15/10/2025
MATASAN TOTAL SUBMISSION TO AHLUL-BAITY (AS) SUN GABATAR DA MAULUDIN ANNABI MUHAMMAD (SAWW).
Daga: Hassan Midiya Katsina
Da yammacin ranar Laraba, 15 ga watan Oktoba, 2025, dandalin matasan Total Submission to Ahlul-Baity (AS) da ke Katsina, sun gudanar da gagarumin taron Mauludin Fiyayyen Halitta, Annabi Muhammad (SAWW) a ɗakin taron 3Sixty da ke cikin birnin Katsina.
An fara taron ne da addu’a daga bakin babban bako mai jawabi a wajen, Malam Arƙƙam Abdullahi, kafin daga bisani a saurari karatun Al-Qur’ani mai girma daga bakin Malam Ahmad. Daga nan kuma aka rerawa jama’a sabuwar waƙar group ɗin, wadda ta sanya taron ya ƙara ɗaukar hankali da nishaɗi.
Bayan haka aka ci gaba da gabatar da ziyarar Annabi Muhammad (SAWW) tare da muƙaloli da labarci a harshen Hausa da kuma Turanci, inda aka tattauna kan tarihi, ɗabi’u, da muhimmin darasi daga rayuwar Manzon Allah (SAWW).
Taron ya samu halartar manya da ƙananan baki, Maza da Mata, daga cikin da’irar Katsina, tare da shugabanni da wakilan dandalin matasan na da'irar Katsina. Wannan ya nuna irin karɓuwar da wannan dandalin ke samu a tsakanin al’umma da matasa masu kishin addini.
A yayin taron, jami’an gudanarwa na Total Submission to Ahlul-Baity (AS) sun gabatar da jawabi game da dalilin da ya sa s**a kafa group na Total Submission, inda s**a bayyana cewa asalin dandalin ta samo ne daga haɗuwar wasu matasa abokai da s**a yi niyyar isar da saƙon iyalan gidan Manzon Allah (SAWW) cikin hikima da tarbiyya. A cewarsu, daga wannan tunani ne aka kafa wannan dandalin domin ya zama wata cibiyar tarbiyya da ilmantarwa ga matasa, don su kasance masu riƙon addini da tsayin daka a kan gaskiya.
Da yake gabatar da babban jawabin nasa, Sheikh Arƙƙam Abdullahi ya fara ne da salati ga Manzon Rahma (SAWW), tare da gode wa Allah Maɗaukaki bisa damar da Ya ba mu na gudanar da wannan rana mai albarka ta Maulud, wadda matasa ne s**a shirya. Ya bayyana cewa, “Wannan abu abin alfahari ne sosai, ganin yadda matasa s**a ɗauki nauyin
