyol. Nahan yô, shi A kegh ato u ungwan zamber wase. Ka shie u zamber Aôndo wase je ne. Vande ngun ikyua a vese, man er ishima i vihi Un a vese yô, se zamber nen Un, A yima tar wase ne.

Msen: Tere, se sugh U u wan se kwagh nyian. Se er U asorabo kpishi, ishima vihi u a vese, kpa se zamber we, yima se ken Wan Wou Ter wase Yesu Kristu. Amen.

Copied