13/11/2025
WAKEN TA'AZIYYAR RASUWAR SHEIK GONI IMAM SA'IDU MUSA FUNTUA
Hakan ya ke d'an halilu,
Fasihi Mai ka da zillu,
Zuciyar ka Babu gillu,
Hakan zance ka bai da illu,
Na halin malamin mu babba.
Nayi kuka har na tumaya,
Nai jugum har na tsumaya,
Hawaye na duk sun kwaranya,
Gajiya da tunani sun buwaya,
Na rashin malamin mu babba.
Nai nazari na irin halinsa,
A tsara da sa'assanin sa,
A ciki da wajen garin sa,
Hada' da magauta Yan salasa,
Banga ya malamin mu babba.
Hali na sa dai kitabu,
Da akida babu aibu,
Da sani na akwai da babu,
Bashi roko bashi ba bu,
Sai kyauta gare shi babba.
Allah Kai haske gare shi,
Ka sa Qur'an ya sanshi,
Ya zamu hujja gareshi,
Abin ceto da kanshi,
Yan sam aljanna babba.
Allah ya jikan Malam Babba.
Daga
Engr. Lawal Ibrahim Umar
