01/06/2026
MUN ZAMA KAMAR YAN IZALA
*
**
***
Kafin bayyanar izala, malamai suna da tsarin ilimantar da ɗalibai, komi kaifin basirar ɗalibi dole daga ƙawa'idi zai fara karatun fiqihu, fannin hadisi kuma daga Arba'una, haka-haka dai, amma bayyanar izala sai suke tsallake matakan farko, suna zuwa sama kai tsaye, sai ya zamanto suna karatu amma babu fahimta ƙwaƙƙwara.
To haka matasan mu na faidha s**a zama a yau, a da can in muridi ya karɓi Tijjaniyya, to za a ilimantar dashi hukunce-hukunce da ladubban Ɗariƙa kafin ya shiga babin tarbiyya, duk da dai akwai muƙaddamai masu ƙarfin sirri wayanda suke iya shigar da muridi babin tarbiyya ba tareda ya jima da karbar Tijjaniyya ba, kuma zaka same shi lafiya lau, saboda suna kula da shi a zahiri da baɗini.
A yau sai ka ga muridi iri na kai tsaye ya kinkimo Jawãhirul Ma'aniy ko Rasa'il ko Riyadut Tafsir da wanin haka yana kokuwa da ita, a haka kuma zai ce shi masani ne a Tijjaniyya har ma zai iya bada fatawa ko jayayya da jagororin cikin ta ba tareda ya karanta littattafan sharar fage ba, yana gani kamar ai yafi ƙarfin ƙananan litattafai, bai san a cikin su sirrin fahimtar manyan litattafan suke ba, shiyasa za kaga wanda ya karanta Ruhul Adab da kyau ya fishi kyautata mu'amala da ladabi.
Lokaci yayi da za mu daina yaudarar kan mu, tabbas neman ilimi a kan mu dole ne a Tijjaniyya, amma neman ilimin yana da tsari da mataki, mu nemi sanin matakan neman ilimi don mu riski haske da albarkan dake ciki.
Mu guji rungomu tsarin wancan zawiyyar muddin shehin mu baya yi, misali TARIƘIYYA, yadda zawiyyar ku suke yi ba lallai bane ya zama daidai da wancan zawiyyar, ka bar su da nasu, ka riƙe naka, idan Allah yaso fahimtar da kai sirrin Faidha, kallon ƙuda kawai za kayi ka samu dukkan taraƙi, haka nan fannin karanta littattafan sufanci, ka bi tsarin da shehin ka yake kai, kar kace ai wancan zawiyyar kaza suke karantawa bayan sun yi kaza, in ma kuma dole kana son yin abinda suke yi na taraƙi ko karatu, ka nemi iznin shehin ka tukunna.
KA GA DA
