Loveworld Swahili.

04/10/2026

01/10/2026

═══════════════════
RHAPSODI YA UKWELI WA KILA SIKU
═══════════════════
UJUMBE WA IBADA ~ MCHUNGAJI CHRIS OYAKHILOME Dsc. Dsc. DD.
══════════════════

IJUMAA, TAREHE 2 OKTOBA 2026
═══════════════════
ALITULETA KWAKE MWENYEWE
═══════════════════

📖Mmeona yale niliyowatendea Wamisri, na jinsi nilivyowachukua ninyi juu ya mabawa ya tai, na kuwaleta kwangu mwenyewe (Kutoka 19:4).

Mungu alipowakomboa wana wa Israeli kutoka Misri, kusudi Lake lilikuwa kubwa zaidi kuliko kuwaokoa kutoka katika dhuluma. Ukombozi ulikuwa mwanzo tu. Nia Yake kuu ilifunuliwa katika maneno Yake k**a yalivyoandikwa katika andiko letu la ufunguzi: Aliwachukua juu ya mabawa ya tai, na kuwaleta Kwake mwenyewe. Hakuwatoa tu kutoka Misri.

Hii inafunua moyo wa Mungu. Lengo Lake siku zote limekuwa ushirika na uhusiano na mwanadamu. Alitaka watu watakaokuwa Wake, watakaotembea na Yeye na kuishi wakifahamu upendo na kusudi Lake. Ndiyo maana aliendelea kusema katika mistari iliyofuata: "...nanyi mtakuwa hazina ya pekee kwangu kuliko watu wote; maana dunia yote ni yangu; nanyi mtakuwa kwangu ufalme wa makuhani, na taifa takatifu..." (Kutoka 19:5-6). Walichaguliwa, wakatengwa, na kuwekwa wakfu kwa ajili Yake.

Yale ambayo Mungu aliyaonyesha kimbele kupitia Israeli yamepata utimilifu wake mkuu zaidi katika Kristo na Kanisa! Kupitia kifo, kuzikwa, na kufufuka kwa Yesu Kristo, umeingizwa katika muungano usiotenganishika na Mungu. Hujatenganishwa na Yeye, ukijaribu kutafuta njia ya kuingia katika uwepo Wake. Umeunganishwa na Bwana na kufanywa roho moja na Yeye: "Lakini yeye aliyeunganishwa na Bwana ni roho moja" (1 Wakorintho 6:17). Mtume Petro alirudia maneno yale yale ambayo Mungu alimwambia Musa alipotangaza kwamba wewe ni "...kizazi kiteule, ukuhani wa kifalme, taifa takatifu, watu wa milki ya Mungu..." (1 Petro 2:9). Kwa Israeli, jambo hili lilitegemea utii wao kwa Sheria, lakini kwetu sisi, ni ahadi iliyotimizwa, urithi wetu ndani ya Kristo.

Sisi ni hazina Yake ya pekee, tukiwa na muungano usioweza kutenganishwa na Yeye. Wewe si mtu wa kawaida anayehangaika na maisha peke yake. Uko ndani Yake, na Yeye yuko ndani yako. Alikutoa gizani na kukuingiza katika nuru Yake ya ajabu, katika maisha ya utukufu, ubora na kusudi la kiungu. Unategemezwa na nguvu Zake, unaongozwa na hekima Yake na kuimarishwa katika baraka Zake. Tembea kwa ujasiri, heshima na kusudi la mtu aliye wa Kristo, Mfalme, na ambaye ametengwa kwa ajili ya utukufu Wake. Haleluya!

SALA
Baba Mpendwa, nakushukuru kwa kunileta katika muungano usioweza kutenganishwa nawe. Nafurahi kujua kwamba mimi ni hazina Yako ya pekee, mtakatifu na niliyetakaswa. Ninatembea nikiwa na ufahamu wa umoja wangu nawe, na ninatimiza kusudi Lako kwa ajili ya maisha yangu kwa ujasiri na furaha, katika Jina la Yesu. Amina.

📚MASOMO YA ZIADA:
Kutoka 19:4-6; 1 Petro 2:9-10; 1 Wakorintho 6:17

MPANGO WA KUSOMA BIBLIA WA MWAKA 1
Wafilipi 1:1-30 & Isaya 33-34

MPANGO WA KUSOMA BIBLIA WA MIAKA 2
Tito 2:1-15 & Yeremia 50

29/09/2026

═══════════════════
RHAPSODI YA UKWELI WA KILA SIKU
═══════════════════
UJUMBE WA IBADA ~ MCHUNGAJI CHRIS OYAKHILOME Dsc. Dsc. DD.
══════════════════

JUMATANO, TAREHE 30 SEPTEMBA 2026
═══════════════════
KUHAKIISHIWA HAKI KWA IMANI
═══════════════════

📖Basi tukiisha kuhesabiwa haki kwa imani, tuna amani na Mungu kwa njia ya Bwana wetu Yesu Kristo (Warumi 5:1).

Mojawapo ya baraka kuu za Agano Jipya ni kuhesabiwa haki kwetu kwa imani. Chini ya Agano la Kale, walitafuta kuhesabiwa haki kupitia Sheria, lakini hawakuipata. Sheria iliweza kufunua dhambi, lakini haikuweza kumfanya mwanadamu kuwa mwenye haki. Lakini katika Agano Jipya, tumehesabiwa haki kwa imani ya Yesu Kristo. Inamaanisha nini kuhesabiwa haki?

Inamaanisha kuachiliwa huru, kutangazwa kuwa huna hatia. Katika Kristo Yesu, Mungu anakutangaza kuwa huna hatia. Unaweza kuuliza, "Lakini ni nini kilitokea kwa makosa au dhambi nilizotenda?" Jibu liko katika Maandiko. Warumi 4:24-25 inasema Bwana Yesu alitolewa kwa ajili ya makosa yetu, na akafufuliwa tena kwa ajili ya kuhesabiwa haki kwetu. Yeye asiyejua dhambi alifanywa kuwa dhambi kwa ajili yetu: "Yeye asiyejua dhambi, alimfanya kuwa dhambi kwa ajili yetu, ili sisi tupate kuwa haki ya Mungu katika yeye" (2 Wakorintho 5:21).

Yesu alichukua nafasi yetu. Alibeba hukumu iliyokuwa dhidi yetu. Kila shtaka lililokuwa dhidi ya wanadamu liliwekwa juu Yake. Lakini sifa zimwendee Mungu, huo haukuwa mwisho wa hadithi. Biblia inasema alifufuliwa tena kwa ajili ya kuhesabiwa haki kwetu. Ufufuko Wake ulikuwa tangazo kwamba matakwa ya haki yalikuwa yametimizwa kikamilifu.

Mungu alimfufua kutoka kwa wafu kwa sababu bei ilikuwa imelipwa kikamilifu. Kuhesabiwa haki kwetu kulikuwa kumethibitishwa. Hii ndiyo sababu Mkristo hahangaiki kupata haki kupitia juhudi binafsi au matendo ya Sheria.

Haki imetolewa kwetu katika Kristo Yesu. Sasa, tuna amani na Mungu. Tuna umoja naye. Haishangazi Biblia inasema, "Basi sasa hakuna hukumu ya adhabu juu yao walio katika Kristo Yesu..." (Warumi 8:1). Hakuna tena utengano, hakuna tena hukumu, hakuna tena mashaka kuhusu hali yako mbele za Baba. Umekubaliwa ndani ya Kristo. Hii
ndiyo maisha ya pumziko na uhakika ambayo Injili huleta. Umesafishwa na Mungu mwenyewe. Kwake Yeye, ni kana kwamba hukutenda dhambi kamwe.

Warumi 3:21-26 inatangaza, "...haki ya Mungu imedhihirishwa... Haki hii hutolewa kwa njia ya imani katika Yesu Kristo kwa wote waaminio, na wote huhesabiwa haki bure kwa neema yake kupitia ukombozi uliokuja kwa njia ya Kristo Yesu... Alifanya hivi ili kudhihirisha haki yake... ili awe mwenye haki na mwenye kuwahesabia haki wale walio na imani katika Yesu." Enenda katika ujasiri, uhuru, na furaha ya kweli hii. Kataa kuishi chini ya hatia, shutuma, au hisia ya kutostahili. Bwana Yesu alitiwa mikononi mwa watu kwa ajili ya makosa yako na akafufuliwa kwa ajili ya kuhesabiwa haki kwako. Utukufu kwa Jina lake milele!

SALA
Baba Mpendwa, nakushukuru kwa kweli tukufu ya kuhesabiwa haki kwangu kwa imani katika Kristo. Ninatembea katika ujasiri, uhuru, na furaha ya kweli kwamba nimetangazwa kuwa mwenye haki na kukubaliwa ndani ya Kristo Yesu. Nakushukuru kwa baraka ya haki yangu na uhusiano mwema nawe, katika Jina la Yesu. Amina.

📚MASOMO ZAIDI:
Warumi 4:24-25; Wagalatia 2:16; Warumi 8:1

MPANGO WA KUSOMA BIBLIA WA MWAKA 1
Waefeso 5:22-6:1-9 & Isaya 29-30

MPANGO WA KUSOMA BIBLIA WA MIAKA 2
2 Timotheo 4:11-22 & Yeremia 48

29/09/2026

MAUNGAMO YA KILA SIKU
Mistari imeniangukia katika sehemu za kupendeza katika mwezi huu wa SEPTEMBA, kwa maana nina urithi mwema. Ninatambua urithi wangu mtukufu ndani ya Kristo, na kupitia kutafakari Neno la Mungu na ushirika na Roho Mtakatifu, nazidi kufahamu na kufurahia urithi wangu ndani ya Kristo. Ninatangaza kuwa akili yangu imebarikiwa kwa mawazo na uvumbuzi unaobadilisha maisha. Nina mtazamo wa mshindi, na hekima ya Mungu imetawala moyo wangu kwa ajili ya matokeo makubwa na ya ajabu katika Jina kuu la Yesu. Utukufu!

Ninaishi maisha ya kiungu (yaliyo juu ya asili) kwa namna ya kawaida; mimi ni wa kwanza na bora zaidi kati ya viumbe vya Mungu; siwezi kuharibiwa wala kupenywa na ushawishi mbaya wa ulimwengu huu, kwa sababu Yeye aliye ndani yangu ni mkuu kuliko yeye aliye duniani. Mimi ni kiumbe kipya; mimi ni wa kiungu. Maisha yangu ni dhihirisho la utukufu na uzuri wa uungu.

Imani yangu inazalisha matokeo yasiyopingika; ninashinda kila hali ngumu kwa sababu Yeye aliye Mkuu anaishi ndani yangu, nami nina nguvu ndani Yake, na katika uweza wa nguvu Zake. Kwa uwezo wa Roho, ninaingizwa katika viwango vya juu vya mafanikio, baraka, na utukufu. Kila mahali ninapoenda, utukufu wa Mungu unafunuliwa na kudhihirishwa kupitia kwangu, kwa maana mimi si mbeba utukufu Wake tu, bali mimi ni utukufu Wake ulio hai. Haleluya!

ZIMESALIA SIKU 24 — ENDELEA KUHESABU!

Healing Streams inakaribia!

👉 Jisajili sasa kupitia https://herald.healingstreams.tv/TAMIAELLI

Toa sadaka kupitia www.give.healingstreams.tv

IJUMAA 23 - JUMAPILI 25
OKTOBA 2026

Saa 8 Mchana (GMT+1) Kila Siku

28/09/2026

28/09/2026

═══════════════════
RHAPSODI YA UKWELI WA KILA SIKU

═══════════════════

UJUMBE WA IBADA ~ MCHUNGAJI CHRIS OYAKHILOME Dsc. Dsc. DD.

══════════════════

JUMANNE, TAREHE 29 SEPTEMBA 2026

═══════════════════

HAWAHI KUKUACHA KAMWE

═══════════════════



📖Nami nitamwomba Baba, naye atawapa Mfariji mwingine, ili akae nanyi hata milele (Yohana 14:16).

Katika Agano Jipya, hatumwombi Bwana awe nasi, wala hatufanyi maombi na kufunga ili asituache kamwe. Tunajua Yeye yuko pamoja nasi na ndani yetu kwa sababu Yeye mwenyewe alisema hivyo. Ukristo ni uhalisia hai wa Kristo ndani yako na pamoja nawe wakati wote; si wakati fulani tu au pale unapohisi hali ya kiroho, bali wakati wote. Wengi hujaribu kupima uwepo wa Mungu kwa kutumia hisia zao. Wanasema, "Ninahisi kana kwamba Mungu yuko pamoja nami," au "Sihisi tena uwepo Wake." Lakini hisia zako haziamui uwepo Wake; Neno Lake ndilo linaloamua. Yeye alisema, "...Mimi nipo pamoja nanyi siku zote, hata ukamilifu wa dahari. Amina" (Mathayo 28:20 NKJV). Alipowaambia wanafunzi Wake maneno haya, walikuwa bado hawajazaliwa mara ya pili.

Leo hii, Roho Mtakatifu hayuko pamoja nawe tu, bali yuko ndani yako wakati wote—iwe unahisi hivyo au la. Bwana Yesu alisema, "...yeye hukaa pamoja nanyi, naye atakuwa ndani yenu" (Yohana 14:17). Kwa kuwa sasa umezaliwa mara ya pili na kumpokea Roho Mtakatifu, umekuwa kitu kimoja na Yeye bila kutenganishika, umeunganishwa na Yeye katika umoja: "Lakini yeye aliyeunganishwa na Bwana ni roho moja" (1 Wakorintho 6:17). Kwa hiyo, uwepo Wake hautegemei hisia zako; unaimarishwa na ukweli Wake. Kutojua hili ndiko kulikofanya wengine wafundishe kwamba Mkristo anapotenda dhambi, ushirika na Mungu huvunjika na Roho Mtakatifu humwacha mtu huyo hadi atakapotubu. Lakini fikiria hili: k**a Roho Mtakatifu angekuacha kweli, ungerudi vipi? Nani angekuongoza na kukurejesha?



Ukweli wenyewe kwamba Mkristo hukemewa na Roho Mtakatifu na kuongozwa kurudi kwenye nuru ya Neno la Mungu unathibitisha kuwa Roho Mtakatifu hakuwahi kuondoka. Hii haimaanishi kuwa dhambi inaruhusiwa; bali, inamaanisha kuwa Roho Mtakatifu hawaachi watoto wa Mungu. Bwana Yesu hakusema atakuwa pamoja nawe pale tu unapofanya mambo kwa usahihi. Hiyo ndiyo nguvu na utukufu wa uhusiano wa Agano Jipya tulionao na Baba.



Roho Mtakatifu ni msaidizi, mwalimu, mwongoza-njia na mfariji wako aliye pamoja nawe daima. Bila Yeye, huwezi kuishi maisha halisi ya Kikristo. Yeye ndiye anayelifanya Neno kuwa hai ndani ya roho yako na kukusaidia kuenenda katika haki. Kwa hiyo, sitawisha ufahamu wa uwepo Wake wa kudumu ndani yako na pamoja nawe. Enenda kila siku ukiwa na uhakika kwamba hauko peke yako kamwe. Msifu Mungu!



SALA

Baba Mpendwa, nakushukuru kwa Roho Mtakatifu aliye baraka, ambaye anaishi ndani yangu na kukaa nami milele. Ninaenenda nikiwa na ufahamu wa uwepo Wake ndani yangu, nikijitiisha kwa uongozi Wake na hekima Yake inayofunika moyo wangu. Ninaongozwa, kuimarishwa, kukemewa na kuwezeshwa na Roho ili niishi maisha ya ushindi leo, nikikuletea utukufu, katika Jina la Yesu. Amina.

📚FUNZO ZAIDI:

Waebrania 13:5; Yohana 14:17; Warumi 8:14



MPANGO WA KUSOMA BIBLIA WA MWAKA 1

Waefeso 5:3-21 & Isaya 27-28



MPANGO WA KUSOMA BIBLIA WA MIAKA 2

2 Timotheo 4:1-10 & Yeremia 47

28/09/2026

MATANGAZO YA SIKU

Natangaza kwamba nimerejeshwa KIKAMILIFU na kuwekwa rasmi na Mungu katika Mwezi huu wa KUKUA ili niwe na matunda katika nyanja zote za maisha yangu! Ninafanya maendeleo na kushinda kila siku kwa sababu mimi si wa kawaida; *mimi ni mshiriki muhimu na wa thamani katika familia kuu ya Mungu*—mshiriki wa mwili wa Kristo, wa nyama yake, na wa mifupa yake. Nimeimarishwa kwa nguvu na uwezo wa kimungu katika roho yangu kwa ajili ya mambo yaliyo juu ya asili *ninapopokea Neema ya Ajabu na Kibali cha Kipekee* katika mambo yote yanayonihusu mimi na nyumba yangu.
Utukufu!

Nina mamlaka; ninaposema imani yangu kwa sauti, milima huhamishwa, mabonde hujazwa na kila njia iliyopinda hunyoshwa! Neno la imani linalobadilisha mambo liko moyoni mwangu na kinywani mwangu, likiwa kali kuliko upanga wowote wenye makali kuwili; kwa hiyo, hali na mazingira ya maisha yanaendana na kusudi la Mungu kwangu. Mimi ni wa Kristo; mimi ni uzao wa Ibrahimu na mrithi kulingana na ahadi. Mbegu ya ukuu iko ndani ya roho yangu. Mimi ni sura na kielelezo cha Kristo aliyefufuka; ninaishi maisha ya mbinguni hapa duniani. Ninaonyesha upendo wake, wema, utukufu, ukamilifu na neema zake kila mahali, nikijaza ulimwengu wangu na maeneo ya mbali kwa utukufu wake! Haleluya!

Mimi si mtoto wa bahati nasibu; kwani Mungu alipanga maisha yangu kwa wema kabla sijazaliwa. Ninatembea katika njia zilizowekwa kwa ajili yangu kabla ya kuwekwa misingi ya ulimwengu na ninafanikiwa katika njia zangu zote. Natangaza k**a kawaida kwamba Neno la Mungu liko moyoni mwangu na kinywani mwangu. Mazingira ya siku yangu yanaendana na mapenzi na kusudi la Mungu kwangu! Ninajijaza mawazo kutoka kwa Mungu pekee ambayo yanaendana na hatima yangu katika Kristo. Mawazo ya ushindi, ongezeko, mafanikio, afya, na nguvu, katika Jina la Bwana Yesu.
Haleluya!

ZIMESALIA SIKU 25 — ENDELEA KUHESABU!

Healing Streams inakaribia! 👉 Jisajili sasa kupitia https://herald.healingstreams.tv/TAMIAELLI

Toa mchango kupitia www.give.healingstreams.tv

Ijumaa tarehe 23 – Jumapili tarehe 25
Oktoba 2026

Saa 8 mchana (GMT+1) kila siku

28/09/2026

*MAUNGAMO YA LEO*
Jumatatu, tarehe 28 Septemba 2026

*Leo, tarehe 28 Septemba 2027* Ninakiri na kutangaza kwamba Mungu amenipa uwezo na mamlaka ya kuamua aina ya maisha ninayotaka kuishi hapa duniani! Hivyo basi, leo ninaachilia nguvu za kufanikiwa, afya, na ushindi maishani mwangu, na kukataa magonjwa, umaskini, giza na kushindwa katika mazingira yangu, nyumbani kwangu, katika taaluma yangu, biashara yangu na katika maisha ya wapendwa wangu.

Zingatia Hili!* Maisha yangu yamejaa utukufu na ninaendelea kuongezeka katika utukufu daima kwa sababu Mungu amefanya makazi yake ndani yangu. Mungu amenibariki kwa uwezo mkubwa usioelezeka wa KUKUA bila kizuizi, na roho yangu iko wazi daima kwa maelekezo na kweli ya Mungu. Roho yangu iko hai, na kila sehemu ya maisha yangu imejaa nuru ya Mungu; kwa hiyo, sitawahi kutembea gizani katika siku au miezi yoyote ya mwaka huu, katika Jina Kuu la Bwana Yesu Kristo. Utukufu wote kwa Mungu! Haleluya!

Ninajua nini kipo mbele yangu kwa ajili ya kesho kwa sababu antena yangu ya kiroho imewekwa katika masafa sahihi. Ninaoana na Roho wa Mungu na mimi ni mwakilishi wa Ufalme wa Mungu hapa duniani, na hakuna kinachoruhusiwa kutokea katika ulimwengu wangu bila mimi kujua.

*Sikilizeni Hili Nyote!* Ninakataa kujiona mdogo maishani, kwa maana Mungu ninayemtumikia ni Mungu avunjaye mipaka! Ninaona ukuu wangu, ongezeko langu na ushawishi wangu ukijitokeza kwa nguvu pande zote *katika Jina Kuu la Bwana Yesu Kristo!* Niko hai kwa ajili ya Mungu, na hivyo Roho yuleyule aliyemfufua Kristo kutoka kwa wafu anafanya kazi ndani yangu. Mwili wangu na viungo vyake vinahuishwa na Roho wa Mungu. Siwezi kamwe kuwa na maisha ya kushuka au kukata tamaa kwa sababu Yeye aliye mkuu anaishi ndani yangu. Haleluya!

💫 *Utukufu wote kwa Mungu wetu!* 💫
Haleluya!!!

ZIMESALIA SIKU 25 — ENDELEA KUHESABU!

Healing Streams inakaribia! 👉 Jisajili sasa kupitia https://herald.healingstreams.tv/TAMIAELLI

Toa mchango kupitia www.give.healingstreams.tv

Ijumaa tarehe 23 - Jumapili tarehe 25
Oktoba 2026

Saa 8 mchana (GMT+1) kila siku

27/09/2026

═══════════════════
RHAPSODI YA UKWELI WA KILA SIKU
═══════════════════
UJUMBE WA IBADA ~ MCHUNGAJI CHRIS OYAKHILOME Dsc. Dsc. DD.
══════════════════

JUMATATU, TAREHE 28 SEPTEMBA 2026
═══════════════════
IJUE INJILI ZAIDI
YA JAMBO LOLOTE LINGINE
═══════════════════

📖Kwa maana siionei aibu Injili ya Kristo; kwa sababu ni uweza wa Mungu uletao wokovu kwa kila aaminiye…(Warumi 1:1).

K**a Mkristo, ikiwa kuna jambo lolote lazima ulifahamu katika ulimwengu huu, ni Injili ya Yesu Kristo. Hakuna maarifa muhimu zaidi, yenye kuleta mabadiliko zaidi, au ya milele zaidi kuliko Injili. Ni ujumbe wa uzima, ufunuo wa haki ya Mungu, na udhihirisho wa wokovu Wake kwa wanadamu wote.

Injili ya Yesu Kristo ni zaidi ya taarifa za kukariri au mafundisho ya kuelezea. Injili ni uzima. Ni Neno la Mungu kumhusu Yesu Kristo—yeye ni nani, na utume wake—kile alichokuja kukifanya. Ikiwa maisha yako hayaendani na yale ambayo Kristo ameyatoa katika Injili yake, basi hujaielewa vyema Injili hiyo.

Uelewa wa kweli wa Injili utakufanya uishi ndani yake na kupata baraka zake zote. Kadiri unavyozidi kuielewa Injili, ndivyo unavyozidi kuwa udhihirisho wake. Maisha yako yatamdhihirisha Kristo kwa asili na bila shida. Maneno yako, mawazo yako, majibu yako, na mwenendo wako vitaoana na ujumbe wa Kristo kwa sababu Injili imeingizwa ndani ya roho yako
na katika ufahamu wako.

Ni k**a yale aliyosema Mtume Paulo katika 2 Wakorintho 3:2, “Ninyi ni waraka wetu, ulioandikwa mioyoni mwetu, unaojulikana na kusomwa na watu wote.” Maisha yako yanakuwa waraka ulio hai; watu watamsoma Kristo kupitia kwako. Wataona uhalisia wa Injili katika tabia yako, katika upendo wako, katika imani yako, na katika ubora wa mwenendo wako pamoja na Mungu.

Hii ndiyo matokeo ya kujitoa kikamilifu kwa Injili; kila sehemu ya utu wako inaoana na ujumbe wake, nawe unazungumza kutokana na utajiri huo. Hivyo, ifahamu Injili kuliko kitu kingine chochote maishani, kwani ni nguvu ya Mungu iletayo wokovu (Warumi 1:16).

SALA
Baba Mpenzi, nakushukuru kwa kunipa ufahamu wa Injili ili nipate uzoefu wa nguvu yake ya kubadilisha maisha yangu. Utu wangu wote umejaa kweli za Injili, na maisha yangu ni kielelezo hai cha Kristo. Maneno, mawazo na matendo yangu yanaoana na mapenzi yako matakatifu, katika Jina la Yesu. Amina.

📚MASOMO YA ZIADA:
2 Wakorintho 3:2-3; Wafilipi 1:27; 1 Wakorintho 9:16; Wakolosai 3:16

MPANGO WA KUSOMA BIBLIA WA MWAKA 1
Waefeso 4:17-5:1-2 & Isaya 25-26

MPANGO WA KUSOMA BIBLIA WA MIAKA 2
2 Timotheo 3:1-17 & Yeremia 46

27/09/2026