25/09/2024
Assalamualaikum warahmatullahi wabarkahu.
Dukkan yabo ya tabba ga Allah. Muna godiya a gare shi, muna neman taimakonsa, muna neman gafararsa, Kuma muna neman tsiransa daga sharrace - sharracen rayukanmu da miyagun ayyukanmu. Wanda Allah ya shirye shi babu mai batar dashi, wanda kuma Allah ya batar babu mai shiryar dashi. Ina shaidawa babu abin bautawa da gaskiya sai Allah shi kadai, babu abokin tarayya a gare shi, kuma ina shaidawa cewa annabi Muhammadu (S.A.W) Bawansa ne kuma Manzonsa ne. Allah yayi tsira a gare shi da alayensa da sahabbansa da wadanda s**a bisu da kyakkyawan kwaikwayo har izuwa ranar kiyama, kuma ya yi musu aminci mai yawa.
Bayan haka, Ina mika sakon gaisuwa tare da fatan alkhairi ga Malam Isa Ibrahim Gashua Hafidhahullah. (Zonal Commander of Hisbah Yobe State). Duba da irin namijin kokari da yakeyi wajen sadaukar da lokacin sa wajen karantarwa ba dare ba rana da kuma umarni da kyakkyawan aiki da kuma hani ga mummuna.
Ni Usman Muhammad Bala a madadin dalibanka da ke masallacin waziri bayan Umar Suleiman Central Primary School Gashua.
Ina mika sakon godiya a madadin dalibanka dake masallacin waziri da ma al'umar unguwa baki daya. Kamar yadda muka Sani cewa duk sati Malam Yana karantar damu a wannan masallaci mai tarin albarka a ranaku kamar haka: Asabar ayi "MUWADDA MALIK" Lahadi kuma ayi "RIYADUSSALINA" NA IMAMUN NAWAWI. Sannan idan Ramadan yazo ya kan gudanar da tafsirin Al-Qur'ani mai girma, a rana Ranar Lahadi data gabata ne 19/03/1446A.H Wanda yayi dai-dai da 22/09/2024. Karkashin jagorancin Malam Isa Ibrahim Gashua Hafidhahullah Allah ya bamu ikon Kamala karatun RIYADUSSALINA NA IMAMUN NAWAWI a darasi na dari biyu da goma sha Tara (219) a wannan masallaci na WAZIRI. Wannan littafin anfarashine bayan kammala kitabul akhdari.
Anfara "RIYADUSSALINA" 4/04/1441A.H / 1/12/2019G. Wanda yayi dai-dai da shekara hudu da wata goma sha daya da kwanaki goma sha shida (4years - 11months and 16 days). Muna rokon Allah yasa mu amfana da abinda muka koya.
