Masallaci Juma'a Jama'atu Nasral Islam Rishi

28/08/2026

Goron Juma'a 🕋🕌📿

(FALALAR TUBA DA ISTIGFARI)

Manzon Allah (saw) yace : "Da za ku yi laifuka har yawan su ya kai yana taɓo sama (saboda yawa) , Sannan ku tuba zuwa ga Allah ta'ala, da Allah ya yafe muku.

FA'IDAR HADISIN
Wannan Hadisi Yana Koya Mana Falala Da Muhimmancin Tuba Da Yawaita Istigfari Daga Dukkan Laifuka Sharaɗin Tuba

1. Yin Nadama
2. Barin Laifin Nan Take
3. Istigfari
4. Yin Aiki Mai Kyau Domin Ya Goge Laifin.
5. Mayar Da Haƙƙi Ga Masu shi Idan Abin Ya Shafi Haƙƙin Mutane.

Allah Ya Bamu Ikon Tuba Da Nadama Daga Dukkan Laifuka Allahumma Ameen Ya Rabbil Alameen 🙏

Juma'at Mufeedah 🕋🕌📿

JNI MEDIA RISHI ✍️

21/08/2026

Bayan Mun Idar Da Juma'a Yanzu Haka, Sai Ga Wani Bawan Allah Yazo Domin Amsar Musulunci.

Bayan Jawabi Daga Bakin LIMAN, An Tanbayeshi Sunan Da Yake So, Sai Yace:
ABDULLAHI (Bawan Allah)

Alhamdulillah Allah Ya Dauwamar Dashi Cikin Addinin Islama 👏

21/08/2026

KHUDUBAR JUMA'A TARE DA MAL Mu'azu Saleh Imam

21/08/2026

14/08/2026

Nasiha Tare Da MAL KABIRU ALQASEEM

12/08/2026

ZIKIRIN SAFE DA MARAICE

Ya Allah! Ka ba ni lafiya a jikina.
Ya Allah! Ka ba ni lafiya a jina.
Ya Allah! Ka ba ni lafiya a ganina.
Babu abin bautawa da gaskiya sai Kai.
Ya Allah! Ina neman tsarinka daga kafirci da talauci, kuma ina neman tsarinka daga azabar kabari.
Babu abin bautawa da gaskiya sai Kai (Sau uku).

JNI MEDIA RISHI ✍️

27/07/2026

ZIKIRIN SAFE DA MARAICE

اَللَّهُمَّ عَالِمَ الْغَيْبِ وَالشَّهَادَةِ فَاطِرَ السَّمَاوَاتِ وَاْلأَرْضِ رَبَّ كُلِّ شَيْءٍ وَمَلِيكَهُ، أَشْهَدُ أَنْ لاَ إِلَهَ إِلاَّ أَنْتَ، أَعُوذُ بِكَ مِنْ شَرِّ نَفْسِي وَمِنْ شَـرِّ الشَّيْطَانِ وَشِرْكِهِ، وَأَنْ أَقْتَرِفَ عَلَى نَفْسِي سُوءاً أَوْ أَجُرَّهُ إِلَى مُسْلِمٍ.

Allahumma 'alimal-ghaybi washshahadah, fatiras-samawati wal-ard, rabba kulli shayin wamaleekah, ashhadu an la ilaha illa ant, a'oothu bika min sharri nafsee wamin sharrish-shaytani washirkih, waan aqtarifa 'ala nafsee soo-an aw ajurrahu ila muslim.

Ya Allah! Masanin abin da ke fake da na sarari! Mai kagen halittar sammai da kassai! Ubangijin komai, kuma mallakinsa! Ina shaidawa babu abin bautawa da gaskiya sai kai. Ina neman tsarinka daga sharrin raina, da kuma sharrin shaidan da shirkarsa, da in tsuwurwurtawa kaina wani abu mummuna, ko in jawo shi ga wani musulmi.

JNI MEDIA RISHI ✍️

24/07/2026

GIRMAN KAI:
LAIFIN DA YASA AKA KORI IBLIS DAGA RAHAMAR ALLAH...

Tare Da:
Mal. Abdullahi Ibrahim Rishi
(IMAM)

Girman kai yana daga cikin manyan zunubai da aka fara aikatawa a halitta. Lokacin da Allah Ya umarci mala’iku da Iblis su yi sujada ga Annabi Adam (A.S), Iblis ya ƙi saboda girman kai, yana ganin ya fi Adam daraja.

Allah Madaukakin Sarki Ya ce:

“Yaƙi, Ya yi Girman kai, kuma ya kasance daga cikin kafirai.”
(Suratul Baqarah: 34)

Saboda haka, ilimi, dukiya, mulki ko matsayi ba su hana mutum fadawa cikin kuskure idan girman kai ya mamaye zuciyarsa ba.
Sau da yawa, mafi girman jarabawar mai ilimi ita ce ya fara ganin ya fi sauran mutane.

Annabi Muhammad (SAW) ya ce:

“Ba zai shiga Aljanna ba wanda a cikin zuciyarsa akwai girman kai ko da nauyin ƙwayar zarra ne.”
(Sahih Muslim)

Don haka, duk wanda Allah Ya ba ilimi mai yawa, ya kamata ya ƙara tawali’u da godiya, domin ilimi ba ya da amfani idan bai haifar da kyawawan ɗabi’u ba.

Allah Ka tsare mu daga girman kai, Ka sanya mu cikin masu tawali’u da karɓar gaskiya.

Ameen Ya Hayyu Ya Qayyum 🤲

JNI MEDIA RISHI ✍️

17/07/2026

KHUDUBAR JUMA'A