20/06/2022
SAƘONNI MASU MUHIMMANCI GA MAI KARATU
SAƘO NA ƊAYA
Matsaloli Guda Huɗu
Sheikh Muhammad bn Abdulwahhab ya ce:
“Da sunan Allah, Mai Rahama, Mai Jinƙai. Ka sani, Allah ya yi maka rahama, ya zama wajibi a kanmu, mu yi karatun wasu matsaloli guda huɗu.
Ta farko : Ilimi. Shi ne sanin Allah, da sanin Annabinsa, da sanin Addinin Musulunci bisa dalilai.
Ta biyu: Aikida, sai.
Ta uku: Kira zuwa gare shi.
Ta huɗu: Haƙuri a kan haɗuwa da cutarwa a cikinsa.
Dalili kuma a kan haka shi ne, faɗar Allah Ta’ala:
“Da Sunan Allah Mai rahama Mai Jinƙayi.
Ina rantsuwa da zamani.
Lalle ne mutum yana cikin hasara.
Face waɗanda s**a yi imani, kuma s**a aikata ayyukan ƙwarai, kuma s**a yi ma juna wasiyya da bin gaskiya, kuma s**a yi ma juna wasiyya da yin haƙuri”.
Imamu Shafi’i Rahimahullah ya ce: Ko da Allah bai saukar da wata hujja ba, ga halittarsa, sai wannan Sura, to ta ishe su.
Shi kuma Imamul-Bukhari Rahimahullah a cikin ingantaccen littafinsa, ya ƙulla babi kamar haka: “Babin Ilimi Kafin Magana da Aiki”. Ya ce:
Dalili a kan haka shi ne faɗar Allah Maɗaukakin Sarki:
“Ka sani ba Ubangiji sai Allah, ka kuma nemi gafara a kan zunubanka. Ka ga a nan ya fara gabatar da ilimi kafin magana da aiki”.
Zamu ci gaba.
