11/04/2026
Iran Ta Wulakanta Amurka A Pakistan
An dasa mana tunanin cewa lallai Amurka ita ce take da mabuɗin duniya a aljihunta.
Iran ta sauya taswirar darajar ɗan adam a yau, 11 ga Afrilu, 2026. J.D. Vance, Mataimakin Shugaban Ƙasar Amurka, ya sauka a Pakistan da nufin tattaunawa, amma abin da ya faru ya girgiza daukacin fadar White House. Iran ta sanya wa Amurka Deadlock, inda ta ƙi fitowa tattaunawar gaba ɗaya a daren yau.
Wani lokacin, shiru shine abinda ya fi ƙarar bom raɗadi. Iran ta nuna wa Donald Trump cewa ita ba Lebanon ba ce, ba Venezuela ba ce, kuma ba Nigeria ko South Africa ba ce, Iran ita ce Iran. Ta sanya sharudda guda biyu kafin ta zauna a teburin shawara: Na ɗaya, dole Isra'ila ta daina kwarara bom a Lebanon yanzu-yanzu. Na biyu, dole Amurka ta saki dukiyar Iran da ta danne (Frozen Assets) kafin a fara magana. Wannan hikima ce ta kwararru; ba zaka je neman maslaha kana roƙon a ba ka abin da yake naka ba. Dole a ba ka naka, sannan a fara maganar wasu.
Babban abin da ya kamata ka tambayi kanka shine: Wa yake cikin matsin lamba a yanzu? Amurka ce take roƙon sulhu don ta sami numfashin gudanar da harkokinta, yayin da Iran take riƙe da igiyar. Trump ya yi sauri ya rattaba hannu akan wasu sharudda 10 don kawai ya sami hutu, amma yanzu yana ƙoƙarin kauce wa alkawuran sa. Iran kuwa ba ta yarda da yaudara. Sun koyi darasi daga baya; ba za su sake yarda a yaudare su ba yayin da ake tsaka da tattaunawa.
Duk da cewa Amurka tana ci gaba da tura makaman yaƙi zuwa Gabas ta Tsakiya, yin hakan ba tsoro ya ba wa Iran ba, illa ƙara tabbatar mata da cewa babu amana a tare da su. Bayan wannan shirin, akwai ƙattai guda biyu dake goyon bayan Iran, China da Russia. China ba ta son ganin an yi wannan sulhun cikin sauƙi, domin tana son duniya ta ga gazawar Amurka a fili. Iran tana wasan kwaikwayon da ya wuce tunanin kowa; tana amfani da Strategic Distrust don shaqe numfashin diflomasiyyar Yamma.
Idan baka zama babban mai nazari (Analyst) ba, zaka zama abincin farfaganda. Gaskiyar magana ita ce Wanda yake da gaskiya, ba ya tsoron tsayuwa akan ƙafafunsa.
Kuyi register da AREWA TOPUP don samun data akan farashin da kukeso
