https://www.facebook.com/500989893097482/

Yaw Hoo Sar Ministry, Kuala Lumpur (2026)

29/04/2026

#107

ဘုရားသခင်လုပ်ဆောင်ပေးသော အံ့သြဖွယ်နမိတ်လက္ခဏာတွေဟာ သမ္မာကျမ်းစာထဲမှာ များစွာရှိပါတယ်။

ဘာမှမရှိတဲ့နေရာမှာ ကောင်းကင်နဲ့မြေကြီးကို ဖန်ဆင်းခြင်း...

မုဆိုးမ သားမိရဲ့အိမ်မှာ ၃နှစ်ပတ်လုံး ဆီမကုန် မုန့်မကုန်စေခြင်း...

ပင်လယ်နီကို နှစ်ခြမ်းခွဲလျက် လမ်းဖြစ်စေခြင်း...

မုဆိုးမနဲ့ သားနှစ်ယောက်ရဲ့အိမ်မှာ ဆီကိုတိုးပွားစေခြင်း....

ကျောက်ထဲက ရေထွက်စေခြင်း...

မုန်း၅လုံးနဲ့ ငါး၂ကောင်အားဖြင့် လူများစွာကိုကျွေးမွေးခြင်း....

စသဖြင့် အမှုများစွာကို မြင်တွေ့ရပါတယ်။

ဒါဆိုရင် ယနေ့ခေတ်မှာရော... ဒါတွေရှိသေးလား...?

ဟုတ်ကဲ့ ဘုရားသခင်က အချိန်တိုင်း၊နေရာတိုင်း၊အခြေနေတိုင်းမှာ အလုပ်လုပ်နိုင်တဲ့ဘုရား၊ တတ်နိုင်တဲ့ဘုရားဖြစ်ပါတယ်။

သင်နဲ့ကျွန်ုပ်အသက်တာထဲမှာလည်း များစွာသောအမှုကိုပြုပေးနေပါတယ်။

ကျွန်တော်တို့ သတိမပြုမိလို့သာ မသိတာပါ။

ဆင်ခြင်သုံးသပ်ကြည့်ပါ။အသက်တာထဲမှာ ကိုယ်တကယ်မတတ်နိုင်တဲ့အရာတွေ ဖြစ်လာတာအများကြီးမှ အများကြီးပါ...။

God bless you
✍ Yaw Hoo Sar
29.4.2026

03/11/2025

#106

သန့်ရှင်းသောဝိညာဥ်တော်ဘုရားသည်...
ယုံကြည်ခြင်းကိုဖြစ်ပွားစေသူ
ခမည်းတော်နဲ့မိတ်ဆက်ပေးသူ
အပြစ်ကိုဖော်ပြသူ
ပြုပြင်ပေးသူ
တည်ဆောက်ပေးသူ
ခိုင်ခံ့စေသူ
တန်ခိုးကိုပေးသူ
လမ်းပြပေးသူ
ဦးဆောင်ပေးသူ ဖြစ်သည်။

အို... ဝိညာဥ်တော်နှင့်လွှတ်ခြင်းငှါ အဘယ်အရပ်သို့
ပြေးနိုင်ပါမည်နည်း...။

ထိုဘုရားကို လူတိုင်းလိုအပ်သည်။

3.11.2025
✍ God bless you
Yaw Hoo Sar

28/09/2025

#105

မိုးဖွေးဖွေးလေးရွာသော မနက်ခင်းတခုမှာ

နံရံထောင့်နား လူလွှတ်သည့်စားပွဲခုံတခုတွင် အမှတ်တမဲ့ ဝင်ထိုင်မိပါသည်။

လှမ်းကြည့်နေတုန်းမှာပဲ အရွယ်မတူသည့်
လူတစုဝင်သည်။ တဦးနှင့်တဦး လက်ဆွဲနှုတ်ဆက်နေကြသည်။ ခေါင်းလေး တညိတ်ညိတ်ဖြင့်
အပြုံးလေးကိုယ်စီနဲ့ တဦးကိုတဦးလေးလေးစားစား ပြောဆိုနေကြသည်ကို
မြင်ရသောမြင်ကွင်းလေးမှာ ကျေနပ်လျက်
ပီတိဖြာလျက် ဤလူအစုသည် ခရစ်ယာန်ယုံကြည်သူများသာဖြစ်လိမ့်မည်ဟု ကောက်ချက်ချမိပါသည်။

ယုံကြည်သူများအချင်းချင်း၌ နှုတ်ဆက်ခြင်းဖြင့်
ဘုရားသခင်ဘုန်းထင်ရှားပါစေ...

28.9.2025
✍ Yaw Hoo Sar

03/09/2025

#104

နှလုံးကို စောင့်ရှောက်ပါ

ယနေ့ခေတ် လူတွေရဲ့အခြေကိုကြည့်တဲ့ခါ စိတ်ရောဂါတွေ တော်တော်များများဖြစ်နေကြတာတွေ့ရပါတယ်။

စိတ်မနှံ့တာတွေ ရူးတာတွေကို ဆိုလိုတာမဟုတ်ဘဲ
စိတ်ဓာတ်ကျတာ၊ စိတ်အားငယ်တာ၊ ဝမ်းနည်းတာ၊ ဒေါသထွက်တာ... စတာတွေကို ဆိုလိုတာပါ။

စာတန်က အရမ်းအကင်းပါးပါတယ်။
လူတွေကို ဘယ်လိုပုံစံနဲ့တိုက်ခိုက်ရမလဲဆိုတာကို
သူသိပါတယ်။ တချိန်လုံးလည်း သူလေ့လာနေပါတယ်။

စိတ်ဟာ အားအနည်းဆုံးသော အစိတ်အပိုင်းဖြစ်ပေမယ့် အရာအားလုံးကို ဦးဆောင်နေတာပါ။
ဒါကိုသိသွားတဲ့စာတန်က စိတ်ကိုပဲ အဓိကတိုက်ခိုက်ပါတော့တယ်။

ဘုရားကို မြဲမြံစွာ မဆုတ်ကိုင်ထားတဲ့သူ၊
နုတ်ကပတ်တော်၌ မရပ်တည်တဲ့သူကတော့
စာတန်ရဲ့တိုက်ခိုက်ခြင်းကိုခံရတဲ့ခါ ကျရှုံးသွားကြပါတော့တယ်။တချို့များ မိမိကိုယ်ကိုအဆုံးစီရင်သွားတာတွေလည်း ရှိလာကြပါတယ်။

ဒါကြောင့်မို့ အရာရာကိုကြိုသိတဲ့ဘုရားသခင်က စိတ်ကို အထူးဂရုစိုက်ဖို့ နှုတ်ကပတ်တော်မှာ ဖော်ပြထားပါတယ်။

သင်ဟာ အောင်မြက်သူအဖြစ်နဲ့ အသက်ရှင်မလား
ရှုံးနှိမ့်သူအဖြစ်နဲ့ ရှင်သန်မလား?

အောင်မြင်ချင်တယ်ဆိုရင် သင့်ရဲ့နှလုံးကို
အထူးသဖြင့် စောင့်ရှောက်ပါ။

( သုတ္တံကျမ်း 4:23 )
နှလုံးသည်အသက်၏အခြေအမြစ်
ဖြစ်သောကြောင့်၊ သင်၏နှလုံးကို
အထူးသဖြင့်စောင့်ရှောက်လော့။

3.9.2025
✍ God bless you.

02/09/2025

#103

တံငါနားနီးတံငါ မုဆိုးနားနီးမုဆိုး
ဟူသောစကားသည် မှန်လှပါသည်။

ကျွန်တော်တို့လူသားများသည် အကျင့်ကူးစက်တတ်သောသဘောရှိပြီး ထိတွေ့မှုများလာသောအခါ မြဲမြံတွယ်ကပ်လာတတ်ပါသည်။

ထို့ကြောင့် မိမိရှိနေသော နေရာနှင့် ပတ်ဝန်းကျင်ကို အမြဲတစေ ဂရုပြုသင့်ပါသည်။

ကောင်းသောအကျင့်လက္ခဏာရှိသောသူများ
ဘာသာတရား ကိုင်းရှိုင်းသူများနှင့်သာ
အမြဲထိတွေ့ ပေါင်းသင်းဆက်သွယ်သင့်ပါသည်။

2.9.2025
✍ God bless you

20/07/2025

#102

အဘယ်ကြောင့် ဆင်းရဲရသနည်း...?

ငါ့ကျမှ ဆင်းရဲနေလိုက်တာ ဘုရားသခင်မတရားဘူး ဟူ၍ ဒို့များ မကြာခဏ ညည်းတွားဖူးပါသည်။

လူအချို့ကလည်း ဘုရားသခင်သာ ဖန်ဆင်းရှင်ဖြစ်လျှင် အဘယ်ကြောင့် ဆင်းရဲသူနှင့် ချမ်းသာသူဟူ၍ ကွဲပြားအောင်ဖန်ဆင်းရသနည်းဟူ၍ မေးလေ့မေးထ ရှိပါသည်။

အမှန်မှာ အားလုံးကိုဘုရားသခင်ဖန်ဆင်းသည်။
ဆင်းရဲသူဖြစ်စေ ချမ်းသာသူဖြစ်စေ အားလုံးကို ဘုရားသခင်သည် တင့်တယ်လျောက်ပတ်စွာ ဖန်ဆင်းထားခြင်းဖြစ်သည်။အားလုံးကိုလည်း တန်းတူချစ်သည်။တန်းတူ တန်ဖိုးထားသည်။

ဘုရားသခင်ရှေ့တော်၌ အယုတ်၊အမြတ် မရှိပါ။အားလုံးတန်းတူဖြစ်သည်။သို့ဖြစ်ပါသောကြောင့် အဘယ်သူမျှ ဝါကြွားစရာအခွင့်မရှိ၍ သိမ်ငယ်စရာအကြောင်းလည်း မရှိပေ။

အလုံးစုံသော ဖြစ်ခြင်းတိုင်းသည် ဘုရားသခင်၏အလိုတော်အတိုင်း ဖြစ်သည်။

( ထို့ကြောင့်၊ ဘုရားသခင်၏အလိုတော်အတိုင်း ဆင်းရဲခံရသောသူတို့သည်၊ ဘုရားသခင်ကို သစ္စာရှိသော အသက်သခင်ကဲ့သို့မှတ်လျက်၊ ကောင်းသောအကျင့်ကိုကျင့်နေ၍၊ ကိုယ်တော်၌မိမိတို့ အသက်ဝိညာဉ်ကိုအပ်နှံကြစေ။ ၁ပေ ၄း၁၉ )

20.7.2025
Yawhoosar Leme
✍ God bless you

17/07/2025

#101
#အောင်မြင်ခြင်းဟူသည်...

ဘုရားသခင်ရဲ့ အလိုတော်ကို
ဝန်ခံအသက်ရှင်တဲ့အသက်တာက
စစ်မှန်တဲ့ အောင်မြင်သောအသက်တာ
ဖြစ်ပါတယ်ညီကိုတို့။

အလိုတော်ကိုဝန်မခံသော အသက်တာက
ရှုံးနှိမ့်သော အသက်တာ ဖြစ်ပါတယ်။

ဒါကြောင့် မှတ်ထားပါ❗
အလိုတော်ကို ဝန်ခံတဲ့အခါခါတိုင်းမှာ
သင်ဟာ အောင်မြင်ပြီး
အလိုတော်ကို ဝန်မခံတဲ့အခါခါတိုင်းမှာ
သင်ဟာ ရှုံးနိမ့်သွားတာပါပဲ။

17.7.2025
✍ Yawhoosar
God bless you

15/07/2025

#100

တာဝန်ကျေသောသူဖြစ်ပါ

သမ္မာကျမ်းစာထဲမှာ အလုပ်ရှင်ကို သူ့ရဲ့လုပ်အားခကို နေမဝင်ခင်ပေးပါလို့ ပြောထားတာရှိသလို
အလုပ်သမားကိုလည်း ရတဲ့အဖိုးအခအတိုင်း
မခိုမကပ်ဘဲ စေတနာနဲ့ လုပ်ဖို့ပြောထားတာရှိပါတယ်။

ယနေ့ခေတ်ကာလမှာ လူတိုင်းလိုလို မိမိအကျိုး ...
မိမိကောင်းစားဖို့ပဲ ခိုကပ်ကြတဲ့ကာလမှာ
ယုံကြည်သူဘုရားသားသမီးတွေအနေနဲ့ လောကသားတွေလို အသက်မရှင်သင့်ပါ။

ခေတ်အခြေနေ ဘယ်လိုပဲပြောင်းလဲသွားပါစေ
သခင့်စကားကို နားထောင်သောသူဖြစ်လျက်
မိမိတာဝန်ကိုကျေစေသောသူ ဖြစ်ကြဖို့ လိုပါတယ်။

15.7.2025
Yaw Hoo Sar
✍ God bless you

13/07/2025

#099

ငိုကြွေးခြင်း

သမ္မာကျမ်းစာထဲမှာ ငိုကြွေးခြင်းတွေ ခဏခဏ တွေ့ရပါတယ်။

ဒီထဲမှာ သခင်နှစ်သက်သော ငိုကြွေးခြင်းကိုပြုသောသူ အထူးသဖြင့်သုံးဦးကိုတွေ့ရပါတယ်။
ပရောဖက်ယေရမိ၊ ပရောဖက်ဟောရှေနဲ့ သခင်ယေရှုခရစ်တော်တို့ပဲဖြစ်ကြပါတယ်။

ယေရမိကတော့ တောင်ပိုင်းယုဒပြည်မှာငိုကြွေးတဲ့ပရောဖက်ဖြစ်ပြီး ၊ ဟောရှေကတော့ မြောက်ပိုင်းဣသရေလပြည်မှာ ငိုကြွေးတဲ့ပရောဖက်ဖြစ်ပါတယ်။
သခင်ယေရှုကတော့ ယေရုရှလင်မြို့တွက် ငိုကြွေးတဲ့သူပေါ့။

ဘာကြောင့်ငိုကြွေးခဲ့ကြသလဲဆိုရင် သခင့်စကားကိုနားမထောင်၊ ဘုရားသခင်ရဲ့အလိုတော်ကို မလိုက်လျှောက်ဘဲ လမ်းလွဲသွားကြတဲ့တွက် ငိုကြွေးကြခြင်းဖြစ်ပါတယ်။

သင်နဲ့ကျွန်ုပ်ရော ဘယ်သူ့တွက် ငိုကြွေးခဲ့ဖူးပါသလဲ

ဒီလိုမေးခွန်းတွေရှိလာတဲ့ခါ တပါးသူတွက် ငိုကြွေးဖို့စဥ်းစားတတ်ကြပါတယ်။တကယ်တမ်းတော့ မိမိကိုယ်ကိုယ်အတွက် အရင်ဆုံးငိုကြွေးပြီး ဘုရားသခင်ထံ ဆက်ကပ်ကြရမှာဖြစ်ပြီး ထိုနောက်မှ တပါးသူများအတွက် ငိုကြွေးကြရမှာဖြစ်ပါတယ်။

သခင့်ရှေ့၌ ငိုကြွေးခြင်းနဲ့ နိမ့်ချတဲ့အသက်တာ
ဖြစ်ကြပါစို့...

13.7.2025
Yaw Hoo Sar
✍ God bless you

11/07/2025

#098

သမ္မာကျမ်းစာကို

အဆင်ပြေသည်ဖြစ်စေ
အဆင်မပြေသည်ဖြစ်စေ

အချိန်ရသည်ဖြစ်စေ
အချိန်မရသည်ဖြစ်စေ

ဖတ်ချင်သည်ဖြစ်စေ
မဖတ်ချင်သည်ဖြစ်စေ

ပင်ပန်းသည်ဖြစ်စေ
မပင်ပန်းသည်ဖြစ်စေ

လူရှိသည်ဖြစ်စေ
လူမရှိသည်ဖြစ်စေ

ဖတ်ရွတ်ပြီး ဆင်ခြင်မယ်
ဆင်ခြင်ပြီး လိုက်လျှောက်မယ် ဆိုရင်

မြစ်နားမှာပေါက်သော သစ်ပင်ကဲ့သို့ ဖြစ်သည်။

11.7.2025
Yaw Hoo Sar
✍ God bless you

Yaw Hoo Sar Ministry

29/04/2026

03/11/2025

28/09/2025

03/09/2025

02/09/2025

20/07/2025

17/07/2025

15/07/2025

13/07/2025

11/07/2025

Address

Website

Alerts

Shortcuts

Share

Category